呢排真係攰死+忙到死（話說抽到時間打呢篇都係個奇蹟）

一切都由原本屋主嘅電話度講起。

個幾星期前收到要搬屋嘅消息，立即有種唔知點算嘅感覺。

去搵屋，又唔知可以搬去邊，好無奈。不過多得上帝嘅帶領，

總算搵到落腳嘅地方（係就係遠左啲...不過我都冇計= =）

然後成個星期，大家都喺屋企為搬屋做準備，先發現原來屋企積左好多垃圾...

而家搬到黎，又需要將啲野攞返出黎，實在太辛苦，生活上有唔少野都要重新適應...

話說回來，依個月想溫書都幾難-.-,開始對DSE感到不安= =

P.S. 今日係我人生第一次捐血。雖然我覺得自己已經放鬆左。不過姑娘仍然不斷叫我放鬆......

點都好，做善事真係幾有意義嘅，我諗今日咁夜先返到屋企，都係值得~

 話說時間真係過得好快，

今日同班以前1A嘅同班同學食飯，

唔知點解，

個Feel係好得意，

見到某啲人個時，

心諗：原來我同佢地同過班架！？

不過又有d熟悉。

依5年話咁快走左，

好唔捨得，總覺係差左d野咁。

諗起以前做陸運會主題係好hea嘅片段，

我有時真係想可以識多次佢地......

(閱讀全文)

 (而家係上午2時18分,好夜= =)

啱啱喺葵芳陪老豆睇完"引力邊緣",套戲主要講一個女博士同幾個隊員上左地球上空執行任務嗰時，發生意外導致得返女博士一個生環，然後講佢一個人點樣返地球嘅故事。由於係外太空，成套氣氛都好寂靜，但係嗰種緊張卻係勝過成日睇到嗰啲，好嘈嘅電影。

依份寂靜、絶望嘅心態，其實都會令我諗起日常生活嘅各種片段，比如係同朋友嘈交唔知點收科、考試前一日仲對住本書發呆等等。

然而，個女博士......

(閱讀全文)

 今日去科大info day,

我覺得Computer Science個talk真係好正！

完全係我最想讀嘅野，

如冇意外我會揀呢科做首選。

不過都係嗰句：

考到就好喇。

話說今日仲見到Alexender,

佢話對Engine啲野有興趣，

大家加油喇。

 今日中秋節，

好多人都出左去陪同學玩番夠本，

不過我就選擇左同屋企人一齊。

有啲朋友同家人關係唔多好，

甚至可能冇野好傾，或者係一見面就嘈到拆天。

我好慶幸，係依方面我完全冇問題，

與其話佢地係我父母，

不如話係我嘅知己。

如果大家都有時間嘅話，

不妨陪下你地嘅父母，

有好多野朋友可以同你分享......

(閱讀全文)

 今日想講下朋友。

唔知「朋友」兩個字，會令大家諗起邊個呢？

一班成日都一齊玩嘅人？

一啲傾得埋嘅人？

抑或係咩都唔講就知你諗乜，咩都了解你嘅知己？

點都好，就算好似我呢種咁內向嘅人，只要有與人接觸嘅機會，

到今日相信都會有至少一個好了解你，好鍾意同你講野，甚至可以煲電話粥煲成個幾鐘頭嘅知己，

俗稱死黨。

同你地分享我兩個死黨啦：一個叫詹朗軒（花名詹叔），一個叫何明翰。

我由小二就開始識佢地兩個，佢地好有義氣，無論......

(閱讀全文)

 今日算有一個突破：我終於成功做到IT幹事啦！其實，一直以來我都好猶豫做唔做好，雖然做IT幹事並唔算好困難，但係我之前仍然缺乏信心。

直到今日，我終於諗通，橫掂最後一次機會，比番自己一啲特別嘅回憶，亦未嘗唔係一件好事。

坦白講，係班上大大聲講野嗰個，

永遠唔係我，我只能話係背後支持嘅「後援」。

但係，當我見到一班朋友係選IT幹事時狂叫我個名嗰時，

真係好感動、好有成功感，已經唔理佢地係真心與否，

感覺到自己真......

(閱讀全文)