琴晚早左訓今朝好精神,
今日番學既時候仲著緊短袖,
連冷衫都冇著,
臨入門口果時見到Leon ME係到,
諗住會比佢捉冇校褸,
唔知係咪連冷衫都冇勁得濟,
順利移過冇事,
佢反而去左捉後面果個.....
一排prefect見到都唔捉我,
仲係到歡呼同拍掌,
哈哈哈哈~~~~~~
之後排隊校長係上層已經係咁望住我,
李sir仲要宣佈:
"今日低過十五度,
麻煩班主任幫忙捉D冇校褸既同學",
當然冇人捉我啦,
最頂引係李sir落左黎係我前面行過都冇理我,
唔知係見唔到定吹我唔漲啦~~~~~~
頭2堂UE堂嘛都差唔多hea2堂,
特別既係Keith Chan係咁叫我帶番件冷衫著=0="
問題我都冇買到......
同佢講完佢又叫我著番保一果件,
問題係我都冇=0="
之後佢好無奈咁話"我見到你咁樣我都凍"=.="
問題我唔凍喎..............
第3堂pure maths唔知做咩,
好似係到玩字典機,
之後2堂physics同seven chan挑機五子棋,
lunch成大班人11個去左金銀島到食,
好內冇去啦因為之前去過一次唔好食=0="
不過今日去到食落改善左好多,
不過都唔會成日去因為要行去采頤好鬼遠,
中化堂又派文,
又試最高分佢又屈我要貼board=.="
唔貼得唔得丫今年派咁多份文,
份份都比你拎去貼我一份都未拎過番屋企丫><"
最後2堂applied maths,
係到玩管道工同埋同人挑五子棋,
放學班際籃球賽做反備啦,
可惜今日我地班得番班傷兵,
如果唔係一定打贏班A班=0="
冇計啦我地班太善心啦.........
最勁果7個8個都係朝早去晒捐血,
放學仲要打點頂丫..........=0="
anyway唯有下場爭番個季軍啦,
完場之後唔想換番校服,
就咁著坐短袖衫褲走人,
上到巴士好多人議論紛紛.....=0="
著短袖姐唔洗大驚少怪喎,
自己著長袖先有問題又唔諗下=.="
成日都話CE level2年chem堂咩都唔記得,
最記得丫sir一句說話,
香港D後生仔十一二度就嗌凍著到成隻糉咁,
萬一得番六七度唔洗嘈啦,
都凍死晒~~~~~
呢句說話好有道理,
有道理得黎仲要係丫sir自己著條好多衫講既,
特別有說服力,
因為批評既對象包括自己~~~~~~
人地外國落晒雪先著羽絨,
你就十度八度著羽絨,
萬一香港真係落雪你仲有咩著?!
都係講番今日,
番到屋企之後主要都係上網同聽歌,
啱啱睇完勁歌冇內,
今日打完波好攰都係早D去訓~~~~~~~~~
PS anyway從科學既角度黎講,
量化左既數據係應該好可靠下既~~~~~
天文台預料未來幾日持續寒冷,
周未市區溫度更跌至9度,
新界地區會再低幾度~~~~
各方好友請保重身體著多件衫,
特別係今年要考CE同AL既,
萬一冷親就大獲,
因為會溫唔到書嫁~~~~~~
(呢個對我黎講都係冇影響=0="
因為我又唔驚病又唔會溫書XD)
