2007 年 9 月 25 日  星期二  

 今日係EAC DAY，報左西方舞同埋手球，唔知入唔入到呢？今日搵雄爺既時候，一望上去，見到個幾靚仔既靚仔（起碼係果到比較特出^^）

今日夜晚，雄爺叫左我過去顯徑玩，見到個靚仔^^，死人擦膠，我只係同左佢講話果個人幾好之嘛，佢就一見到果個靚仔就係咁話：喂黃以迦，你話果個靚仔呀！妖.....好變態呀，以後咩都唔同你講呀！後尾12幾既時候，我同綺文話返新田圍玩，叫極雄爺都唔黎，唔黎就算，聽講個靚仔唔知鐘意咩熹定咩欣，想喊，原來已有意中人，死人雄爺竟然走左，好彩個靚仔好人，帶返我同綺文出去，^^靚仔真係特別好人嫁，哈哈，臨走前佢仲拍左我一下博頭話88，好甜哦~

2007 年 9 月 17 日  星期一  

今日，同嘉嘉豬相約在那一個遙遠的大圍火車站，跟住一齊行返學，返到去，原來就黎選學會定唔知咩，班師兄師姊一早就企左係門口宣傳，又落力，又好好笑，早會既時候，又熱又悶，差d死，應該係差d暈，好彩有阿沈係我後面一路唔比我訓，先挨到上課室，真係辛苦，跟住上到課室，就照舊上果d唔多好玩既堂，小息既時候，慧慧好認真咁拉左我去左廁所，話有野要問我，原來，=.=佢問我係唔係同啤啤有野，尼個答案我係第9日返學，已經重複左超過一百次，唔係呀！！！！真係，激死我，差d心臟病發，跟住lunch time，阿文同嘉嘉豬不斷係我身邊係咁講：啤啤do、啤啤re、啤啤me，煩死！！！直到IS，慧慧都一路提住：啤啤………藉住尼件事，我要同各位澄清，我同啤啤係冇野嫁！！！！！Just Friend！Some one help please!!!

2007 年 9 月 3 日  星期一  

今日晏晝，我同楊楊返左新校探老師，成個晏晝都係到走黎走去，後來，我地6a班同少少6b&6d都係5e班房幫手整野，整整下，大家都悶，就玩下，楊楊就同我講，不如去其他房啦，尼到好吵，我就話，唔好啦，聽埋尼次可能就冇機會，佢冇出聲，過左幾秒，佢好大力咁放底把較剪，然後粒聲唔出就走左出班房，之前，我以為佢去搵葉姑娘，點知唔係，佢係走左，我心諗：可能佢嬲左我都未定，但係我冇理到，後來我叫左小卓陪我去買野飲，上黎既時候，黃鈺芝好激動咁問我係邊到買，跟住我話係樓下個汽水機，跟住佢就更加激動咁握住我條脛，係咁搖我話我點解會買到，跟住我就係到喪叫，跟住Helen Ng又重複尼個動作，但係今次就問我點解梁卓峰買到蘋果綠茶之類既野，跟住相繼Rimmy又衝埋黎做同樣既動作，但係冇問我任何問題。後尾我地走既時候，一出學校門口，一大班人已經係學校門口，初時我以為佢地啤實我地，係因為我地嘈又或者好多女仔，原來唔係，後來有一班人圍住臭銘，然後我地班女仔後面，d人玩緊排球，冇神神踢個球埋黎，第一次唔中，反彈返去佢地到，第二次佢地扔水瓶，又係唔中，第三次再踢個排球返黎，打中左，我，個頭，爆痛囉，跟住係抹眼扮喊，助然後就勁大聲咁罵果班人，最後其中一個男仔先菊晒公say sorry，我就話：算啦，見你咁有禮貌。跟住差唔多行到去馬鐵站既時候，我就大罵阿臭銘，上到馬鐵，臭銘走左既時候，我地成班人就圍住雄爺問事發經過，原來係我地整緊野既時候，佢地落左去打波，果班人識話想入學校踢波，校工就唔比，佢地就話，做咩佢地（雄爺、臭銘&污蠅）得，我地唔得，後尾個校工就話佢地係老師派黎既，臨返上去既時候，臭銘就講左句：垃圾，咁果班人就開始火，污蠅住淆底走先，走緊既時候，連雄爺都淆，真係估唔到，不過咁痛都有回報既，回報就係，大家同學可以見返面，感情都好似好左少少。