今日真係黑仔到不得之了=.="
一大清早起身出門口,
先黎第一件究係"升降機擠壓"=.="
連續等2轉都係迫爆既入唔到=.="
之後落到去巴士站啱啱好送車尾=.="
之後上左第2班車去到將軍澳隧道,
十年唔塞一次車今日塞左我成十分鐘=.="
OK fine出到觀塘係諗住落巴士既時候,
見到大大部3D係我隔離駛過=.="
當然即刻唔落車搭多個站寺牛頭角上地鐵啦.....
點知上到月台又啱啱好走左一班車=.="
等多一班上左地鐵見到seven Chan,
去到彩虹得番唔夠40秒,
2條友一齊飛奔番去學校,
點知又勁黑仔十年都冇一次地鐵出黎條路勁多人=.="
OK fine照跑起勢月飛,
已經望到學校門口愈來愈近啦,
點知差一步"嘭!!!"睇住度門閂埋=.="
結果遲到"一秒"=.="
又要勁唔好彩老申十年都唔落黎一次,
今日企左係到攪到D prefect冇得放人,
想用酌情權都冇=.="
個校工都係到講"個丫sir咁衰既差果少少都要捉".........
算啦冇野好講=.="
唯一真係好想講既就係粗口=.="
真係甚麼地獄=.="
頭2堂UE堂係到回氣哈哈=.="
真係跑到我死又要冇帶水勁辛苦=.="
都係做埋D例行工事,
第3堂pure maths係到周圍討論野哈哈,
小息一打鐘丫sir都未講完條數,
已經唔理佢同seven Chan走左落去canteen,
(當然係神3堂先可以咁做.........)
第一時間買水飲同食番個早餐~~~~~~~~
當我買完個包之後好感動,
因為極其少有係小息可以買到一個熱既包,
總算有番D安慰~~~~
2堂applied maths唔係好記得攪過D咩黎,
lunch去左必發到食,
又試飲左4碗湯超正,
最後3堂physics真係好攰頂唔順,
除左第一堂係到發呆之外,
其餘2堂都訓到好熟正正正,
放學去呢個遲到留堂班=.="
完左行過去九龍灣報源capture A,
之後周圍行下去左淘大,
見到條樓梯好靚於是影左,
不過因為單手拎機攪到有D手震=.=
之後又走左去德福,
今年德福D新年佈置都幾靚喎,
係咁隨緣影左兩張,
差唔多5點鐘搭MTR過去尖沙咀,
去California到解決seven Chan之前攪落既麻煩野=.="
我真係比佢激死=.="
乜鬼好友推薦填左我個名=.="
攪到California三日唔埋兩日打黎問我幾時去拎個免費會籍=.="
不過我呢D咁醒目既人早估到佢唔會咁好死,
真係純免費會係咁打黎叫我去?!
於是我係入去之前將銀包既提款卡同金錢撤離,
放落我個袋到先XD
之後入到去佢係到問三問四又帶我遊花園,
攪左成半個鐘之後叫我做個咩分析,
print左張result出黎之後開始露出佢既"狐狸尾巴"!!!!!
講講講之後就同我開始講收費,
之後又問我有冇提款卡或者信用卡,
我一口就答佢冇,
之後佢仲要扮晒可惜咁樣樣,
"我仲諗住講你聽有咩優惠",
我即管聽下啦平呢樣平果樣,
之後我話我真係冇喎,
條友唔出聲開始係到苦思,
攪完一輪之後佢話真係冇計,
叫我比張身份證佢出番個免費會籍一個月比我先,
之後佢攪完一大輪手續之後又話,
我問左上頭喎今日last day優惠學生又有得平喎,
解釋完一輪我一口堅決答佢我真係冇提款卡喎我都冇計,
之後佢好無奈咁比左個會員卡同比番張身份證我,
仲要好無奈咁比埋增品比我哈哈,
我呢D級數唔係一般一用卑鄙手段就可以對付到,
你估香港真係通街比你講兩講會比錢你賺果D人丫,
我老早識穿你籠野啦,
廿幾歲仔想同我呢個八十幾歲思想既人抽,
番鄉下耕多十年八年田先黎同我講野啦=.="
解決左seven Chan攪出黎呢壇麻煩野之後都差唔多6點半,
直接搭火車去沙田啦,
第一次係尖東站搭火車,
車站幾靚下既都,
去到沙田已經7點4本來plan好食完野先上堂,
點知依家都唔夠時間食=.="
於是就去一去眼鏡鋪較下眼鏡同洗眼鏡先,
7點9上HL堂,
可能係學既physics堂訓左今堂幾精神下,
超晒時9點8先落堂=.="
好肚餓丫咋咋淋去食番個晚飯先,
最衰都係個傻仔係咁氹我入會,
想昆我點知最後比我攪到佢氹氹轉哈哈,
想最我時間結果比我晒左佢時間哈哈哈~~~~~
食飽左都已經十點二去巴士站搭巴士番歸,
幾過新城市廣場既中央位置,
見到佢個新年佈置好靚丫~~~~~
於是又影左幾張~~~~
點知去到巴士站又試送車尾=.="
今日真係好黑仔下=.="
不過諗左將D無良既商人耍到氹氹轉,
咁大快人心既一條事等車就等下啦反正心情靚哈哈~~~~~~
番到屋企都已經成十一點鐘lu~~~~~~
梳洗完一輪上下網同上黎打個Blog,
依家都已經十二點九點,
今日忙左成日都真係好攰下,
就係呢到完左執埋野去訓啦~~~~~~
PS1 上星期6太夜訓都唔記得左件事,
結果冇打到落黎依家補番啦~~~~~
亞洲鐵人楊傳廣逝世,
英姿令人懷念的~~~~~~~
PS2 中國蛙后羅雪娟因病退出國家隊真係可惜~~~~~~~~~
