統計結果

營養素	評估結果	指標
蛋白質	嚴重缺乏	100
Ａ＋鋅	嚴重缺乏	116
Ｂ群	嚴重缺乏	127
Ｃ	嚴重缺乏	111
Ｅ	嚴重缺乏	100
卵磷脂	嚴重缺乏	120
纖維質	嚴重缺乏	200
鈣＋鎂	輕度缺乏	33
得力	嚴重缺乏	100

備註：指標愈高，營養素愈不足，100以上為危險值。
http://www.31gift.com/srcs/jkcs.htm
冇野係唔缺乏…吹水既…

今日班足…上晝一d感覺都冇…
一到第八堂就感受倒氣氛…
不過既然打定輸數…算吧啦…
曾經領先過嫁...二比一…第二球就係我入嫁喇= =+

始終技術所限…估唔到咁快迫左胡廣源出o黎踢…
佢一出o黎我地梗係守唔住…
最後輸六比三…算係咁啦…
都係阿璋有風度…收唔切腳踢倒我都有道歉…
俾賴秉希踢倒腳…篤走左佢個波佢照踢落o黎…淆柴= =
唔緊要啦…慢慢抖…
反正已經一早打算左…今日輸波既話會暫時放棄足球…
如無意外…每個禮拜六都會去計數…從此唔返足球隊…
今日輸都預左…技術問題…
係我自己唔夠知己知彼…唔認識對手都算…仲要唔認識自己友…
陣係唔應該咁排…
今日想同老黎插上去…但係中間d位俾ken ho同昕走哂…
加上ken ho同昕叫極都唔肯望隊友…加上吳家豐又會意唔倒我d走位…加上有少少睇小左其他人…就係咁…
輸波預左…算數啦…
我之後係諗住寄情於2E…希望幫倒2E贏波…贏倒俾個金牌我呀= =+未拎過…
之後有排都唔駛掂足球喇我諗…留返俾女仔掂飽佢…好期待form 4既女子足球聯賽…= =+
聽日A Maths test…有少少想放棄…唔理佢…
今晚出去食飯唔溫書lu...


2E繼續加油！唔可以令我失望嫁！

我記得我打左星期四日記嫁~~唔見左>___<
星期四全日都好緊張…好期待抽籤既結果…
孖中文…都係咁廢hea啦…
孖physic…太好喇…我d physic上番軌道喇…開始明番喇…
chem…還可以…不過…………
A Maths…心情原全唔同……做功課！！四次方程……
lunch同昫彤食…
丞軒約左阿花撐台腳……但係又淆底喎…拉我地一齊…梗係唔制啦…
點知巧喬竟然去做電燈膽…仲屈左丞軒一餐飯…我同昫彤好努力咁都拉佢唔走…
最後聽聞巧喬激喊左阿花…叫左佢同我地食嫁啦！！！
在利苑碰到昕昕……跟rainbow……
返到學校等死啦…做住數…等待抽籤既來臨…
放學喇！！抽籤……2E直接出線…之後對2C/2D…
我地…正點…3A…胡廣源…好彩…有d班未交form…Friday抽過…
之後去同2E踢波…守龍既係胡sir個仔………………………胡晉
戴昫kwan好波丫…好波呀…刮目相看……可惜……不是我要潑冷水……2D曾嘉榮一定有訓練過佢d o靚…絕對唔可以睇小……
踢完同ivan同小何建去大廣買禮物…買完去左Rainbow食糖水…
食完返閨食飯…食完飯………唔記得啦……

星期五同星期四記心情冇乜分別…又係等死既狀態……對啦！陳詠君生日快樂…
Ivan好似有點淆底…太差勁…
上堂…中文唔洗講嫁喇…
chem算係趕上進度啦…
跟住由第三四堂Maths開始計passpaper…計到我好躁咧…
前年果題……計左我兩堂都計唔倒！！
好內疚…咁大聲同阿哥講野>______<搞到佢之後econ同physic問野都問我係咪計緊數…
係丫我係計緊…教少少都ok既……>__________________<
放學死期到啦…一o黎就抽中4A…佢都冇洗勻…
唔好話我話佢…一定冇洗勻……我地又要對3A…
唔係我同胡廣源有緣啦原來…係佢冇洗勻…
算啦…已成定局…諗計好過啦…
已經好大壓力嫁啦…班足仲要加多d俾我…3A…諗計有排諗…輸唔哂…不過輸9成…不如殺左我算啦…
死鵪鶉潑我冷水…叫我唔駛諗點踢…大家都想我輸咧…
之後同林家寧慶祝生日……都唔夠盡慶……腦入面都係班足同數學…
睇左套最短既戲…ok啦…可能我要求高= =的確幾爛…
跟住去食hut hut hut…等位果陣…去左影貼紙相…好令丫…
食野…食完返新達食糖水…踢住返閨…

