今朝一早7點半就起左身,
食完個早餐之後換件衫出門口,
番到彩天9點半未到係到hea,
等到9點9 Miss番左黎點完名就出發,
坐旅遊巴去到尖沙咀藝術館,
冇錯就係去睇國寶級既名畫"清明上河圖",
跟學校去真爽因為唔洗錢得黎又唔洗排隊@@
經過藝術館門口見到排隊既人人山人海,
真係好彩當初自己識跟學校團唔洗排隊XD
入到去第一件事先去睇左真跡先,
因為趁時間早仲未有咁多人排隊,
可以唔洗晒時間係到等~~~~
欣賞清明上河圖既嚴格限制,
係一次20人睇5分鐘既時間,
雖然短短既5分鐘唔可以好仔細咁欣賞呢幅珍品,
不過可以有5分鐘既時間一睹呢幅名畫既真跡,
都可算係一件難得既事情,
參觀完左著名既"清明上河圖"之後就到隔離展廳睇其他既展品,
同埋上左去4樓打印做紀念,
而今次既戰利品包括如下:

係相中間果一卷迷你版既"清明上河圖",
只有係睇過真跡既參觀人士先有得拎,
而且每人只派一卷有錢都買唔到,
所以係影完呢張相之後就會好好收埋佢,
睇完晒D展品之後點幾鐘,
閃水行左去天星碼頭搭船過左去灣仔,
一落船就係海港中心,
所以連午餐都未食就直接上左去IDP到先,
問清楚晒一大輪野之後就call老豆過黎,
係等佢既呢段時間就當然係去醫肚,
不過今日灣仔書展攪到D餐廳間間爆,
入到去排隊買野食既人多到我想放棄唔食=.="
買完之後仲要托住個盤等左勁內先有位坐低食=.="
結果由到餐廳到可以食野足足用左成半個鐘既時間=.="
食飽之後人實在太多,
都唔想久留坐一坐就走人,
之後去左灣電逛下睇下D notebook,
3點鐘行到冇野食結果走左落去MTR係到等老豆=0="
3點4終於等到老豆之後行番去海港中心,
先係銀行匯左學費過去大學果邊先,
之後就拎番張收據上去IDP比佢,
上到IDP都已經4點半,
仲要等左幾內下先到我@@
交完晒D野再問多D野之後閃得水,
行番去搭MTR走人,
到左地鐵站5點4交低D野比老豆拎番去先,
之後我自己就搭過去尖沙咀搵人拎野,
因為我想係書展到買本書,
但自己冇時間去而且唔想為左一本書入去,
咁啱又搵到有fd去書展,
所以就托佢幫我買本書,
去到尖沙咀等左輪本書終於到手,
就係蕭源既最新著作"補習天王血淚史",

由於只係係書展有得發售不得不托人幫人,
拎過書之後就搭番屋企,
過番海搭港島線=.="
結果今日係橫渡左維多利亞港4次=.="
番到屋企坐左半個鐘左右,
就落左街左去鴻星晚飯,
食完飯又周圍行下睇下有冇野買,
番到屋企都已經成10點鐘@@
沖完個涼之後係到睇番晒今晚D電視,
結果睇到依家成點半都仲未有得訓=.="
唔打咁多仲有半個鐘要睇=.="
睇完先有得去訓=0="
死啦聽朝仲要早起tim嫁=0="

今日訓到11點幾起身超爽,
開機hea左陣之後就落左街食lunch,
走左去食煲仔飯超正@@
食飽番歸經報攤順手執埋本PC Weekly,
睇多幾個月冇得睇lu=0="
番到屋企又係係到hea下悶下,
睇左陣動畫之後係到發呆=.="
5點網球王子嗎很好看,
剛看完就收到了IDP的電話,
真的很不幸我的預感中了=0="
真係要上10個weeks既英文班@@
anyway fine反正都預左去唔差在果10個weeks,
晚上都係一連串既睇電視活動,
歲月風雲之後走左去執野,
準備後日既走人事宜=0="
好啦要早D訓因為聽朝要超早起=.="

