今日正式翻工啦..晨早起身,搭咗部快綫,好早就翻到去咯..其實都唔算早泇啦.都成8點5先落車,部137慢呀..如果佢快d.,咁我搭下一班快綫都冇問題,但而傢就危險d..

未翻到去之前喺車站見到嗰個邹景源,佢竟然好主動同我打招呼,如果唔係我都見佢唔到..跟住行翻去嗰陣又見到嗰個人參喎~同買嘉明表哥..佢哋都好主動同我哋講野咯..出奇!!

其實可能一直都係我哋問題,係我哋將人哋拒之門外,所以先會培訓咗咁多日,靜係識到柑橘佢哋兩個..不過其他人就真係唔係太有興趣識..but..還是要接受吧,我的同事..

上午都係繼續培訓,講翻d.要注意嘅問題..最後半個鐘就聽人哋打call..聽咗咁耐我都係白聽..因爲原來我乜嘢都學唔到..點解人哋講call,開得咁容易泇?!!!

中午食飯嗰陣,canteen.超級無敵勁爆多人..冇位坐,仲要排咗N耐隊叮飯..跟住嗰個鄒景源竟然話要同我哋一齊叮..fine..冇其他微波爐得閑..食飯嗰陣我哋靜係得十分鍾咋,陰功!!

下午落位打call..唔知點解好緊張,口窒窒咁,可能係d.人講普通話掛..一比人問就答咗好耐都唔到point.,發覺自己表達能力好差!!挽留嗰陣,聽人哋d call.就識講,到自己就唔識講!!sh1t!!!

之前以爲自己講就天下無敵,原來我而傢連講都係無能爲力..我永遠都係理論勝于行動..半個鐘後要小結一次..普遍大家嘅問題都比較多..但我好嚴重咯~出現禁語!!成日話免費!!

跟住同我哋嘅qa,willson load.咗一次..唔知點解就好順喎~講得比較好,保存都冇錯..大家聽到都覺得得,但係我一落位打call.就死得!!癡綫泇!!我以前都唔會咁泇!!可能而傢太多禁語!!

最後打咗成個下午,先得6張雙飛,7張綵鈴,1張手機報..成績好一般..而且質量應該更加一般..救命..真係唔可以比人直到我以前做過,唔係就死得人多!!超級樣衰..

最後總結大家討論下成績都好正常,嗰個鄒景源,開咗20張單,癡綫泇!!做過in.班係唔同d,跟住死問我開咗幾多,話見我load.嗰陣幾好,諗住我成績都唔錯..不過就.....哎!!

而傢都係翻D班,而且兩日休一日..攰呀..成日時間就咁冇曬..不過下星期五可以去獻血,希望今次成功啦,咁就有600蚊,正!!點獎勵自己好呢~?!哈哈..儲起400,用200..

唔記得講,今日見到曾廣超..佢就好啦~做香港場..佢黑咗好多呀..肥輝話.咁佢就好似乞E咁啦喎~哈哈哈..超級搞笑..

終于有得休息,真係等咗好耐好耐咯..比曹穎連續兩條短信震醒咗,冇復,繼續訓..跟住媽咪打電話翻嚟叫我去車站攞嘢,無奈要起身..好唔捨得張床呀~

成日就對住部電腦..Er..我都唔記得做過乜..玩下blog,上下q,睇下<gossip girl>..跟住就做下我布置比細佬嘅英文題咯..

哎~初中嘅題目,我竟然都唔sure..其實有部分係小學就遇到嘅題目,到而傢我都係唔識做,救命呀..有時間我要好好睇下書先得..

曹穎終于pass.咗考試啦..聽日一齊翻工..翻工嘅第一日又期待又緊張..我聽日,都係以真頭髮示人..哈哈..我怕帶咗個head-set.印出嚟..

其實我就真係唔係好記得琴日發生過乜野事..靜係記得要逐個打電話比譚sir. sale.一次咯..我冇打呀,就對住佢試咋..我唔想喺全世界面前播我條錄音咯!!太樣衰..