跟住星期六啦…
林家寧生日快樂！
倒塔咁早起身…8點o係旺角集合…去到竟然見倒吳學銘…佢地form大把勁人喎…做乜搵佢…
好下多人…全部都係去培正…迫到暈…
去到聽個講座…講者叫梁子傑…個MC叫佢話梁家傑= =
成場都o係度計pass paper呀我…冇聽佢講…
終於計倒我尋日計好耐果題…計到我死左…好感動！！
天哪…我尋日就係為左呢題數大聲跟阿哥講野>_____<終於征服左佢…
計到我好眼睏…臨尾…佢介紹d書同網既時候…
放d好猛料既書同網o係度啦…跟住到最尾一個…幾何原本導讀 作者：梁子傑…全場O咀…
最後一個網頁：梁子傑網上文集  全場拍爛手掌…破壞哂之前果兩本書…即刻變左賣廣告…超正！
之後估我地見倒邊個…………田雞！！！田永康！！！！聽聞因為基準試唔合格冇書教既田雞！！！
今次注定我同Ivan 冇運行啦……
問下基基sir…原來佢唔係教書…我同Ivan冇估錯…邊有書俾佢教…仲要係培正…佢只不過係唔知咩小組既工作人員咋XD！！
跟住…比賽…差d俾佢陰左…要打橫填既份卷…差d打直填左…跟住瞄下Ivan有冇俾佢陰倒…好似冇事…繼續做…
最後…做唔哂…好無奈咁斷送兩題7分…最尾果題o係佢收緊卷果陣心算計左…Ivan o岩左呢題= =
好在前面做左既o岩哂…86分…張灦廉81分…Ivan……51分…都不賴啦…有望入決賽……
不過比賽之前有幾題passpaper我計錯Ivan計倒喎…佢可以做好d嫁>___<
吳學銘勁抵死！唔夠時間成版冇做>v<XD…
不過佢會累到我地拎唔倒團體獎……
同佢一齊既吳家蔚 87>__<高過我…
仲有死楊琤…竟然唔去…成日都係咁…勁乞人憎…
到時拎唔倒團體獎賴佢…
完左同Ivan去美食廣場KFC食…食完去科大培訓…佢返屋企…
未做完功課>__<冇計數機計唔倒開立方…於是亂做俾佢…最尾果題計到一半就交左…
遲大到…lecture仲有5分鐘就完我先到…
跟住導修課都一頭霧水…唔知佢講邊度…之後Maths堂要睇多d…
不過好在今堂好似好多都學過……
導修之後今日有通識講座…超正！My favourite…
今日個講座講天文…題目係宇宙膨脹…我的最愛咧！…
搵科大Physic Professor講…叫王國彝教授…好正呀佢…好猛料嫁！
估唔到佢中英普通話都掂…有個大陸既學員問佢可唔可以用普通話問野…佢即刻問Dr. Lee駛唔駛轉英文或者普通話講講座………
嘻！我聽得明佢講野…遲少少落堂都抵…
仲有…唔記得左講…我同周以德（好似打錯字）同一班…估唔到o係度撞返佢…佢問李家俊…我話佢Maths唔見左影…但係全級考第一…聽到佢O哂嘴…跟住到植彥昕第二…又O哂嘴…跟住有人問我今朝幾多分…我話86…佢又O左嘴…佢連去都冇得去= =
走既時候同個CPU既人走…佢同我講下佢學校d野…我又講下MST d野…佢話佢地英文一年得40幾個C…搞到得4、5個人拔倒尖= =+
忽然覺得MST好勁…果然冇揀錯學校…
跟住講數學…佢有71分…勁喎佢真係…仲勁過周以德…
果陣佢都唔係特別勁…依家竟然入倒呢個course…好大進步…張灦廉唔知點解入唔倒>___<
呢個CPU…更堅…小學連良好獎都冇…中學又冇得培訓…竟然有71分…
佢話佢地果年迦密冇數學培訓…更加證明我冇揀錯學校…
同佢一齊坐巴士返o黎…傾左好耐…
返到屋企好眼睏…訓覺…訓到九點幾先食飯…
食完又MSN下咁啦…跟住支力到未沖涼o係梳化訓著左…

