今日又係十二點前起身,辛苦呀..眼腫腫咁,諗住敷下冰,點知望一望個鐘,頂~冇時間..跟住拿拿林求其換套衫,梳個頭就出門口..

落車嗰陣先係1點5,約一點半泇嘛..喺車站見到彤彤,就諗住同佢一齊轉車過去,本來我係諗住行過去嘅..點知等車等咗10分鐘..亞董打電話嚟,叫我哋行過去..哈..

啱入到去江南新地,唔見佢哋,就諗住行翻出去搵下..喺我哋轉身嘅時候有個人諗住行埋嚟同我哋sale.唔知乜嘢,超級搞笑..我哋喺度死笑,佢好鬼冇面..

匯合咗佢哋就開始陪celine.幫人買嘢..點解個個喺外國翻嚟嘅人都會買咁多嘢翻過去?!乜外國嘅物資眞係咁缺乏咩?!銀包,皮帶,帽,拖鞋都要喺度埋..好嘢!!

行曬成條江南新地,再行埋江南西,都買得七七八八啦..喺佐丹奴發生好多搞笑嘢..佢哋死話條童裝裙啱我喎~明明我一著就變衫,太過分啦!!仲有波波鍾意玩嗰個"游戲"..

經過一間嘢,見到好多頭飾,諗住睇下啦..佢貼住"199","109"..以爲佢呃人啦,d.頭飾使鬼咁貴呀..點知係眞泇喎~即刻赱唔切..嗰個老闆娘個樣又惡喎~肯定冇生意啦!!

本來諗住睇<保持愛你>,但次celine.又約咗人五點喎,睇唔切,咁我哋就去咗hi-tea.啦..哈哈哈..我最愛嘅大家樂呀..西多士眞係無敵正!!奶茶依然咁好飲..

終于見到celine.一直都放唔低嗰個啦~個樣好playboy,又好似細過我咁..佢比咗好大盒眼鏡celine.幫佢攞翻去滿地可,我話,嗰度連眼鏡都冇得賣泇?!佢諗住帶夠幾年嘅眼鏡翻去呀?!

我哋幾個女人眞係唔知幾多個墟呀..一直講講講..搞到我而傢有d.喉嚨痛,救命..一直喺度講男人..哎~點解我比佢哋嘅印象就係黃旭輝?!就好似彤彤就同虎爺咁..

好唔捨得呀..celine.今次一赱就三年,三年後唔知大家點呢~仲有冇聯絡呢..哎..唔諗,諗唔嚟..

今日有個地方做promote.,幫我免費化咗個眼妝..哈哈..係幾好睇..不過都唔係我最最想要嘅..因爲呢個妝,造就咗我影咗N多相..

哇~三點啦..訓覺..聽日仲要趕兩場呀..

本來我諗住今日做件懶過唔偉大嘅事,其實就已經教咗鬧鐘泇啦..響咗之後太眼訓..所以就改咗髮短信比cici..其實我係諗住去攞件衫比佢,順便同佢去搭車..算~!!

之後訓到一點,都仲係覺得唔夠,個頭痛痛哋..但費事比媽咪話,就起身啦..諗住執房,又冇咩動力,就打麻雀..琴日睇完<呖咕呖咕對對碰>嘅後遺症..

睇咗<新宿事件>,睇到我呀..咁鬼長..不過daniel.後面嗰個造型眞係好得!!佢嘅大突破,依然咁型..開頭眞係覺得佢好慘,明明係最乖嗰個,但就次次都捉住佢..

下個目標係褒<gossip girl>..不過又好似太多,有時間先算..褒完<gossip girl>就褒糖心..都係唔好,褒完糖心先..即刻down.先..

我眞係好有先見之明..亞瑩約我聽日出去,我就唔知點解話後日先同佢出去,果然,亞董今晚急call.聽日群英聚會..應該算係farewell..著咩好呢~苦惱苦惱..

呢兩日都好似發燒感冒咁..眞係辛苦..好眼訓..訓覺先..哈~小學個群終于響啦..學陳達斌話齋,我發現咗上q.嘅樂趣..

好眼訓好眼訓好眼訓..十一點比阿瑩條sms.嘈醒..拿拿林起身恭候佢大駕..雖然訓咗好耐,但對眼都腫腫哋,仲有血絲,覺得好眼訓..

