據我所知問卷係昫彤寫o係3月19號寫既…
7日後去到form 2…o係戴昫kwan日記見倒
回應唔錯…犀利…昫彤…

a) 誰給你這玩兒啊?? 你們什麼關係? 
可能有人傳左俾我我唔知…見倒既有：
昫彤…好朋友…
丞軒…都係好朋友…
阿cy唔記得有冇喎…d日記無啦啦lock哂check唔倒…都係好朋友啦…

b) 你什麼時候認識他/她呢?? 記得怎樣認識的嗎??  
昫彤呢…好似係因為識YE所以識佢…o係我教佢計數之前佢仲未知我係識計數既柳景揚…只知我係識踢波既Johnson…
丞軒…好似係踢波識既…詳細情形唔記得…
Cy呢…o係小學大家都係名人…上年派成績表果日…又係阮鄭20週年…唔知點解同佢同誠誠一齊返左阮鄭…

c) 那麼, 到現在你們認識了多久啊??  
       昫彤： >1年...
       丞軒：2-3年倒...
       Cy：>1年...小學果陣唔算識掛

d) 你覺得他在這段時間裡有什麼改變呢?? [詳盡點吧*v*]  
昫彤：我反而覺得你冇咁成熟同冇咁乖…仲有…傻左癲左（潘小朋友果種傻、潘小朋友果種癲）
丞軒：唔知喎…勤力左…一樣咁kai…一樣咁爛口…高左…行為上核突、嘔心左…
Cy：爛口左曳左…睇下你日記有七個留言果篇…用粗口砌出o黎既…

e) 真正好玩的問題現在才開始哦!
請列出20位朋友(排名不分先後的啦~),, 1~10寫異性,11~20寫同性

01. 昫彤                                     11.昕昕
02.老婆仔                                   12.何建
03.cy                                         13.丞軒
04.映君                                      14.淇峻
05.袁嘉欣                                   15.棟
06. 黃杏芝啦                               16.鵪鶉
07. 林家寧                                  17.戴昫堃
08.詠君                                      18.呀蔣
09.kiki                                       19.許子健
10.最後一個好難揀..梓敏啦            20.吳楨

仲想有21嫁…不過冇計啦…

1) 好了! 現在,問問你,請問07是一個怎麼的人呢?  
   活潑可愛、好玩、爽直...講起教練會發姣既人...

2) 07和11是什麼關係?!  
   好朋友！

3) 01和20有沒有機會發展? 
  深信冇掛…唔識嫁喎…

4) 你對04有什麼特別的感覺呢?  
    有…又冇…唔知…有d對唔住佢既感覺…唔知道…

5) 你喜歡02嗎??  
    喜歡…可愛…不過唔好諗去第二度…

6) 請對19說一句話  
    「叻仔呀，祝你快d好返啦！」講第二句得唔得？「生日想要咩禮物？」

   7) 如果08和14拍拖的話,感覺如何??  
   詠君同淇峻…>.<唔好玩啦…佢地唔識嫁喎…識左都唔會有興趣咩咩既…
   感覺係大纜扯唔埋…唔好玩啦…

8) 18的最大性格特點是? 
   細路掛…少少賤啦XD

9) 17與18是好朋友嗎? 
    我相信答案會係「是的」

10) 請說出03的最大優點和最大缺點   
   優點同缺點都係「屈機」= =
   well...認真既話…優點係抵得諗…好人掛…缺點…懶同爛口…我分唔清邊個嚴重d…

11)06和03有什麼相似的地方呢?  
    幾乎冇…只諗倒佢地都係阮鄭同莫記既人…性格上同外表上數得出既都剛好相反…

12) 如果15與05在一起的話會怎樣?  
    歡樂棟同袁嘉欣= =唔好玩啦…
    你話會點丫拿…
    我覺得有d似家姐帶住細佬…棟只有五歲心知呀！

13) 16和09有什麼共通點?  
    都好黑…我指皮膚…其佬諗唔倒lu…

14) 10和12有機會麼?!
    呀哥呀…我睇你同邊個都唔夠膽有機會掛…= =
   有機會我都會搞到你地冇…我唔想睇住你俾人打死呀哥哥…

15) 13和20關係如何  
    相識…唔太熟…打過牌咁囉…

f) 你的lucky number是什麼?? [要個位數喔~不要0]
    廢到冇得再廢既問題…幾乎全世界都答7

g) 那麼,, 請把這個東東傳給有blog的最少(上面的lucky no.)個人 [[別耍賴改成小的數字呀!!]] 

