今日係呢個雙十節,
台灣既天下圍攻亦正式展開,
加油丫團結就是力量!
今朝終於起到身啦=0="
不過精神狀況一d都唔好=.="
因為琴晚半夜訓訓下覺,
書櫃到唔知做咩跌左本書落黎嘈醒左=.="
食飽飯又係瀟灑走一回,
冇拎書包雙手插袋番學去,
頭2堂UE做listening=.="
係呢個精神狀態極差既情況之下選擇訓覺=.="
因為根本冇可能聽得到=0="
完左2堂UE中化堂好快完無聊,
小息之後轉左applied maths 2堂,
落堂去左Cafe de Carol到食,
買野食果時個收銀當左我係番工既=.="
唔比學生折扣我好彩比我發現改番=.="
食飽之後番班房UNO time,
今日黑仔啦輸左罰左50下掌上壓=.="
分期付款10次乘5=0="
我對手............
點知轉個頭數聖又輸50下......
不過身體強健既佢一野過50下=0="
做到成塊面都紅色的=.="
最好睇係今日見到元帥都要做哈哈,
lunch之後YY又上黎講一大輪野.......
之後2堂physics嘛好快過,
最後一堂pure maths冇聽書啦因為真係好眼訓=.="
放學冇得走要去Hall到test UE=.="
不過已經攰到冇力做啦=.="
一黎琴晚訓唔好2黎掌上壓後遺症=.="
入到去做下訓下咁總算做完,
個TA先麻鬼煩自己一個係到監考,
點知佢自己訓得最內=.="
一D責任感都冇醒左仲要叫人唔好講野=0="
佢晒氣啦鬼有人聽你講=.="
自己訓左辦事不力仲係到扮型=.="
另一件頂引野就係考一半學校出面好多細路係到爆粗=0="
去到尾段大佬去左飲水番到黎仲噴左D落于子龜到笑左勁內XD
又再尾D于子龜枝筆冇芯我就比左我枝佢,
點知佢係咁禁發現原來我果枝都冇又笑左勁內XD
收卷走人搭車番屋企,
天色好鬼黑加上身心疲累攪到好唔舒服有D暈=.="
番到屋企都成6點鐘有多啦真晒時間=.="
hea左陣沖個涼醒醒神先,
食飽飯上下網接收下天下圍攻既最新消息,
同埋睇下北韓既核武消息,
唉呢輪亞洲既局勢真動蕩........
動蕩得令人有點擔心嘛,
先有日本小泉拜靜國,
後有台灣倒扁世洶湧,
再有泰國政變趕貪污,
現有北韓悄悄放核彈,
千萬不要有事呢=.="
8點半睇以一敵百接住詩遊記,
睇完番房整番個網頁先,
目的在於鼓勵一下今年考CE同AL既朋友們,
網址如下有時間就去睇下啦：

http://www.freewebtown.com/ringovista

好啦都係差9多時候訓覺啦=.="

