今日喺屋企咯..太攰啦..一起身,對手好似唔係自己嘅咁..琴晚冇搽油眞係失策咯!!

一起身即刻搞個路由器..搞唔掂咯!!後來叫隔離屋裝寬帶嗰個幫我搞..得咗啦..好開心!!跟住就搵埋在綫睇廣州台同珠江台嘅網址..搵咗好耐,但皇天不負有心人..

之後就將嗰部電腦d.嘢傳過嚟..用飛鴿傳書..哈哈..記得以前交易會實習嗰陣成日用..好懷念..應該差唔多傳曬泇啦..聽日再整理埋d.碎片,應該會快好多..

成日都對住部電腦,同亞瑩傾計..佢話佢日日喺屋企對住佢阿媽好煩..哎~我對咗咁多年都係咁啦..習慣咗就冇問題啦..而且而傢越嚟越覺得屋企人重要..

最最開心係cici.翻咗嚟..佢終于回歸廣州啦!!可惜呀~佢27號就赱啦..我要揸緊時間同佢聚下先得啦..不過我聽日同后日都唔得閑..21.22號又去旅行..哎!!

而且,我哋嘅海南島之旅可能都.............不過唔緊要啦,咁曬咁熱,眞係唔應該去海南島嘅..不過我失望嘅係,又一個計劃實現唔到..

小學同學聚會定咗啦..下星期六晚飲夜茶..yeah~i likeeeee..希望唔好太多人因爲夜晚而嚟唔到啦..我想,我想見下大家呀~

頂~琴晚成晚訓唔著,都唔知搞乜..成晚都唔多舒服..煩!!然後今朝起身眞係好鬼眼訓咯~搞到我做嘢都慢吞吞..遲咗出門口..

其實都冇遲嘅~13分上車,個司機咯~開咁慢..不過我都係45分左右落車..去到都冇遲到..不過就係最後一個咯..但已經有進步,絕對!!

一開車我哋就食食食..嘉欣負責買嘢食,我哋嘅早餐..哈~不過就好似得我哋食咯~仲要全部都鬼咁啱我口味..搞到我喉嚨痛..

跟住就喺度傾計..頂~佢哋講d.新嚟嘅人嘅嘢我就眞係完全狀態外咯!!太討厭啦!!唯有玩手機啦..點知部9010就十分鬱悶..咁就繼續食食食..

唔知搭咗幾耐車,我哋就到咗啦..先去嗰個紫薇乜嘢,聽人喺度sale.靈芝..頂~佢話失眠多夢,夜尿,成日都會挨挨beng beng,睇書睇一陣就眼訓..我中曬!!

不過最搞笑,佢哋成日話謝詩雋打尿震..最後叫人買靈芝嗰陣係冇人問津泇咯..雖然佢話有得碌卡..我覺得佢哋好慘呀..不過我又唔會幫襯先抵死..

跟住去金鹿園..聽人哋sale.鹿茸之類嘅嘢,仲有d.藥油..呢度d.人嘅反應就好d.咯~可能因爲佢做特價掛..眞係好抵..本來98蚊for. 1..而傢100 for.3..好多人買..

喺紫薇乜乜同金鹿園都有湯比我哋飲..哈..我哋都冇點聽,喺度爭取時間訓覺..我就,繼續玩手機..吹吹水咁..

唔覺唔覺都成十一點,就去咗條唔知乜嘢村度行咗一圈..哇~嗰度好與世隔絕..如果唔係我哋嚟,都唔知平時有冇人入去..嗰度d.人出去好鬼唔方便..不過乜嘢年齡層嘅人都有..

跟住就上船食.河鮮餐..本來船上條件就唔多好泇啦..冇風扇,冇冷氣..熱到死..好綵就唔曬..跟住見到隔離條船大魚大肉仲要食蝦,都幾期待呢餐飯,因爲夠特別..

點知一上菜就.......先上湯,唔知乜嘢湯..跟住豆腐,然後蘿蔔潤,跟住上青瓜,睇到我哋O曬嘴!!點解差咁遠嘅?!!上齊八餸一湯都係得一條魚同一碟鹹魚仔仲有木耳蒸雞好d..

我就冇點食..睇見都唔想食..係咁二食咗少少豆腐同青瓜..好綵頭先喺車度食飽咗咋,如果唔係,肯定餓死咗..開咗船就有d.風,都ok.享受嘅,田園風光..哈哈..

之後我哋就喺度吹水..家浩熱到除咗衫,其他船嘅人見到佢都同佢打招呼喎~好搞笑..當然都有指指點點嘅..哈..總之就搞笑啦..

好離奇,潤謙偷咗人哋一個水殼,放喺我同佢之間..食完飯就唔見咗..但係過程中係冇人埋過嚟咯!!點解會咁泇?!!好驚咯!!

之後去最期待嘅漂流..我哋十個抽籤分組,男女搭配..開頭標妹同燕芬抽咗馮駿同謝詩雋我都好安心泇啦..點知我抽到家浩喎!!眞係好綵..不過我本來都覺得我哋係一組..

