| |
|
|
| |
| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
| ．影 誌 歸 月 |
|
|
| ．影 誌 分 類 |
|
|
| ．影 誌 聊 天 |
|
|
|
．好 友 名 單
|
|
|
| ．網 誌 群 組 |
|
|
 | |
 |
2007 年 8 月 21 日 星期二 陰天  | |
| |
|
舊歌回憶  | |
今日訓到成點鐘先起身=.="
食完lunch之後開機,
超無聊完全無野好做=.="
結果決定索性解決埋拖左好內,
仲未完成編輯既"張無忌理論",
完成編輯之後亦都順手正式對外發布,
(詳細情況請留意今日另一篇Blog),
打完左之後都仲係無聊,
上下網同人MSN chat下咁,
唔經唔覺6點幾又開得飯,
食飽飯睇完TV 7點半鐘,
番去電腦既前面都係無聊,
結果走左去聽舊歌哈哈,
一聽就聽上隱過左8點都唔知,
結果miss左同事三分親=0="
9點半歲月風雲,
之後就睇番miss左既同事三分親,
同今朝訓過隆miss左既翼2~~~~~
都就快一點執埋D野係時候去訓~~~~
| | |
|
|
|
|
| 2007 年 8 月 21 日 星期二 陰天 | |
| |
|
張無忌理論  | |
有好多人都會認為文化篇章係中化5份卷入面最難既一份,
有人會覺得難在於好似唔知答咩先好,
有人會覺得難在於點解2個人答埋D野有9成相似但分數都差咁遠,
總之有好多人都有住無數既原因覺得佢難,
但相反我就覺得文化篇章係中化5份卷入面最易既一份~~~~~
而點解我會覺得咁易呢?!
皆因2年黎每一次考試我都唔洗溫書唔洗睇書,
而每一次篇章呢一份卷我都係拎全級最高分,
好明顯既係就算係高考既公開試中呢份卷我都係拎A Grade既~~~~
而呢2年我既中化篇章可以獨步天下稱霸足2年,
皆因我有一套獨創既"張無忌理論",
而呢一套理論既成果相信今次高考既成績就係最好既見證,
如今我自己都已經拎左A Grade而且我都唔會再考,
加上見到大家係篇章呢一方面咁弱,
我就決定公開呢一套我自創既"張無忌理論"造福後人,
當然亦可以令呢套偉大既理論發揚光大,
反正依家公開對我百利而無一害何樂而不為呢~~~~~~~
不過係學習呢一套理論之先要先了解呢一套理論既出處背景故事,
而我呢一套理論既出現係由金庸先生既倚天屠龍記入面既其中一節啟發左我,
所以跟住落黎請大家先睇左呢一章既主要故事情節先,
以下就係金庸先生既名著倚天屠龍記裏而既第二十四章既一D重要部份,
睇左下面既呢一D撮錄可以有助更易明白同掌握"張無記理論",
而如果想更加詳盡咁了解一下就自己搵番本倚天層龍記睇番第二十四章啦~~~~~~~
|
第二十四回 太極初傳柔克剛
……張三丰和俞岱岩師徒相處日久，心意相通，聽他這麼說，已知其意，說道：“岱岩，生死勝負，無足介懷，武當派的絕學卻不可因此中斷。我坐關十八月，得悟武學精要，一套太極拳和太極劍，此刻便傳了你罷。”
