2009.09.24 星期四 天氣 晴

好犀利,我今日竟然可以翻到學..雖然係遲到..哈哈..頂~財管我竟然miss.咗最重要最難嗰部分,得閑要睇翻書先得..我而傢有興趣嘅竟然係財管同國際商務,英語我想死!!

跟住上英文寫作,真係越聽越冇心機..最衰磚磚坐我隔離泇啦..唔得,我真係要洗心革面,翻到屋企冇心機復習,上課我要認真聽,我要對得住6400!!

落咗課即刻翻屋企,洗頭,跟住就訓覺,要補眠呀,日日係咁我會死泇..下午又翻工.咁咯~

翻到去,Cherish同Mac.仲有Allen.都休息..悶死我..雖然Kim.喺度,但佢好忙,搞到我有乜嘢唔識都係問另外嗰個,我都唔識佢嘅人..

我頂~今晚d.客傻泇?!電話用唔到又打上嚟,賬單問題又打上嚟,有個轉咗係TVB嘅都打上嚟,嗰個唔識嘅人話我接d.電話係百年難得一遇..搞到我轉嚟轉去,頭都暈..

總之覺得今晚自己成日做錯嘢,成日要問人,好煩啦!!我唔鍾意咁呀..哎!!但嗰陣Kim.靜係教我行過一次系統,乜嘢都冇教,乜嘢轉去邊度都冇,我點識喎~哎..

--------------------------------------------------------------------------------------------------------------------------------------------------------------------------------------------------------

2009.09.25 星期五 天氣 晴

起唔到身咯!!冇上文管..磚磚狂飛短比我,嘈住曬..佢話亞鴨話我唔翻學係正常,亞潤簡直叫我退學..頂..冇翻兩日遮,唔使咁掛?!好多人都成日唔上課啦,點解係要留意我喎~?!!!

然後文管可能以後都唔使上lu~因爲我哋組已經演講咗,仲要好高分,唔愁lu~不過我連我哋組要演講都唔知,因爲我上星期五都冇上課,又乜嘢都冇幫到手,勁唔好意思咯!!

起身洗頭..本來想做國際商務嘅paper work,但係睇睇時間,唔做lu~上陣q.就翻學校..塞車塞到傻,好綵我趕到部89,如果唔係肯定遲到!!

坐磚磚隔離,又聽唔到課,而且我仲要帶錯書,我唔知我翻嚟做乜..不過好綵我翻咗嚟,因爲老師見到人少,叫紀委清一清d.人..不過其實老師叫唔叫佢都會清泇啦..哎..

之後就去咗中六買鼠標同rw..鼠標壞咗呀..我好驚我比人厄咯,但我又趕住要買,唯有自己嚟啦..咁就冇咗70蚊..好貴呀..不過rw.就有排用泇啦..陣間玩下先..

夜晚翻工..識咗個人咯..佢都係廣外泇,不過細我一年..佢喺和仔做咗一年啦..識好多嘢咯~好犀利呀,勁羡慕,可以幫d.客解决問題..而我同Cherish.就靜係識pick call..

今晚好靜呀,好開心..成晚先得20個call.左右..我同Cherish.傾下計又同Clovis.傾下計,講到牙教都軟呀..如果晚晚都係咁就萬歲啦..哈哈哈..

臨走嗰陣比個客chur.住呀,好煩..要即刻復喎~又冇機頭又冇人得閑處理..唔理佢啦,亞Yan.話成村人等緊我,叫我隨便應付下佢..我就mark.咗出嚟,即復咯..但唔知要等到幾時..

我今晚先知原來我晚晚都係翻J,我想死..不過今晚我都提早一個鐘赱人,扮唔知..哈哈哈..如果我日日都係J,我一個月有成800..不過都要睇翻d.上課時間請下假,費事咁辛苦..

今日朝早諗住翻學校上課泇,點知起唔身咯..哎..財管..其實我真係想上泇,不過算啦..琴晚四點幾又比陳達斌d.短信同電話轟炸喎~我諗佢肯定係飲大咗啦..