-我都唔知邊個有blog既

好耐冇打日記喔...各位唔好意思...

o岩o岩個禮拜一...哥哥生日…
禮拜日去慶祝…去每個禮拜都去既又一城…
同行：林家寧、昕昕、袁嘉欣&我&主角何建…
o係九龍塘地鐵站唔知咩事…眼鏡爆魚絲…………>.<
拎去整啦…整左仲鬆過之前…= =
溜冰……已經唔記得左YE同徙弟教我既……
個場真係迫到媽媽呀…
排隊既時候見倒張敏德…跟住佢既係五個高大既男士…高佢兩個頭…
佢見倒我地…另過o黎…五個男仔跟住佢一齊望過o黎…張敏德：「O哂」
+ <--五個人同時嚇呆唔知俾咩反應…
然後哥收左一條好正既孖煙囪…前面有個射字…後面有個插字…正野= =+
我地呢d咁既人…後補啦…
大家都玩得好開心咧:]嗯嗯…
唔知仲會同你慶祝多幾多個生日呢??
食左兩餐food court但加埋都成八十蚊…
唔緊要啦…月尾洗埋佢…
下個係11/5 許子健……

五月一…又唔知講左幾多個生日快樂…
冇野做……訓到兩點……

五月二…返學…第一日Summer Time…見新背心著既人一個都冇…
都唔記得做過d咩lu…放學…食飯…返屋企…
返到屋企好想勤力下做下禮拜六d功課…結果……………= =

五月三…老黎踩屎件事又俾miss Kwong拎返出o黎講…
Miss Kwong仲要唔知咩事…講得勁興奮…
話佢o係男廁門口到走廊見倒一個個腳印+
Physics堂老黎present…進進狂問佢野…又話個實驗咁做咁做咪得囉…
係我就唔問…佢一路問…老黎一路拎進進支咪o係度刨鬚……正確d應該叫"抆" >.<
進進支咪.......唔知有冇老黎d鬚kick住o係度呢…
放學足球隊…冇乜人返…同長跑一齊做體能…
開頭以為好hea做好少啦…第一round做左每樣20下…
做完就講下野啦…點知講完要做多兩個circuit...><
做完仲有氣既…DD駿……做咁少都慢過我…
點知…講完野…又要跑…
嘟一聲跑一次…開頭好慢…後尾好快…跑左10x10輪…
上氣唔接下氣…個胃又蒗下蒗下…放棄左…
搞左成粒半鐘…仲要出去踢波…
踢多半個鐘就話搬野唔踢…搬完坐低就抽筋……
點知…一抽筋佢又拎返d波出o黎話繼續踢…
阿敏玩野…同佢一隊輸哂…守龍果陣上左去踢前鋒…半場都冇返過…==
踢完波換埋衫已經六點…去睇子健打波…
去到果陣炒緊11:0
睇完贏得7分…鄺sir睇到勁燥…鄺sir(dum地)："Dee"
唔知點解好好睇…個13號好勁…雖然唔識佢…一野搶左人地喳住個波…再射入埋再搏埋犯規…又好可愛…>v<
發叔冇出過= =
「喂！發叔！羅左幾分呀？」「!@#$%^&*?!」
睇完同terry返屋企…
返到去又好想勤力…又hea到十二點先訓…

今日…朝早踢波…冇乜mood踢…又"支力"…同1A…2E…加丞軒…
死仔戴昫堃唔肯去寶湖…「憎死你！！！」
死仔戴昫堃踢踢下拉隊去supernet打機…「憎死你！！！」
之後棟+廣源 o黎…
講起上o黎…廣源下年入男拔…子健好似都諗緊去唔去…>.<
我都應該去喇沙………成績又最勁…計數又最勁…最慘既係…自己學校入面有個草場>.<大學都係得七人場咋…
踢完去左好運hea…hea完上球場再hea…十二點半走…返歸沖涼訓覺…訓到七點幾...........訓左成五粒幾鐘…
唔得喇…真係要做下數！！！