今朝本來諗住終於有得好好訓番一覺,
點知10點幾鐘比個電話嘈醒左><"
醒左之後都係無無聊聊係到睇動畫,
一點出左去飲茶愈飲愈覺得冇野食=.="
成日食黎食去都係果幾樣好無引=.="
飲完茶番到屋企仍然係睇動畫,
夜晚成晚都係係到睇電視=.="
依家12點幾好無聊打算又睇動畫=0="

今日仲未有得好好休息,
一大清早8點半就起左身,
眼訓極透冇食早餐,
9點換件衫hea下就出門口,
去到灣仔IDP果到先得果10點9,
登記左之後就係到坐住等,
11點開考做卷時間一個鐘,
做完之後只有一個conclusion,
就係"睇黎我都要上英文班嫁啦"=.="
考完搭MTR先去樂富站拎番之前借出既radio,
之後再去鑽石山荷里活,
周圍兜下去電器問下D laptop information,
點半等齊人去左禮賓閣食lunch,
多年冇食水準依然很好~~~~
食完之後就係到無聊閒逛,
3點45分嘉禾戲院,
Harry Potter and the Order of the Phoenix~~~~~~

等左好內啦終於到左第5集啦,
最衰機票好book唔book,
book左11號走人=.="
如果唔係我一早係11號早場睇左啦=0="
番到黎之後琴日又成日都係到忙,
結果要等到今日先抽到時間出黎睇><"
本來打算睇3D版嫁=0="
不過由於呢排財政拮据過於嚴重,
所以最後唯有選擇睇番2D版可惜,
139分鐘既精彩劇情令人睇到目不轉晴,
最正係鄧不利多捉住隻鳳凰消失果野,
真係型到不得之了@@
睇完之後我覺得如果睇3D版係會超正,
而另一個conclusion就係,
Emma依然係好鬼靚~~~~~~~
post番兩張劇中迷人靚shots先,

期待下年2008年11月21號第6集電影上畫~~~~~~
睇完Harry Potter都已經6點有多,
搭巴士番屋企之後晚飯緊接一連串既電視劇時間,
完左電視既時段之後再問下有關notebook既事宜,
突然發現買mac機係一個幾唔錯既choices~~~~~
好啦都12點幾係時候去訓覺~~~~~~~
真係好攰丫~~~~~~~~

勞動左咁多日今日仲未有得好好訓一覺=.="
一大清早8點半就起左身,
個人眼訓到完全係形容唔到=.="
勉強起身之後極度冇胃口,
開左部電腦禁幾禁換條衫就出左門口=.="
搭車去到樹仁11點都未到,
交低張form填埋個表係到等嗌名,
坐低之後發現有9成半人都著晒西裝咁=.="
大佬靠嚇咩依家in大學唔係in工丫=.="
賴浮誇好整齊咩呢D叫虛偽咋=.="
一直坐係到等等等見到好多熟人不斷出現,
11點半終於到我上樓in,
入到去係個丫嬸問左一大堆廢話,
我完全唔知一大堆野同account有咩Q關係=.="
就咁in完都唔知佢想點=0="
12點落樓join番Eric,
之後搭車去左灣仔,
先兜上去298到買DVD-R因為屋企已經冇晒,
之後就去左spaghetti house到食lunch,
食完2點幾冇野做番屋企,
番到屋企仍然係係到狂追番上星期唔係到幾日miss左既電視,
一直煲到6點8先清得番晒果幾日miss左既電視=.="
之後即刻飛去沖涼=0="
7點一邊食飯一邊睇電視,
食飽之後keep on一直係到睇電視,
由7點睇睇睇睇到10點半先睇完,
今晚歲月風雲首播好鬼正,
睇完之後就係到update番多日黎既Blog,
一直update到依家已經12點鐘啦=.="
好鬼攰丫而且聽朝仲未有得好好訓一覺,
仍然係到一大清早起身出門=.="
所以係咁先走人訓覺=.="