講今日之先講番琴晚D恐怖野,
我訓到半夜醒鬼左,
開頭仲諗住差唔多天光點知望出窗黑既,
於是再訓過合眼前望見房門閂鬼左.......
我明明記得我係冇閂陷嫁.......
不過好眼訓唔理佢再訓過,
點知合埋眼冇內,
feel到比D勁重既野壓住左,
成身手腳想郁都郁唔到,
連想開口講野都張唔大個口,
問題係對眼又淆唔敢張.........
都唔知係咁黑隻撞野,
真係更唔好彩中左"脊髓小腦失調症"......
死啦中邊樣都唔係好事=.="
當然係第一樣好DD啦@@
講番今日唔好講果D恐怖野啦.......
今日頭2堂係PE堂,
人生中學生涯既最後2堂PE堂啦,
先考試跑9mins,
之後成班踢波比賽,
最後2堂PE超晒時~~~~
第3堂中化到我演講........
本來上星期既不過請左假煲coursework~~~
所以shift到今日,
題目係"香港是個大商場"唔多鐘意呢個,
因為唔太好講@@
結果用左2mins亂潦張稿就去講了,
我就覺得自己今次馬馬地啦,
點知miss話有8分又A=.="
等我仲諗住今次冇tim.........
之後又講一大堆野話咩聽我演講係一個享受......
太誇張啦~~~~~
之後Norris哥出去miss同華叔2條友係到gag=0="
勁多冷笑話=0="
2堂pure maths走左去後面捉五子棋,
lunch去左必發超正既加喱牛腩飯,
番到學校之後係UE堂,
派完野都落堂,
最後2堂係computer上網接龍都係咁,
放學番屋企上網聽歌,
要追番做coursework果個月同世界脫節左既野~~~~
就咁一日啦今晚都係早D訓,
唔想又有恐怖既遭遇~~~~~~~~

嘩~~~~~~
好內冇試過好似咁晚訓得咁爽啦,
非人既生活過去啦,
經過半個月既追趕精神飽受煎熬,
琴晚既一覺令人精神百倍,
早上起身容光煥發XD
番到學校頭2堂Keith Chan UE悶,
第3堂pure maths係到睇鳴哥睇我份野=0="
突然一陣勁香既燒味味係窗外傳入黎,
攪到勁鬼肚餓=0="
小息落左去canteen食野...........
好內冇落去啦因為依家太高懶得落=.="
2堂applied maths都係冇上,
係到繼續睇鳴哥睇我份野,
條友short左係咁睇完又睇=.="
結果比我沒收左XD
lunch去左必發,
超正既羅宋湯又飲左4碗,
番到學校第一條事交左份野先,
第一個交好耶=.="
上番課室有prison break睇=.="
完左lunch 3堂physics TAS,
最後一個Full report同時最後一個report,
take晒data放學番屋企,
好攰丫仲係,
因為一晚猜 可能補得番晒半個月既痛苦=.="
又走左去訓覺,
7點鐘先起身........
食完個晚飯開始做個Full report,
9點半攪掂左98%,
剩番果2個巴仙聽日番去抄人XD
沖完涼度番聽日中化條題目,
亂潦幾行就咁算數,
11點"新絲綢之路"真係好好好好好好睇=.="
下個星期最後一集啦><"
趁時間仲早執完書包上下網先得XD

PS  終於回復游閒生活∼∼∼∼
      爽∼∼∼∼
      陶淵明既生活理念,
      就係唔好係官場到同人爭3爭4,
      番屋企歎下好過啦~~~~~~~~

