終于都翻學啦..真係好苦悶,因爲個個都唔喺廣州,但我就鬼咁得閑..我寧願繼續放假呀!!開學無聊到死,冇人陪我..我又冇嘢做..哎!!

下午四點先有課,真係想死..都唔知自己搞咗乜,都未睇曬出<史密斯夫婦>就要出門口啦..今日戴假髮..哈哈..厄下人..

翻學校之前去咗溝通100,諗住搞下老豆部手機,唔比佢上網,點知佢話我部機冇得設置參數喎~叫我攞翻三星嗰度問下..頂..嘥我時間..

翻到去,好多人都以爲我剪咗髮,好開心,因爲佢哋個個都話幾好睇..不過後來我話假髮之後個個都話想掹開佢嚟睇..好綵個個都話個髮好襯我,咁我可以放心戴啦..

今日就得堂乜嘢商務英語閱讀..個老師叫鐘福,初時未見到佢之前我哋叫佢做福伯..點知原來佢先大我哋兩年,係研究生!!都未畢業!!實習泇咋!!竟然搵個實習生教我哋!!

佢係暨大嘅,謊唔係就喺對面華文赱過嚟實習咩..哎..d.英文老師普遍中文水平差,上課都唔知佢講乜..點算呀?!我d.英文冇救啦..我仲要考CET 6泇..

佢叫我哋寫篇嘢出嚟,發覺我哋全部都係用d.好弱智嘅單詞同句式..哈哈..怕錯呀嘛..跟住又講書喎~喺度講語法..我都唔識嘅!!后來佢見我哋冇反應,先問我哋知唔知乜嘢係乜嘢咁..

我諗佢今日對住我哋肯定好嘔血..大三啦,乜嘢語法都唔識,自問我喺我哋班英文都算比較好,連我都答唔出..我哋又全班都唔背單詞..我諗佢聽到,肯定暈咁滯..哈

落咗課即刻去湊仔..哈~個個都以爲我湊小朋友..其實咪就係我個仔,小w--w910.咯..咁就100蚊啦!!真係唔捨得泇遮..但我就肯定唔會睇住佢病咗都唔理咯!!

今晚又見到亞希..哈哈..佢d.反應好鬼搞笑..哎..d.短片好煩呀..打橫咗唔可以變翻正常..死啦,我好多都係咁拍泇..嘥曬..我d boy'z.嗰日嘅短片呀!!!!!

本來今晚係諗住去哥哥客串一下嘅..不過梁建斌又冇鬼咗下文,冇人帶我去,就費事出現啦..畢竟d.人都唔識嘅..但就硬係想去岌住陳盛林咯!!佢今晚肯定好歡啦~

星期三得1.2節有課,無聊死啦!!隔硬要李昊暉陪我去大學城..本來想去南沙泇,佢又話遠..哎..其實我唔想同佢去放風箏泇,d.浪漫嘢點可以同佢做泇!!sh1tttt!!嘥曬!!

琴晚唔知點解訓唔著..個胃唔係好舒服..哎~呢排成日扭計..今日訓到11點幾..其實未訓夠,但就想早少少起身..點知起身又無所事事..

成日就係睇<絕代商嬌>..連褒幾集嘅感覺..爽!!不過都唔夠琴日用曬成份糧咁爽..

整咗下d.相,執咗下個書臺.臺面,寫咗篇日志..over..

今日落雨,好大雨..雷仲大..乜嘢都做唔到..喺度訓覺..不過又訓唔著..無所事事,喺度聽收音機..都唔知自己聽咗d.乜..

哎~好無聊嘅一日..聽日開學啦..得下午7.8節有課,癡綫泇咩?!!哎..悶死我!!呢個學期嘅課程表遮係迫我日日唔翻學..

梁建斌叫我聽晚去唱k,本來諗住去嘅..點知話仲有好多其他team.嘅人,唔去lu~而且通頂,雖然我係ok,但都唔想..

