今日最後既一次爽啦訓到成2點幾先起身,
因為聽日開始要番學........
不過我其實都係得星期一要番早=0="
所以都冇咩分別哈哈哈,
起身之後搵埋Larry同Gil出去食lunch,
又係去左旺記食冇咩特別,
食完之後Larry唔知咩親戚要過黎Waterford搵佢,
但係佢琴晚先搬入黎連佢自己都唔識路=0="
結果搵左我去帶路唉........
番到屋企都已經4點幾鐘冇咩野做,
繼續睇少年陰陽師第二冊,
睇左兩章咁啦之後就上下網MSN,
同埋順道睇下有冇咩新歌好聽,
點知比我搵到隻正野原來係舊年年尾出既,
我依家先知真係太失敗啦=.="
呢一隻正歌就係阿蘭.達瓦卓瑪既明日讚歌,
正到不得之了真係唔係講笑,
完全係一隻可以一讚再讚既好歌,
我已經足足成年冇搵過一隻歌可以狂煲=0="
所以由搵到呢隻歌之後就成晚都係到煲,
黎到依家都已經煲左幾十次啦哈哈,
想知多D有關呢隻歌既資料就睇今日另外一個post啦~~~~
同時由於呢隻歌真係太正啦,
所以我已經即日加左落去個musics player到啦,
都真係有一段好長既時間冇外語歌啦~~~~~
聽日要番早依家都已經就十點,
hea多陣再煲煲隻歌去訓lu~~~~~

　　捧出了濱崎步、幸田來未、寶兒等紅歌手的日本流行音樂界的龍頭老大艾回唱片，最近開始力捧成都美少女——藏族女孩阿蘭·達瓦卓瑪。阿蘭也是第一個直接被艾回總部簽約、發行日本唱片的藏族女孩。近日，日本總部為阿蘭在東京製作的日文、英文雙語官方網站上線之後，阿蘭演唱的日文歌曲《明日讚歌》的MV也首次驚艷曝光。唱片公司為阿蘭在北海道拍攝的《明日讚歌》MV投資達1500多萬日元(約100多萬元人民幣)，旋律盪氣迴腸，雖然是日文歌詞，但阿蘭的藏歌唱腔依然高亢而鮮明。用藏式唱腔，唱日文歌曲，阿蘭堪稱第一人！據悉，《明日讚歌》EP將於11月21日在日本發行，其中文版不久也將在國內亮相。
　　因為外型靚麗，阿蘭的照片曾在網路上被大量轉載，還有網友都稱她“比天仙妹妹漂亮十倍”，她也因此成為網路紅人。2005年，阿蘭曾發行了一張翻唱發燒專輯《聲聲醉入蘭》。在2006年7月的解放軍藝術學院畢業晚會上，阿蘭還與韓紅搭檔演唱了《天路》，頗受好評。

好啦介紹完個歌手係時間放番隻歌既歌詞啦~~~~~~~

明日讚歌(明日への讃歌)

大地(だいち)に刻(きざ)んだ　相生(あいおい)の
聲なき聲する 慟哭(どうこく)を
その小さいな手には 銀色(ぎんいろ)のおけ
組み入れても 零（こぼ）れ落ちてく
こんな成熟(せいじゅく)した 正しい世界で
愛を告(つ)げる 季節もないのなら
歌え……
優しさとは　偽物（にせもの）たちへ
踴れ……
果（は）てしない空　常（とこ）しえの　祈（いの）り
その黑い水には　無數（むすう）のハエが
言い譯など　意味もない
終わらない夜は　ないのだからと
だれがいったか　口笛（くちぶえ）を吹く今
叫べ……
不可能（ふかのう）とは　青（あお）ざめた羽
屆け……
燃（も）える夕日（ゆうひ）へ
明日への讚歌
屆け……
あどけない指（ゆび）　開（ひら）いては
愛する人よ　今いずこ
歌え……
屆け……

