| |
|
|
| |
| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
| ．影 誌 歸 月 |
|
|
| ．影 誌 分 類 |
|
|
| ．影 誌 聊 天 |
|
|
|
．好 友 名 單
|
|
|
| ．網 誌 群 組 |
|
|
 | |
 |
2007 年 7 月 15 日 星期日 晴天  | |
| |
|
打麻雀打到食二百幾番局=.="  | |
今朝都仲係一早7點半起左身,
食飽早餐之後坐下hea下,
利叔走左過黎問侯下二伯,
原來佢只係趁有時候過黎hea一hea,
佢12點就搭機過澳門玩,
坐左一陣飲左幾杯茶就走左lu,
10點幾鐘番上樓check清楚有冇執漏野,
之後就番落去廳到坐,
11點鐘lunch係今次一行最後一餐了,
好豐富有好多野食~~~~~
食完之後都11點半鬆D,
坐低同丫嫲傾多兩句,
12點就出門口去機場啦,
今次一別最快又要3年之後先再有機會黎泰國啦,
去到機場快手check個in,
之後唔理其他即刻入左閘先,
因為唔知班廢柴海關又要攪幾內=.="
入左閘之後一路行去登機口到坐,
點知又有多個關卡係要開D手提包比佢check=.="
好心佢就一早check埋先啦=0="
係要設計到咁不知所謂=.="
check之後就去到登機閘前坐住等,
坐左成粒鐘終於有得上機=.="
飛機準時2點9起飛,
起飛之後就馬上開始打機=.="
因為每個位都有獨立電視連手掣,
可以同機上面D人對打超正~~~~
開左個台灣16隻麻雀,
係咁打打打一直打,
只係一直得我一個贏=.="
其他D人一個都冇贏過=.="
打左個幾鐘之後基於台灣牌既低B計番法=.="
我已經食到二百幾番=.="
之後因為有餐依D人都無引都走晒食野,
食完野之後我都唔想打同一大班咁廢既人打牌=0="
於是揀左D對電腦既game打,
一直打到飛機係香港降落=0="
6點9落機之後好快又到閘位,
e-channel極速過關之後就直接去巴士站,
番到屋企都已經8點半有多啦,
因為仲係好飽肚下所以先去沖個涼,
之後就係到上網搵番呢幾日唔係到miss左既劇,
搵到之後就炒左個飯一路睇一路食,
睇到成點先去訓覺=.="
| | |
|
|
|
|
| 2007 年 7 月 13 日 星期五 晴天 | |
| |
|
| 細嫲屋企首遇細叔 | |
今朝都係一早7點半就起左身,
成朝都冇出去係到同丫嫲傾計,
lunch之後hea左陣就出門口,
坐左半粒鐘車去細嫲屋企到,
去到之後除左見到細嫲之外,
仲見到大叔同第一次見面既細叔,
而幾個姑姐就唔係屋企,
細叔之前果幾年都係澳洲讀書,
所以到依家先第一次見到面,
細叔真係勁野一睇佢個樣就知佢攪埋同藝術有關既野=.="
因為佢個樣夠晒藝術家樣=.="
長頭髮整條辮咁樣樣=.="
唔知係咪指定要留辮先收=0="
點解見親D藝術家個個都要整條辮=0="
結果一問真係同藝術有關=.="
細叔係廣告設計學士同平面藝術設計碩士~~~~
係細嫲到坐左成個晏晝,
都係係到傾計下計食下野,
5點幾番到二伯屋企hea左陣,
6點鐘出左去食晚飯,
成餐由前菜到甜品食既飲既都係辣既~~~~
真係正到不得之了XD
食完晚飯番到去睇陣電視沖個涼,
依家都9點半lu坐多陣訓~~~~ | | |
|
|
|
|
| 2007 年 7 月 12 日 星期四 晴天 | |
| |
|
| 咁都要打格?! | |
今朝一早7點半起左身,
食完個早餐之後hea下,
9點半鐘出門口去大伯到,
去到大伯到坐左個幾鐘,
之後就係大伯到接埋丫嫲,
開車番到二伯屋企到已經11點幾,
坐低同丫嫲傾左成粒鐘,
12點幾lunch time,
食飽hea左hea就同二伯出左去,
冇咩特別都係出去打下牌,
自動洗麻雀枱聽就聽得多見都係第一次=.="
真係超方便既一個發明,
去到4點幾鐘食晚飯嗎=.="?!
