今日上咗..會議管理..ummm..琴晚四點幾先訓..但係今日七點幾就起咗身..早咗翻學校..喺後門落車,再去圖書館攞埋書都仲有時間剩..眞係難得..

哎~本來呢堂課我就好開心嘅..以爲老師會表揚下我哋team.啦..點知佢一開波就講份會議紀要..得三組交ppt,比佢批到乜嘢咁..我哋交手寫版,我諗都......

佢眞係好叻,提出問題.然後回避問題..問我哋會議紀要題目使唔使加"關于",書冇講,但我記得教育局嗰d.冇加嘅..然後佢話.唔理使唔使加.行頭嘅一定要係發文機關..over..

不過佢最高都係借刀殺人..佢覺得亞潤佢哋係上網down,然後提問淑玲覺得份嘢寫成點,咁眞係寫得好呀嘛..然後問佢覺得有冇下載成分..結果淑玲就做咗代罪羔羊..

最最最撲街嘅係.佢眞係要我哋寫論文!!其實3000字論文就眞係唔係話好難,難在佢要我哋將d.資料都交埋比佢..仲要有分論點咁..癡綫泇咩~?!想點遮?!個個唔合格?!

口語課終于睇曬dick & jane.啦..個結局眞係估佢唔到..哈哈..睇電影之前,dave.竟然喺度mark.低邊個唔喺度..遮係無論佢認唔認得我,我赱堂佢都會知!!

之後做presentation..上次份稿冇咗,咁都算..頂伱~我同磚磚話我哋講中間,比個開頭同結尾咁簡單嘅嘢華女同tiger.講,佢哋都可以一個唔識,一個本pie..算~i dun care..

臨赱之前去評教..我好好人嘅,大家都係八十分左右..dave 99..哈~磚磚好過分咯!!評英文老師得6分..一個良,全部差喎..太誇張啦'我覺得..我都係比佢良中遮,費事差啦..

都話住宿就多問題泇啦..而傢又要分宿舍啦..又有矛盾啦..哎~今次好似好大獲咁添..如果眞係鬧交,咁以後仲點一齊住呀?!好綵我已經脫離咗遮..

翻到嚟..我都唔知自己做咗乜..影咗d.相..係射手座嗰本生日密碼..懶得打,太多啦..哈..之後就復曬d.留言之類..仲有整咗幾只歌去音樂嗰度..好難得泇..

睇翻下以前blog.嘅留言..好鬼幼稚..有del.佢嘅衝動..哈哈哈..不過費事啦..紀念下..好攰..訓覺..聽日睇總决賽第四場..冇咩心水..但又覺得湖人會贏..

6.11..孔曰書生日快樂!! 6.12..一年零四個月..呢次眞係好特別..夠了吧?!Ho.小姐..但是心還是死不了..那我的人去死了算!!

2009.06.09 (星期二)

上口語課睇<怪獸公司>..睇咗三分一都冇..哈哈..英文版75%嘅速度啱啱好..基本上睇明曬..break.嗰陣就繼續睇<have fun wif xxx>唔記得啦..上次嗰出..

第二節就準備presentation..今次容易好多啦,自己揀topic,自己講喎~而且我係同磚磚一team,冇難度..我哋組織好曬,點知冇時間講..哎!!d.人動作太慢!!

哈哈..同dave.嘅對話好搞笑..佢問我哋嘅topic.係乜嘢,咁之前佢已經問過我哋..我就衝口而出..we hav told u lar..跟住佢就狂學我講lar..佢講得特別搞笑..

英文課調咗下午上..竟然同另外一個班合班上..個老師都幾過分..跟住話題目嗰陣開咗mic.但又放到鬼咁遠..搞到本小姐髮曬脾氣咁.比咗幾句說話佢聽..

搞掂之後我哋就繼續討論模擬會議嘅嘢..中午已經基本上搞掂泇啦..每一part.自己過咗一次,但係時間就剩翻好多咯..而且座次安排都係一個問題..後來决定赱場..

因爲會議主持者嘅開場白太長,之後敏儀又要講多段,潔文就話開場白應該比珊珊讀,但會議主持人係敏儀喎~為咗呢個問題,佢哋冷戰咗一陣..好綵係一陣咋..

哎~時間問題搞唔掂..最後都係我同磚磚仲有潔文搞掂..叫佢哋改就會搞到佢哋亂,唯有我哋自己加咯..眞係諗到頭都爆呀!!次次都係我哋..雖然我哋係比較有腦..

去到實訓室嗰陣第一組仲喺度模擬緊..我初時以爲係老師喺度開會咋!!雖然我聽唔清,但係都覺得佢哋好好..心諗,死啦..對比..點知老師都話佢哋唔好..仲驚..

入去嗰陣,靈機一動係比珊珊入去布置咗先,點知敏儀就好快咁入咗去..哎!!破壞曬!!原來覺得比珊珊入去先呢個係一個得分點嚟泇嘛..布置會場!!哎!!總經理搞乜?!