聽日冇咩特別任務,就係上課同夜晚去攞手機..唔知小w.好翻未呢..死人黃勁唔記得幫我去睇下佢..哎~我冇錢整手機..又冇錢充飯卡..冇錢充電話卡..我想死..

2009.08.28 星期五

今日勁勁勁開心!!終于有得休息下..不過都要早起身,但唔緊要,因爲我有得去見kenny.同steven..真係好難忘嘅一日!!因爲我係第一次見到得同台!!

我又遲到..曹穎好慘,攞住咁多fans.牌,喺車站等我咁耐..足足25分鐘..我真係唔想,因爲等62等得耐,而且又塞車..呢d.絕對唔係藉口!!

癡綫~去大學城好似翻屋企咁..第二次大學城啦..上次都唔覺得咁遠,可能係因爲都係喺天河過去啦,而且搭大把唔使停站會好d..部車多人之餘仲要多撈頭..煩!!

一去到,有個女仔赱過嚟問我得係唔係fans club.嘅人,肯定係見到d kenny.牌啦..跟住同佢一齊搵廣大生活區嘅商業廣場個大堂,去到,勁失望,原來咁簡單一個台咋..

佢冇凳坐唔緊要,i dont care..但佢唔好喺咁嘅地方搞呀~係~有瓦遮偷,但係勁焗呢!!熱到阿媽都唔認得!!d.汗好似唔使錢流呀流..癡綫泇!!我好後悔我著長褲咯!!

終于等到gc..多翻幾個人陪我得..gc.個frd.有60%似william,又鬼鬼哋,好正!!人都好niceeeee..我同佢講,覺得佢似william,佢笑嗰下好陽光..

繼續等呀等..突然間見到有個帶住副超,身材同kenny.好似嘅人向我哋呢邊行過嚟..cant take our eyes off him..後來睇兩睇,原來唔係..因爲佢有撈頭氣息..但個鼻幾似..

跟住嗰個乜嘢舞蹈老師搵我哋出去玩游戲..我哋梗係唔制啦..個主持又赱過嚟喎~死捉住我問我係邊個fans.咁都算啦..攝影師仲要狂影我..妖~比人見到好樣衰泇!!

d.人喺度玩估歌仔..我哋就繼續呆等..有個亞叔擺明就係想去唱歌多過估歌仔,人哋話唱兩句,佢唱咗成半短出嚟..跟住贏咗張乜嘢vip.卡..

玩玩下見到kenny N steven.嚟咗啦!!佢哋喺間類似旅行社咁嘅嘢度..我同佢哋say hi.佢哋有比翻反應我呀!!勁開心!!雖然係隔住玻璃睇佢哋,但我都勁興奮咯!!long time no c..

然後佢哋出嚟啦..我哋梗係霸第一排啦..哇~超級近距離呀!!唔使眼鏡都睇得好清楚..steven.肥咗呀~不過依然都係咁靚仔..kenny.仲好似後生咗咁.染咗個髮,靚仔咗!!

一開始又玩估歌仔,我冇上台玩啦..所以我就後悔咗啦!!因爲有個女仔同kenny.一組,好多機會同kenny.接觸呀!!好羡慕呀..企喺kenny.隔離咁耐!!

米住,佢哋一開始好似係唱咗隻<lala.世界>先泇..我同佢哋講,可唔可以企埋少少,steven.真係好好咁企埋d.再企埋d..好開心Aaaa..超niceeeee..不過佢一向都係..哈~

好開心見到佢哋同台演出,真係泇..我諗起以前嘅佢哋..我覺得佢哋同twins.一樣,都係唔會散,最起碼喺我心目中係..雖然即使佢哋而傢再組翻組合都唔會紅,但都好過而傢兩個咁..

跟住唔記得點啦..可能係kenny.唱多首<眼紅館>就翻咗入去休息掛..因爲實在太熱啦..癡綫泇..人都溶..

休息嗰陣好好玩..因爲現場有水領,幾好呀..跟住又有雪條..不過係冰+,我就冇興趣..又有棉花糖..頂~熱到溶咗,好似bbq.燒棉花糖咁..又有扇.真係正呀..