不過打日文都唔會有人睇得明嫁啦=.="
post番個中文解釋版先啦~~~~~~~

深入大地的根
相互依偎著　無聲的痛苦
捧在手上的小桶
水裝進去還是會漏出來
這麼強大的世界裡
沒有訴說愛情的季節
唱吧　問那些罪惡的人們什麼是善良　
跳吧　遙遠的天邊 永遠的祈禱
在又髒又黑的水裡　有無數的蒼蠅
任何的理由都毫無意義
有人說這是個不完之夜
吹這口哨　現在
叫喊吧　這不等於蒼白的翅膀
繼續吧　向燃燒的夕陽　送去明日的讚歌
張開無邪的小手
我們所愛的人　現在在哪?

今朝訓到12點幾先起身啦,
可能琴晚食左宵夜起身都唔餓,
照舊先黎係洗衫先,
番房開機之後MSN左一陣,
之後又玩左幾鋪踩地雷,
早2日先好興奮咁因為又突破左自己既紀錄,
而且距離我既目標仲只差一秒,
開頭諗住雖然係差一秒咁大把,
但係要突然呢一秒都唔係一朝一夕既事,
我諗住點都要過番三五七個星期先得,
點知只係過左冇幾日,
今日我就已經成功咁再一次突破我自己既紀錄,
做到96秒拆99粒既紀錄真係超開心,
唔單只係達成左我一直以黎一秒拆一粒既目標,
而且仲要比呢個目標更好,
真係超開心馬上print番個screen紀念呢一個歷史性時刻!!!

不過依家已經達到我既目標,
變左感覺上好似爆左機咁又唔多想玩=0="
睇黎睇緊既日子悶既時間又會再多嫁啦=.="
之後唔多想睇片於是決定繼續睇書籍儲備,
少年陰陽師第2冊,
一野就煲左成個晏晝睇左成4章,
6點幾好攰唔覺唔覺訓著左=.="
7點比人叫番醒食飯=.="
但係仍然係神智不清渾渾噩噩,
食完晚飯之後take個bath,
番房係咁MSN好忙下,
之後又無無聊聊再睇多2章少年陰陽師,
就係咁依家都就黎2點半啦~~~~
係時候去訓因為都真係幾攰下...............

呵呵今日係4年一次既2月29號丫,
今年仲要係祖國既奧運所以今日好有意義=.="
訓到10點幾比電話嘈醒,
出去Coles到比番部i pod人,
之後就等Gil出黎去左旺記食lunch,
食飽Gil番U我番歸,
番到去繼續煲開左好多日都未完既通靈王,
一直煲到5點幾就6點終於完晒~~~~
其實都真係幾好睇,
唔知點解我之前聽既feedbacks都係話唔好睇=0="
睇完之後又唔多想開新野住,
所以走左去繼續我既書籍儲備,
少年陰陽師第2冊law~~~~~
睇左一章之後食得飯呵呵,
食完飯之後無野特別都係番房自閉=.="
主要都係MSN周圍同人chat下,
一直去到10點幾鐘突然有驚喜,
Crsytal打黎搵Gil話今日剛到步,
問佢出唔出去唱K,
因為佢唔知Gil係同我一齊住,
所以佢問Gil話搵埋佢個housemate,
又問佢識唔識我之後先發現識我哈哈,
佢既反應係好神奇好似唔相信呢個係事實咁,
之後佢個fd丫豪仲要開車過黎接,
我同Gil就行左出去Shell到等,
出到去Northbridge Hit Studio到,
Cathy Could同Alfred已經係到唱緊,
之後佢地12點鐘要交房而我地又book左12點鐘,
所以佢地過埋黎我地間房到唱,
咁多人唔係個個可以時唱嫁嘛,
所以等緊果D又係係到玩games,
輸左罰飲酒law都差唔多成一個月冇飲過啦~~~~
因為剛過去果個假好多人都番晒home country,
我自己9成半時間都係係屋企自閉冇出過去,
唱左2個幾鐘之後Could話唔多舒服同Alfred先走,
之後我地幾個一直唱到3點幾先走,
之後去左食宵夜哈哈真係好享受=.="
食完之後又係坐豪既順風車番去真係唔該晒~~~~~~
番到屋企都已經就5點la,
hea一hea開機上網之後黎打個Blog,
依家已經5點有多啦係時候去沖個涼訓,
因為聽日應該仲係要出去哈哈,
今個2月29真係過得好特別丫,
因為呢個突然而黎既唱K活動~~~~~~~

