今日翻A,真係想死!!不過其實又冇我想像中咁難挨嘅~但晨早搭車,又轉車,好麻煩..條路幾時先整好呀?!幾時先唔塞車呀?!比我搭車嗰陣訓下得唔得呀?!

今日小朋友遲到呀,不過佢都唔使表演,佢好綵咯~下午冇會議室用!!但陳盛林佢就擺明係唔公平!!唔使表演..sh1tttt!!

繼續經常出break+空閑,處理時長都好長下..哈哈..所以睇翻我嘅cph.係十分低嘅..因爲今日要錫住把聲,唔係我怕挨唔到咁耐..好綵yuki.冇話我,話說佢今日都幾火..

上午willson.行過嚟企喺我隔離,我心諗,死啦,我又乜嘢錯咗呀..點知佢係贊我今日打call.打得幾好,有2個100分call,好開心!!真係開心過開到單..因爲100分call.好難攞泇嘛!!

我前幾日都有一個,同嗰個劉婉雯都係..講真,我落位咁多日,靜係聽過我同嗰個劉婉雯攞過,然後就到今日我又攞,仲要2個,真係勁開心咯!!心情即刻好翻d..因爲上午sph.勁低!!

11點幾,全場氣氛都好嚴肅,原來係清雪要考試..全世界開機做練習,然後cherry.又講多次答案..本來係成場都要考,點知差唔多到我哋嗰陣又話唔使考,放飯,開心!!

好多人last day,所以中午狂影相,當然冇我份..諗翻起,我做過咁多份工,靜係試過交易會實習嗰陣臨走會影相留念..本來講好搵日同傻瓜mi.翻餐廳影相,結果不了了之..

下午都比較乖,因爲知道係非常時期..就改咗喺個位度傾計..陳盛林比人停call,所以可以赱嚟赱去,真係勁心理唔平衡!!仲要成鬼日窒我先抵死!!搵第二個陪佢玩啦~!!

不過我就真係估唔到,原來日日幫我孭數嗰個係佢,佢竟然係我哋team.嘅top sale..每日都可以保持100以上..癡綫!!點解可以咁犀利?!!佢今日打咗一個下午多d.已經七十幾啦!!

雖然我冇咩心機打,但我下午就成功咗三十個有多..真係估佢唔到..有個客,我問佢考慮乜嘢原因唔開通,佢竟然話.咁伱幫我開通啦..我根本就冇諗過要挽留,咁搞笑嘅..

本來夜晚要過人事部嗰邊簽賣身契,點知嗰個人唔喺度..翻翻嚟又話唔使總結,唔理佢,食飯..好慘,我自己team.我識嘅嗰個都落曬班,好綵仲有cash.嗰team.人陪我..

yuki.落咗班,掟咗我比cash,我唔敢拽呀,靜係出過一次break.咋!!所以都有22張成功單..今晚冇勁人幫我孭數,都係遲咗10分鐘赱遮..哎~諗下之後嘅日子就難挨,叻嘅都差唔多赱曬..

好開心,今日係我有史以嚟開得最多單嘅一日..即使計到六點前都係,今日仲要打少咗成個鐘..仲有willson.嘅認同,真係好難得..不過~我仲猶豫緊開學仲做唔做..哎!!

今日媽咪同細佬翻咗二叔度,因爲大姑姐翻咗嚟..哎~我部電腦呀~咁就冇咗,以後又要同媽咪爭電腦用啦..眼訓,訓覺lu~聽日仲要去超市掃貨..哈哈哈..

今朝晨早比老豆個電話嘈醒,佢話我知出面好塞車,叫我早d.出門口..冇理佢,繼續訓..其實我都知今日肯定會塞車,因爲出面整路..

我都早咗成十五分鐘出門口,點知就真係估唔到佢咁塞,兩個站塞咗半個鐘,癡綫!!好多人都落車咯~但落車又點?!得一條路,行得出去,我不如等佢慢慢塞..

結果我都係遲到咗嘅..仲要遲得好犀利,翻到去都九點四啦..好綵yuki.知道我住同德之後,都冇話我,靜係叫我睇翻班前會嘅嘢,跟住落位打call..突然好慶祝我唔係cash team..

今日都係so so,其實我就真係冇咩心機打泇啦..見到個個條數都咁犀利,而我就.......哎!!超級無敵勁爆樣衰咯!!fine,just a part-time job..打下call,出下break,傾下計,咁就一日..