跟住仲要有水槍玩..玩咗陣,濕曬..點解係都要對住我嚟射喎~我都冇主動攻擊人..不過真係幾好玩,顛咗咁..出嚟玩,梗係要盡興泇啦..哈哈..

本來我諗住攞赱支水槍泇,咁咪留住喺度咯..點知最後唔覺意咁比人攞咗去玩,一去冇回頭..而且又覺得有d.樣衰..點知赱嗰陣,見到d.禮儀小姐一人幾支咁攞赱,我就好後悔啦!!

4點,佢哋再出嚟..應該係唱咗隻<手足>..我諗起<大無畏>嘅佢哋..出戲真係好好睇..不過可惜上網搵唔到..如果唔係我一定會褒多次!!

好似首先係拍賣手機泇,3G手機..買咗就有佢哋兩個嘅簽名..我冇錢咋,如果唔係我都買..買比老豆,因爲預存話費,仲有得送..總之好抵啦!!

跟住好似就係上臺玩鬥快飲汽水啦..曹穎上咗去..跟住我喺下麵分別幫佢同kenny,steven.影咗張相..佢就好啦..其實我都好想..kenny.真係真係好掂掂掂掂!!!!!!!!!

後來kenny.搵埋我上去,不過就冇機會閤炤咯!!我仲要係第一個飲可樂嘅人..哈..不過企喺kenny.隔離,真係暈咁滯,佢真係好靚仔..原諒我講咗咁多次..

我問kenny,我帶咗佢隻碟嚟,可唔可以幫我簽名..佢話"好呀~冇問題呀..陣間玩完先啦"..真係好開心..後悔嗰陣冇錄低佢..諗住最後有大閤炤就冇同佢哋影相,都好後悔!!

唔記得講,有個男fans.一上台,突然間攬住kenny,好大力咁拍咗kenny.背脊一下..ah~我可憐嘅kenny.呀..我睇到佢講咗句..嚇親我..斗膽死撈頭.竟然攬我老公?!!

應該到玩麻鷹捉雞仔啦掛~kenny.做雞媽媽,steven.做麻鷹..我係第七隻雞仔,一共有八隻..所以咪好危險咯..玩咗一陣,條隊就散咗啦..steven.第一個就捉我..衰人!!

喺捉我嗰陣,曹穎唔知點解扇低咗,跟住kenny.扶佢起身..好幸福呀!!kennyyyyyyy!!!早知我扇低啦..哈哈..講笑..最後比人捉到嘅就係最後個三隻雞仔..可憐..

不過都好開心,同偶像有咁近距離嘅接觸,通常呢d.都係睇d.明星嘅blog,喺香港先有嘅活動,估唔到,而傢我自己參與其中..仲要係kenny!!!!

最後係唱多隻<死性不改>..全場大合唱呀..嗰下有d.感動..其實感覺係好難形容,好似翻翻去以前咁..又開始懷念..kenny.話呢期錄緊歌呀~唔知佢哋有冇合唱歌呢..

真係記到有d.亂添..kenny.唱<眼紅館>嗰陣有幫我哋簽名泇..簽咗三個添呀!!不過我本歌詞比人攞咗呀..sh1tttt!!因爲實在太混亂啦!!妖~咁衰都有嘅!!

最衰我靜係得kenny.隻碟,搞到我冇攞steven.簽名..sorry.呀~steven,其實我都好鍾意伱泇,夠得意,夠抵死呀嘛..其實伱都幾靚仔..不過有d.不修邊幅嘅感覺..哈..

本來諗住叫冼冼帶我行下大學城,不過曹穎又叫我陪佢赱..ok..下次有機會先咯..大學城,我一定會去參觀嘅,仲有南沙都係..開學咁得閑,不過就冇人陪而已..哎!!

-------------------------------------------------------------------------------------------------------------------------------------------------------------------------------------------------

2009.08.29 星期六

今日8點幾起身,出去飲茶..咁辛苦,為乜呢?!想屋企人開心下..點知老豆要加班..心機都冇埋..同媽咪,姨媽三個人飲茶,唔知點解都可以食咗120..可能係星期六掛..