10點幾起身都覺得好辛苦..不過冇辦法呀,中午1點要去賣血,點死都要死過去啦!!老豆鬼咁緊張,叫我如果趕唔切就打的,咁我以爲好巴閉啦..搞到我最後十分鍾都落車打的去..

點知去到,得老豆到咗,其他人都未到,我就有d.後悔打的啦..還我10蚊aaaa!!!!去到仲要慢慢輪咯~鬼咁多人..好似係獻全血咋,如果唔係,我就肯定唔獻得啦..

等呀等,搞呀搞..因爲我5月先獻過成分血,所以連手指都唔ba,好順利咁去獻血..200 cc.全血好快就搞掂..之前都係獻成分血多,搞N耐..跟住就等攞錢..800大元..傻眼!!

諗住去買扇啦,行狀仔嗰邊肯定多..點知難得有扇賣都係樣衰嘅扇..反而冇拉拉買咗條褲比自己同買咗把遮比媽咪..xo.嚟泇..哈哈哈..搵唔到嘢買比老豆..鬱悶..

行曬狀仔,玩具城,德寶都搵唔到扇咯..連海珠廣場都唔放過..就真係想買把扇都咁難?!!本來想行買沿江嗰邊,不過嗰陣暈暈哋..就拿拿林翻公司請假先..

翻到去,Alex.話其實我打個電話翻嚟就可以..頂~Mac Lam.水我!!咪係咯~我part-time.之嘛,使乜咁麻煩喎~打個電話就得啦!!全職就麻煩啦..晚晚都爆嘅條綫,少一個都想死..

然後去大家樂下午茶,西多士呀..我嚟啦!!原來好多人都會一個人嚟食下午茶餐..死了,我變咗獨行俠了..我真係變咗啦,以前嘅我點會咁泇..我唔要做孤獨精aaaaa..

五點幾,搭車過正佳,本來想搭地鐵嘅,不過見咁多時間就搭車啦,而且有位坐..點知就等車等咗N耐,又好塞車..搞到遲到..

6點10,我見陳盛林都未打電話比我,諗住佢肯定未到啦,點知佢已經到咗..最後我7點3先去到..佢靜係講咗句"伱好意思叫我唔好遲到"..態度1 d.都唔差..真係出奇..

好開心,我琴晚係咁二講咗句覺得佢著粉紅色嗰件shirt.好睇,佢真係著咗咯!!不過點解我覺得唔夠上次好睇?!上次好似斯文d,似arthur.多d..哈哈哈..

本來諗住去睇冰雕泇,點知去到好似冇人咁,如果成場得我哋兩個好無聊泇嘛..咁就諗住上去打陣機先算啦..點知講起手機壞壞哋,隻撲街話鬼我蠢喎!!咁我咪即刻掉頭赱咯..

佢竟然冇追過嚟咯..跟住我去咗睇手機..N86好似都幾正..aaaa..好想換手機,但係,仲用到就算啦,我好慳家泇..sharp.夠曬型,但太貴啦..如果我嗰部係9020就好啦..

跟住喺M記坐咗陣..嗰個moment.真係好down..原來真係唔係嗰個都係肥輝,會喺我發脾氣嗰陣跟住我..同小賴傾咗陣..哎..嗰陣我喺度諗,如果佢唔搵翻我,我搵唔搵佢好呢~

哈哈..最後呢場戰爭都係我勝利,佢打電話比我,不過我就咁啱冇信號咯..佢發咗條短信我比,搵我玩夠未喎..我邊有玩喎..最後佢上嚟搵我咯..真係嚇死我啦..

佢話僅此一次,話比面今日係23號,好辛苦咁搵理由嚟抑制自己d.火搵翻我..其實我都知道自己有少少唔啱嘅..不過我唔赱都赱咗啦,冇理由咁衰女翻去搵佢先泇..哈..

好啦~大家都發完脾氣啦,咁就去搵嘢食..頂~附近都冇夀司食..我想食夀司aaaa..咁就去咗小熊吧..其實我就一般鍾意熊仔,對嗰間嘢都冇咩興趣..不過費事再多多意見啦..