可能琴晚暫時性解決左份coursework,
所以訓得特別安心攪到今朝成7點8先起身=0="
勢色唔對快手梳洗完之後衫鈕都未扣晒就出左門口,
落到去都費事搭巴士啦因為風險太大=.="
於是飛左去地鐵站搭地鐵,
結果趕到最後都冇遲到真好彩哈哈~~~
頭2堂PE堂做體能做到就快死-.-"
第3堂中化勁冇心機上成個班房都係汗味=.="
小息落去canteen補番個早餐先.....
不過一出班房門口見到天色開始有D灰........
接住2堂pure maths冇咩點聽,
因為上完PE個人勁攰真係冇咩心機上堂,
加上個天又咁陰攪到個人心情都不太好的=.="
lunch又係去左Fairwood到食嘛,
一路經過地鐵站發現依家地鐵站好有文化氣息,
有D廣告箱既poster係教人中文字,
我好鐘意呢個idea呢因為依家香港人實在太多錯別字啦,
今日有3個字我先識得一個咁大把,
所以話中國文化係幾咁淵博呢~~~~
頭先番到屋企上TVB個網禁兩禁都發現有下星期日開始有個新節目,
個節目名叫做"最緊要正字"係專指出香港依家可以捃到既錯別字!!
"捃"冇錯啦呢個先係正字黎嫁平日我地用開既"搵"係錯別字黎嫁~~~
呢個係今日係地鐵站學的哈哈哈~~~~
食飽飯番去學校既時候唔知係咪個天愈來愈黑,
攪到個人都有D翳焗唔太舒服><
UE堂又有故仔聽呢哈哈,
最後2堂computer堂不過只上了第一堂,
因為第2堂4G要帶隊出去參觀所以我地唔洗上,
成班落晒library到做功課就咁做晒功課先番屋企哈哈,
放學搭3D番屋企上車既時候發現成部車都空既得我一個乘客=0="
似乎已經變左專車接送啦哈哈,
不過出面個天真係黑得好緊要攪到有少少暈@@
係觀塘轉車之前先去匯豐銀行交A-Level既考試費,
成2080蚊呢真的貴得很...........
去到匯豐銀行好多人排隊丫足足排左15mins先埋到去=.="
放完再過對面街間東亞到交JUPAS果400蚊.......
唉真係希望千金散盡還復來啦=0="
去到東亞仲多人過匯豐都唔知今日咩事=.="
排左成25mins先交到錢=.="
排完一輪隊加上個天色黑同有極細既雨,
個人非常落寞似的感覺好唔舒服,
見口乾買左杯涼茶飲下就咁又冇9蚊=.="
搭巴士番到屋企都成5點鐘啦睇網球王子丫,
完左就上下網接收一下新資訊啦,
發現左城大有色魔呢.......
雖然不認識受害的女生依然為她感到可憐~
各現在城大就讀的女生朋友們出入要小心點噢!~
食飽飯冇事做傾左陣電話咁啦,
8點半睇以一敵百屈機呢依家NOW都有得睇=.="
接住9點睇詩遊記今個星期一齊走白居易的路~~
詩遊記呢個節目我個人黎講覺得無論內容同個idea都好正,
真係值得係到一再推介比各位~~~~

依家呢2套野都搬早左播真係好,
依家開始唔洗再咁夜訓lu應該遲起身既機會會低番D,
不過係未來黎緊既日子應該會一路咁增大,
因為coursework既問題嘛=.="
唔好忘記我中一到中四係一次遲到都未試過,
不過中五就因為一個coursework遲到過6次咁多=.="
好啦都真係唔早啦難得之家有得早訓都係早D去訓好~~~~~~~~~~~

PS  今日終於得閒番D update左個player D歌啦,
      有時間既就聽下啦哈哈~~~~~~

今朝超爆爽!
因為訓到成點3先起身XD
起身之後食lunch,
食完lunch2點鐘,
開始繼續昨日未完之戰=.="
一直做到5點鐘,
支持唔住啦=.="
休息一下睇下電視,
陰陽大戰記真係好好睇哈哈,
6點鐘再開工,
一路做做做,
做到7點鐘仲未做完=.="
不過我已經想死咁濟=.="
食晚飯之後7點半鐘,
再接再厲一路係咁做,
做到8點半終於做完啦=.="
基本上我係已經死左=0="
接住既事情當然就係休息休息,
上網發現左CityU又有科目既改動,
我當然係跟住佢改啦XD,
冇咩特別的一天,
除了做coursework以外就咩都冇做過=.=

PS  果套死變能既女王的教室終於做完=.="
      唔洗係到阻住地球轉.\/.
      比佢攪到幾個月星期日夜晚冇電視睇=.="
      佢一做完我下星期就有野睇啦=0="
      "一公升的眼淚"令人期待的~~~~~~~~

