哇~唔係講笑,好鬼眼訓..但係又唔想敷衍了事..而且陣間仲要復習多一陣..

2009-07-01 星期三

今日喺屋企無所事事..都係上下q,上下blog.咁..冇心機寫論文..但我有背商務談判..背咗少少啦..原來唔算好難背,而且都唔會話太多..

訓醒中午覺,仲喺張床度..聽到有人嗌喎~覺得好似業海勁把聲泇啦,出去睇下,眞係..頂~我嗰陣著吊帶背心同熱褲泇..個頭仲要好亂..好綵大家咁熟遮..之後都懶得換衫..

佢同家姐上咗嚟,探佢哋契爺,順便上嚟坐下..跟住喺度講起d.養狗嘅嘢..要領狗牌,500蚊喎~都唔知有咩意義,最慘嘅係70cm.以上嘅狗唔比養,咁佢哋點算?!好可憐呀~

夜晚出去食飯..業海勁請..哈哈..佢眞係大個啦~估唔到,佢都發展得ok..如果第日我有份同佢咁上下嘅工我都願啦..不過佢家姐仲犀利,得閑翻公司開會,巡鋪..舒服..

十點左右出咗去西華路打麻雀..家姐叫到,好鬼難推..同肥ben.仲有hugo.打..出到去先知,三蚊三番..見到肥ben.老豆攞錢比肥ben.,哇~幾張100蚊..我想即刻赱!!

一開始hugo.仲未嚟..佢女朋友打住先..哇~佢又係識甩牌嘅..唔使玩啦~我帶咗三十蚊出嚟泇咋..夠輸10粒泇咋..嗰陣眞係好後悔出嚟..

好綵一開波家姐好旺,狂自摸..之後就到肥ben..我等咗好耐好耐,忍唔住狂輸,所以就食盤打出嘅,不過之後都未見有起色,就更加後悔唔等自摸..眞係唔到我唔信邪..

後來將d.籌碼放翻入嗰個櫃桶度就好少少,會自摸下..但係都係輸..家姐眞係超級無敵旺..不過hugo.女朋友都唔弱..開胡之後都好犀利..仲要佢次次都做大胡..我哋就一直雞平..

之後hugo.嚟咗..執位之後佢坐我下家,誅到佢乜咁..我眞係唔係有心,但我唔識打麻雀係全世界都知嘅事..好綵頭八圈都係家姐坐我上家,佢唔會誅我都唔識誅我..

最後四圈hugo.坐我上家,我就死咗啦..不過我打麻雀就眞係亂嚟..佢都捉唔到我路..成日都會漏到比我..XD 但我嗰陣輸剩十幾粒咋..眞係好worry..唔知家姐填唔填到我條數..

倒數第二盤..我做緊對對,好緊張..叫緊胡泇啦,都比hugo.截咗..嗰陣眞係心機都冇埋..輸死..但最後嗰盤一起手就好多一對對嘅..仲要鬼咁易碰出!!最後自摸對對胡中一只馬!!

位位18粒..哇~正!!翻曬嚟啦翻曬嚟啦..冇輸呀..最後贏咗11粒..眞係險過剃頭,今次叫做執翻條命仔..hugo.輸咗三十幾粒,肥ben.就輸咗五十左右..家姐贏四十八粒..估唔到..

眞係好開心!!嗰次同肥ben,sunny,家姐打,我自摸清一色,中兩隻馬..今次自摸對對胡中一隻馬..次次自摸大胡都係同d.叻人打..不過眞係估唔到今晚係唔識打麻雀嘅兩個人贏..

打到差唔多四點,食咗少少嘢,跟住翻家姐屋企訓覺..點知傾計傾咗好耐..跟住仲要訓唔著..天都光,先訓咗一陣..十點起身翻屋企..

2009-07-02 星期四

今朝翻咗屋企之後即刻問人商務談判嘅案例分析..頂~都好多下..不過好綵我記憶力都唔錯..應該ok.嘅..希望夠時間背啦..

跟住hea.咗陣,食早餐,上下q,玩下游戲..咁就夠鐘出門口..下午約咗c.霖,豬頭唱k..我眞係好佩服我仲有心情去唱k..其實主要係攞充電器..豬頭部9020琴日比人搶咗..

一去到..見到豬頭仲有兩個男..有一個好熟口面..原來係c.霖以前男朋友..另外嗰個就係c.霖嘅鄰居..喺英國翻嚟,好搞笑,幾好玩..但原來佢大我哋六年,眞係睇唔出!!

之後鄧卓怡同亞菲(之前去soho.玩見過)都嚟咗..哇~兩個都喺度show.長腿,我同豬頭無言..喺度死唱k..哈哈..不過都冇咩新歌,唱嚟唱去都係嗰d..但係眞係好抵咯!!