我都唔肚餓,靜係飲咗杯嘢..陳先生就食咗個意粉..人哋話睇住自己鍾意嘅人食嘢會覺得好幸福,好開心..但點解.....我冇呢種感覺,係唔係遮係話我唔鍾意佢?!

我話佢食嘢唔好有聲,咁其實好正路遮,我係唔鍾意人哋食嘢有聲泇嘛..佢冇講乜嘢,不過我知道佢唔鍾意..咁食嘢有聲的確係唔禮貌加冇儀態呀嘛..我都冇錯~!!

食嘢嗰陣我本來係想cut.咗佢個留言信箱,點知自己好死唔死入咗去相册嗰度,我見到有幾張女人相!!係喺電腦拉落去嘅,我冇出聲,扮睇唔到..who is she?!

我知道其實未必一定有嘢,佢d.咁嘢嘅,肯定好鍾意keep.好多女人電話,同靚女嘅相攞嚟扮嘢..但我見到嗰幾張相之後真係唔開心,真係會亂諗..咁係唔係因爲我鍾意佢?!

講真,我都唔知我而傢對佢係乜嘢感覺..鍾意?!唔鍾意?!可能係唔甘心掛..我靜係知,我而傢喺度尋覓緊其他對象..我真係唔會一心一意咁鍾意佢,因爲唔值得..

差唔多十點,諗住去車站搭車啦..點知陳先生問我幾點,跟住話,上去打翻陣機先赱啦..嗰個moment.我真係好開心,我知道佢係因爲我話想要只公仔做紀念先咁講..

好可惜..正佳嗰個機室厄人嘅,都係城市英雄好玩d,容易攞公仔d..我哋玩咗好耐都冇公仔,索性玩下投籃機發泄下算..真係激死我!!aaaa..竟然又冇公仔!!太過分啦!!

呢個結局實在太唔完美啦..雖然一開始就已經不怎麽樣..但係..哎........

我哋去到車站都10點4..勁多人咯!!佢部245收10點半..545同夜15又十世都唔嚟..但245就勁多..我懷疑過咗都成10部,先得一部545,太多人啦,我冇上..

其實我知道佢想我上,因爲我唔赱,佢都赱唔到..我有夜班車,但佢冇咯..不過咁多人,我就肯定唔上嘅,點解要逼車喎~我又唔趕..我有叫佢赱先泇,不過佢又話等我上車先..

哎~其實嗰陣我覺得自己好似勉强緊佢咁..點解我哋一齊會咁唔開心嘅?!佢話佢以前唔會陪佢女朋友等車,又或者係佢要赱,佢d.女朋友都拉佢唔住..

咁我而傢係唔係應該開心?!但我唔覺..雖然我有那麽一絲快感..但我始終都係一個好人,唔鍾意人哋為咗我做佢自己唔想做嘢嘅..所以我最後上做夜15,冇等545..

成晚我諗咗好多嘢..好想同佢講就咁算,因爲我覺得我哋都喺度挑戰緊大家嘅底綫..但我唔捨得..唔知係唔捨得佢,定係因爲佢未夠鍾意我,所以我唔會放手住..

諗翻今晚,其實佢都有好多加分點,我都覺得佢比之前好咗..我唔知係因爲今日係23號,定係因爲佢做錯嘢,定係因爲部9010,定係因爲佢真係比以前更加鍾意我..

太多嘅原因,太多嘅未知數..我唔會選擇開口問佢,因爲佢會覺得我唔信佢..其實我本來係開始信佢泇,但係見到嗰幾張相我又.....哎!!希望係我諗多咗..

anyway,一切照舊,順其自然..哎..佢28號之後就離開廣州半個月,國慶長假竟然....!!高中嘅聚會仲話擕眷出席,出鬼出馬咩..其實我真係唔覺得我係拍緊拖..

2009.09.20 星期日 天氣 晴

今日晨早起身,因爲大表姐喺澳洲翻咗嚟,請飲茶..其實我就唔係好鍾意媽咪嗰邊嘅gethering,因爲我成日都會比人忽略,同埋d.人鍾意攞我同aj.比..好鬼煩..