今朝訓到十一點鬆D起身精神唔錯,
食完個早餐hea左一陣睇gundum,
接住無無聊聊係到玩接龍~~
之後又同伍俊豪傾左陣電話,
條友話想轉科喎比D正野suggestion佢XD
點半食lunch既時間又到,
食完番去房開冷氣開電腦,
之後平心靜氣坐低準備好作戰啦=.="
無錯就係又要趕coursework啦=0="
不過今日對左條題目好內都無從入手=.="
呆左好內呆到有D燥=.=......
一直係到諗點做好諗極諗唔到><"
2點半終於開始有D眉目啦,
打開個mircosoft word不幾隻字又del番,
打幾隻字又del番咁好似寫極都唔得><"
3點鐘開始想發脾氣=0="
算數出去睇陣電視先再黎,
無線360度音樂無邊~~~
今日有唐寧做嘉賓真係好靚呢~~~
睇完4點再黎不過今次好D啦終於起到步,
一路好順咁打打打不過中途有好多字都唔識=0="
攪到查字典晒左唔少時間.....
5點鐘都仲未打夠一頁紙=.="
出左去睇陰陽大戰記,
5點半再黎努力努力再努力=.="
6點7終於打好左analyze果part既25%=.="
差唔多頁半紙左右啦唉.......
快手食晚飯再接住係換衫,
7點4熄機出門口搭巴士去九龍灣搵卡sir,
落堂10點鐘去左打機,
打到10點9唔知做咩好肚餓=0="
幾條友去左食糖水哈哈~
搭車番到屋企都成11點8啦.....
沖完個涼啱啱12點=.="
番房開機繼續作戰=.="
我諗今晚都要做到2點先訓,
聽晚有冇得訓都成問題丫=.="
都係唔講咁多敵軍壓境,
再唔努力就會比人攻陷=.=

PS  終於搵到了專家,
      可望於數天內打我的25個choices post出黎~~~~~~

今日係中學生涯既最後一個中秋節,
一早起身食完個麪就瀟灑插袋搭車番學,
番到學校發現今日林志芬守門口,
一入學校同佢打招呼,
點知佢捉住我問我點解插袋番咁瀟灑=.="
問我做咩唔帶書包.....
唉又一個人範左邏輯上既毛病,
番學唔一定要帶書包嫁=.="
攪到我又係到同佢講左成分幾鐘,
今日頭2堂係UE一黎班先,
派左報考高考既入數字,
嘩考個A-Level成2080蚊=.="
考評局唔好去搶=.="
派完呢個之後miss朱上黎唔知佢講咩,
企係我隔離又唔知自己個咪大聲=.="
我用手掩住隻耳都仲係痛既=0="
可想而知佢個咪係幾咁變態=.="
最無奈係我咁大動作佢都見唔到,
係到講左成個字先發現行開少少......
嘩我隻耳痛到......
好彩未聾得姐=.="
之後上堂好悶耶又係果D野,
第3堂pure maths聽了一會兒書,
小息之後唔洗上堂好耶~~~
因為係學生會既選舉XD,
落去hall到睇左傻仔做show睇左2堂,
lunch去左消防食點知又......
唉消防真係少去為妙=.="
食完班房UNO time,
今日又有計分掌上壓既活動,
seven chan比人罰左成7X下=0="
做到肩都斷=0="
lunch完左都唔洗上堂呢Wakaka,
因為今次輪到落hall到已埋D晒時間既講座,
不過點都好過上堂=.="
完左個talk都差唔多3點番到上physics lab搭一,
講唔夠一陣書就放學啦~~
快手走人番屋企過中秋.......
番到去hea左陣5點睇網球王子,
睇完上左Kong U個網睇,
發現佢終於出左2006年既admission grade啦,
真係好第一時間唔理三七廿一download左落黎先,
之後再去check一check e-mail,
發現中大computer個dept終於覆我啦,
經過一個多星期係咁煩住佢地,
來回信件都成12封,
終於比我問到啦原來中大我係啱資格既哈哈,
check完個e-mail都差唔多7點,
出門口搭車過去麗港城,
不過晚上係將軍澳subway有撞車事件,
加上觀塘道既嚴重擠塞問題=.="
係部車上面悶左成半個鐘有多先去到麗港城=0="
8點鐘開飯啦好豐富噢,
食飽坐多陣9點3走人番歸,
睇以一敵百不過比樓下D人嘈住晒=.="
攪到我要關窗開冷氣=0="
天時大熱緊係係屋企開冷氣睇電視好啦,
出去街到同人迫又要嘈又要熱有咩好=.="
之後仲有既就係睇"詩遊記",
呢個week的幾集也很感人呢~~
看罷精彩電視番房開機,
等左咁內終於齊晒所有資料啦,
可以開始正正式式去排JUPAS果25個choices既次序,
一排一度就黎到12點幾=.="
雖然根據個人意見已經排好晒,
不過都係要等問下專業人士既意見先再公佈,
所以呢一兩日之內都未必可以貼到上黎住~
好啦真係好攰走人訓先~~~