過完一次之後,跟住cash.就嚟幫我哋培訓新項目..綵鈴+手機報..頂..cash.講野都講唔正嘅..而且又冇point..最煩嘅係佢講咗好耐都係講業務,唔講脚本!!簡直嚴重浪費時間!!

至于今日,就係真係正式考試啦..考琴日先比我哋嘅脚步..仲要係入現場打電話比leader..好驚咯!!仲要我遲到咗半個鐘!!唔知有冇miss d.乜野呢~

哎..成十點半先開始考試,又唔知點解考得勁慢..仲要個個條錄音都鬼咁長,我心諗,使唔使咁好傾呀..一聽翻佢哋d.錄音,真係想死..可能佢哋係緊張掛..

本來到我泇啦,點知第一次打比佢嗰陣cherry.(現場leader)唔得閑,我五分鍾後比電話佢,佢又cut.綫..之後話下午先考咯..嗰陣都十二點三啦..哎~我覺得呢個係凶兆..

下午就有d.緊張啦..因爲我真係好怕等考試呢個過程..仲要上午考咗8個,得1個pass..嗰個係以前喺呢都做過泇..如果唔係有經驗,佢都未必過..

一開始,cherry.又係唔得閑,我真係想死!!嗰個moment.真係唔多想考咯..算點遮?!唔得閑伱就咪住考官啦,喺都浪費大家時間..好綵最後我都順利考咗..

考嗰陣好緊張呀,雖然我已經準備好曬應答口徑,但係佢一問我,我就好驚,乜都唔記得曬..最後嘅評語係,伱都幾淡定,但挽留嗰陣比較行咯..其實佢冇認真聽我講,我明明好有針對性..

考完我覺得自己應該係過嘅..不過又唔係太sure,cherry.要求比較高咯..之後好忐忑咁喺都同人發短信,冇再睇脚本..最後結果出嚟啦..25個人考,8個過,我係其中一個..

我果然仲係逢考必過..哈哈..好綵過咋,因爲畢竟自己都做過..哈~曹穎唔過咯..結果第二round.佢都係唔過..要後日再翻去培訓,再考過..

考咗兩round.試,都已經7點幾啦..仲要講qa.嘅扣分點..嗰陣又攰又肚餓,真係想死..好綵嚟講嗰個都算係靚仔..叫steven..個名真係街..

講完曬,再填資料,叫資料咁..走嗰陣都8點9啦..癡綫!!飯都未使..好綵我早有準備,有餅乾..

anyway..今日都過得幾好,覺得幾有face..因爲上午得亞ling.一個過咗,嗰個都問佢應該點點點..但我考完,跟住佢哋聽埋我條錄音之後,覺得我會過..跟住就對我另眼相看啦..哈哈..

2009.08.07 星期五 天氣晴

今日翻到去..其實都唔記得點啦..哈哈..悶悶悶咯..哎呀..眞係好掛住李智健..yyyyy..

坐我哋前邊三條男人眞係超級無敵煩咯..見到都想嘔呀..哈..喂蚊都好討厭佢哋..係憎!!哈..哎..煩到蕉咁..

記得好攰咯~翻屋企又塞車喎..不過最煩都係翻到屋企,阿媽話三嬸攞咗我兩個環保袋,未經我同意lorrrr!!!雖然我就唔係話非佢哋不可,但係都唔可以咁泇啦..我又唔係唔鍾意佢哋..

跟住又話細佬一日飲我兩支椰汁..救命呀!!我都未得閑飲,我先飲過兩支咋,佢一日就飲我兩支?!!sh1ttt!!又成日掛住玩電腦..一定要諗個辦法治下佢..好綵,我已經諗到啦..

哎~好唔開心咯..好煩咯..i dont like share anything wif others!!!!點解成日都要將我d.嘢比人遮?!我唔係開善堂泇!!係嘅話都係我自願先得泇,而傢喺我唔知情嘅情况下,算點先?!!

-----------------------------------------------------------------------------------------------------------------------------------------------------------------------------------------------------------------------------------------

2009.08.08 星期六 天氣晴

今日遲到咯!!一翻到去我即刻O曬嘴!!喂蚊同亞柑都冇翻!!我哋坐開嘅四個位都空曬..哎~曹穎我就早知道佢上午唔翻泇啦..好煩呀!!得我一個..