好綵今日家姐都去,咁我就冇咁悶..哎~飲茶竟然冇蝦餃同乾蒸,好失望咯!!好綵大表姐帶咗d.硃古力過嚟補償翻..哈哈哈..好耐冇食夠硃古力larrrrr..正!!

竟然又見唔到海明表哥,因爲佢唔想咁早起身,真係冇曬意見!!結果一邊係大表姐同aj.喺度講出國,一邊係幾個姨媽姨丈喺度講畢業之後喺廣州嘅出路..哎~我真係唔想諗..

雖然成日我都話,到時先算..但到時唔係真係有得算..我好怕好似嘉欣咁喺屋企踎咗幾個月都冇嘢做..我又唔想做呼叫中心喎~又冇有錢人睇啱我喎..希望學校分配份好工過嚟啦..

跟住去咗長夀路買染髮劑..頂~佢一開價就話12蚊,我邊好意思講價呀?!!之後就去家姐屋企染..我第一次去佢而傢呢間屋咋,其實都ok,衰在信號唔係太好,但係呢條係死罪!!

今次唔夠時間呀..家姐咯~梳d.顔色梳鬼咁耐,搞到梳完之後睇一睇鐘,已經一點啦!!我d.髮質起碼要半個鐘泇嘛,但我兩點又約咗豬頭同曹穎..所以點半就拿拿林洗咗..

洗嗰陣我見到d.色係咁甩呀,嘥曬啦!!染咗好似冇染咁..不過喺陽光底下都ok.明顯,但我唔係想要咁呀!!我想影相都睇到呀!!跟住吹頭,呢樣嗰樣,赱嗰陣都兩點兩啦,遲曬大到!!

赱到出西華路都兩點四啦,唔鬼搭車啦,唯有打的啦..哎..又打的,我d.錢呀!!好綵10蚊搞掂,今次又遲到咯..激死豬頭,因爲我話我會早到,叫佢都早d..哈哈哈哈..

今次去咗u+we..真係唔平咯~不過cafe.都預咗泇啦..好辛苦好辛苦先决定到要一個下午茶餐..28蚊有一杯咖啡同一個cake,其實我覺得唔貴泇啦..而且加10蚊杯latte.有得續杯..

不過好趕時間呀..搞到我哋靜係夠時間續咗兩杯,一人兩杯都唔夠..哈哈..不過飲得多咖啡我哋好慘..而且latte.比較苦,我都唔鍾意飲嘅..不過個cake.唔錯..

我哋傾傾傾,傾咗好多嘢..曹穎知道我同陳盛林拖咗..佢反應係愕然..哈~比我都會,我同佢,大攬都扯唔埋,點解會咁..不過我知道陳盛林喺佢心目中唔係一個好人,dont worry~

好羡慕豬頭咯~佢嗰個當佢係結婚對象..不過諗落,雖然我成日都話勁想結婚,不過我又唔想咁快冇曬自由,畢竟我都算係一個貪玩嘅人,又快厭喎~同居可能會好d..

最後免不了影相啦..我好掛住我部9010呀~w910.冇閃光燈好煩呀~發覺我哋個個都唔多識影相..哈..點解睇人哋d.相咁搞笑咁好睇,我哋嗰d.就影嚟影去都係咁?!!!

夜晚翻咗屋企,胃唔舒服,食咗少少嘢咋..哎~難得咁好餸..夜晚睇電視,睇劉翔複出..我明明就見到係劉翔快d.嘅,唔知點解最後都係得第二..yyyyy.?!!!

2009.09.21 星期一 天氣 雨

今日出門口嗰陣落雨,點知上咗車就停咗,激死我!!搞到我仲帶咗把長柄遮出去..好似好耐冇翻過學校咁..哈哈..ummm~我仲係一個學生..突然間良心發現,呢個星期我要上齊課!!

比較哋認真咁聽咗堂英文寫作,覺得獲益良多..真係好鍾意上Juliet.嘅課泇遮..中午就去咗報六級..其實都係得個報,我而傢對六級完全冇曬興趣..隨便了..

下午上六級嘅補習課..掛住同陳盛林發短信,都冇點做到d.閱讀,佢講嗰陣更加唔使聽..不過有一篇我錯咗一題咋,好犀利..其他就冇心機睇..翻譯就好鬼難!!

