2007 年 8 月 20 日  星期一  

今日返鄭榮之返數學準備班，只係比陳元喜既人參加，搞到我幾有光榮感呀，雖然係好光榮，但係都係到諗：死啦！2個星期，一定悶死啦！點知，教我地果個阿sir，係係鄭榮之畢業左冇幾耐，2年到啦，有少少cool，但係cool得黎又好搞笑，仲好溫柔，我一有少少唔識，就以9秒9既速度跑過黎，解釋比我聽，仲解釋得好詳細，好有親切感，但係要事先講明，係親切感，因為個阿sir唔係靚仔，個樣非常普通，好彩有容易睇到既優點，我諗尼2個星期會好開心^^

2007 年 8 月 8 日  星期三  

今日晏晝，楊楊陪左我去剪頭髮，我係第一次冇爹d媽咪迫，自願去剪，洗頭既時候好舒服，果個姐姐手勢好好，洗到差d訓著，跟住就迷迷糊糊咁坐左落張椅到，比人剪頭髮，剪剪下，忽然清醒，發現比人剪左好多頭髮，有1秒好驚，跟住又繼續迷迷糊lu！剪完之後，望下塊鏡，前面好怪，後面就好靚，好開心，加上琴日同前日，分別同蔡綺文同楊楊買左好多好多野，開心死！

2007 年 7 月 18 日  星期三  

今日，我同我阿媽（張俊烈）傾傾下電話，就忽然心水來潮禁左去姑媽芝芝個blog，睇完之後，我非常感動，喊左出黎，好彩同緊阿媽（張俊烈）傾緊電話，佢一知我喊，就忽燈講d爛「激」出黎，諗住忍我笑，可惜失敗左，因為佢咁做令我諗起果次，洪偉權整跌左我落地，係黃鈺芝拉返起我，係佢地安慰返我，係佢地減輕我既痛楚，跟住我就喊得仲加厲害。

尼幾排，我一諗起6a、諗起我d好同學既時候，我都忍唔住喊左出黎，可能仲未習慣，最慘既就係每晚都發同一個夢，果個夢係：我記得既就係咁既：首先就係6a班課室，就好似回憶綠咁，見到我地最後一次同林本榮講再見，跟住就飄左去第二個畫面，就係我地放學既時候，我望返去6a班，果個情景，我係唔會唔記得嫁，我見到我地最後一次甘心樂意、著住校服、一齊係陳元喜小學放學，跟住我就醒左，然後又喊到收唔到聲，差唔多日日都係咁。我真係真係好掛住6a班。