一唱就唱咗六個鐘..喉嚨痛死..係因爲挨夜,同埋食咗好多熱氣嘢,仲有講嘢好大聲..因爲c.霖個鄰居一唱歌就唔係人咁品..然後我哋係咁二影咗幾張相..哈..今日覺得9010好威..

八點,翻屋企..到而傢,都係對住電腦..整咗下d.相,睇電視,上q..好..而傢復習..睇一次之後就訓覺,聽日起身繼續睇!!不過今日c.霖個鄰居考我,我都ok.背到第一頁啦..

眼訓..草草了事..

今日朝早翻去考口語,以爲一考完就赱得,點知係要等全世界考完先赱得..一入去就要放低手機,赱先攞得..好誇張..

我哋嘅topic.係私人助理,唔算難..對話係問我暑假有咩打算..頂我竟然連同學都唔記得點講..太緊張了..名詞解釋係uniform..唔難,但點解我要講咁多嘢?!暈..

本來諗住下午去移動嗰陣遞表之類,但係咁鬼死曬我好怕..而且我唔知具體地址喺邊,都係等鐘c.莉到時帶我去..有得做就做,冇就算..

翻到屋企成個下午喺度上網..玩游戲,我眞係唔知自己想點..我應該寫論文或者復習!!煩!!商務談判好難背..

幫廖倩敏搵論文又搵咗好耐..上q.又上咗好耐..夜晚睇電視..

頭先寫咗寫論文,寫咗第一part.咯..已經1000字,其他可以寫少d..哎~但我諗住聽日要嚟復習,考完商務談判先算啦..仲有社會調查報告!!

w910i.壞咗..好慘..打電話嗰個制上邊嗰個壞咗,同埋c.鍵都冇反應..用唔到啦..555~重啓都唔得..好煩aaa..唯有用9010先啦..我眞係冇錢整,都唔想整..怕整開整日整..

見到黃嘉偉女朋友blog.嘅近期心願係.喺廣州搵到嘢做..翻鄉下食齋啦'唔該曬!!喺廣州有金執咩..煩!! 家姐問我去唔去佢公司做..唔去啦~太忙啦,忙住去旅行..

又係一訓訓到十二點,如果唔係諗住起身做paper work,我就繼續訓泇啦..

成日就係對住電腦諗住睇下申論點寫..點知就忍唔住赱咗去玩對對碰..一玩就個幾鐘.贏咗好多分..其實我知道自己喺度逃避..

終于諗住搵資料嗰陣已經差唔多五點..搵下,篩選下,七點食飯..之後睇電視..就..一直都冇心機做..然後做咗夜晚就上q..本來諗住今晚做埋先訓,都係費事啦..

今晚,我終于證實咗黃嘉偉有女朋友..係喺lace.嘅blog.度睇到..哈..連厄自己嘅理由都冇啦..美好嘅暑假都未開始就已經唔美好啦..突然間唔想放假..

跟住我喺甘志超blog.度見到佢張畢業證,我話佢學校係挂廣大個名..佢好嬲,因爲其實唔係,只不過係07年改咗名..我竟然可以嬲翻佢轉頭,到最後係佢低聲下氣同我say sorry..

我同大叔講我唔開心,佢問我乜嘢事我又費事講,佢繼續追問,然後逐一開解我..通過同佢嘅對話,令我知道,其實,我係自己搞到自己唔開心..佢好似要求我比佢幫咁..哈..

點解,點解呢兩個陌生人都可以對我咁好,而伱,唔可以?!點解氹我嘅,開解我嘅,唔係伱?!點解呀?!或者我都應該改行食齋..可能我眞係靜係一日掛住玩..我好幼稚..sorry..

哎~訓啦..聽日口語考試..唯有搭車嗰陣睇啦..我决定咗啦,如果聽日下午嘅面試唔得,我呢個暑假就唔搵嘢做!!最後一個暑假,就比我奢侈咁放肆下!!

琴晚三點幾訓..今日十一點好唔捨得咁起身..ah~眞係唔掂..而傢好似訓極都唔夠咁..

家姐上咗嚟,然後四個一齊去美景食飯..因爲係weekend.嘅原因,所以就非常十分極度多人..要等位,咁都算..頂佢竟然冇籌,靠伱自己搵..天呀!!

好綵本小姐眼利,見到有張台埋單,但我又唔sure,就問下佢哋..跟住嗰個男好熱情咁話"係呀,我哋赱泇啦,坐下先啦"..然後仲比咗張10蚊贈券我哋,超級好人咯!!

我哋四個人,點咗7個餸..傻傻哋,點食喎~不過眞係忍唔住,越點越多,哈哈..最正係個榴蓮穌,啱上嗰陣仲係熱辣辣泇..眞係正到痹呀!!要咗兩個飯+一杯酒先係123咋!!

翻咗屋企,家姐幫我染髮..終于有得著啦~晶醇巧克力!!不過都係唔上色咯!!眞係激死我!!點解個天要咁對我?!算..我下次出去染亞麻色!!