去咗姨媽嘅新屋度坐下..搬咗咁耐,我都係第一次去..表姐都喺度..好耐冇見啦..佢第一句竟然係話我肥咗!!邊有喎~都係咁..不過好綵佢話我靚咗,搭夠..哎..Fatttttt!!!

心血來潮想去整手機,順便買手機比老豆..跟住我就翻咗屋企攞手機,順便攞埋d.飲茶打包咗比老豆嘅嘢翻屋企..赱嚟赱去,都唔知為乜..唔知係唔係心情唔好,好似行尸走肉咁..

跟住搵唔到部w910..嗰下真係想喊..其實唔係因爲搵唔到手機而喊,而係,我都唔知點講,總之就好唔開心,好似好委屈咁..哎..我真係覺得自己有病..點解會咁泇?!!

對唔住,嗰下我真係有懷疑過我家姐..因爲佢連屋租都交唔起,跟住翻嚟諗住問媽咪借錢,但媽咪冇借..我部手機就咁放喺書臺面..好綵最後都搵得翻,真係嚇死我..

跟住去咗中華附近,嗰間中國電信睇..本來睇啱咗,諗住買泇啦..都去比錢泇啦..點知碌卡嗰陣張卡碌唔到..話通信錯誤喎~諗住去攞錢出嚟買啦..就赱咗..

後來又去咗溝通100,諗住買手機送話費嗰d..有頭先睇啱嗰部,點知冇貨,仲要話基本上個個服務廳都冇貨泇啦..頂~咩意思先?!算..赱..去中華睇..

諗住整咗手機先..點知一問,佢話要250..佢唔好去搶?!!!我梗係唔整啦..咁就比咗黃勁,叫佢幫我搞掂..我媽咪話.乜黃勁咁高嘅?!但我印象中記得媽咪見過黃勁泇..

最後買咗部三星嘅比老豆..想買部好d.泇..但算啦.下次先..等我真係出嚟做嘢先..睇翻佢個屏,同我部9010真係冇得比呀!!哈..佢太渺小啦!!

諗住夜晚可以同老豆一齊食飯啦..點知老豆又話唔過姨媽度..fine..我哋幾個食咯..買咗d.水果去..我就係個樣蠢到連水果店老闆都厄我!!救命呀!!我要整容!!

翻到屋企,個人攰到好似散咗咁..哎..人老啦..好綵.聽日可以喺屋企休息下..後日就話開學,點解呢個假期過得咁快泇?!!!唔捨得咯!!

今日last day.啦,倖福+不捨..知道我last day.嘅人就得yuki,曹穎,梁建斌同陳盛林..我都算係.比較低調..哈..其實我都想高調咁離開,不過我一個人,絕對唔成氣候..

本來諗住今朝比d.藥盛林嘅,點知佢遲到..我都唔早,所以霸唔到好位..好綵最後都可以同曹穎一齊坐,但隔離多咗個梁建斌..發覺我哋成日三人行..

今日例假..本來上午都冇乜嘢,好正常..仲好鬼好咁放低咗d.藥同水比盛林,寫埋張紙比佢..癡綫,我可以做佢阿媽啦..不過我就成朝都冇心機,覺得有d.問題係時候解决..

出break.嗰陣見到willson,同佢講我last day,叫佢準備禮物..好似比咗太少時間佢準備..last day.我都冇點影相..我就係冇其他人對呢度感情咁深,或者我唔捨得嘅,就得一個人..

班前會嗰陣,willson.話我哋team.有個同事攞咗禮貌之星,係零的突破,唔知點解嗰陣我覺得係我,點知就真係我咯!!雖然我係覺得係我,但聽到都覺得好surprise.咯!!

佢仲同大家宣布今日係我嘅last day,送咗隻筆比我..嘛嘛哋得意啦,不過我都好開心..唔知邊個話佢都想要..陳盛林話,伱落去開張信用卡咪有咯..嗰陣真係心機都冇埋!!衰人!!