俞岱岩一呆，心想自己殘廢已久，哪還能學甚麼拳法劍術？何況此時強敵已經入觀，怎有餘暇傳習武功，只叫了聲：“師父！”便說不下去了。張三丰淡淡一笑，說道：“我武當開派以來，行俠江湖，多行仁義之事，以大數而言，決不該自此而絕。我這套太極拳和太極劍，跟自來武學之道全然不同，講究以靜制動、後發制人。你師父年過百齡，縱使不遇強敵，又能有幾年好活？所喜者能於垂暮之年，創制這套武功出來。遠橋、蓮舟、松溪、梨亭、聲穀都不在身邊，第三四代弟子之中，除青書外並無傑出人材，何況他也不在山上。岱岩，你身負傳我生平絕藝的重任。武當派一日的榮辱，有何足道？只須這套太極拳能傳至後代，我武當派大名必能垂之千古。”說到這裏，神采飛揚，豪氣彌增，竟似渾沒將壓境的強敵放在心上。俞岱岩唯唯答應，已明白師父要自己忍辱負重，以接傳本派絕技為第一要義。張三丰緩緩站起身來，雙手下垂，手背向外，手指微舒，兩足分開平行，接著兩臂慢慢提起至胸前，左臂半環，掌與面對成陰掌，右掌翻過成陽掌，說道：“這是太極拳的起手式。”跟著一招一式的演了下去，口中叫出招式的名稱：攬雀尾、單鞭、提手上勢、白鶴亮翅、摟膝勾步、手揮琵琶、進步搬攔錘、如封似閉、十字手、抱虎歸山……
張無忌目不轉睛的凝神觀看，初時還道太師父故意將姿式演得特別緩慢，使俞岱岩可以看得清楚，但看到第七招“手揮琵琶”之時，只見他左掌陽、右掌陰，目光凝視左手手臂，雙掌慢慢合攏，竟是凝重如山，卻又輕靈似羽。張無忌突然之間省悟：“這是以慢打快、以靜制動的上乘武學，想不到世間竟會有如此高明的功夫。”他武功本就極高，一經領會，越看越是入神，但見張三丰雙手圓轉，每一招都含著太極式的陰陽變化，精微奧妙，實是開闢了武學中從所未有的新天地。約莫一頓飯時分，張三丰使到上步高探馬，上步攬雀尾，單鞭而合太極，神定氣閑的站在當地，雖在重傷之後，但一套拳法練完，精神反見健旺。他雙手抱了個太極式的圓圈，說道：“這套拳術的訣竅是‘虛靈頂勁、涵胸拔背、松腰垂臀、沉肩墜肘’十六個字，純以意行，最忌用力。形神合一，是這路拳法的要旨。”當下細細的解釋了一遍。
……張無忌左手牽住張三丰衣角，右手拉著他左手輕輕搖晃，說道：“太師父，你教我的太極拳法從未用過，也不知成是不成。難得這位施主是外家高手，讓弟子來試試以柔克剛、運虛禦實的法門，那不是很好麼？”說話之間，將一股極渾厚、極柔和的九陽神功，從手掌上向張三丰體內傳了過去。張三丰於刹那之間，只覺掌心中傳來這股力道雄強無比，雖然遠不及自己內力的精純醇正，但泊泊然、綿綿然，直是無止無歇、無窮無盡，一驚之下，定睛往張無忌臉上瞧去，只見他目光中不露光華，卻隱隱然有一層溫潤晶瑩之意，顯得內功已到絕頂之境，生平所遇人物，只有本師覺遠大師、大俠郭靖等寥寥數人，才有這等修為，至於當世高人，除了自己之外，實想不起再有第二人能臻此境界。霎時之間，他心中轉過了無數疑端，然而這少年的內力沛然而至，顯是在助自己療傷，決無歹意，乃可斷定，於是微笑道：“我衰邁昏庸，能有甚麼好功夫教你？你要領教這位施主的絕頂外家功夫，那也是好的，務須小心在意。”他總道這小道童是哪一派的高手少年趕來赴援，因此言語中極是謙沖客氣。
張無忌道：“太師父，你待孩兒恩重如山，孩兒便粉身碎骨，也不足以報太師父和眾位師伯叔的大恩。我武當派功夫雖不敢說天下無敵，但也不致輸于西域少林的手下。太師父儘管放心。”他這幾句話說得懇摯無比，幾句“太師父”純出自然，決計做作不來，連張三丰也是大為奇怪：“難道他竟是本門弟子，暗中潛心修為，就如昔年本師覺遠大師一般？”緩緩放下張無忌的手，退了回去，坐在椅中，斜目瞧俞岱岩時，只見他也是一臉迷惘之色。