臨食飯我出break,諗住霸位..行行下有把男聲叫我企喺度咯..嗰下心諗,死啦,係邊個呢~唔通係willson.又q.到我邊度有錯?!!因爲今日比人q.到我將機主保存咗做使用者..咁都錯!!

後來一睇,原來係陳盛林..佢問我叫咩名喎~開頭我以爲佢都覺得我熟口麵,原來佢係想叫我幫佢斟水,sh1ttt!!冇大冇細..佢仲要話佢自己叫first..

中午嗰個鄒景源又喺我哋左右隔離啦!!頂!!點解佢盒飯成日喺我哋盒飯附近泇?!!今日佢仲要話同我哋一齊叮..食飯嗰陣又坐我哋隔離!!救命呀~雖然佢唔係有菌,但係都好煩泇嘛!!

下午班前會,我今日遲到要表演..好綵講個冷笑話就搞掂咗..點解嗰個陳盛林唔使表演泇?!!!佢哋仲話如果聽日佢遲到要我同佢合唱,關我乜嘢事?!我一定遲到泇咩?!!

跟住下午我出break.嗰陣佢又出break..斟水嗰陣見到佢,又話我今日成日出break.喎~咁悶呀嘛,咪偷下懶咯..反正我sale.得又唔好..跟住佢又喺度死講唔知乜嘢..

哎!!今日佢仲要坐喺我隔離!!我真係!!!!冇嘢好講!!打打下call,又冇拉拉問我打咗幾多個喎~自己無聊喺度玩電話繩又撩我叫我睇喎..我寧願我坐喺小朋友隔離咯~寧願同小朋友鬧交!!

呢個世界真係好細..下午喺公司見到個人好熟口面,諗咗一輪,終于記得佢係學揚!!跟住問下mini,學揚係唔係冇做..果然,佢就真係已經辭咗職..不過呢份都唔好得過kfc.幾多..

為咗星期五可以去獻血,我聽日要翻A呀,癡綫!!好綵後日休息咋..其實而傢就未眼訓嘅,不過為咗聽日唔遲到,訓覺lu..今日都係得60張單左右咋,又要人哋幫我孭數..辛苦大家啦~

一早起身翻工..攰..搭518見到jason,不過佢都唔識我..呵~

班前會嗰陣,見到一個男,好熟口面下,不過對佢個名就好陌生咯..陳盛霖..之前未聽過..佢嘅笑容簡直可以殺死人呀..小美嗰種類型..可能佢都覺得我熟口面,今日望咗我幾次..奇怪..

今日坐我隔離嗰個男,睇個樣同我差唔多大..傾傾下先知,原來佢高三畢業..頂~!!乜咁細泇..都ok.好傾..哈哈..

發覺自己真係好老咯!!嗰個劉婉雯,佢92年泇!!!跟住嗰個羅志雄,91年..頂~全部都係90後,難得嗰個陳瑩,係同我一樣88..太感動啦~有冇邊份工係唔請90後泇?!!!

好開心呀~今日我有一個100分嘅call,真係好開心咯..不過我都有做錯嘢,個客話唔得閑嘅情况下,我竟然繼續介紹..天ah~what's wrong wif me?!!!

今日每個人嘅目標係85,但我先得60..哎~我懷疑最差係我!!救命呀..簡直不想活了啦..不過cash.嗰組d.人好似仲差..哎..但點可以向差嘅體齊泇..我靜係唔想做最差嗰個咋..

好攰呀~翻到嚟,睇咗一集<gossip girl>,就快睇曬第一極啦..唔捨得添..唔講啦,訓覺,聽日要繼續努力..哎~大後日先可以休息..救命~~~~

今日off,喺屋企..十一點幾起身..其實未訓夠泇..不過費事訓咁多啦,唔係今晚唔使訓,其實最重要嘅係,我唔想難得休息就係要嚟訓覺..

不過我起身之後都冇做乜,都係睇<gossip girl>,褒咗三集,點解睇極都未睇曬?!我又唔捨得咁快睇曬..哈哈..好正呀,又多個新角色,"G"..都幾靚女,唔知又會發生乜嘢事呢~

今日偷懶,冇幫細佬改作業..哎~懶得理佢啦,隨便啦,學唔學到嘢都唔關我事..今日仲睇咗一半<冰河世紀 3>,好鬱悶呀,靜係得中文字幕,唔知點解而傢唔鍾意冇英文字幕..哈~

今朝幫自己買咗3首綵鈴,唔知係唔係因爲自己而傢做緊綵鈴呢個項目,所以先會咁呢..得好少英文歌咯~所以我靜係買咗<everytime>同<love has it all>咋,中文就買咗<最後我們>..