跟住成場我哋都ok..潔文講錯對白一次,我提一提佢,佢改翻,但係都聽得出錯咗..我就最後臨時加嗰段要成日睇稿咯..卜卜星講少一句對白累死人!!太重要啦'嗰句對白!!

評分嗰陣波兒好滿意..好出奇呀!!竟然冇點踩我哋!!仲要第一組得75分,我哋有95呀..好開心呀!!(之後得出結果係,我哋組係成個專業最高分..好開心呀!!!)

我今晚,發現咗d.嘢..what i never never want to know!!!!!!好唔開心,眞係好唔開心..點解會咁泇?!突然間覺得自己好可笑..哈~次次都係咁..

仲要同倩敏同病相憐..應該講係類似遮..畢竟大家狀况唔同..哎..眞係好唔開心..同倩敏仲有亞ta.喺度呻..當然仲有小鬼超..佢..話要鬧醒我..

冇寫日記嘅原因係..我眞係好唔開心,冇心情寫..發覺..<hook me up>好鬼正!!中曬point!!!!!講曬我d.狀况出嚟!!!even which i cant express..

2009.06.10 星期三

今日上午靜係上第四節..今日湖人輸咗..其實我都覺得會輸..唔好話我馬後炮..我之前眞係會覺得佢哋輸..因爲畢竟係客場..而且.魔術入得决賽就唔會靜係挨打..

OA實操複印機..佢哋個個都話我識用,唔比我玩..我都話我未玩過四閤一咯!!搞到臨落課先有得玩..部複印機冇得玩小册子..哎..飲恨!!

食咗久違嘅紅綠燈!!我想食香蕉先生,不過冇呀..連香蕉唔知乜乜都冇..咁就食.紅綠燈啦..哈..好經典..但係呢~而傢發覺紅綠燈全部都係色素,而且靜係得綠燈個殼有味..

下午去咗珠江新城嗰邊嘅珠江公園影相..攝影課嘅戶外教學..哈哈..興奮!!但係呢~今日好曬,勁爆曬..而且我哋攞嗰部係細機..哎~硬係覺得冇大機咁好..冇心機影..

之後仲要冇電,就攞濤濤部大機影..都影唔到我想要嘅效果..不過算啦..有相交就算啦..但係而傢未攞到咯!!我怕攞唔到呀!!sh1t.!!心血嚟泇!!唔好呀!!

跟住同家姐去咗唱k..啱好,本小姐想發泄..誇張..兩個人唱咗四個鐘..而且大部分係我唱!!我諗家姐都睇得出我唔開心..當眼泪落下時,我才瞭解原來我是如此眼淺..

9點,唔唱啦..赱人..去咗食嘢..竟然聽到陳坤嘅<月半灣>,多謝曬!!本來今日我成日都冇乜嘢..但係唱k.嗰陣鬱悶咗一下..連食飯都......繼續鬱悶..

臨赱嗰陣亞姐叫家姐出去食宵夜,本來話叫埋我,但係.我實在冇心情..哎..未來老細我都推..我好想而傢乜都唔理,去入職..我宣布,我眞係要放弃六級了!!

我承認,好多嘢都係我自己攞嚟..冇拉拉,做咩要去睇?!睇就睇,做咩要click.去第二度?!然後,今晚仲係要繼續睇?!明知睇咗會唔開心..哎~

還好,夜晚有亞仔,亞董同小鬼超陪下我..今晚喺度研究英文拼音..好多種譯法,但我都係傾向于ho sue tene..懶得改..亞董話我呢個好聽又好睇,話佢自己嗰個好怪..

可能我個樣生得眞係好蠢..今日中午有兩個講普通話嘅中年女人迎面過行過嚟,擦身而過一秒之後佢令翻轉頭話..請問一下..不過我冇停低,繼續行..

下午喺珠江新城總站等車嗰陣,我啱攞部電話出嚟,有個亞婆行埋嚟用d.帶有鄉下話嘅廣州話問我附近邊度有電話打,我扮聽唔明,死話唔知,跟住行開咗..

佢仲要跟過嚟,攞住本類似電話薄嘅嘢好努力咁解釋.打電話..我依然企硬,繼續避佢..明明喺佢後面有個總站,佢可以去嗰度借泇嘛..係都要問我..

其實我覺得自己今日咁有d.衰..以前嘅我肯定會答嗰兩個中年女人問題,而亞婆,就未必會幫,不過唔會咁乜嘢咯..哎~我唔係一個咁冇人情味嘅人,我都好助人爲樂..

但自從嗰次5分鐘內比三個人問路,搞到個個都叫我小心,唔好亂咁幫人,我就怕咗啦..而且今日兩件事都同磚磚一齊經歷,佢都話覺得佢哋可疑..呢d.算唔算係籍口?!

我發覺我呢排成日比人問路..一個星期平均兩次!!今個星期係第三次啦..前兩日翻學,一落車就有人問我..我成日都係人哋求助嘅對象.. =.="

商務談判話下堂課畫重點..科科都話下星期畫重點,堆埋一齊我點背呀?!都唔體諒下我哋靜係會到學期尾先開始學習嘅..基本上,我d.書都係空白泇..本本都係新書..