今日……朝早發現自己o係梳化…睇左陣電視…無聊野o黎既……十年冇睇過踢出我天地…一睇就大結局…
跟住沖涼洗衫…霸住個廁所個幾鐘…跟住食野…食完就同人MSN…吹水…
死鵪鶉都話我輸硬…憎死你死鵪鶉…
不過算啦…或者佢講得o岩…預左輸可能仲好…雖然我相信我地係唔差…但係講牌面都輸哂…算啦…
阿哥無啦啦send個sms o黎話要學守龍= =唔想你死住呀
跟住全日都係打下日記訓下覺MSN下咁囉…
下晝同阿媽去左許留山食糖水…食完又撞倒周以德…跟住撞倒肥庭…
跟住返屋企…打日記喇又…打到依家…
見倒阿仔MSN度話好多野做…我乜都幫唔倒添>___<好差勁呀！！決定唔煩佢……祝佢聽日test好運…
跟住依家要做phy、chem功課…點問卷…沖涼…訓覺…

太忙…好耐冇打日記咁…

上次禮拜五Oral…好似好過上次少少…但仲係口姪姪咁…諗唔倒要講果隻字…
不過好開心阿仔send左個五條長既message o黎…似乎好左好多喇…太家都好擔心…
仲叫我踢社足要加油…
呢場社足好難忘…雖然輸波…但係踢得好丫=.=+
同上場望社一樣…輸波但係精神上已經可以話贏左…交足功課…
我都不賴啦…雖然第一球都有d係關我事…埃左落去巧喬度企唔穩唯有順勢跳起頂博下啦…揩倒波皮…漏左比巧喬空龍…
不過佢地都冇怪我啦…三個人既錯…不過阿Gap唔識守龍唔可以怪佢既…
上半場施希夷追返一比一…算係臨走立個功…補償佢下半場要走人啦…
第二球失既…都係輸運同輸龍啦…你話肥邦係特登咁射既邊有人信…
跟住第三球…吳學銘明明見倒我地有個中堅訓緊o係地仲繼續功…我地成條後防俾佢嚇死左…仲打少個…非戰之罪…
最後十幾分鐘追返一球…2比3…
學生會又卜唔夠時間…俾人催交場…似乎又冇補時…
臨尾連我都谷上去攻…走倒靚位…不過我後面個後衛褪返出o黎…我都有得越位>______<咁都完場lu
唔緊要啦…人地抖咁多日…我地隔一日就踢…仲有球輸運氣…又有球回傳用手球證冇吹…我地又踢得好…又冇諗過要贏既…
我地信社都冇人因為輸波而唔開心…只係有d唔抵…
完左去慶功…同球證兼五年前既社長= =張sir一齊…撞倒淇峻同佢屋企人食飯…
對啦…同上次一樣返到去icq完就訓…

星期六…又係計數既日子…我似乎已經定向做一世數學人…希望我唔係果d計數計到30歲就甩頭髮既Professor...
冇乜點溫過bio…

星期日…朝早去左飲茶…Terry成家o係隔離台…
一直同霍彥羲玩…帶左書冇溫= =
踢住飲完返屋企…我家姐不斷新買部touch screen電話新dl既game引誘我…結果溫成日都係溫左book 2冇溫第6課…

星期一…一早溫啦違有…都唔係好專心…上堂又溫下…算係溫哂啦…不過唔熟…
結果…一字記之曰「炒」…唔夠時間添…
放學去踢波發泄下…但係拉親隻左腳…= =去死啦！下個禮拜要踢班足喇！
我要快d好返…

今日…今朝好開心嫁…阿仔今日出院喇…
不過當何禮信派朱古力既時候…赫然發現今日係3月14號>_______<
諗起今日亞太奧林匹克…我既第一個國際賽機會…竟然唔知有得報名…到截左止先知…忽然變得好頹廢…灰左…
英文Quiz…OK啦…
Chem堂差d俾人發現我o趙膠…= =lucky...信譽良好…冇事…
左腳仲痛緊…好擔心添…其他人又比我想像中進度慢…要加緊練波先得喎= =
後日抽籤…好驚抽倒form 3…ABCE都冇乜把握…
抽倒form 4仲可以多d時間練波同俾我隻腳抖下…>______<緊張…
唔打lu…沖涼訓覺…