| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2009 年 7 月 24 日 星期五  |
| 2009-07-24 |
分類: 未分類 |
琴晚陪只貓陪到四點幾,終于忍唔住要翻房訓覺..實在太辛苦啦..頭又痛,又猛咁流鼻水,仲要狂咳..眞係攞命..廳仲要冇冷氣..
朝早比老豆條短信嘈醒,佢話只貓今日精神翻好多..跟住我就繼續安心咁訓覺..
起身之後見到只貓都係咁喺度訓覺..不過媽咪話佢今日會出門口,喺赱廊度lok.地沙,仲食貓糧添呀,開心死我!!眞係好翻啦佢..諗起佢之前奄奄一息個樣,眞係嚇死我..
睇咗<七級公務員>..哈哈..搞笑..韓版<史密斯夫婦>..跟住就繼續訓..冇辦法,聽日同學聚會,我要補眠..之前變咗單眼皮怪物,眞係嚇死我..好醜呀..
喉嚨好痛.超痛,劇痛..但係我都繼續食瓜子同魷魚絲..亞ta.話咁樣會發燒,本來就髮緊..辛苦死啦..但我又懶得去睇..
今晚就整咗下個blog,墻紙換曬旅行嘅相..XD 咁就十二點幾,眼訓..期待聽日!!!
|
| 2009 年 7 月 20 日 星期一 |
| 2009-07-20 |
分類: 未分類 |
琴晚成晚冇訓,就係陪住只貓..我眞係唔知我可以做d.乜..我諗起我只倉鼠,就係喺我訓覺嗰陣偷偷哋咁去咗,所以,即使今次我只貓救唔翻,我都唔會想重蹈覆轍..
到朝早六點幾,媽咪起咗身我先去訓翻陣,因爲有人睇住,點都好d..跟住九點就起身去寵物醫院嗰度買藥比佢食..佢唔肯上門睇只貓,哎~點帶佢齣街喎~
食咗藥,都仲係咁..十二點幾,我忍唔住,話要帶佢去睇..臨出門口嗰陣,家姐叫媽咪打電話比佢,原來佢話要搬喎~叫阿媽落去..阿媽就竟然話"咁我而傢即刻落嚟呀"
嗰陣我即刻髮脾氣..只貓病到死下死下佢唔理,佢去理個有手有脚嘅?!佢係唔係有少少唔識分輕重呀~?!而且搞到咁,都係佢自己攞嚟,咁大個人,唔使對自己做過嘅嘢復責任泇?!
跟住同阿媽一齊帶只貓去睇..雖然佢係病到瘦曬,但係都好鬼重,攞到我好攰,又怕佢赱出嚟喎~去到間寵物醫院就竟然冇人咯..因爲佢而傢都係去新嘅店址多,搞到又要繼續行..
嗰附近又冇三輪車佬喎~行多兩行我眞係投降..叫阿媽攞一陣..唔係講笑,攞到我手都冇曬感覺..估計佢而傢都起碼仲有八斤重..
去到即刻同佢探熱..髮高燒呀!!41.1..如果再遲d.先同佢去睇就眞係大件事!!未知道乜嘢原因嘔,醫生話可能個胃有問題,肝都可能有問題..但而傢最緊要係令佢退燒先..
吊落針,阿媽就落去搵家姐,我就陪住只貓..成個過程佢都冇出聲..哎~睇見佢咁冇精神,眞係好慘..我眞係唔係一個好主人..個醫生問好多問題我都答唔到..我平時太少照顧佢啦..
一共吊咗兩瓶針同打咗兩支針,咁就95大元..錢唔係問題,最緊要醫得翻佢..因爲動物唔同人,唔舒服,痛,佢唔識講,有冇好翻d.,佢都表達唔到..所以其實對佢有冇幫助,我都唔知..
琴晚睇電視,科大嗰個校長話,做嘢就緊要就係做自己咁興趣嘅嘢..嗰陣我仲好迷,我咁興趣嘅係乜..我而傢知道啦..我想做獸醫..哈哈..不過而傢會唔會太遲?!
記得之前睇<天幕下的戀人>.我就好想好似niki.咁做寵物美容,日日對住d.貓貓狗狗..肯定好開心..不過廣州就好似好少咯~特別而傢狗要領牌之後就更加..d.人都係養下就算..
細細個係想做醫生,因爲想醫好媽咪..但而傢,似乎唔使啦..加上,我都冇咁嘅能力..靜係佢畢業之前要對死尸我都可能會死埋一份..