琴晚捱到3點半,
今朝都唔敢訓遲,
10點好辛苦咁起左身,
食完早餐開工,
一直做到食晏己經係2點既事,
食完再做一直做做做,
6點鐘終於完左份野啦=0="
真係興奮到跳起,
print好晒份野之後拎落街釘裝,
同埋食晚飯,
做完左份野係唔同D,
胃口都好左食左勁多野@@
食完去百佳入貨,
8點半最後一集一擲千金,
完左之後就攪番隻disc,
10點正正式式宣佈完工,
總頁數113,
總字數31,613~~~~~~~~~~
份野靚到唔捨得交=.="
想自己要鬼左佢.........
係到比個封面同隻disc面比大家睇下啦,

至於份野有人想睇既就同我講啦=.="
不過唔好後悔..............
好啦唔講咁多今晚終於有覺好訓~~~~~~~~~~~

因為今日要補習,
所以琴晚都早左少少訓,
就係3點去左訓覺啦-.-"
今朝8點起左身,
成個人渾渾噩噩咁=.="
冇咩胃口食左D野出門口,
去沙田上HL,
完左番去九龍灣,
lunch同震宇兄去左Fairwood到食,
發現左條友係得一套衫=0="
點九源堂成堂都趴係到上=.="
之後3點幾落堂去左德福到,
開左格廁格係入面訓左2個鐘=0="
超爽正到喊=.="
5點9上KS堂精神好好,
可惜發現帶錯notes=0="
Jelly遲到一入黎我差D認唔到=0="
唔知佢做乜鬼今日著到特別靚哈哈,
去左老表到食晚飯,
但係真係冇咩胃口食左個公仔麪餐=0="
不過都係必發果D好食D,
8點4上oten的,
落堂去左打機當休息,
碓冰終於贏到Eric啦,
番到屋企沖個涼睇星矢,
完左之後再煲coursework,
3點半先去訓覺~~~~~~~~~

讀左八年中學我一次病假都未請過,
今日我因為唔夠時間做computer份coursework,
淪落要要請病假昆學校,
留係屋企做coursework=.="
打電話番學校同佢話請病假,
佢問我請咩假,
咁仲洗問既咁就緊係"頭痛"啦=.="
比份咁既野係到折磨左我成個月,
到依家都仲未攪得掂你話唔"頭痛"有咩丫=0="
八年黎既中學生涯第一次病假,
相信同亦係最後一次,
唯一一次既病假就咁比左份coursework,
回想當年中五既時候,
讀左六年中學既我,
第一次既遲到亦係比coursework搶走左,
可以聯想到coursework既威係幾咁幾咁大=.="
亦正正因為呢2份coursework令我飽受煎熬,
攪到我對電腦科冇晒興趣,
亦係我點解大學JUPAS唔填電腦做first choice既原因,
因為一但大學讀電腦,
呢一世人會仲有千千萬萬份coursework等緊我=.="
What the HELL?=.="
起身八點九梳洗完之後用光速一分鐘契完左個早餐,
九點正式開工,
先黎解決埋琴晚未完既implementation,
一直做到成一點終於完左implementation,
落街食個lunch,
二點再黎開工,
開始testing and evaluation,
一直做默默做,
冇離開過部電腦做到7點鐘,
先黎食番個晚飯補充一下體力,
七點半再黎坐定定,
一直做狂做喪做係咁做,
望下個鐘十二點50分終於做完個testing and evalution啦,
一個咁既testing and evalution做左我半日=.="
不過唔好開心住,
後面仲有"conclusion"同"discussion" 2個parts等緊我=0="
你話呢今日唔請呢一日假有咩可能會係星期一之前趕得完=.="
唉到依家我都仲未沖涼係時間去攪攪佢先,
之後睇下仲有冇精神攪埋個conclusion,
之後discussion就可以星期日K晒佢~~~~~~

PS  收到風今日中化堂林志芬話估唔到我都會請假好無奈=.="
      我都好無奈丫大佬,
      你估我想嫁=.="
      如非必要我都唔洗出到呢招非常手段=.="
      八年黎既第一次病假丫,
      你要諗下個情況係幾咁嚴重,
      完全就係懸於生死一線天~~~~~~~!!!!!!!!!