個談判佬好搞笑..佢一講課,我哋個個都話講過,佢就講下一章..佢話玩個游戲,我哋話上堂課玩過,佢就話唔玩..其實..個游戲係未玩過泇..乜個老師咁泇..

中午去咗佢哋宿舍討論聽日模擬會議嘅嘢..琴日我明明發咗我嘅議程比潔文,我以爲佢哋都討論好曬,就差分角色同諗具體對白..點知今日去到,乜都未决定!!

好啦..我哋喺度討論..就得我同磚磚喺度講,佢哋個個聽都冇比意見,冇比反應..咁點遮?!好唔好都講聲呀..唔好咪諗過咯..最怕到時搞到好似我哋迫佢哋咁..

我哋基本上設計好曬d.對話..當然具體議程之類未寫,但都好簡單遮..我哋叫大家各自諗大家d.對白,但佢哋.感覺好似想連呢個我哋都幫佢哋諗埋咁..不如我哋做曬佢..

下午社會調查就喺度補眠..反正佢都係講埋曬d.無關重要嘅嘢..份報告嘅格式上網搵就可以啦..我係煩緊應該分析邊幾點,同埋.我應該做邊項工作..我唔想乜都唔做..

然後補翻上OA..講.靜電複印機..複印機我識用,佢講嘅嘢我都明..但做題目就唔識做..因爲佢都冇講到..最後要搵翻書lor..好綵佢都係會比重點我哋嘅老師..

跟住好搞笑..我夜盲症發作..將條水瓜睇成魚,磚磚就將佢睇成係尾..將海帶睇成爛布..眞係超級無敵勁爆搞笑..點解可以咁?!哈哈哈..

夜晚考市場調查與預測..唔難..不過好多嘢寫..半個鐘多少少就做曬.赱人..ummm..今晚翻到嚟,乜嘢都冇做過..聽日要努力補翻先得啦..

唔知點解今日竟然會關心NBA賽事..一直都睇緊個比分..最後打加時好緊張!!特別係明明拉開少少分差,之後比人反超嗰陣眞係好緊張..最後湖人都贏咗..yeah~

今日又好似發現咗d.嘢..唔知點解唔會太唔開心..而傢最重要係....學習掛..哈..原來選修修夠11個學分就可以..我差2分,如果邏輯唔合格就4分..遮係大三下學期唔使繼續..

訓到11點幾..電腦比媽咪玩,我就...冇乜嘢做..睇咗陣市場調查與預測,睇到我發曬脾氣!!好難明,都唔知佢講乜..癡綫!!

成日都冇做過乜嘢..放弃咗英文..哎~好煩..到底想點?!!聽晚考試要過呀!!!

夜晚睇電視..ummm..ok.搞笑..哎~睇埋就訓覺啦..唔舒服..

今日訓到10點幾..起身上咗陣q,睇下blog.就食嘢..差唔多1點就同媽咪出門口去匯合鄭文漢買電腦..XDDDDDDD

今日竟然比我逛翻去亞源個blog.喎~原來佢係好多雜志嘅攝影師..不過我覺得佢唔係太鍾意咯~因爲係按要求影嘅..藝術家,又點會鍾意有束縛..

跟住去埋小倩嗰個blog..佢更加犀利..行過show.添..超級多相呀..而傢行性感路綫..不過眞係好正aaa..好多人都話佢少似jolin,講開又好似係..

喺崗頂落咗車再行去百腦匯嗰條路都唔係好遠之嘛,不過就勁曬咯!!眞係人都溶咁滯..救命呀~點解廣州嘅天氣唔係淋死就曬死泇?!點過呀?!

去到檔口,就confirm.下d.嘢,然後就攞過嚟開始搞咯~然後我哋三個加個老闆娘喺度吹水..其實我好眼訓..不過費事講開又想搭嗲..

赱嗰陣3點半多少少啦..咁就更係想打的舒服d.泇啦..點知等咗好耐都冇的士..難得有的士都有人..再難得有的士冇人嘅,佢話交班唔載客..

咁就諗住去搭車啦..行呀行呀..都幾遠泇..好辛苦終于到車站..但係巴士未嚟,嚟咗部的士..咁就最後都係上咗的士..不過冷氣都唔係好夠咯..唔爽!!

由天河城到我屋企樓下係35大元!!不過還好,同今日嘅3500大元比算得乜嘢~如果個顯示器唔係要正屏就平d.咯..不過我睇唔慣寬屏..

好開心呀..哈哈哈..有新電腦..乜嘢都搞好曬啦..不過我發覺冇殺毒..算啦~應該就冇咩事嘅..等money.考完試先過嚟幫我搞,順便買埋路由器嗰d.拉網綫..

果然,我夜晚係復唔到習嘅..睇咗下電視咁就喺度整部電腦..好正呀..哈哈哈..咁多內存,都唔知點用好~我而傢有乜嘢都可以燒出嚟,電腦根本就冇嘢放..