下午茶係一大碟炒飯加一大碗冬蔭公湯,
一路打到6點鐘先走人,
番到去都7點鐘已經飽到唔洗食晚飯=.="
坐下hea下同丫嫲傾下,
之後就係到睇電影,
無意中發現泰國電視台都有播包青天,
不過發現左有樣野超好笑=0="
就係果邊電視好嚴謹=.="
當條友用把劍放係人地條頸上,
成打劍都要即刻打晒格仔=.="
真係頂引到不得了咁都唔比出街=.="
剛沖完涼已經8點鐘啦,
坐多一陣閃去訓覺@@ | | |
|
|
|
|
2007 年 7 月 11 日 星期三 雨天  | |
| |
|
泰國海關成班都係廢柴  | |
今朝一早七點幾就起左身,
超眼訓所以又係冇胃口食早餐,
開左部電腦check晒D email先,
之後9點鐘出門口落去巴士站等車,
9點3上左巴士10點7到左機場,
到步後第一時間check左in先,
之後見冇咩野做入左閘係到行=.="
11點20分可以登機,
上到飛機迷罔左一輪點解搵唔到個位,
最後先發現原來係一入門口果個位=0="
坐低左之後發現個位好舒服,
因為前面一大片空地冇其他櫈,
兩隻腳可以伸直晒咁坐真爽,
11點8睇住佢閂左機門,
之後有個空姐拎左份野比我睇,
噢原來坐果個位要睇一份無聊指引,
話咩緊急情況要幫手開機門同叫人係到走=0="
起飛無內有餐食好豐富,
食飽就當然係訓覺啦=.="
訓醒之後都已經就到曼谷,
點三就降落左比原定早左成廿分鐘,
點知因為天雨路滑既關係架機滑前左=0="
於是要係到係咁shift前shift後=.="
shift到啱位先有得落機=.="
結果1點55分先有得落機比原定遲左20分鐘=.="
落機去個洗手間係機場走兩走,
發現同上次黎個機場個feel好唔同,
事後先知呢個係新既曼谷機場開左唔夠一年,
去到check passport個位要填張form,
有一欄係要填我呢幾日係泰國既地址,
有人黎接我嫁嘛鬼知咩=.="
於是空左佢點知埋到去佢話唔填唔比我入境￣▽￣|||
於是我就話我係住酒店冇預先book,
要一間出到去先知道住邊間酒店,
點知條友話冇得咁嫁喎總之一定要有地址先出過=.="
激死於是開電話打比人求救=0="
結果講左個地址比佢先比我入境=.="
真係麻煩到不得了,
自己又要手腳慢又要嘈.\/.
我都未投訴你班廢柴=.="
一路傾計講笑一路同人check passport,
打印果時都唔係望住本野係到亂打,
由個旅客埋到櫃台直至佢離開都只係一直望住隔離個職員係到傾,
最離譜既係我望到有個大粒既行埋黎,
照道理係應該叫佢地收聲咪嘈專心做野,
點知仲吹漲真係粗口都黎埋,
居然係走過黎叫佢地慢慢做仲要企係到同佢地傾=.="
自己攪到個職員停埋手係到傾到笑晒咁,
真係豈有此理咩態度真係火都黎埋.\/.
攪到排隊條龍幾丈長係到等,
passport又要求求其其樣樣都唔睇就打印=.="
咁鬼執著個地址做乜Q,
泰國海關養埋成班廢柴係到,
唔怪得之泰國D人咁易運毒出境啦=.="
入左境望下個鐘都已經就3點=.="
真係成肚火超唔gur,
點知仲未完行到去scan行李果到一條友舉手叫我走,
點知行左唔夠20步另一條友衝上黎叫我番去scan=.="
2條友都唔知係咪明玩野.\/.
scan完出晒閘都已經3點鐘=.="................
冇計泰國養住成班廢柴海關想快都唔得=.="
睇黎走果日都係早D去機場,
廢事比班廢柴攪到我機都上唔到!!!!!!!!!
坐車去左二伯屋企都已經4點幾好放lu,
入屋休息下6點鐘食晚飯,
真興奮第一餐既湯係"正宗泰式冬蔭公"超好飲,
食飽之後係到睇電視同吹水,
9點沖完個涼之後係到寫番D Blog鬧臭班廢柴泰國海關,
依家都成9點9香港已經10點9啦,
比班廢柴攪左半日超攰執埋野訓覺~~~~~~~~~~~ | | |
|
|
« | 220 | 221 | 222 | 223 | 224 | 225 | 226 | 227 | 228 | 229 | ... | 398 | »
 
|