那阿三見張三丰居然遣這小道童出戰，對自己之輕蔑藐視可說已到了極處，但想我一拳先將這小道童打死，激得老道心浮氣粗，再和他動手，當更有制勝把握，當下也不多言，只說：“小孩兒，發招罷！”
張無忌道：“我新學的這套拳術，乃我太師父張真人多年心血所創，叫作‘太極拳’。晚輩初學乍練，未必即能領悟拳法中的精要，三十招之內，恐怕不能將你擊倒。但那是我學藝未精，並非這套拳術不行，這一節你須得明白。”阿三不怒反笑，轉頭向阿大、阿二道：“大哥、二哥，天下竟有這等狂妄的小子。”阿二縱聲大笑。阿大卻已瞧出這小道童不是易與之輩，說道：“三弟，不可輕敵。”阿三踏上一步，呼的一拳，便往張無忌胸口打到，這一招神速如電，拳到中途，左手拳更加迅捷的搶上，後發先至，撞擊張無忌面門，招術之詭異，實是罕見。
……張三丰道：“孩子，你過來！”張無忌道：“是！太師父。”走到他身前。
張三丰道：“用意不用力，太極圓轉，無使斷絕。當得機得勢，令對手其根自斷。一招一式，務須節節貫串，如長江大河，滔滔不絕。”他适才見張無忌臨敵使招，已頗得太極三昧，只是他原來武功太強，拳招中棱角分明，未能體會太極拳那“圓轉不斷”之意。張無忌武功已高，關鍵處一點便透，聽了張三丰這幾句話，登時便有領悟，心中虛想著那太極圖圓轉不斷、陰陽變化之意。阿三冷笑道：“臨陣學武，未免遲了罷？”張無忌雙眉上揚，說道：“剛來得及，正好叫閣下試招。”說著轉過身來，右手圓轉向前，朝阿三面門揮去，正是太極拳中一招“高探馬”。阿三右手五指併攏，成刀形斬落，張無忌“雙風貫耳”，連消帶打，雙手成圓形擊出，這一下變招，果然體會了太師父所教“圓轉不斷”四字的精義，隨即左圈右圈，一個圓圈跟著一個圓圈，大圈、小圈、平圈、立圈、正圈、斜圈，一個個太極圓圈發出，登時便套得阿三跌跌撞撞，身不由主的立足不穩，猶如中酒昏迷。
……張三丰“噫”的一聲，心中叫道：“不好！這等蠻打，力強者勝，正和太極拳的拳理全然相反。這禿頭老者內力渾厚，武林中甚是罕見，只怕這一掌之下，小孩兒便受重傷。”便在此時，兩人第二掌再度相交，砰的一聲，那阿二身子一晃，退了一步，張無忌卻是神定氣閑的站在當地。
……那阿大悠悠歎了口氣，低頭說道：“老朽百死餘生，過去的事說他作甚？我早不是丐幫的長老了。”老一輩的人都知八臂神劍方東白是丐幫四大長老之首，劍術之精，名動江湖，只因他出劍奇快，有如生了七八條手臂一般，因此上得了這個外號。十多年前聽說他身染重病身亡，當時人人都感惋惜，不覺他竟尚在人世。張三丰道：“老道這路太極劍法能得八臂神劍指點幾招，榮寵無量。無忌，你有佩劍麼？”小昭上前幾步，呈上張無忌從趙敏處取來的那柄木制假倚天劍。張三丰接在手裏，笑道：“是木劍？老道這不是用來畫符捏訣、作法驅邪麼？”當下站起身來，左手持劍，右手捏個劍法，雙手成環，緩緩抬起，這起手式一展，跟著三環套月、大魁星、燕子抄水、左攔掃、右攔掃……一招招的演將下來，使到五十三式“指南針”，雙手同時畫圓，複成第五十四式“持劍歸原”。張無忌不記招式，只是細看他劍招中“神在劍先、綿綿不絕”之意。張三丰一路劍法使完，竟無一人喝彩，各人竟皆詫異：“這等慢吞吞、軟綿綿的劍法，如何能用來對敵過招？”轉念又想：“料來張真人有意放慢了招數，好讓他瞧得明白。”
