今朝一早7點幾就起左身......
食完個早餐之後7點8左右就出門口,
搭巴士去到九龍塘之後join Eric,
搭火車過去紅磡PolyU,
點知入閳之後見有車就衝左上去,
上到車先發現係往羅湖方向=.="
唯有下個站落搭番轉頭,
去到PolyU先得果9點鐘時間尚早,
先周圍兜下享受舒適既環境~~
9點3拎左個袋之後開始info行動,
先去D想讀既科既攤位到問下資料,
去到double degree個counter有個USB按摩器送比我,
呢個相信係今日最豐富既紀念品,
之後去到computer個counter佢又送左一本note book比我,

之後其他好幾個dept都係8達通卡套,
PolyU真重手件件都又實用又好睇哈哈,
10點鐘去參加Hotel Management個Lab Tour,
入到去發現左PolyU Hotel ManagementD靚女真係名不虛傳!
10個有9.8個都係靚既@@
上到去唔知做咩要我地簽個名係牆到哈哈,
就咁PolyU有我個簽名=0="
入到去個千禧閣到先黎有EDO餅同野飲比我任拎......
之後參觀廚房一人有3件cakes~~~~
接住去到酒bar到又有野飲真係正到不得之了,
最重要既係每一個地方仲要有D靚姐姐係到講解!!
玩完呢個Hotel既tour之後就過左去聽computer個talk,
聽完出黎見到丁家,Eva等等等等好多個熟人,
最重要既係唔知做咩不論男女十個有5個都係拖住個=0="
趕過去聽Hotel Management個talk好多人呢.....
打晒蛇餅兜左成3個圈有多@@
排左好內終於入到去個演奏廳到,
Hotel係唔同D咁多人黎仲要開個theater唔係開個leature hall,
聽完之後都成點鐘啦去左canteen食lunch,
D野食真係OK好食喎仲要好平TIM,
之後就再周圍行下同去左computer個tour,
不過去一半見時間差唔多走人先,
諗住2點3去聽logistics嫁點知一路行發現左2點3果個係BBA既,
原來有科係logistics engineering既係3點先有talk,
之後諗諗下決定放棄BBA果個去聽engineering果個,
係等既時候見冇咩野做去左ISE個tour,
睇左好多唔鐘意既野=.="
不過因為logistics engineering係count係ISE dept到,
一路行仲有一個係讀緊logistics engineering既,
一路係到問左佢好多有關既野,
之後差唔多鐘數佢仲帶我走人先去聽個talk,
去到門口見到標叔拖住gigi黎到打個招乎咁啦.....
一路同個ISE傾下計佢同我話今年佢想攪勁呢科佢@@
仲話我一陣去到聽talk就會知點解,
去到聽talk果到直入XD
入到去真係明點解啦=0="
原來呢個talk每人都有一盒紙包飲品同一枝蒸餾水lol,
聽左成日咁多個talk呢個最好哈哈,
完左呢個talk之後出門口見到西哥澤界幾個人,
發現佢地同我聽緊同一科都唔知哈哈,
係番原地等聽下一科double degree,
係門口仲撞到傅彥於是一齊入去聽同傾下計,
呢科真係出乎意料到冇得再出乎意料=.="
居然係坐唔滿嫁..........
仲要係勁唔滿果隻=0="
不過聽完之後明點解啦,
因為我聽完之後都決定將呢一科刪除!
差唔多5點啦去左mircosoft個center望一望都要走人,
今日一日既PolyU行總結黎講,
PolyU D女生真係名不虛傅,
特別係Hotel management丫!!!
搭火車再轉地鐵出去九龍灣上堂,
不過去到遲到左幾分鐘@@
落堂同Jelly講左2句,
去左間泰式食野第一次去都OK好食,
食完去上卡sir堂啦,
又一堂昆我水啦頂佢,
500一個月4堂上左3堂比佢昆左350=0="
再咁落去我可能轉第2個,
如果真係好嚴重可能去消委會告佢=0="
落堂去左打機,
打到10點半搭車番屋企,
番到去都成11點4好攰呢,
特別係隻腳酸軟無比,
沖完涼之後就試下佢今日送個按摩器,
又真係得喎按左一陣好攰訓覺~~~~~~~~~~~~

琴晚睇到夜一夜今朝反而自己起到身......