鎖嘢嗰陣,佢哋個個都放曬銀包同手機喺我個袋度攞去鎖..d.貴重物品就眞係好貴重咯!!哇~我哋喺女存包處(同女更衣室同一個大室)度見到有幾個女喺度換衫..好犀利!!

開始漂流啦!!就唔知點解我同家浩只艇成日都打衡咁落咯~仲要轉嚟轉去咁.想點先?!!不過都幾好玩..哈哈..比上次激好多,似漂流好多..根本就唔得閑潑人水..

潤謙同嘉欣早我哋好多落,所以一直領先,靜係見過佢哋一次咋..我哋就係其餘四組帶頭嘅..久唔久見到佢哋就吹下水..發覺好難停留咯~水流都算急,沖赱我哋..

非常論儘嘅我今次又甩咗頭盔啦..仲要比其他人,靚女,甩咗個頭呀..之後漂漂下,家浩幫我執翻..我仲要比石頭通過艇底撞到只脚咯!!家浩撞到兩次添..痛鬼死!!

謝詩雋同燕芬只艇反咗咯!!搞到燕芬漂咗出嚟..好恐怖呀!!我初時以爲係件救生衣喺度漂咋,點知係個人..佢仰訓住咁漂赱,又叫唔到救命,好綵工作人員見到,救翻佢..

謝詩雋只鞋都漂赱咗一只..馮駿見到,我叫佢快d.執翻佢翻嚟..跟住比我哋四組人嘅男玩完又玩,著完又著..哈哈..佢哋仲話攞佢嚟打比令一只鞋嚟聯絡謝詩雋..笑死!!

漂咗最後差唔多到嗰陣,我哋四組都停曬喺度,傾計跟住打水仗..廖倩敏成日比人攻擊咯!!其次就到標妹..我都幾安全.因爲我喺最邊..個個都玩得好開心..哈哈..

最後廖倩敏同標妹一只艇咁赱,就比人反艇啦..佢哋話好綵我同傢浩一只艇,如果唔係,比人圍攻嗰個就係我..哈..咁我咪好好綵?!!

沖涼嗰陣因爲借咗d.沖涼液比d.男嘅,我同嘉欣就好遲先沖涼,仲要排曬隊,最後我哋一齊沖..好綵嘉欣近視,而且我哋太趕啦,乜都冇理..哈哈哈

回程嗰陣太攰啦..個個都訓曬..我眞係訓著咗呀..跟住又塞車..搭咗好耐好耐..佢喺和平新村停喎~我即刻落車..班男嘅今晚仲要打烊,辛苦佢哋咯~

2009.07.13 星期一

琴晚十二點多d.就訓,諗住休息得好d.今日獻血啦..點知一直都訓唔著..大概到兩點幾,終于訓著咗..之後六點未夠就醒咗,又訓唔到..到八點先訓得翻,鬼咁眼訓..十點未夠就起身..

食咗早餐就拿拿林出門口..去到就填表之類..點知我今次又唔得咯!!又係白細胞過低,佢仲要話好低,叫我注意下..頂~仲有個幾鐘,都唔知點算,就去咗購書中心睇書..

呢期我最愛就梗係<暮光之城>啦..哇~成三十蚊一本,而且覺得睇書冇咁吸引..因爲,好麻煩咯~我成日搞唔清邊個講乜咁..所以都係睇電影好..哈哈哈..

睇咗成個鐘<new moon>,好似冇想像中咁吸引,雖然我冇想像過係乜嘢內容,但眞係...不過可能電影好睇好多..點都係期待電影嘅~因爲我鍾意演員..哈哈..有夠膚淺..

終于等到亞韻啦..頂佢張卡就眞係一個銀都冇喎~充咗50..玩掟彩虹都掟咗好多..開頭收穫都還好,之後越嚟越衰..哈..全部都係亞韻掟翻嚟,我可以去死..

之後玩套玻璃樽..呢個比cash,就亞韻比..50個圈都唔中咯!!點解嗰個男咁好綵泇?!!!佢中咗個大獎..我就係見佢中我先話要玩..激死我!!

跟住就梗係玩手指指啦..可能我太耐冇玩啦,原來而傢係有無限關,仲有可以續一次銀..但我哋都係冇record.咯!!太失敗!!下次一定要寫翻個名喺嗰度!!

最後就投籃機,本小姐最愛..當然都係冇record.嘅..不過就眞係好好發泄咯..哈哈..唔係講笑,眞係好鬼攰..仲要玩到影相都手震..影咗幾張一般般嘅相..旨在留念下..

然後就去音樂龍搵群英啦..我點咗<旁觀者傷>同<手掌印>,咁難得有,梗係想唱,點知就係到我嘅歌嘅時候佢cut.鐘..sh1ttt!!!下次我去紅點唱!!哼~!!

去咗假日通諗住報名啦..點知冇曬78嘅,得翻88..佢哋話金馬有78,就去金馬..等咗好耐好耐,終于到我哋問..點知條友又赱開咗..好耐好耐之後翻嚟話我哋知,得翻98..