其實d.綵鈴都唔貴呀~2蚊左右就有排用..不過我自己原先嗰兩首嘅有效期就真係長到嚇死人..2018同2015年咯~嗰陣我可能已經做咗人媽咪啦..哈哈哈..

突然間有d.辭職嘅衝動..哎~繙工雖然係坐,但都覺得好攰,可能係太遠掛..而且我過幾日去獻血都有600蚊啦,好過我做呢半個月..最重要嘅係,我覺得自己唔係太適合呢行..哈~

唔理啦,煮到埋嚟食就係啦..做完呢個暑假,到時睇下薪金如何再作决定,或者睇下課程表如何..哎~如果到時出嚟搵全職,要我自己搵,我真係唔知點算..希望有分配啦..

今日繙工..癡綫!!勁爆黑咯!!首先一醒就差唔多七點半..原來我唔記得開鬧鐘!!其實都唔會太遲,衰在自己姿整,遲咗出門口..

去到見到部斷綫開咗,諗住冇位坐就費事追..呢個已經錯咗!!之後等咗一陣先有部長綫,下一部就快綫,我冇等,再錯..喺小北落車打的,繼續錯!!我應該轉137就算..

最後我都係遲到!!sh1tttt..我諗搭巴士同我打的差唔多價錢..其實肯定係個司機兜遠咗..但冇辦法,天河南太塞,其他地方我又唔熟..肯定係佢厄我!!頂!!咁衰泇!!

成日都冇咩心機..哎~今朝遲到對我嘅影響實在太大,太糾結..成日喺度諗住,冇心機打call..仲要保存錯誤咗咯..好綵willson.聽到咋,如果唔係就大件事!!

top sale.竟然係嗰個劉婉雯..其實我就冇諗過做乜嘢top sale.嘅,不過條數都差太遠了吧?!要人幫我追,真係唔好意思..哎!!而且對于自己嚟講,都少錢啦..

bad news!!!原來我哋part-time.就唔係8~12蚊一個鐘..而係大概4.5一個鐘加提成..咁咪仲衰過以前潤訊做part-time.?!不過而傢都做咗啦,到時先算啦..頂~呢度咁鬼遠..

下午竟然抽咗我考普通話,我仲要係第一個..嗰個mac.仲諗住叫我記底d.字,詞,比之後嘅人,雖然我速記好,但有d.嘢我就真係好快唔記得咯~而且我普通話就真係勁差!!

之後繼續打call,繼續冇心機..我真係要認真考慮下我係唔係適合做呢行..哎~見到樣嘅我又唔做得,而傢唔見樣嘅都唔做得..我到底啱做乜嘢呀?!!!

夜晚總結嗰陣就,貌似我出錯比較少咯..其實係willson.聽唔到遮,我超級多口頭語,同出現禁語,仲有服務意識唔好..頂~d.客唔好咁有禮貌啦~人哋講緊嘢就唔好講多謝啦,接唔到泇!!

跟住大家赱嗰陣又叫我去搵佢..我好驚咯..初時我以爲係話我今日業績太差,或者成日唔挽留,或者出現太多禁語之類..原來係叫我寫開學之後嘅上班時間比佢..嚇死我..

就真係唔好話我多心,嗰個鄒景源就真係成日喺我哋左右隔離出現..今日中午食飯又見到佢,仲要主動同我哋講嘢,我冇理佢,反而曹穎見佢未食飯,就話比個位佢坐..

考完普通話又見到佢,問我考乜嘢喎~我靜係對住mac.講..不過我都同佢有交流,問佢識唔識讀個"券"咯..之後搵yuki.又見到佢..癡綫!!一日見佢幾多次呀?!其他同事又唔見我見到..

翻到屋企,睇電視..之後本來想買綵鈴,但係個網好鬼慢,好翻綵鈴網站!!之後就繼續睇<gossip girl>,好正好正好正..快d.得閑睇曬其他..哎~聽日之後連踩3日,god.!!