好興奮咁諗住睇<變形金剛2> 啦,點知係呃人嘅,貨不對版..sh1tttt..唯有睇<頭七>啦..原來好舊泇啦,而且仲要係槍碟,眞係頂伱咯~

死啦,而傢諗翻起嗰個鬼魂,驚驚哋..其實就得少少恐怖,就係囬魂嗰下,而且成出嘢都唔多關頭七事,只不過係綽頭嘢,諗住覺得恐怖d..

然後唔知睇乜..我鍾意睇西片,但亞瑩鍾意睇港産片,難得有出<功夫廚神>但對演員冇咩興趣..咁就睇多次.<呖咕呖咕對對碰>..大家都已經睇過一次..  =.="

睇下,玩下,傾下,食下..咁就五點幾..歡送客人..一日就咁過咗..本來夜晚要陪老陳去買手機,但由于我太遲先復佢,所以佢已經搵咗人陪..諗住順手出去買d.嘢添..

未食晚飯之前覺得好眼訓,但因爲準備食飯就唔訓住..一直到而傢,都好眼訓..頭先睇咗<功夫廚神>..知道點樣煮炒蛋先好食..哈哈哈..不過我都唔入厨房嘅..

頭先亞ta.同我講新冶請人,請服務員..不過我趕住去睇電視,翻到嚟之後就冇曬下文..其實如果去做服務員都好喎~哈哈哈..不過,佢再講起先算啦..

今日又晨早起身..其實都十二點泇啦,但就係覺得唔夠訓咯..難得我想早d.出門口,可以早d.翻屋企,陪下屋企人之餘唔使赱嗰陣撞正個落班高峰..

點知我一去到車站就落雨,好綵企一企就有車..不過cici.嗰度就勁大雨,佢出唔到門口住..結果左等右等,等到佢嚟到都兩點半有多..fine~反正唔趕..

好耐冇試過夀司啦..對上嗰次食可能係長阪啱開嗰陣掛..不過禾綠就眞係越嚟越唔掂,如果唔係佢月底平,我就眞係唔嚟..去大禾好過,或者試下大川..

一路食一路傾計..講翻琴日嘅嘢,喺度小結,哈哈哈..順便諗下下次玩咩好..諗住玩true or dare,最好大家都揀true..咁就大把秘密聽啦..哈哈哈..不過下次場地好成問題!!

竟然就咁都比我見到駱嘉欣咯~佢好大聲咁叫"second"喎~搞到我唔知比咩反應佢好,印象中係望咗佢一眼我就赱咗..後來想出去搵佢傾兩句.佢都已經赱咗啦..

跟住赱嗰陣見到肥輝..又係用眼神打招呼咯~次次都係咁..佢眞係肥咗好多,唔係講笑..今次眞係肥輝啦!!天ah~難怪佢一日到黑都話要减肥..前幾日旅行先講起佢,哈哈哈..

行咗圈地王,買咗指甲油..本來眞係冇諗過要買泇,不過今日好想著拖鞋又著唔到,所以先買..而傢有d.後悔唔去color zone.買添..質量應該會好d..

見到屈臣又赱咗入去..見到rexona.特價,25蚊咋!!即刻買咗..點知翻到嚟,亞瑩話上次佢買20咋,想死!!買埋護髮素,一次過滿足我N個願望..但d.錢就,癡咗綫.得翻50唔夠..

cici.陪我一齊搭215赱..哎..呢個暑假最後一次見啦,再見要等到十月..而傢對翻學冇咩概念添..放假放到懶曬..哎~如果日日都係咁就好..呢個悠長假期唔好完呀'唔該曬!!

翻到屋企就喺度搞d.相..相册好多好多相,好亂..全部keep.喺電腦度就算啦..得閑要好好整理先得..

喺小學群嗰度吹水..睇嚟老陳諗住同d.小學同學去放雞島..係就好啦,我超級想去..冼冼又想去..但係貌似冇其他人響應..我唔要又係女多仔少aaaa

黃嘉偉份工原來係電話訪問,冇曬興趣..如果係sale.都可能會考慮下..哎~暑假大計,咁就冇啦..聽日亞瑩過嚟我屋企睇電影..早d.訓先..

十二點幾起身,都覺得好似訓唔夠..

開q,見到又有人加我..頭像好奇怪下,q.名仲要叫"沛叔",以爲又係d.死撈頭,想即刻關咗佢..點知一睇消息,原來佢係張俊沛..哈哈..點解咁都搵得翻?!眞係好出奇..