跟住終于得閑整下相册..電腦唔使咁多相..不過而傢後悔咗,因爲我唔應該del. D相,到時可以刻咗佢,就唔怕冇曬呀嘛..眞係呀!!新相個個都話好睇..開心..XDD

夜晚睇電視,好鬼卡咯!!搞到我要出廳睇..之後又順翻..後來又卡,嬲得滯唔鬼睇..反正係睇靚靚,羅蘭姐同葉童..<美女厨房>有黃秋生,佢實在太搞笑啦..哈哈哈..

唔開心咯~頭先黃嘉偉話我知,佢個fd.唔得閑,所以聽日唔可以去見工啦..鬱悶..我美好嘅假期呀~咁就比佢破壞曬!!我覺得,我哋唔可以做同事啦..555~

夜晚on msn.見到max..佢個show.係25號,不過我就唔會去睇泇啦..邊有錢..哎~去旅行..好煩..計劃亂曬!!

哎!!即刻冇曬心情..暑假,點算呢~唔想做蛀米大蟲呀!!如果冇嵌電腦就好啦..或者如果冇借錢比家姐就好啦..咁我就唔會唔好意思問屋企人攞錢..煩煩煩!!

啦啦啦~心情很好..其實又唔係眞係好好,都煩煩哋..

琴晚去咗soho..開頭我以爲係bar,點知原來係pub..早知我唔去啦..諗住係bar.先去見識見識..仲要拉埋豬頭落水..我嘅金錢預算亂曬!!

anyway,琴晚都ok.好玩..c.霖d frd.都幾nice..一開始玩大話骰,我,豬頭,celine一team..佢哋兩個都輸咗,我一上就一穿三..跟住佢哋個個都話我犀利..其實,虛火嚟泇咋..

之後我哋乜都玩下..眞係.乜都玩咯..ah~點解我唔識玩one two..想學,但冇人教到我..算啦..我都甚少出去玩,唔學啦..靜係識大話骰就夠啦..

一點左右就翻豬頭屋企啦..因爲AA嘅關係,我同豬頭身上都所剩無幾,好綵都夠錢打的翻屋企..哈..之後沖咗個涼,豬頭玩電腦,我就玩電話..四點先訓..

成晚好似冇點訓過咁..成晚醒,覺得時間過得好慢..朝早豬頭mami.開衣櫃門,開櫃桶都可以嘈醒我..救命!!

九點,打電話比惠ling,因爲佢琴晚冇復我sms..原來佢話好夜先睇到,就冇復..我都怕夜泇咩?!通常d.人都係一早唔髮短信比我,怕嘈醒我泇咋喎~

9點9叫醒豬頭,點知佢唔捨得起身,賴咗陣床,就係咁,我哋就遲到啦..其實都唔係嘅..起身之後我哋動作好慢..跟住又等車等咗好耐,又塞車,遲咗差唔多半個鐘..

知用斜對面咁大間7仔都可以冇咗!!7仔都可以執粒!!搞到惠ling.唔知喺邊度等我哋好..佢好慘,同我哋呢班遲到大王齣街都咁準時..等死佢咯~

然後大戰四個幾鐘..本來諗住打8圈就算泇啦..點知個個打到唔捨得赱,打咗16圈..姑且勿論輸贏,因爲我哋都係玩下..而係難得大家終于可以聚下,吹下水,唔捨得散住..

開頭慧ling.狂贏..不過佢次次都贏泇啦,好正常..跟住就到豬頭..我同小瑩都好 慘,等咗好耐先開糊..我仲先過佢..哈哈..

我同小瑩都輸好多..要賣牛..好綵賣咗一隻遮,之後誓死唔賣,寧願爭人哋..之後就翻嚟啦..哈~自摸下,食下人,咁就翻曬嚟..不過要抽水,所以都贏得唔多..

我贏5粒,慧ling.贏2粒,小瑩輸7粒,豬頭輸19粒..19粒全部都係水嚟嘅..不過多多都唔夠啦..房錢45呀~哎..去豬頭屋企打咪好咯!!嗰45蚊夠我哋四個到飽飽啦!!

跟住翻咗屋企..家姐翻咗嚟..佢話佢公司要正式轉去CTI,所以如果我要入職就要按正當途徑..可以松一口氣,因爲我大條道理唔使去啦..不過就要煩之後..

夜晚睇咗mtv.台嘅紀念michael jackson.嘅特輯..原來我第一次佢嘅mv.叫<remember the time>..佢跳舞眞係好得!!不過後期嘅佢,太可惜啦~

唔記得講,琴晚經過長堤,喺孫逸仙醫院附近搭緊棚,我初時以爲d.人搞事..乜嘢歡迎解放軍咁..乜嘢慶祝解放咁..之後老豆話係解放六十周年喎~要拍戲..後悔當時冇影低!!