2007 年 8 月 28 日  星期二  

今日，我照返鄭記上堂，上幾篇有一篇係講教我果個阿sir，原來我睇錯左佢，咁上堂既時候，上一堂既老師寫左d野係黑板，要我地抄，跟住個阿sir一入到黎，就係準備擦既時候，有兩個女仔，大叫：未得呀阿sir！，但係個阿sir我肯定佢一定聽到，但係佢不但唔應，仲加快咁擦，我今日先睇清楚佢，跟住果兩個女仔，爆火喎，然後又拍晒野咁，嚇到我地死死下。

2007 年 8 月 27 日  星期一  

今日我上完堂返到屋企上網，我開左歌聽，當唱朋友仔既時候，忽然，好想喊，真係唔知點解，我又已經冇之前咁唔捨得，都唔知做咩，聽到去：原來朋友仔感情再天真 亦是我永遠也會愛惜的人
明日愛他人 也記住學會不要緊 原來朋友比戀人更高分
亦讓我開始懂得不記恨 若大家 都敏感
我更要永遠記得拒絕再因小事怪人 為何沒有這條校訓 既時候，我好後悔，又後唔知做咩，只係知好想時光倒流，好想所有野都重新黎過，跟住我諗起，黎多件衰鬼上帝果到有一句對白，我印象好深刻既：你祈禱求耐性，神唔係比耐性你，係比一個機會你去有耐性，跟住我就諗，我之前祈禱，希望我可以愛人，咁係黃鈺芝比我既第一篇留言，係唔係就係一個機會，讓我去愛人，愛我既仇敵呢？後來，我諗我既後悔，係因為我冇掌握尼個機會，再聽首朋友仔落去，去到：無論日後路怎麼走 彼此老友角色似舊
以後在動氣關頭 回望著這場爭吵想想 也很醜 ，我真係好醜，果種感覺我係第一次有，唔多識形容，忽然，我覺得自己好錯，好想向黃鈺芝道歉，可能會有人話我唔夠串想「叔」沙，可能啦，又有人可能會話我想擦鞋，因為冇人幫，都有可能，但係我可以肯定一樣野，我道歉，係因為我清醒、成長左，我隱約記得有一節金句係咁講：話如果有人要你件面衫，你就比埋你件底衫佢，如果有人要打你既左邊面，你就比佢打埋你既右邊面，我諗，我做到啦！凡事包容同凡事忍耐。

2007 年 8 月 26 日  星期日  

琴日，我返教會，同敏敏、炫炫留係教會既時候，敏敏講笑咁話唔彩我，係果一刻，我諗起黃鈺芝嬲我果陣，好多人都排斥我，講下講下佢都嬲左我好多次，嬲都係嬲埋d無聊野，但係就令我堅強左好多，獨立左好多，佢地排斥我既時候，我要好厚面皮咁痴埋去其他班到，好醜，但係就係尼d咁既醜之中，我成長左好多，令我開始知道邊d係真正既朋友，邊d係講兩句野就句號既所謂「fd」，講真，我真係要同果個「幕後黑手」講多謝，到我差唔多打完個尼篇野，忽然好想去下吳海倫個blog，於是就入左去啦，見到黃鈺芝既留言，以我以前咁弱，一定會爆唔開心，但係今次竟然冇，我諗我真係強左，以前比人屈，會好嬲，好想令果個人一敗塗地，但係今次，我竟然會為佢祈禱，佢咁樣話我，我冇嬲，仲為佢祈禱，真係怪左d，而且經過尼件之後，我有一個啟示，就係，以後唔會再有任何一個係學校同我同年齡既男仔做我傾計既對方，我都唔會再同任何一個男仔講祕密，當然，尼堆男仔係唔包括：劉俊剛&洪偉權既，而女仔呢，我依然會有傾心事既對象，就係：MokMok啦、敏敏啦、楊楊、綺文& 玉姐既（易美玉）。尼個係永遠都唔會變嫁！