跟住唔係路..真係好痛好辛苦..同yuki.申請咗休息下..點知就變咗同曹穎N梁建斌吹水..哈~我就話攞正牌偷懶遮,佢哋點可以咁泇?!唔知點解就個個今日度咁攰咯..琴晚off.搞乜?!

哎~做咗成日都係得40幾張,都唔知人哋點打80張泇,癡綫!!好綵我哋幾個都係差唔多,遮係係嗰幾個人特別叻遮..last day.都係要ot,因爲唔夠成功聯繫..d.撲街成日拒答!!

差唔多3點嗰陣出break..同陳盛林喺後樓梯傾咗陣,點解要咁鬼鼠呢~?!但係問題似乎都係未解决..兩個唔舒服嘅人要討論問題,係唔係注定解决唔到?!我真係唔想同佢嘈..

點解同一個問題我會重複咁提?!因爲未解决咯~就好似回訪個客,佢冇接電話,咪要繼續預約咯~其實有d double or nothing.嘅感覺,其實我怕,但我真係唔想再係咁..

我發覺而傢身邊d.男嘅都係鍾意踢波多過打波..明明打波就型好多!!仲要搵個唔識打波嘅人做隊長..陳盛林隊..咩回事呀?!!不過,我都唔去睇..哎..突然間覺得<伱瞞我瞞>好啱我..

今晚同梁建斌傾電話..頂~原來喺佢心目中我係一個好蠢嘅人,唔係蠢嘅,係蠢蠢哋,好好蝦掛..而佢就當陳盛林係佢偶像..頂~top sale.+廣外+多人識+多女fans之嘛!!咁鬼冇安全感!!

今日係七夕,一個好唔開心嘅七夕..哎..本來都有少少期待,但估唔到.............

一早翻到公司,冇熟人..連亞ling.都冇翻..fine.我一個人坐,樂得清靜,我最怕人嘈住我,好容易分心..點解我後面嗰兩個位就要嚟播測用..頂~佢哋講call.好似鬧交咁,癡綫~!!

冇心機打call,手機成日震,搞到我成日偷懶復短信..哎~一係就七夕嘅祝福短信,一係就問我乜嘢事唔開心..我都唔想講..點解我連發脾氣嘅資格都冇?!

十點半左右就落咗去踢毽..頂~個個都咁叻,我真係去充人數泇咋..團體賽我哋大敗..個人賽嗰陣,vincent.好衰,成日慫恿人哋捉邊個捉邊個..最後佢哋贏曬咯..

 本來我就係踢五分鍾就可以赱人,點知一睇就睇咗一個鐘..真係攞正牌偷懶..哎~真係好唔想,好唔想再打call..好鬼鬱悶..咁難打,提成仲要咁低..癡綫~

中午冇人陪我食飯呀..本來諗住周圍行下就算,點知搭life.嗰陣見到嗰個唔知邊個,我就真係唔知佢叫咩名,佢叫我同佢一齊去食飯喎~咁一齊咯..真係好..而且好綵,有人陪..

下午又繼續好鬱悶咁打call..見到憎廣超..佢對眼就真係唔係一般嘅迷人..望多陣我都暈,哈哈..點解我以前唔覺嘅~?!

好唔開心嘅一個七夕..死人cash.仲要問我點解七夕都唔出街..咪鬼提我傷心事啦!!佢仲要問我部9010係唔係我男朋友買比我泇喎..真係......我比乜嘢反應佢好呀?!

仲要話今晚一齊食飯..乜嘢意思先~?!潤我咁話啦喎..不過都好綵有cash.陪下我講笑,如果唔係我會悶死..雖然條team d.人有係同我同一批嘅,但我就係同佢哋唔熟,冇嘢講..

夜晚翻到屋企,褒<絕代商嬌>,上下q.咁..同cici chat.過,呻過下..哎..太唔開心啦..陳盛林伱真係可以乜嘢都唔理,乜嘢都唔問..到底我算乜嘢呀?!