琴晚打完左個Blog之後閃左去玩踩地雷=0="
結果又再一次成功突破自己既紀錄,
考高級既時候成功咁係100秒拆晒99粒地雷~~~~
呢個咁重要既時刻就梗係要影番張相啦=0="

距離我既目標99秒拆99粒仲差一秒咋~~~~~
玩完呢局之後都開心到乜咁已經11點=0="
本來諗住熄機早D去訓因為今日要早起番學,
點知由於太熱既緣故係張床到輾轉反側左成粒鐘都訓唔到=.="
結果12點鐘起身動用第2本書籍儲備"少年陰陽師第2冊",
煲左兩章之後都已經一點諗住再去訓過,
點知去到點半仍然係訓唔到真係好熱=.="
又起身係走廊行黎行去出去花園吹下風咁=0="
之後同Gil係到吹水又攪到3點再去試下訓,
點知訓到落床仍然係好熱結果都攪到4點幾先訓得著=.="
今朝alarm一響7點鐘又要起身=.="
食左個早餐之後執齊野番歸啦,
等呢一個上學日等左幾內丫真係苦~~~~~~
番到去8點鐘多D先係個noticeboard搵番我個student ID,
之後就係到等夠鐘8點半開始分group,
then過左去208對開個大草地坐,
係果到聽佢講talk真係攞命=.="
坐左一陣個太陽開始出黎晒鬼死=.="
講到大概10點完場有野食有野飲,
10點半再集合跟mentor上班課聽佢廢talk=.="
講完之後就係到等11點入comp lab enrol學科,
好波我地係第一批入lab enrol學科,
login左之後見到全部班都未full~~~~~
完全係任我為所欲為點編都得哈哈哈,
點知世事總唔會有十全十美揀晒4科之後,
佢居然同我話我比唔夠錢呢個sem唔揀得4個units喎=0="
頂丫即刻飛落地下reception到搵肥佬傾傾佢,
可能係我係第一批既緣故落到去都係得3個人排緊隊,
肥佬問左幾句好話就知咩事之後極快同我fix番個problem,
之後我都馬上飛番上lab幾驚因為我落一落黎D靚時間比人揀鬼晒,
好彩我做咩都快一步結果理想達到=.="
番到上去以高部再揀番個完美既時間表,
個時間表真係完美到極點完美到冇得再完美,
完全符合晒我之前所想既條件同編排方式~~~~~
因為收到風知道management同marketing呢2科超難,
所以好多識既舊生都建議要將呢2科分2個sems黎讀,
千奇唔好將佢地放係同一個sem到讀,
特別係我呢D完全冇接觸過商科既人,
如果唔會10個有9個都會死得慘烈,
輕傷者fail其中一科重傷者兩科死晒全fail=.="
所以我一開始先係打算今個sem修ACC ECON BIS同MAN,
揀呢個既原因係先將MAN同MRT拆開左,
而ACC同ECON呢D太緊要所以都係讀左先為妙,
由於我既電腦根抵極高所以初初第一個sem接觸商科,
應該比多D時間去適應下所以揀科BIS係到等我可以讀得冇咁辛苦,
結果係真係比我揀到呢四科係第一個sem讀
之後我又一直打算死都要編到星期3係day off,
因為咁樣會輕鬆好多好似成日有假放咁,
番兩日又放一放番兩日又放一放咁,
而且星期三day off既好處就係做功課同溫書會好好多,
唔洗積左成日星期到weekend先黎一次過咁辛苦~~~~~~
結果又真係比我編到星期三係day off喎~~~~~
之後又諗住有BIS果日我可以take 2 科上晒上下晝,
因為BIS我基本上係可以唔洗聽都得=0="
所以我唔想零零舍舍晒多一日時間,
寧願要多日假係屋企休息下或者溫下書好過~~~~~
基於呢個原因之下我又打算真係BIS果日take 2科BIS一定要係上晝,
因為就算睡眼惺忪訓鬼左聽唔到書都唔怕因為我識嘛,
就算萬一真係有時訓晏左起唔到身走左堂都唔驚嘛~~~~~~
結果又真係比我編到BIS果日上2堂而BIS係上晝上喎~~~~~
then最後就梗係希望其他科全數上下晝堂啦,
因為可以訓晏先起身一定夠精神聽書嘛~~~~~~
結果又真係比我揀到晒其他3科都上下晝喎真係超正~~~~~~~~
而最後得出既時間表就係如下:

星期一上晝上BIS下晝上ECON,
星期二同三都係day off丫正爆~~~~~
星期四下晝上ACC同星期五下晝上MAN,
嘩簡直係一個idel time table丫唔好話我誇張~~~~~
攪好晒個時間表print番出黎都係11點半未到,
執野走人慢慢行上去101打算做張學生證,
可能因為我既動作真係太快既緣故去到101得3條友排緊隊=0="
唔洗一陣間未到12點就已經攪掂cool~~~~~
今次呢張相影得靚過上次果張好開心=0="
我走果時條隊已經排到出門口超誇張=.="
行番落去CIC番上comp lab到幫下D未攪掂既fd enrol左佢啦,
反正我都係冇咩野做哈哈哈~~~~~
幫幾個人攪左咁law攪到12點45分左右,
打電話比Gil睇佢起身未起身出黎食lunch,
之後去左Chilliz到食lunch已經見到Coei極速換左制服係到開工=.="
佢好似早我唔夠5分鐘離開學校真係吹漲=0="
食飽之後Gil番Curtin上堂我都番歸屋企啦,
一路上真係好鬼熱真係好鬼死熱行到大汗淋漓咁=.="
番到去hea一hea之後打個電話比方包同學,
佢番左黎成日星期我都仲未問候佢,
打到去佢好high咁係到打緊機因為我聽到佢個speaker開到好大聲,
之後講左陣今日CIC既野佢得知我take左BIS,
佢問我係果Peter Zhau教如果唔係可以drop左佢,
因為另一個超廢而Peter Zhau係超勁,
Peter Zhau睇個名都估到可能係中國人答覆係福建人,
方包話佢當年都係Peter Zhau教,
佢話你完全可以感受到輝sir係到教CIT咁正,
咁就真係正啦睇黎我BIS都可以屈機~~~~~~
之後佢仲要答我肯定係啦因為BIS個級數根本就係同CIT冇咩分別,
而且仲要比Peter教咁鬼正叫我放心都得,
因為佢當年take果時係全校考第一=.="
而佢係同我同一年take CE既CIT科目=.="
問題我成績還要比佢好所以佢叫我可以放心屈機=.="
咁就好啦真係超開心law~~~~~~~~
之後佢話佢個housemate今日生日問我過唔過去打機加食飯=.="
本來都係一個唔錯既主義既可惜今日真係太熱完全唔想再出去=.="
拒絕左之後番房開機自閉仍然係通靈王,
好攰睇到差D訓鬼著左=0="
7點幾出去睇天氣嘩今日又試41.5度啦救命丫=.="
睇完天氣緊接睇THE AMAZING RACE追左咁多個星期就完啦,
睇完食晚餐食飽番房上網dl番個書單,
睇下聽日定後日得閒成班fd出去睇下順道比較下一手同二手既價錢,
成晚都仲係好熱完全唔想做野只係係到MSN,
一直拖到12點幾有D涼意先去沖涼=0="
之前keep on仲係MSN冇咩特別,
依家都3點幾啦開始涼番D而且見攰係時候去訓~~~~~~~~~~~