我哋又翻翻去假日通..我都話假日通好泇啦..個個都唔信我!!搞咗前後我懷疑都有個半鐘,唱完k.開始計..終于搞掂..我要去放雞島!!因爲有木屋住!!i likeeeee!!!

之後個個都干曬塘..唯有去劉福記食..哈..都好,慳d.呀嘛..今日眞係經典,個個又攰又熱又餓又干塘..XD

夜晚亞董邀請我加入群英會,從此我就多咗個綽號叫.同德閑人..其實我不知幾忙..不過算啦,綽號一個遮,唔需要介懷..哈哈

-------------------------------------------------------------------------------------------------------------------------------------------------------------------------------------------------------------------------------------

2009.7.14 星期二

今日訓到十二點,比鄭文漢嘅短信嘈醒..佢嚟我屋企幫我搞個路由..點知冇火牛..頂~點解咁都可以漏?!!不過唔緊要,起碼我可以過隔離睇電影先..

跟住同媽咪去好又多買嘢..哎~唔開心呀,冇購物卡,搞到我買乜嘢都要睇過先..我好多嘢想買呀..

夜晚睇新聞話,而傢A型血同O型血都比較短缺,咁佢琴日又唔要我d.血?!!老豆話佢單位獻血好似有600..哇~仲正,一于去老豆單位獻..600可以做好多嘢啦!!

暫定下星期六小學同學聚會..好開心呀!!期待!!周宇恆眞係好有效率泇遮,咁快叫到咁多人,反而我話搞嘅就一個都未叫..不過而傢就差cici.同mango..到時再通知啦..

聽日去漂流,希望玩得開心啦..靜係帶一套衫去,好似帶咁少嘢咁,但我又唔知應該帶乜喎~苦惱苦惱!!唔理啦!!早d.訓,已經好多人叫我聽日唔好遲到..

本來今日諗住去婆婆度,不過就眞係太眼訓啦..鬧鐘響咗,起身同媽咪講唔去..而且脚又痛喎~諗死佢今日落雨啦,點知都冇..sh1tttt..唔好聽日落就係啦!!

雖然訓覺嗰陣有兩個電話一條短信嘈醒咗我,但我之後都有繼續訓..哇~點解訊號差咗咁多?!之前都仲可以傾電話..而傢就非常之困難咯!!煩!!

起身就睇咗<傢有喜事 2009>..同阿媽一齊睇..幾搞笑咁啦..唔知點解我就勁唔鍾意嗰個小敏..扮曬純情+sweet.咁..仲要講普通話!!就眞係~~~!!!

跟住比媽咪玩,我就執衣櫃..唔係好大工程咋喎~一陣就搞掂..跟住唔知做過乜啦..咁就五點幾..哎~時間過得好快..我日日喺度浪費時間..

之後就自己睇<葉問>..睇咗一半就食飯..哈..我今日推薦亞瑩睇<twilight> 佢都話正呀..好開心,有人鍾意..<new moon>,伱快d.上啦!!我一定會去電影院睇!!

食咗成個鐘頭飯..其實我係想比部電腦休息下嘅.覺得佢好慘,一日開住,但我又眞係冇嘢做..之後繼續睇<葉問>,睇到後面我唔敢睇,我怕結局好慘..好綵唔係..

報咗漂流團啦..115..頂~話咗100以下泇嘛..不過我就唔會咁掃興嘅..但係就覺得都幾厄錢..除咗漂流,就帶伱去睇下唔知乜嘢峽,同唔知乜嘢..算啦,旨在成班人去玩下..

聽日就去報沙扒灣..哈..開心開心..又冇100..但,可能高二4嘅旅行去唔成,咁就join.高一5啦,而且都係78蚊遮..豬頭唔去喎~掃興..去幾多次旅行遮,加埋初中咪最多三次..哎!!

不過我最最期待都係海南島之旅..雖然就勁曬勁熱..不過我覺得海南島就好似人人都要去咁,唔去北京都要去咁嘅感覺..哈..而且喺湛江去平好多..

唔講啦..聽日要去賣血,要早d.訓..哎~亞韻叫我聽日去打麻雀,我就眞係唔想咯~怕輸..不過算啦..我眞係唔係一個掃興嘅人,佢就我打機,我就就翻佢打麻雀..

今日今日,繼續喺屋企..訓到十二點幾先起身..

然後電腦又比媽咪玩..哎~悶死我啦..死人鄭文漢又發燒喎~眞係頂佢個肺!!

睇咗<超速緋聞>開頭好搞笑,之後比較感動..哈..三代同堂..眞係唔多似咯!!

夜晚睇咗<呖咕呖咕對對碰>,呢排就成日睇電影..睇完又唔記得曬劇情..哈哈哈..我d.記性眞係差得可以..

今晚同黃嘉偉傾咗一陣..哎哎..佢成日都唔開心,想點遮?!好鬼影響我泇嘛..跟住又話我d.小姐脾氣改唔到喎~改到,一定改到..但改咗,又有咩用?! sigh~

哎..聽日去亞婆度,要早起身..早d,訓..