只聽張三丰問道：“孩兒，你看清楚了沒有？”張無忌道：“看清楚了。”張三丰道：“都記得了沒有？”張無忌道：“已忘記了一小半。”張三丰道：“好，那也難為了你。你自己去想想罷。”張無忌低頭默想。過了一會，張三丰問道：“現下怎樣了？”張無忌道：“已忘記了一大半。”
周顛失聲叫道：“糟糕！越來越忘記得多了。張真人，你這路劍法是很深奧，看一遍怎能記得？請你再使一遍給我們教主瞧瞧罷。”張三丰微笑道：“好，我再使一遍。”提劍出招，演將起來。眾人只看了數招，心下大奇，原來第二次所使，和第一次使的竟然沒一招相同。周顛叫道：“糟糕，糟糕！這可更加叫人糊塗啦。”張三丰畫劍成圈，問道：“孩兒，怎樣啦？”張無忌道：“還有三招沒忘記。”張三丰點點頭，放劍歸座。張無忌在殿上緩緩踱了一個圈子，沉思半晌，又緩緩踱了半個圈子，抬起頭來，滿臉喜色，叫道：“這我可全忘了，忘得乾乾淨淨的了。”張三丰道：“不壞，不壞！忘得真快，你這就請八臂神劍指教罷！”說著將手中木劍遞了給他。張無忌躬身接過，轉身向方東白道：“方前輩請。”周顛抓耳搔頭，滿心擔憂。方東白猱身進劍，說道：“有僭了！”一劍刺到，青光閃閃，發出嗤嗤聲響，內力之強，實不下於那個禿頭阿二。眾人凜然而驚，心想他手中所持莫說是砍金斷玉的倚天寶劍，便是一根廢銅爛鐵，在這等內力運使之下也必威不可當，“神劍”兩字，果然名不虛傳。
張無忌左手劍訣斜引，木劍橫過，畫個半圓，平搭在倚天劍的劍脊之上，勁力傳出，倚天劍登時一沉。方東白贊道：“好劍法！”抖腕翻劍，劍尖向他左臂刺到。張無忌回劍圈轉，拍的一聲，雙劍相交，各自飛身而起。方東白手中的倚天寶劍這麼一震，不住顫動，發出嗡嗡之聲，良久不絕。這兩把兵刃一是寶劍，一是木劍，但平面相交，寶劍和木劍實無分別，張無忌這一招乃是以己之鈍，擋敵之無鋒，實已得了太極劍法的精奧。要知張三丰傳給他的乃是“劍意”，而非“劍招”，要他將所見到的劍招忘得半點不剩，才能得其神髓，臨敵時以意馭劍，千變萬化，無窮無盡。倘若尚有一兩招劍法忘不乾淨，心有拘囿，劍法便不能純。這意思楊逍、殷天正等高手已隱約懂得，周顛卻終於遜了一籌，這才空自憂急了半天。這時只聽得殿中嗤嗤之聲大盛，方東白劍招淩厲狠辣，以極渾厚內力，使極鋒銳利劍，出極精妙招術，青光蕩漾，劍氣彌漫，殿上眾人便覺有一個大雪團在身前轉動，發出蝕骨寒氣。張無忌的一柄木劍在這團寒光中畫著一個個圓圈，每一招均是以弧形刺出，以弧形收回，他心中竟無半點渣滓，以意運劍，木劍每發一招，便似放出一條細絲，要去纏在倚天寶劍之上，這些細絲越積越多，似是積成了一團團絲綿，將倚天劍裹了起來。兩人拆到二百餘招之後，方東白的劍招漸見澀滯，手中寶劍倒似不斷的在增加重量，五斤、六斤、七斤……十斤、二十斤……偶爾一劍刺出，真力運得不足，便被木劍帶著連轉幾個圈子。
方東白越鬥越是害怕，激鬥三百餘招而雙方居然劍鋒不交，那是他生平使劍以來從所未遇之事。對方便如撒出了一張大網，逐步向中央收緊。方東白連換六七套劍術，縱橫變化，奇幻無方，旁觀眾人只瞧得眼都花了。張無忌卻始終持劍畫圓，旁人除了張三丰外，沒一個瞧得出他每一招到底是攻是守。這路太極劍法只是大大小小、正反斜直各種各樣的圓圈，要說招數，可說只有一招，然而這一招卻永是應付不窮。猛聽得方東白朗聲長嘯，鬚眉皆豎，倚天劍中宮疾進，那是竭盡全身之力的孤注一擲，乾坤一擊！