落咗課就同mini.睇咗陣波先..發覺而傢對睇波完全冇曬興趣,可能冇我想睇嘅人,d.人又唔型又唔靚仔咁..靜係見到小帆,其他都唔識..其實我哋就係傾計唔係睇波..

跟手搭27翻工,點知等咗好耐都冇車,上車已經六點,又勁爆塞車,去到北京路都7點..最後遲到15分鐘咯~不過都冇乜嘢嘅,咪就係遲15分鐘赱咯..好綵..哈哈..

今晚坐喺mac.同kim.附近,等佢哋可以睇住我..哎~第一次落位好驚呀..第一個case.完全唔記得點起,要kim.幫我搞..點解我次次都會咁緊張泇?!!都唔係第一次做呼叫中心泇啦..

不過好綵我都算比較快上手,因爲比較簡單..但係Cherish.就好驚咯~畢竟佢仲係細路女,而且第一次做part-time..仲要比vincent.投訴,我覺得vincent.今晚好躁咯~我都驚..

好綵mac.同kim.都好好人,有乜嘢都保住我哋,唔得又pass.比佢哋搞..雖然呢份工就唔算話好做得過,因爲時間太唔激動,而且比較遠..但d.人幾好..

好可惜咁,今晚我比最後一個客chur.住,搞到我11點4點赱,趕唔到最後一班527,要搭車過中六等夜2..蠢咗,下次應該行去五月花等夜21或者夜2,有兩個選擇..

2009.09.22 星期二 天氣 晴

今日訓到十點幾起身..本來想再訓下添嘅,比老豆嘈醒咗..佢叫我聽日去獻血喎~問我得唔得,睇錢份上,梗係得啦!!跟住叫我同隻貓去睇,哎~本來我想喺屋企做做嘢嘅..

拿拿林起身刷牙洗麵就同隻貓去睇..又發燒..琴晚見到佢嘔嗰陣都覺得佢辛苦,好似想嘔埋d.五臟六腑出嚟咁..可憐啦~冇拉拉病都有嘅,真係麻煩..

今次媽咪陪佢吊針,我喺華輝打包咗一個飯,一個拉腸就翻屋企洗頭..跟住翻學校..遲咗少少咯~5分鐘..冇咗個全勤啦..我諗住呢個星期唔曠課唔遲到唔請假泇嘛..

下午又翻工..今日早d.翻去,行咗轉北京路..買唔到扇咯!!我想買把扇遮,都咁難?!!賣扇嘅地方勁好,好睇嘅更加冇!!sh1ttt!!我放弃!!好想要嗰日見到嗰把叮噹扇呀~

今晚都冇乜嘢特別嘢發生,就係一個客好煩,死chur,唔比我cut.電話,話要同raymond.潘傾,佢冇翻,跟住講咗好耐,終于肯cut.電話,後來好似mac.復翻佢..

仲有一個客仲煩,又係唔比我cut.電話,仲要鬼咁惡,因爲佢搞遷移,之後電話唔work,約咗師傅上嚟又出錯地址上唔到..火到死,我想同佢轉駁又轉唔到,後來佢自己收綫..

今晚狂轉錯綫咯~sorry.呀各位同事..不過我知道伱哋好好人嘅..其實就唔係我錯,除咗轉去客服,其他都係人哋幫我轉嘅,係幫我嘅人搞錯..

今晚有個同事,我覺得佢個樣好似一個演員,但諗咗好耐都諗唔起..佢都ok.好人,又搞笑..本來想搵亞妹,點知我上咗車佢先打比我話落班..真係唔夾!!

10點幾嗰陣陳達斌比電話我,叫我出去唱通宵k..我想去泇,不過諗到聽日一早有課.而且又要獻血,夜晚又約咗陳盛林,咁就忍痛推咗佢啦..我好想唱kkkkk.呀!!

