琴晚本來係好攰想訓嫁,
點知落到床輾轉反側,
由床頭訓到床尾都訓唔著,
結果索性起身唔鬼訓=0="
3點幾未4點開番著部機,
睇下片MSN同人chat下咁,
好快又到左7點之後又玩左2鋪飛行棋,
8點好鬼肚餓於是煮番個早餐食,
食飽都就9點啦......
hea係又到10點半翼2結局,
睇完11點半依家又唔知等到幾時先有翼3睇,
因為日本都好似未出=0="
lunch食飽之後又試係到執房,
5點鐘睇完網球王子托D舊書落去sell,
番到屋企hea一hea又到晚飯時間,
晚飯之後又係電視時間=.="
唔經唔覺8月就咁完左啦=0="
可惜我個假期仲未完=.="
真係好想快D完左個假............

今朝都係咁啦,
10點起身早餐完睇翼2,
hea左陣落街食lunch,
又係粟米石斑飯正~~~~
食飽飯就周圍逛下hea下,
行到差唔多2點10分入閘,
搭MTR去黃大仙,
匯合左Sam哥之後去到目的地旺角,
先去眼鏡鋪拎番幅新眼鏡,

(順道叉一叉開話題,
係相入面見到個background係我房既牆紙,
可能成日對住D書法同詩句對於中化都有一定既影響,)
回歸正題拎完眼鏡之後就開始行逛,
由潮特兆萬信和一路掃上去CHIC堡星際,
再一路掃上去旺電朗豪,
係旺電到比我見到聯想奧運雪山版實物,
真係超靚可惜係聯想,
如果係Fujitsu可能我已經忍唔住買左....
之後係朗豪仲要由頂樓一直掃到落地下,
之後再沿路掃番去潮特,
結果係星際到買左碟盒,
再係潮特Soptater到買左個背囊,
再一次多謝震宇兄"Soptater"呢一個好介紹,
而Sam哥都係Loasmiddle到掃左個斜咩,
捕捉完D獵物都已經6點鐘,
搭MTR番屋企順路係報攤買左本PC Weekly上車睇,
番到屋企都已經7點鐘,
食完晚飯又係TV time,
TV time完左之後係MSN既時間,
11點一直同N個人chat到依家就2點=.="
Don少見到我MSN張圖轉左個新眼鏡look,
話我戴得咁型佢又要跟風走去配個白色喎=.="
好啦真係好攰係時候去訓覺=.="

今朝一早10點就起左身,
食完個早餐之後睇翼2,
完左翼2都已經11點半,
因為要出門所以12點就食lunch,
lunch之後換件衫點幾鐘出門口,
搭MTR去到尖沙咀都差唔多2點,
係地下通道左穿右拐去到新世界中心,
2點3上去醫務所到等,
個bodycheck分好多parts,
斷斷續續咁做到3點9先至有得走=0="
終於又攪掂左去澳洲既其中一個重要step,
依家就等澳洲領事館睇完個report,
之後決定批唔批個visa比我,
不過正路都唔會唔批呱=0="
批埋visa就可以買機票走人了,
攪掂左之後見一場黎到尖咀,
加上自舊年X'mas之後都真係好內冇去尖咀啦,
舊年差唔多個個week都會經一轉,
所以就順道周圍行下先番屋企,
行左粒幾鐘無咩特別閃水,
係地鐵上面巧遇堂爺,
咁內冇見坐低嗲左兩咀,
番到屋企都已經5點有突了,
hea一hea又係時候開飯,
晚飯之後唔洗講又係TV time,
完左勁歌之後番房,
仲要再睇埋最新一集既結界師,
同埋花樣少年少女,
一直睇到依家都就快點半了=0="
好啦今日係咁上下訓~~~~~

今朝10點比人剷醒左整電腦=.="
攪掂之後食個早餐睇翼2,
lunch食飯有人上黎又有得鋤D,
係咁贏係咁贏贏到好無引=.="
鋤到4點幾無無聊聊落左樓行下,
結果係sports corner到買左件Tee,
番到屋企都已經6點幾hea一hea又食得晚飯,
晚飯之後又係一連串既電視活動,
今晚開始10點半有新既遊戲節目"味分高下",
幾好睇唔錯算係有娛樂性,
不過今集最正就係庾澄慶比李克勤整估,
差D講左粗口哈哈笑死,
好啦又係無聊時間等訓覺,
聽日總算有得出下去無咁悶=0="

今日訓到11點起身睇翼2,
之後就係到無聊hea=.="
12點一同學打電話黎話就到步,
於是換件衫托左袋notes落去巴士站比佢,
就咁收左一舊水.......
番到屋企依然無聊勁無聊=.="
無聊到走左去睇娛樂直播=0="
5點鐘太悶落左街周圍逛下,
番到屋企食完晚飯又係睇電視=.="
到底呢一個假期幾時可以完呢......?!