張無忌見來勢猛惡，回劍擋路，方東白手腕微轉，倚天劍側了過來，擦的一聲輕響，木劍的劍頭已削斷六寸，倚天劍不受絲毫阻撓，直刺到張無忌胸口而來。
張無忌一驚，左手翻轉，本來捏著劍訣的食中兩指一張，已挾住倚天劍的劍身，右手半截劍向他右臂斫落。劍雖木制，但在他九陽神功運使之下無殊鋼刃。方東白右手運力回奪，倚天劍被對方兩根手指挾住了，猶如鐵鑄，竟是不動分毫，當此情景之下，他除了撒手松劍，向後躍開，再無他途可循。只聽張無忌喝道：“快撒手！”方東白一咬牙，竟不鬆手，便在這電光石火的一瞬之間，拍的一聲響，他一條手臂已被木劍打落，便和以利劍削斷一般無異。方東白不肯鬆手，原已存了舍臂護劍之心，左手伸出，不等斷臂落地，已搶著抓住，斷臂雖已離手，五根手指仍是牢牢的握著倚天劍。張無忌見他如此勇悍，既感驚懼，且複歉仄，竟沒再去跟他爭劍。 |
以上呢一段文章既重點就係張無忌忘記招式,
倚天屠龍記入面張三豐傳授張無忌太極拳和太極劍果陣,
要佢忘記晒D招式個重點係要佢得其意而忘其形~~~~
而我地點樣可以將"得其意而忘其形"呢個point套落中化篇章呢,
首先我地應該將文中既"招式"換左做"六課文化篇章",
而呢六課既篇章我地唔需要刻意咁去記佢,
只要係上堂既時間隨便隨心聽一次,
或者拎住D精讀睇個重點簡表一次就可以,
之後唔洗再去溫番睇番,
隨住年月既流逝慢慢自然咁唔記得晒六課篇章,
而係考試之前千奇唔好走去溫中化,
因為當你溫左之後呢個行為變相係刻意去記六課篇章一次,
就算係考試之前係完全唔記得都唔緊要,
唔好驚而走去睇番刻意記番佢,
咁樣係考試既時候你就會比呢六課書束縛住,
太過在意有冇用到六課書既野,
發揮自然唔得流暢唔得淋漓盡致,
咁樣寫出黎既文代篇章自然唔會高分,
反而可能因為你太刻意去寫六課既資料落去,
比個老師覺得你冇point又或者用錯而變得好低分,
所以學習文化篇章既重點就係在於忘記,
上堂既時候只要隨心聽就可以,
唔好去抄低任何筆記,
事後又唔好再做任何複習既行為,
上堂學左幾多就盡量將佢地唔記得,
唔記得之後就唔好去再記過佢地,
但係你會問咁咩都唔記得又點答問題丫,
其實唔記得又唔係真係唔記得,
但又唔係真係記得喎~~~~~
雖然張無忌係忘記左招式,
但後來佢同范遙過招果陣,
佢仲用左太極拳的具體招數,
呢到可以睇得出佢無忘記到招式,
但點解偏偏要忘記太極劍的招數呢?
太極劍的招數亦唔應該被忘記,
如果唔係年近百歲既張三豐緩緩起招,
呢起手式一展跟住一環套月,大魁星,燕子抄水......
親自演練太極劍又點需要呢D招式呢?
張三豐一面教一面又要人唔記得,
到或張三豐要人學D乜野,唔記得D乜野?!
金庸既解釋係,
要知張三豐傳比佢既乃係"劍意",
而唔係劍招,
要佢將所見到的劍招都唔記得到半點不剩,
先可以得其"神髓"!
臨敵既時候以意馭劍,
千變萬化無窮無盡!
即係話張三豐教既係"劍意"同"神髓"啦,
而套落去中國文化入面,
老師要教既真實唔係想教識你課課文,
而係想教識你果課課文既文化思緒,
果一課課文入面既中國文代神髓啦~~~~~
而有左呢一D神髓係考試既時候,
就可以將呢D神髓套落去你自己本身有既經驗同經歷,
咁樣先可以答到個個人都唔同既答案,
考試既時候以意作答隨心變化,
千變萬化無窮無盡!