2009.09.18 星期五 天氣晴

今日係我比人偷嘢一周年嘅大日子,校訊通咁就離開咗我一年..好掛住佢呀..哎~唔知佢而傢點呢..有我個logo.泇..仲有我嘅大名..呢d.咁重要嘅嘢,去向不明..哎~

又冇翻學校上課咯..不過我都要晨早起身..去和記總公司辦入職,順便體檢..總公司喺三元里..好近我咯!!20分鐘車程喎~我仲預咗佢成個鐘時間..

跟住搵下搵下..都幾難搵,好綵見到和記d.人,就跟住佢哋行..跟住喺附近行多圈先入去..費事咁早到,好似唔知點咁..

好多人辦入職咯~我真係好怕做呼叫中心呢d.嘢,因爲d.人即使唔係靚仔靚女,都會打扮得好緊要..我咁鬼懶,真係唔想行埋去佢哋度咯..但我就暫時做嚟做去都係呢行,救命!!

搞掂曬跟住就體檢..我發覺得2個做helpdesk,另外嗰個全職嘅..其他全部都係sale..咁又係..sale.先有肉食泇..體檢嗰陣要驗尿真係好覈突咯~厄佢話M嘢都要驗.. ><

跟住翻咗屋企食飯..諗住做國際商務d.卷,做嚟做去都未做好..冇心機,咁就睇<史密斯夫婦>..點解一出電影我要分N次睇?!!!今次都未睇曬又出門口,翻僑力培訓..

臨出門口打咗個電話比陳盛林,原來佢仲未死..就係呢個電話,出事啦..講咗唔係好耐遮..出到去車站竟然已經兩點四..已經知道會遲到啦..結果遲咗40分鐘,因爲大塞車..

好綵個trainner.好人又好傾..但係我去到,佢教多一陣就去咗放飯,我悶咗成個鐘咯!!最後培訓到六點多少少就赱人..星期一翻7點..

同我一齊培訓嗰個妹妹仔,我頂~先17歲..而傢d.細路係唔係傻泇?!咁細個,出嚟做嘢?!!!不過想當年我都係啦..哈哈哈..嗰陣嚴偉文仲細..癡綫..

六點搭車咁多人,我梗係唔翻屋企住啦..又塞車喎~跟住叫陳盛林出嚟..佢竟然話佢未食飯!!跟住我話,咁我等伱食埋飯先出嚟呀?!佢知道情况不妙,就話而傢出嚟..

其實今次好似係第一次覺得佢會怕我發脾氣..不過諗落覺得自己有d.衰嘅,臨食飯叫咗佢出嚟..不過佢又係撲街嘅,我話咗大概呢個時候搵佢,佢就應該同佢媽咪講唔喺屋企食飯..

我等541等咗超耐..去到恆寶都仲要等佢咯..癡綫..原來佢沖埋涼,洗埋頭先出嚟..使唔使呀?!!嗰下真係好meng.咯!!明知我一個人喺出面,佢都仲要咁姿整..

行咗N耐,跟住搵地方食嘢..本來今日我赱嚟赱去就已經攰泇啦..撲街,叫佢幫我買嘢,佢話一向都係人哋幫佢買..fine~大家唔好去咯~雖然肚餓嗰個係我唔係佢..

進入冷戰中,我喺度玩手機,佢無聊喺度玩眼藥水..其實我好怕我會輸咯..我好清楚佢係一個乜嘢人..而且佢又唔係真係咁緊張..點知劇情發生180度扭轉,佢終于忍唔住幫我去買..

嗰下真係有d.成功感,不禁暗喜,咁就攞咗佢嘅"第一次"..我話我好心涼,佢勁無奈咯~不過真係幾開心..哈哈哈..

然後陪佢去打機..佢真係好鍾意好鍾意打機咯..喺城市英雄見到個玩投籃機超級掂嘅人咯..真係好犀利aaaaa..變態,幾round.都玩到七百幾..偶像啦簡直!!

因爲城市英雄實在太多人,所以行咗圈就翻咗歡笑樂園..梗係要玩投籃機啦!!我最愛!!我發覺隔離有個男屎過我呀..哈哈哈..第一次發現..笑瓜我..不過可能佢玩咗好多round..