食完早餐仲有時間上陣網先番學,
今日頭2堂UE唔記得左做咩啦=.="
第3堂中化冇聽書的一堂XD
小息之後2堂physics幫丫sir拎書派,
之後聽左陣書咁大把=0="
lunch去左食車仔麵終於唔係Fairwood啦......
12蚊好抵食不過始終冇益少食為妙,
最後3堂數頭2堂applied尾一堂pure,
applied聽左1.3堂左右啦之後係到做UE功課,
pure完全冇聽哈哈,
放學番屋企去到觀塘果時等左成3個字都冇車=.="
攪到番到去miss左一節網球王子,
睇完之後接住睇最後一集遊戲王~~~
睇完出左去剪髮嘛,
晚上主要hea同睇TV,
依家冇咩做都係早D訓,
聽日去PolyU~~~~~~~

死啦今朝又再比琴日遲起身=.="
今朝成7點半先起到身......
早餐都冇食換衫梳洗之後就飛左出去,
落到去今次冇琴日咁好彩啦=.="
啱啱走左班車.......
好彩等一班都唔太內,
出到觀塘已經成搭11=0="
好彩3D等唔內加上一路冇咩點停,
最後都聲得切番到去,
不過今日就冇得食早餐啦><
番到去第一時間上去宣佈室到,
因為今日又有獎拎@@
發現係彩天讀真係唔錯唔錯,
我係保一6年讀得咁辛苦,
都係拎得幾次獎@@
落到黎呢到完全冇讀過書,
一年拎既獎既數目已經多過之前果6年既總和=0="
最慘既就係CE果時CIT考左個A一蚊都冇比我=.="
係呢到一個A值成二三百數嫁=.="
依家唯有希望AL果時有我份拎啦......
頭2堂UE做埋D死人section C=.="
第3堂pure maths冇聽書=.="
因為佢教緊果課我連功課都交埋哈哈,
冇計我要早D做晒黎緊幾日既功課先得,
因為黎緊幾日勁忙唔想比D功課攪到更忙=.="
之後2堂applied maths聽左堂半書啦,
呢2堂主要都係教查表OK易下,
點解會聽左堂半書呢,
家因我到11點幾因為冇食早餐既緣故,
好鬼肚餓攪到冇心機聽.....
一心淨係等緊佢快D lunch比我食野@@
終於等到lunch一枝箭咁飛出去Fairwood,
今日晏晝叫左個"魚香茄子"飯黎食,
不過正確D黎講係"鹹香茄子"=.="
嘩佢D魚香茄子丫一食落去鹹到皺晒眉頭,
真係食到粗口都黎埋=.="
連得D咁食得鹹既人都話鹹可想而知,
果煲野鹹我幾咁緊要=.="
番到去3堂physics,
聽左半堂書only=.="
之後行黎行去行左一堂,
最後堂半係用黎test既........
放學要落去Hall到test UE listening呢=.="
攪到我今日又冇得睇卡通><
4點半終於走得快手搭車歸家去,
點知去到觀塘道又塞左勁內車,
結果番到屋企已經5點半...........
開著部電視仲有一次日式麵包王睇埋佢,
之後唔知做咩真係好眼訓=.="
於是走左去訓覺啦@@
6點9起左身食完晚餐,
開始2007年年尾最艱辛既一個工作,
computer applications既coursework=.="
先係書櫃,床底同幾個紙箱入面搵番一大堆所需野用品,
之後睇左2個sample一個係我自己form 5果份,
一個係eric form 5果份,
大概睇番D格式等D科技靈感番番黎,
9點正式開工做,
開始真係唔太順利因為諗黎諗去都諗唔到點表達,
9點半先寫得40字去左睇以一敵百,
10點作多20個字又去左睇詩遊記=0="
接住睇埋勁歌金曲,
今晚有呢個劉亦菲真係好鬼靚哈哈,
11點半歸位再努力,
一直寫寫寫係咁寫狂寫喪寫浪寫係又寫唔係又寫,
寫到成點半終於寫晒29號佢要我交果幾parts=.="
真係辛苦到不得之了.......