之後抱咗只貓翻屋企就拿拿林出去..date.咗cici.泇嘛..之前定兩點..結果今日我出到去都差唔多四點..好綵今日冇date.小穎同亞瑩,如果唔係,我分身都唔掂..
陪佢換咗條褲就去完成今日嘅重要任務..點知去真光小學對面嗰度佢竟然唔散賣..一買就48支..我要咁多嚟做咩呀?!行多兩行,唔係路,决定去德寶望一望先..
行下行下見到有間茶餐廳仔,當時我哋都十分肚餓,所以就醫肚先..話說嗰陣都四點半..德寶五點半左右就關,我都算大膽..
所謂澳門茶餐廳,覺得唔係太正宗..但係嗰個waiter.就好似牛奶哥哥,不過唔夠牛奶哥哥咁白..又nice.喎'佢..哈哈..cici.話杯奶茶好似齋茶冇奶,佢話會將我哋嘅意見好好反映下..
去到德寶好快咁買咗亞董叫我買嘅嘢..我發覺買多咗..傻泇我!!買咗10支,翻到嚟先醒起,我要放落個袋度唔比人發現,肯定帶唔曬咁多..買多咗5支..癡綫!!
諗住去買鞋,點知就搵唔到..下次我要同阿韻去先得..費事又白行,行到死死下咁..本來今日抱完只貓對手都廢咗一半,仲要攞住嗰袋嘢週街赱,我就眞係好服自己..
最後就去咗北京路..經過北京路225號就唔知點解好多人,明明就係一間goelia..但好多人去參觀,cici.話見到好似話係文物..得閑先去睇下..
去咗萬寧,都係搵唔到我要嘅香水..不過就見到話乜嘢購物+一蚊有得去漂流同溫泉..但冇咩時間,星期六再去問清楚..哈哈哈..
今日眞係好火好火..太熱啦..人都躁d..搭車翻屋企嗰陣老豆打比我話攞唔到我d.衫住..咁攞唔到住咪算咯~之後又打比我,又係同一個topic..嬲得滯cut.鬼佢電話..
翻到屋企都差唔多八點啦..整咗個盃麵食就算..只貓都係咁,唔出聲,喺度休息..不過佢好叻呀~竟然飲水,好開心..之前係水都唔飲..
呢個時候老豆又打電話嚟,問只貓點..我即刻話.我點知呀,啱翻到嚟..又問我只貓有冇食嘢..我話.我鬼知呀,我成日都出咗去,伱哋咁得閑又唔翻嚟睇下..跟住又係cut.電話..
我今日眞係好嬲..嬲曬全世界..嬲家姐點解有事先識搵阿媽,典型嘅有事鍾無艷,無事夏迎春..嬲點解老豆同阿媽唔理只貓赱去幫佢..咁小事,佢自己搞唔掂咩?!
好鬼攰呀..都未執好嘢..成日覺得好似漏咗嘢未執咁..好鬼煩..其實兩日一夜遮..上次三日兩夜都係帶差唔多咁多嘢..而且今次帶好多即弃嘅嘢..翻嚟應該輕鬆好多..
哎~早d.訓..要儲體力聽日玩,聽晚又冇得訓.. |
2009 年 7 月 19 日 星期日  |
| 2009-07-19 |
分類: 未分類 |
我唔覺得我琴晚有訓過..成晚係咁發夢,仲要全部都係伱..哈~夢入麵伱竟然會睇我嘅日記,眞係名副其實嘅 發夢..what it makes miss u so?! yyyyyyy?!!!!
成日就喺屋企..無所事事嘅感覺眞係唔好..睇咗<重回17歲>..哈~鍾意嗰句"like the sun rises and sets wif u"..之後睇電視,又睇多次<畫皮>..陳坤~~
今日加咗陳東個q..小學團隊又壯大了..發覺我哋小學都幾散下,畢業之後就冇聚過,又冇點同其他人聯絡..其實如果要搵我都可以搵到李倩儀嘅,不過算了..
陳東竟然話初中嗰陣見過我好多次!!但我次次都見佢唔到咯..佢就唔啱啦,見到我都唔叫我..太冇禮貌啦..cici.話今日見到佢又紋身又食煙嚇親喎~哈..佢一向都唔係乖泇啦..
好開心..我以爲香蕉先生已經停産..估唔到今日比我帶咗佢翻屋企,仲要帶咗成箱..有排食..哎~繼續肥吧..我今日稱過,就眞係重咗四斤咯..煩煩煩..點先會瘦呀?!