跟住佢竟然玩夾公仔..嘥曬d.銀!!我隻爆炸狗呀!!夾唔到咯!!哎~第一次去打機冇公仔帶翻屋企!!最後玩頭文字d..等等等..等咗N耐,恭喜曬,終于等到..哎~星期五真係唔係講笑..

玩頭文字d.嗰陣佢嘅對手係一pair.咯~個男嘅玩,個女嘅喺隔離幫佢put.扇..哎~我恨我冇扇咯!!哈哈哈..佢連贏N round..我覺得勁有face.咯!!對唔住,我虛榮心好重..

跟住嗰個女嘅上場,我就好憎我自己唔識玩啦,如果我玩都贏,咁就perfect.啦!!嗰pair.輸到冇癮,就換咗個高手落場..咁就輸埋最後兩個銀,赱人..

本來係去狀仔搭夜26,點知咁啱赱咗部..既然都要等,就一邊行去長隄一邊等..喺江邊真係好舒服咯~勁大風..哈..我諗起嗰陣初中,成班男嘅對住珠江屙尿..真係..........!!

之後赱咗幾部夜26都冇上..最後差唔多一點,唔係路,上咗車..我好綵趕到最後一班夜21,唔係就要打的啦..我唔想一日打兩次的咯~我好窮泇咋..

今晚陳盛林同我講,佢遲d.可能會出國,應該係畢業之後..唔知點解我會覺得唔開心..明明就冇諗過同佢耐,我同佢都冇咩可能拖到佢畢業啦..但點解會咁泇?!sh1tttttt!!!

之後翻到屋企搞掂曬,兩點幾,有少少肚餓.諗起梁永嘉嗰陣山長水遠過嚟買宵夜比我食,突然間好懷念..哎~陳盛林永遠都唔會咁做咯..然後又突然間覺得對佢冇曬興趣..癡綫..

---------------------------------------------------------------------------------------------------------------------------------------------------------------------------------------------------------

2009.09.19 星期六 天氣 晴

本來今日約咗亞韻去宜傢,點知晨早佢又比電話我話佢今日要復診,所以唔去..佢扭一扭親隻脚,竟然傷咗韌帶,喺屋企踎咗十幾日..辛苦佢咯~唔行得..

三點,Ips.竟然比電話我叫我而傢去做個訪問..頂~佢唔早講,我琴晚冇洗頭泇..跟住諗住一陣間遮,唔緊要啦..咁就拿拿林出咗去..

唔使半個鐘就搞掂,跟住就有50蚊落袋..點知出到門口,自己衰心軟,比人拉咗去做第二個訪問..搞咗我半個鐘有多..冇錢咯..其實唔係錢嘅問題,而係嘥咗我時間!!

跟住去出糧,原來扣完兩年年費都有四百幾..12日,都算係咁啦..下個月出提成,yeah~不過都唔慌多..梁建斌有1000咯,咁陳盛林肯定有1500啦..不過佢張卡喺佢媽咪度,靠!!

夜晚睇電視,咁就一日..聽日大表姐請飲茶..哇~我差唔多兩年未見過d.親戚..我係唔係真係咁忙呢~?!

比較期待就係聽日可以同豬頭N曹穎下午茶..哈哈哈..

好煩..點解會咁嘅?!突然間好煩..

上午上英文寫作..算係比較認真聽,聽明曬..但係而傢又唔記得曬..哈哈..不過聽課感覺好好,好充實..而且我仲有做作業添呀..真係難得..今日唔知乜嘢事..

下午就去做和記面試..pass.咗..但係而傢又覺得好煩,唔想做..佢一個星期要我翻夠5日,我咁鬼懶..哎..我都唔知呀..救命呀..

聽日要辦入職同體檢..唔翻學lu..今日小賴先話難得一日喺學校見到我,又要令佢失望啦..哈哈..

哎..老豆又病咗..唔知點解我想扮唔知,唔想理佢..救命,點解會咁泇?!我d.負面情緒..哎!!連27咁唔鍾意佢老豆,都會幫佢老豆通宵排隊挂號,而我....

我唔知呀..好煩好煩..唔理啦..聽日辦入職,然後培訓..仲要做埋國貿份練習..好鬼難..而傢睇電視先..