咁樣先可以真切咁睇到一個學生所答出黎既係真係有料,
定係死背之後嘔番出黎既答案,
而中化設有文化篇章呢一份卷既目的相信都係呢個原因,
而呢一到亦到可以見到同學成日問既另一個問題,
就係答文化篇章之前洗唔洗寫大綱或者諗好晒先,
我比人既答案永遠都係"冇,一起筆就寫",
因為如果寫左大綱或者諗好左先,
係你答落去既時候雖然唔會比六課課文束縛住,
但係你就會比呢一個大綱束縛住,
我地應該一起手就落筆,
每寫到一個point,
用果一個point同當時你既思想,
去推出另一個point,
咁樣即興既一個個point寫出黎,
會可以令到你既答覆更加流暢,
因為改卷果一個人都可以睇到你點樣係一個point推落去另一個point,
就好似睇緊一個人去思考個題目咁樣樣,
咁樣個老師亦會好容易你到底想寫D乜野表達D乜野,
而呢個同時都係點解我每次答文化篇章都可以寫到咁多字既原因,
因為我係用足晒90分鐘係到寫野,
而唔會晒左幾十分鐘去係到諗埋D無為既大綱,
其實諗左個大綱一D好處都冇,
因為到你寫寫下諗到多樣野係大綱果到冇既,
你又會加落去之後再駁番個大綱,
個組織可能會變得唔順暢加果一part可能會好突兀,
所以我不嬲都唔諗大綱唔分段答文化篇章,
因為只要表達得係順暢,
改既睇得流暢分唔分段其本冇分別,
依家又唔係答緊作文冇格式分比嫁攪咁多野做咩=0="
分段既目的都係想人地睇到你落左另一個point姐,
只要寫得流暢改果個根本就知你係咩位多左個point,
分唔分後根本就唔會加分扣分所以唔洗咁刻意去做呢樣野,
而亦都係因為呢一大堆既原因我每一次答同一條問題都會有唔同既答案,
答案係隨住果一排自己學到既野經歷到既野而變化出黎,
依家你叫我答番A-level我寫果D答案出黎我都做唔到,
因為我都唔記得左果時答D咩果排既心情係咩~~~~~~~~
兩年文化篇章獨步天下既"張無忌理論"就係咁既一回事,
文學評論家林以亮曾經指,
"出無劍勝有劍","以無招破有招",得其意而忘其形",
既武功境界都係通過主角自己悟出來既~~~~~
呢一個咁既"張無忌理論"都同樣係我自己悟出黎既,
依家只可以將個心法寫出黎,
係唔會有任何既實際招式,
睇完自己學唔學到就要睇學果個既恪性同造化啦~~~~~~
最後希望各方好友可以自己參透到箇中玄機,
悟出屬於自己既另一套"張無忌理論",
係黎緊既日子可以對文化篇章呢份卷應付自如得心應手,
最後當然希望可以係A-level到拎番條A咁就最好啦~~~~~~~~~~~ | | |
|
|
|
|
| 2007 年 8 月 20 日 星期一 陰天 | |
| |
|
等到花兒也謝了  | |
琴晚又MSN到3點鐘先訓覺,
今朝11點起左身睇翼2,
睇完之後hea等食lunch,
食完之後再hea一輪,
3點幾超悶出去MK逛下,
打算睇下衫同袋同銀包,
一出門口行緊去MTR既時候遇到Elle,
佢好忙咁係到講緊電話打個招呼係咁多,
去到鑽石山join左Eric,
去到MK上左潮特逛完一輪,
背囊都已經有幾個心水,
都係多得震宇兄既好介紹,
Soptater D袋真係唔錯,
之後去左CHIC的堡,
係路上遇到李偉康一丁友係到行,
之後就叫埋佢一齊行下咁啦,
逛完一輪冇咩心水,
之後去左朗豪坊行逛行逛都係咁,
順路去無印買左枝marker,
接住就去漢榮到買書,
之後再上左旺電到行逛,
接住再去左金聲買耳棉,
緊接去左栢裕到校眼鏡,
再上左兆萬到行下佢,
7點鐘係時候番歸~~~~
去到油麻地MTR見到有魚蛋賣,
我都好內冇食過啦結果走去買左串,
叫咩辣蛋甜既=.="
MTR番到屋企都已經8點鐘啦,
邊睇同事三分親邊食晚飯,
剛好睇完同事三分親就收到電話,
終於等到IDP個電話啦~~~~~!!!!!!
IDP果邊終於收到學校既eCOE,
所以打黎約我星期五上去開始攪visa,
等左成個月終於可以落下一個step,
只要再辦埋個visa基本上就可以走得lu~~~~
約好晒時間之後去take個bath,
睇歲月風雲之後都係上網MSN~~~ | | |
|
|
|
|
| 2007 年 8 月 19 日 星期日 陰天 | |
| |
|
| 擁有人生第一條LEVIS牛仔褲=0=" | |
琴晚打完個Blog之後,
又去左睇多2集"花樣少年少女",
睇完都3點幾鐘先去訓,
今朝訓到12點幾起左身,
即刻有lunch食lu,
lunch完左之後hea一hea,
2點鐘換件衫出左去新都城行逛,
目標係搜獵衣物同背囊銀包,
逛下逛下入左LEVIS專門店到,
揀下試下睇下望下,
結果終於揀左2條牛仔褲,
對於"LEVIS"黎講真係已經好平,
但對於我黎講都仲係覺得好貴=.="
原價一條八舊水,
兩條即係成千六蚊,
依家特價2條加埋先得$830,
都已經係差唔多半價嫁啦,
不過成4舊幾水條我仲係覺得好貴=.="
anyway最後都係落左手,
呢2條係我擁有既第一同第二條LEVIS........
