琴晚又試煲到兩三點先訓=.="
今朝七點半起身超辛苦=.="
八點半出門口搭巴士去沙田上HL,
落堂番去九龍灣到,
去老表到食lunch今日好多人=.="
食飽lunch之後去左淘大行,
一上到三樓見到震宇,
佢原來啱啱補完P Chan,
之後佢問我食唔食lunch=.="
早D講嘛我都食完想點=0="
之後去左M記坐下睇佢食哈哈,
周圍逛到點九上源堂,
落堂之後去左M記搵麒哥同泰林,
坐底左之後讚佢地好耶,
搵到張枱咁好風景~~~~~
因為面對住2個靚女~~~~
不過佢地冇咩反應=.="
之後3點半起身走人果時,
佢地先發現2個靚女坐左係到,
仲問我做咩一早唔同佢地講=0="
我都已經講到咁明顯get唔到我冇計嫁=.="
之後仰同我話開頭諗住我癡左線=.="
係咁講咩張枱好風景=0="
上左去centre到佢地等Ken Chan問書喎,
好內冇見既Ken Chan愈來愈"Arthurization",
呢一句明就明唔明就算啦XD
我就冇野做一直坐係到等5點9=.="
終於等夠鐘上KS..........
完左去左KFC食晚餐,
不過KFC D雞愈來愈差了=.="
吃飽都係得果一個節目周圍兜=.="
8點3夠鐘上卡sir堂,
今日極準時落堂完全係前所未有,
落堂之後又再黎行路去觀塘,
搭巴士番屋企已經十一點,
總算趕得切睇勁歌既幾個大獎,
不過其實睇唔睇都係咁=.="
因為最佳男女歌手同新人,
仲有亞太區最佳男女歌手,
同金曲金獎全部如我所料=.="
結果同我心目中既係100%相同,
周慧敏真係好靚喎,
梳洗完左聖鬥士星矢冥王十二宮篇,
緊接既係coursework時間=.="
好啦打完Blog 2點11分,
休息完係時候繼續做=0="

今日係最後一日番半晝,
遲左少少起身唯有番學校食早餐,
番到去canteen一個影都冇=0="
我走埋去買野食佢仲問我食唔食得切=.="
點會食唔切丫有成15mins=.="
比個飯盒我都食得完啦,
早餐最後買左沙嗲牛肉豬柳麪,
十個大元好平~~~
食飽番左上physics,
悶到喊啦好想快D同physics斷絕關係=.="
小息之後computer堂,
多數人係到做野,
我就主要問番D問題姐,
放學去左必發到食,
今日D野唔係好啱口味tim,
又叫左牛麪=.="
食飽歸家已經一點,
二話不說馬上開工做coursework,
之後就一直做到依家凌晨一點四十五分啦=0="
中間只有食飯沖涼同洗手間=.="
coursework呢樣野真係.........=.="
完全係呢樣野導致到我對電腦愈來愈冇興趣,
當然4G都佔有一定既地位,
所以我大學先唔揀電腦做first choice=.="
反正填得都差唔多入緊=.="
唯有填住其他先.............
唉唔講咁多聽朝仲要早起補習=0="

PS  我也覺我體質彷似下降，
      看了症得到是「別要太忙」！

今日第一堂中化,
第二堂係physics,
放學去左必發食,
番屋企好眼訓走左去訓,
點知訓到2點幾比個電話嘈醒左,
一出聲"你係咪Ringo丫?",
之後又話佢係California打黎,
話好好友推薦計畫送我一年會籍咁上下野=.="
之後我問佢邊鬼個推薦佢又話唔知=.="
都唔知係咪白撞既=0="
好眼訓cut左佢線熄埋電話再訓過........
起身之後已經食得晚飯,
開著機之後Norris又話佢收到個咁既電話=0="
睇黎我地班有人玩野喎=.="
到底係邊個玩野.\/.
執番齊D coursework野放落stick到聽日上堂用~~~~~

琴晚結果攪到成3點鐘先訓覺=.="
coursework呢家野真係唔講得笑=.="
可以有能力令一個成日都悠閒到爆既人做野做到三更半夜=.="
訓左唔多4個鐘唔起身都要起,
番學校第一堂係空堂打機啦當然~~~~~~~
今日終於爆左隻RPG"滄海洗劍錄",
不過我仲有另一隻未爆.....
第2堂UE今堂又變左故仔堂啦.......
放學食M記之後番屋企,
check多次琴晚果到,
因為琴晚頭昏腦脹錯左都未必知,
果然係錯左D minor既mistakes=.="
攪完左落左街下,
晚上開始執番之前D野,
Objective已經係Final Version啦,
最後係14頁既...........
十一點睇勁歌,
今晚決定早D訓=.="

PS  JUPAS又有得免費改choices tim=.="
      發現左我係一定要改果類人=.="
      真麻煩搵野黎攪=0="

今朝超唔願起身-0-"
番到學校第一堂中化,
miss講左個好到point既故事,
內容係講"人禽之辨",
成班即刻拍晒手~~~~
之後派實用文最高分=.="
miss講左句好令人擔心佢會冇命既說話,
之後又比華叔番我舊帳講我個"張無忌理論"=.="
做2002年listening好攰,
第2堂空堂係到打左成堂RPG,
夜學又係Cafe de Carol=0="
番到屋企開始煲coursework,
今日做既係network果part~~~~~
由晏晝2點到6點大概勾左個初稿,
之後去左休息,
食飽飯7點半鐘再黎執番好佢,
一直攪到依家成2點啦><"
攪到我隻眼連長方形同平行四邊形都分得唔係好清啦=.="
所以先上黎打Blog休息下=.="
唉又試一個圖攪左我成半日=.="
唔寫咁多仲要執埋少少手尾~~~~~~~
好攰=.="