貓貓病咗..成日都好冇精神..佢咁嘅樣,我眞係未見過..食咗藥都唔得,成日嘔,嘔到都冇曬力..佢d.叫聲好慘呀~好似垂死嘅呻吟咁..我好驚..眞係好驚..佢先35歲咋~!!
哎~好冇心情..早d.訓算啦..聽日要去辦個仲要任務,仲要陪亞瑩去睇病..不過聽日同小穎嘅date.取消咗..眞係可惜..雖然下午佢有打電話比我,但係,不足矣~ |
| 2009 年 7 月 18 日 星期六 |
| 2009-07-18 |
分類: 未分類 |
唔係講笑,竟然呢個時候眼訓..
今朝九點醒咗,跟住老豆叫我執幾套衫比我家姐喎~頂..佢上次攞赱嗰d.都未還..我唔係開製衣厰泇..隨便執咗三套比佢..希望今次佢哋可以快快脆脆翻嚟..
十一點起身,刷牙,洗麵,換衫..開咗個q,竟然唔記得要做乜嘢,然後關翻..開飛信復咗兩條短..眼綫都冇畫就赱人..因爲話過今日遲到唔可以超過十五分鐘..哈哈哈..
竟然就比我同cici.搭埋同一部車咯~其實上車嗰陣我都有諗過,會唔會cici.又上呢部呢~事關我一上咗車就飛信話佢知,而且17號車咁少車..
坐我隔離同隔離前邊嗰兩個唔知係唔係母女關係嘅女人我就眞係超頂佢哋唔順..嗰個"女"成日講粗口話佢"阿媽"..乜嘢傻seo seo,乜嘢憨鳩..個"阿媽"就笑住咁當冇嘢,癡綫!!
先同cici.去食早餐先..呢個時候我終于記得我今日開q.要做乜..就係要睇下彤彤琴晚同我講間嘢喺左邊定右邊..哎~唔記得睇,唯有慢慢行,望清楚..行咗唔知幾耐先搵到!!
去到竟然要等位!!好綵前邊得幾個喺度輪,好快就到我哋..環境冇我想像中咁好,可能係我哋坐嗰附近唔好,另外一邊靜好多,d.人優雅好多嘅感覺..隔離台嗰兩個細路眞係好煩!!
兩個人,要咗一份扒,一個9寸pizza,一份小食,一個佈甸..本來諗住飲嘢嘅~但係呢..都係算啦,冇諗過坐好耐,就要兩杯水算啦,費事浪費錢..不過咁多嘢都先係51蚊,超級抵!!
之後就買咗我d."林嬸"嘢先~頂~我咁特登去萬靈,佢夠膽就冇我要嗰只香水!!其他就得一個版,我唔聞過,鬼知佢乜嘢味呀~?!哎~點解我之前嗰支會漏曬..點解要離開我?!!
跟住再買咗其他少少嘢..行嚟行去..我哋都未做今日嘅主要任務就已經攰曬..冇辦法,天氣實在太熱!!癡綫!!喺馬路企一分鍾個溫度計顯示41度喎~想熱死人都唔好咁..
跟住買買買買..先幫cici.解决佢繙工d.衫褲問題..我就靜係睇遮..搞掂佢嗰d.我先去翻頭先d.地方度行動..本來買唔到旅行嘅小背心泇..絕望之際竟然比我見到曙光..
結果,今日我唔記得cici.買咗幾多..好似係兩條褲,三件衫掛..但我自己就買咗兩條褲,四件衫..我明明係陪人買嘢泇咋!!本來諗住今日買鞋,但係就已經差唔多干塘啦~
呢個時候先諗起阿董交比我嘅重要任務,但都已經差唔多六點,去到一德路都關門啦..所以就,翻屋企算..頂~我今日冇諗過買咁多嘢,而傢d.錢靜係夠用埋下星期,之後唔知點算..
今晚曹穎去咗睇蓋世群音超級音樂會,張飛我係中泇!!我都好想去睇yoca.同胡宇崴仲有修..但得一張飛,所以就比曹穎去算了..qiu~我遲d.去睇小天..哎~突然將想去睇小美..
嗰個音樂會開咗半個鐘,個台竟然lem.咗!!曹穎都未見到佢想見嘅人,眞係兒戲aaa..唔知嗰個歌手同工作人員有冇事呢~癡綫!!點解可以咁泇?!!