子健隻腳傷左…要快d好返呀！！
諗下送咩俾你先…

昨天起~~終於被科大數學KO掉了~~
捱過了六堂…不過不失啦…
仲有一堂就完左代數學…謝天謝地…
上堂冇聽書…搞到唔識做功課…
要向李卓謙求救…又搵佢唔倒…
CPU d人唔知乜事失鬼哂蹤…搵個人有佢MSN既都冇…
唉…等死…

幸好…今日等丞軒既時候終於KO左一題喇…勁開心…
仲有一題…做唔倒唔鬼做lu…

第二個數學course…今個禮拜六開始…
俾佢收左好開心啦…
但係竟然唔知道4月13號要交確認回條…confirm我真係去…
食屎喇…依家先交我驚佢唔收我添
媽呀！我唔踢波都要學數！！

OO.....上次上網search比賽既野果陣…search倒港隊既日記（男拔--阮志豪）
o係佢日記仲有小學上培訓坐我隔離既皇仁--李柏軒每日都留言…
咁就日日追佢地既日記啦…話哂都港隊…（我上次比賽低阮志豪2分咋…好開心！）
令我自卑既係…佢唔單只Maths勁…連我最愛既Astronomy都係expert…
仲要…每日日記都有d我唔知係乜既數同埋Program= =
每日睇佢地日記有九成都睇唔明…>.<
我終於明點解我入唔倒港隊喇………我日記幾乎一題Maths既題目都冇…

剩下既六日假…兩日科大三日入camp…仲有7樣功課2個test…加上SCI project…
殺左我啦…我唔想入camp做功課…>.<"
祝我好運…

今日冇乜特別野啦…見倒哥日記打到咁high我又打下…
爽得交關呀！好鍾意見倒張建恆淆哂底個樣！
忍得佢耐喇！
又唔夠人抽又要撩架打…仲陋淆過dd駿…
口又臭又寸又冇料又廢又陋打…
淨係推一推佢算俾面啦…
我都好想嫁…不過經過左一野踢落朱芷澄果一役我行事小心左…= =

我隻左腳…= =經過左P.E.玩體操同羽毛球加上放學後玩表現賽…又嚴重左少少…
不過都唔係好痛…由佢自己好算啦…
係啦…個course收左我啦…再見喇足球隊！

講返今日踢波…話說今日我孤身隻影去到漁角…勁熱鬧…
咁o岩撞倒4D又練波…不過我去到冇幾耐…d女就走左…得返小明+黃浩成+阿Sam…
我地拉對面靈風一個龍就開波…好廢呀佢地XD
表演一樣…任扭唔嬲…搓兩搓就過左…令我有自己狀態達到Optimum既感覺
之後同2E踢…放水= =+
之後4D都走埋…我同靈風d人踢…之後爆眼鏡咧！！！！！
我副救世主眼鏡爛鬼左喇！
之後唔戴眼鏡踢…隨住佢地一個個咁走…我就同左戴昫堃同即肥一隊…大家都踢得好好…
我覺得自己同堃哥好鬼夾…佢傳d波好鬼令…可惜有一兩球我睇唔倒個波踢唔中><o徙左…
不過爆鏡之後都入好多波啦！好正…
踢到好鬼攰…依家都就抽筋咁…
隻左腳痛得多左…不過都ok啦…
2E正選果幾個今日都唔差嫁喇…希望即肥過左今日仲記得點ban…

跟住…今日派A Maths同Econ…
Econ勁開心…死爛J畫幅圖畫到咁都有滿分><?
我竟然扣左一分係佢功課剔左我o岩嫁囉！勁無耐！
到A Maths…勁唔開心…俾老黎超越左0.2分…下學期考試咋淨返！要生性呀！Full呀！