我自CE果一份驚世之作之後就一直提唔起勁寫AL呢一份,
如果唔係丫sir局我地交可能我到11月都未開工=.="
anyway但願"萬事起頭難",
依家起得個頭先後可以順風順水啦~~~~~
死啦2點都黎到書包都未執,
唔得啦真係好眼訓執完要去訓覺啦=.="
希望聽朝唔好再遲起身啦..................

今朝唔知做咩勁眼訓,
可能係琴晚做數做我太夜=.="
攪到成7點4先起身......
7點半先出門口吹漲,
開頭一心諗住大濟唔知會唔會遲到,
點知搭8就出到觀塘快到丫媽都唔應得=.="
正常平時要成16至17分鐘先到嫁嘛,
仲要好彩到一落車即刻有3D比我上,
番到學校先得果搭9=.="
今日發生咩事=0=?!
我平時搭3出門口番到學校搭11=.="
今日搭半出門口搭9番到=0="
我係咪發緊夢@@
既然係咁早到就食番個早餐先,
上到課室坐低冇內,
有個Form 5既低B仔上左黎=.="
真係懷疑條友有問題=.="
上到黎係到同人玩撩人打交,
成班叫佢走唔好玩,
如果唔係叫prefect,
因為校規寫左唔係果班唔比入人地課室=0="
不過其實係耍佢姐都Form 7仲玩D咁野咩,
點知之後佢又死唔肯走最後又唔夠人打,
比人捉左出去班房又冇打佢,
佢唔知做咩事係到喊=0="
仲要屈人打佢話咩"打人大晒,你咪叫prefect我唔驚你=.=",
比丫sir見到佢問咩事,
之後講完一大輪,
華叔同個丫sir講成班都叫左佢走嫁啦,
係佢唔走咋嘛,
之後佢答話聽唔到=0="
真係比佢吹漲啦係咪有問題嫁?
頭2堂physics用左黎做番琴晚差果2parts數,
臨落堂果時唔知邊個將一臺擦膠放左上去光管上面=.="
之後李家豪想拎番又唔夠高=0="
攪左勁內比丫sir發現哈哈,
第3堂computer玩左成堂=0="
小息之後2堂中化睇人present,
駁電腦果時發現冇左條線,
於是落去校服處問佢拎,
點知佢話條線唔見左=.="
之後仲話係我地班整唔見=0="
我地今年成年都冇用過部野點整唔見有問題=.="
之後佢又好似發晒脾氣咁,
話咩得呢一條壞壞地既比住你地先啦,
講到佢好似好委屈咁=.="
自己都識講條野壞既比我地有咩用都癡線既=.="
之後番房室話比miss知,
佢身為一個文科人都知校服處條友邏輯有問題=.="
結果又要落去多次去人地課室借條黎用,
兜兜轉轉攪左成堂先駁好部機=.="
開場睇佢地present,
恕我直言=.="
果組人又要懶HI-TECH用埋D flash唔用power point,
問題又唔係整得好=0="
整到個背景同D字一劈野咁=.="
有陣時呢就唔洗太過扮野,
係適當既時候用番D適當既software就係勁,
但係用埋D唔需要既software就係扮野,
好似人地叫你畫個圓你走去用photoshop喎,
唔會有人話你醒既=.="
我用小畫家都畫到啦洗咩扮勁!
lunch去左Fairwood,
食完UNO time,
lunch之後到UE堂快完,
不過上一半YY上黎發癲=.="
最後2堂pure maths聽書law,
不過最無奈既就係神好似永遠唔放過我地咁=.="
琴晚辛辛苦苦左成晚諗住可以清晒D數,
點知交左唔夠一日又比功課=.="
放學比華叔昆我晒左半個鐘既時間=.="
之後佢比幾個人指責仲要扮唔係佢問題,
同miss講完miss都唔采佢哈哈,
番到屋企連睇3套卡通,
之後當然就係開始做數啦=0="
一路做到9點半睇以一敵百,
10點半詩遊記,
之後都仲係係到做數,
做到11點3先KO得晒=.="
好攰丫都係去訓lu,
希望神可以高台貴手,
聽日唔好再比功課啦=.="