哈哈哈..我今晚問cici.借咗件佢今日買嘅外套翻嚟,諗住星期一著,點知我好鬼鍾意,而傢應該算歸我啦,因爲佢話我鍾意著就著,咁咪遮係.....不過我都有比翻件外套佢嘅~ XD
聽日喺屋企休息休息..日日咁出去,黑鬼咗好多..但對我最大打擊嘅係,cici.話我肥咗!!嗰日家浩同志鴻講我都唔信,但cici.嘅說話實在太有影響力!!
後日可能去食夀司..係~我係好鍾意食,但係我而傢得翻40蚊留比星期一咋..仲要完成阿董交比我嘅任務..眞係~頭都大埋,又要拆利是..sh1tttt!!! |
| 2009 年 7 月 17 日 星期五 |
| 2009-07-17 |
分類: 未分類 |
攰~就唔知點解咁攰..
八點幾起身,去咗婆婆度..咁啱海明表哥出咗門口..我都唔知幾耐幾耐未見過佢啦,就快連佢點樣我都唔記得啦..
如果得我一個人我就眞係唔過婆婆度泇啦..同佢都冇嘢講,佢仲要撞聾,同佢講嘢好似鬧交咁..坐咗陣就赱啦,雖然婆婆有叫我哋喺佢度食飯..
之後去咗交學費..就眞係唔使咁早交咯~不過媽咪話遲早都要交..哎~幾分鐘就冇咗六千幾啦..仲要大三都冇乜課上嘅,厄錢!!
跟住去食飯..搭車嗰陣收到幾條sms..哎~聽日計劃變曬..本來家姐上嚟,亞瑩過嚟..咁就可以彈家姐份工比亞瑩泇嘛..而傢我聽日齣街,家姐未必上嚟,亞瑩唔過嚟..亂曬..
而傢家姐嗰度請cs,問我做唔做..哎~去完旅行先算..不過cs.點都好過sale..不過八月嘅weekend.可能又有一份..都係到時先算啦,諗唔嚟..
食咗飯.翻到屋企上咗陣網就訓覺..咁早起身眞係攞命..太唔慣啦..起身諗住褒電影,發覺嗰個link.上唔到咯!!點解會咁泇?!!咁我以後點算呀?!!
然後家姐一個電話過嚟..我就眞係想死咯!!佢叫我攞個充電器比佢喎~頂佢聽日都翻嚟啦..一晚咁多,去地鐵站充都得遮,要我山長水遠攞出去比佢..但我就眞係唔識拒絕人咯!!
食咗飯,hea.咗陣先出去,嗰陣都差唔多九點啦..出到去佢又唔喺度喎~本來我就唔多舒服..熱辣辣要我出去就已經覺得好煩泇啦..佢仲要唔喺度喎~我趕住翻屋企睇電視泇!!
等咗佢十五分鐘,臨走都要miss.咗班134..嗰下眞係勁想爆粗咯!!搭車又冇位坐喎~不過呢個唔係重點..重點係我想叫人打比我但苦冇對象..悶悶悶..
我見到個大肚婆冇位坐咯~!!起碼15個坐住喺度嘅人見到,但都冇人讓位比佢..喺西村有人落車本來我好想叫準備坐低嗰個男讓比佢坐泇,但係....哎~算啦..人哋會以爲我傻嘅..
行翻屋企嗰段路,有部消防車入咗嚟,心諗,唔係我棟樓掛?!好綵,佢開咗去後面..但我差唔多入小區嗰陣,見到幾個消防員攞住電筒同一大堆人行過,唔似火燭..
翻到屋企,冇咗差唔多一半<烈火雄心 3>啦..跟住老豆又話我成日都唔關電腦喎~好meng.泇嘛,跟住咪好大聲咁話翻佢咯..眞係煩,我唔想關咩?!咁未搞掂d.嘢呀嘛..
頭先van.髮咗兩條綵信比我,諗住叫我Sd.翻嗰兩張相比佢,點知9010好似keep.唔到綵信嘅圖片..令我同佢都失望咗一下..哈..本來佢叫我幫佢update blog.嘅..
今日對老陳髮咗一下脾氣..但我覺得我冇錯,係佢講嘢唔復責任先,雖然我態度係唔好..叫佢諗下去邊度下午茶好,佢竟然話,我點知伱呀..頂伱個肺,傢陣伱冇份去同學聚會泇?!
好攰呀~聽日仲要一早起身同cici.出去..long time no c lar,my dearest..聽日一于落力幫佢買衫,當係我自己買嘅,發泄發泄..唔得,我要玩投籃機!!!!!!! |
« | 12 | 13 | 14 | 15 | 16 | 17 | 18 | 19 | 20 | 21 | ... | 114 | »
|