原來佢哋兩個都唔做咯..哎~琴日先交咗42蚊,好舌咯!!點解佢哋要dum.低我哋?!呢班人我眞係一個都冇興趣識,都唔想比佢哋識..冇激情,冇動力..

悶咗我成個上午..又冇手機玩..髮下飛信,聽下課..超級煩d.人咯!!眞係好憎佢哋,無聊當有趣,又成日嘈嘈嘈..break.佢唔使休息,人哋要泇..癡綫!!

好唔開心咯..又煩又大壓力又攰又比人分曬我d.嘢..之後係點又迷喎..癡綫..救命!!哎~我就嚟顛啦!!需要發泄發泄..

去咗c-store.食關東煮..好耐未食過啦..之後就去咗買58度c,買二送一,哎..本來約好今日同喂蚊同亞柑一齊飲泇嘛..但我都有買..自己要兩杯,比一杯曹穎..我傻咗咯!!

下午就認真聽咗少少咯,我未睇過脚本呀..救命呀..但係個個都超級無敵熟咯!!咁我點算?!個個都咁積極,好煩aaa.好怕到時唔pass..雖然有少少經驗,但都驚泇,都緊張泇..

翻到屋企..家姐嚟咗..叫我星期二朝早代佢去驗血..好煩呀!!我分身咩?!難得休息一日,要晨早起身去驗血,跟住同媽咪出去,然後高中幾個出去,最後同mini.出去..癡綫!!攰死我咩~?!

哎..拒絕唔到..媽咪話我唔去就佢去,唔通我比媽咪去咩~哎..呢排又攰又唔舒服..

頭先睇咗一下脚步,譯咗一個廣州話版嘅,對業務我都未熟曬..哎..如果聽日試call.我都唔知點算..如果普通話我就死得啦!!!救命救命救命!!!聽日先算..聽日搭車睇!!

今日超級無敵勁爆大雨咯.未訓醒嗰陣..喺張床度諗,如果係翻學嘅話我就唔翻泇啦,先發覺,原來做學生係咁好泇..

好唔情願咁起身..哎~而傢咁,為乜?!不過確信,挨過六日培訓就會好..但又諗,做sale.眞係啱我?!雖然係part-time,但都會好厭..如果客服都有part-time.就好啦..

唔記得講,琴日培訓嗰陣又有人打電話比人,係電話復試..不過我話嗰陣唔方便,然後嗰個人好快咁結束,cut.電話..咩意思先~?!伱唔比我眞係唔方便泇?!不過算啦,反正嗰度都係sale..

今朝翻到去,嗰個靚仔唔見咗啦,即刻冇曬動力..而傢培訓嘅呢班人,一個我都冇興趣..睇見就煩,又多唔係廣州人喎~又扮嘢喎~sh1t..好掛住潤訊嗰陣呀..

冇錯,我今日就眞係成日都喺度懷念潤訊嘅日子..break.嗰陣,我好眼訓,又想斟水,我喺度諗,如果係潤訊嗰陣,就有李智健幫我斟啦..平時我哋四個又打牌,唔使咁悶,悶到訓..

其實我今日突然間好掛住李智健..佢話我搵佢,好難得..又話我唔瞭解佢..諗落,我識咗佢都有成四年..雖然偶然會出下嚟之類,但僅至于咁咯..仲記得佢話我d.眼光唔夠young..sh1t!!!

上午同下午都有玩自我介紹..哎..聽見d.人嘅介紹就想死..唔知呀,總之我好反感而傢d.同事,死啦,我到時會唔會做得唔開心?!希望d.舊同事唔係咁泇啦..

好綵我哋識咗全場最好嗰兩個..哈,同我一樣大..而且大家都幾啱key,都係勁爆討厭某幾個男..佢哋眞係好覈突呀!!天ah~太不堪啦..

夜晚翻屋企塞車塞到傻..ummm,冇咩好講..今日好懷念以前嘅日子..好掛住李智健,都好掛住黃嘉偉..决定咗唔去二姨媽度住啦..哎~努力挨過呢六日啦.之後去shopping.放鬆下!!