傾咗陣就準備出門口..穩陣d.都係叫多個人攞房先..呢個任務就交咗比老陳..冇辦法,次次齣街都係佢最早到,叫佢攞房一定冇問題..跟住我就可以慢慢嚟啦..哈哈哈..

我同cici.遲咗少少..主要係cici.等我遮..喺樓下有人赱埋嚟yap.我哋,估計係梁智航..估唔到我都已經算比較早嘅..竟然有人嚴重過我!!齊人嘅時候有18個,對于呢個人數我都比較滿意..

頂~班男嘅好多都食煙,煩到死..搞到男一圍,女一圍..女嗰圍得我同老陳唔係讀本科咯~好煩..點解我d.小學同學都咁叻泇..救命呀..我係大德嘅失敗之作..

哈~我唔認得羅偉呀..眞係變咗好多..就唔知點解會有葉炳健咯!!不過算啦,同佢都冇接觸,冇交流..老陳認錯咗肥炳做羅偉,笑死!!朱劍峰肥咗好多呀..雖然佢以前都係,但而傢就眞係發福!!

變得最多係周宇恆!!佢而傢好似黃子華..其他人都冇咩點變..特別係我哋d.女仔..就得陳嘉瑋變咗咯~其他眞係幾乎一樣咯!!救命..個個都冇進步!!袁藹琳高咗好多!!

竟然冇咗xo.醬炒蘿蔔糕..我記得好好食泇嘛!!不過嗰個天婦羅炸蘿蔔糕都唔錯,就唔知點解d.男嘅講到咁難食..好綵最後都唔使我一個人食曬遮..今日食得都ok.滿足..

我哋喺度講而傢點點點,又講下冇嚟d.人以前嘅人..或者係搵唔到嘅人,諗辦法尋找佢哋..我要我哋嘅小學團隊越嚟越壯大!!不過活動地點係一個問題..

可惜嘅係冇點影相咯..我以爲會有勁多相..點知閤炤都係得幾張,仲要唔多滿意..美中不足之處!!下次一定要影個夠!!今日我影相仲要手震..sh1t,又冇靚閤炤!!

之後我,cici,老陳,袁藹琳,陳東,朱劍峰,周宇恆,高玉麟,黃東東,余揚海,羅偉一齊去neway.唱k..好貴呀!!4粒鐘就55一個人咯!!想赱泇,不過算啦..哎!!難得一次!!

好綵唱k.我都唔輸舌..不過就悶親cici.咯..哎..本來應承咗同佢兩個have a chat.泇嘛..但話去唱k.嗰陣我又好大壓力喎~自問我係一個鍾意玩嘅人,又唔識拒絕人,又怕掃人興..

點解我d.男同學唱d.歌都咁懷舊泇?!救命呀..好樣衰咯!!仲要個個都....得余揚海好少少咯..唔通我注定唱合唱歌都要去neway?!

散場之後cici.同老陳離隊..我哋繼續醫肚..如果之後係麻雀同宵夜就正啦..比我哋玩曬啦..哈哈..可惜~算啦..唔係樣樣都係可以諗得咁美好嘅..

去咗太平沙食嘢..講翻以前我哋一齊抓嗰只鸚鵡,唔知佢而傢點呢..佢係我哋班d.人第一次咁同心協力一齊做嘅事,可惜唔夠一日就唔見咗..到底係邊個放赱佢?!!!!!

跟住又講起以前四大天王..我就眞係覺得係四個,但唔知點解就靜係數到陳東,朱劍峰同陳達斌三個,我成日覺得仲有一個係羅偉..哈哈..話校長以前成日話佢哋點點點..好搞笑..

十點多d.,我,袁藹琳,高玉麟就赱人..其他就繼續等陳達斌落班去宵夜..其實我都想去泇,但係冇女仔,就費事啦..

相未攞到,鬱悶..原來已經差唔多三點..訓覺啦..聽日仲要出去..希望后日可以去面試啦..今次眞係試最後一次,唔得就眞係唔做嘢..ummm~其實呢個係我一開始嘅暑假計劃..

好開心..今日我話我戴咗con.竟然厄到人,但原來佢哋靜係話我眼比較水,唔係大..好綵袁藹琳後來話覺得我對眼大..之後ta.贊我把聲好聽,覺得有種驚艷嘅感覺,誇張..哈哈