買完2條LEVIS之後已經行到好口乾了,
買枝水飲飲佢先,
之後再繼續行下佢搜獵下其他既野,
想搵下銀包同背囊,
結果係搵唔到銀包既=.="
至於背囊行左好多間,
BGW果D個個都好鬼大個好厚我唔鐘意=.="
因為我想買D簿D既,
新都城間Laosmiddle又得一大堆斜咩款,
得一兩個背囊款.......
之後行行逛逛見到個Columbia既都OK,
不過唔算太靚唯有再等下,
如果遲下再睇唔到D好既先買呢個,
之後再逛多幾逛冇收獲唯有閃水先,
撤退番到屋企都已經6點鐘啦,
take個bath食完個晚餐7點幾,
又一個無電視睇既星期日,
唯有番入房開電腦睇片啦,
繼續追"花樣少年少女",
起勢一氣煲左四集,
終於將已經播左既追晒lu,
依家就唯有跟番Nippon一星期一集咁睇啦,
追完晒都已經11點半有突,
MSN同人chat完一大輪之後又吹左個電話,
依家都已經成點半鐘lu=.="
係時候去休息啦~~~~~~~~~~~ | | |
|
|
|
|
2007 年 8 月 18 日 星期六 晴天  | |
| |
|
| 旅行社服務IDP | |
今朝訓到12點先起身@@
lunch丫媽整干燒伊麵正,
食飽飽之後開機睇番星期五集翼2,
因為果日昏迷左冇睇到@@
睇完之後見仲係得閒仲於有時間開戲,
就係一直都keep住未有時間睇既"花樣少年少女",
堀北真希真係好靚呢~~~~
睇完左之後都差唔多3點,
換件衫又要出門口真好,
因為呢個假期實在太多日自閉係屋企=.="
難得有得出去真係一件喜事~~~
今日要出去灣仔上IDP到聽talk,
係關於離港前要做既野同執行李要注意既事項,
去到灣仔超多人超迫呢=0="
原來係國際美食展既關係=.="
個個去會展既人都迫晒上天橋=.="
好彩係灣仔我都算係半個地頭蟲,
事關前幾年個個星期都要去最少一次灣仔,
所以我識路唔洗上天橋同人迫,
三二步左穿右插大街小巷就到左目的地XD
上到去好多人呢仲有D幾靚既......
唔知到時會唔會係同校呢係都唔錯XD
個talk 4點鐘開始講左2個鐘多D,
完左之後仲有禮品送......
一個天藍色既背囊幾靚嫁,
同埋一個澳洲用既旅遊轉插頭,
點解攪到好似旅行社咁既哈哈=.="
個重點係由頭到尾佢一仙都冇收過我~~~~
所以話呢今時今日要咁既服務態度先得嫁嘛~~~
如果第日朋友們想去澳洲升學idp絕對係首選推介,
聽完個talk就閃得水啦,
番轉頭就可以行番天橋lu,
因為係得有人黎冇人返,
一D都唔迫真係爽,
搭MTR番到去JUNK BAY都已經7點幾,
去左Cafe de Coral到食晚餐,
食飽番到入屋剛好係8點鐘,
叮皇爭霸戰又點可以唔睇丫~~~~
睇完左之後又到左為食神探既時間,
之後take個bath又到左無線既功夫之星比賽,
睇完左都已經11點半,
番去計算機屏幕既前面睇番頭先miss左既心在香港,
睇完之後已經不知不覺到左12點3,
死亡遊戲正式開始"死亡筆記"都ok好睇,
剛睇完DN打埋個Blog hea多陣先去訓~~~~~~~~~~~ | | |
|
|
« | 212 | 213 | 214 | 215 | 216 | 217 | 218 | 219 | 220 | 221 | ... | 398 | »
 
|
