| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2009 年 8 月 5 日 星期三  |
| 2009-08-05 |
分類: 未分類 |
好攰呀好攰呀..攰到蕉咁..
今日晨早起身,勁唔慣咯..冇遲到,但係d.人就眞係過分哋早咯..有錢分咩~搞到我哋去到已經坐training room.倒數第二排啦..
哈哈..坐我前邊嗰個男個樣ok,可惜佢隔離坐住一個疑似佢女朋友嘅物體..我後邊嗰兩個男細我兩年泇,變態!!覺得自己好老咯!!跟著我斜前邊嗰個男應届畢業生,著曬西裝嚟..
呢個世界眞係好細泇,個trainer.係我兩年前喺潤訊嗰個..我記得佢係呢排生日泇..跟住佢仲要講起李智健個表姐..夠啦!!唔好成日圍繞我身邊嘅人嚟講呢~
成個上午都喺度講易寶d.嘢,同埋講呼叫中心嘅嘢..眞係悶到我訓咗..訓醒就同曹穎喺度講以前潤訊d.嘢..雖然辛苦,錢少,但眞係好開心好開心..i wanna back up..
中午就周圍行咗下,附近都幾多嘢嘅..呢度大厦仲有自己嘅飯堂,唔錯..最好嘅係,我哋自己公司有三個冰箱同唔知幾多個微波爐..可以慳唔少..哈~
下午喺度講消防安全同埋介紹咗少少移動嘅業務..哎~呢七日培訓冇得休息,而且冇補貼..救命..好辛苦,好想死..最煩嘅係佢對服裝嘅要求..我都唔知我可以著咩翻工啦..
而傢比較苦惱,突然間唔想去二姨媽屋企住,畢竟自己屋企比較舒服..但培訓呢幾日就一定喺天河住泇啦,到時睇下開工嗰陣點先啦..i wanna stay at homeeeeee..
今日弟弟同三嬸落咗嚟..呢個唔係point,重點係,到時弟弟赱,媽咪話比咗部電腦佢..哎!!!我唔想呀!!!點解成日都要將我d.嘢分比人遮!!!我唔想我唔鍾意我唔要咁呀!!!
|
2009 年 8 月 4 日 星期二  |
| 2009-08-04 |
分類: 未分類 |
琴晚開住部電腦喺度down.嘢..到四點幾,唔知點解爬咗起身上q..哈哈..終于見到celine.啦..原來佢搬咗屋,暫時未有得上網,所以先咁耐都唔蒲頭,擔心死人咩!!
跟住同陳東水咗陣,原來今日係佢生日..做咗咁多年同學都唔知..跟住又同陳達斌chat..而傢d.後生嘅愛情觀眞係..哎..我老啦..哈哈..
今朝十點半,比電話嘈醒..原來係復試嘅電話!!唔係掛?!我仲訓緊覺,信號又唔好,咁就叫佢打我屋企電話..點知間房部電話又細聲,眞係好多阻滯呀..凶兆凶兆!!
哎~我都未訓醒,語無倫次咁..佢仲要我用普通話嚟復試,更加食曬螺絲..好綵最後都順利咁通過咗..聽日開始培訓,我考慮緊係唔係要搬過去二姨媽度住..應該都係泇啦!!
突然間又唔想去..因爲點都係sale,我眞係好怕,煩到死,壓力又大..不過既入之,則安之..而且到時開學做都ok,時間應該就到..good!!!
然後狂褒<gossip girl>,同埋玩qq.游戲..頂~麻雀狂輸!!而傢負四十幾..不過找茬就猛咁贏,點解會咁泇呢?!我記得我之前好屎泇..我又唔係喺新手場,咁都贏..
成日都係咁過,對住電腦..聽日開始就冇得咁啦,而傢又有d.唔捨得..哎~矛盾矛盾..
眼訓..聽日仲要一早起身去培訓..早d.訓先..都係聽日先send.短信比梁細mi..哈~ |
| 2009 年 8 月 3 日 星期一 |
| 2009-08-03 |
分類: 未分類 |
哎~琴晚兩點幾訓..今朝六點幾就醒咗,訓唔翻..七點幾起身睇<gossip girl>同打麻雀..哈哈..我贏緊呀~而傢負三十幾咋..之前負九十泇!!犀利犀利!!
肚餓,就飲咗d.湯,都繼續肚餓,就食咗條香蕉先生..點知突然間好頭痛,又赱翻上床訓過..呢個時候bb.上咗嚟,雖然佢冇嚟嘈我,但我都係訓唔到,不過又眼訓又頭痛..
之後仲死,比27嘅電話嘈醒咗我..頂~想訓多陣都唔得..佢話佢朋友公司請人,問我有冇興趣..都係電話銷售,但係係開信用卡,一聽就唔想去,又唔知點拒絕喎~拖字訣..
十一點半就起身,執下個樣換件衫就出去..哎~天河就眞係塞車塞到冇曬意見..嗰個死人brt.工程搞咁耐都未搞掂..我放假前同而傢睇,都一樣嘅..sh1ttt..
妖~一去到,我發覺我以前去過泇咯~原來就係家姐以前公司..頂~早知我喺科韻路過去唔使搵得咁辛苦..我諗起我第一次,都係最後一次見亞why.嘅地方..哈哈哈..
面試好唔滿意咯~都未入狀態,fail.硬啦!!可能我太耐冇試過面試啦,都唔知自己講乜嘅..明明in.呢份工對我嚟講係好容易嘅..移動外判之嘛,而傢我連自己想做cs.定sale.都唔知..哎!!
我講嚟講去都係嗰幾句,仲要用普通話,我眞係想死..i cant express so clear!!!憎死普通話!!呢份眞係唔錯泇~不過繙工太遠..哎~cs.嘅話我時間又可能唔啱..煩!!!
翻到屋企,繼續qq.游戲,找茬同麻雀..哈哈..順手down <gossip girl>..好煩,我明明靜係del.任務,唔知點解佢連我份文件都del.埋,搞到我要重新down.過!!又要等!!好想快d.睇曬!!
夜晚睇電視,見到嗰個kelvin.眞係想打佢!!咁鬼黑人憎嘅..sh1t..果然佢做親d.角色都唔好..都好唔鍾意胡杏兒同easy!!成出戲嘅女人我靜係鍾意jun.同亞夢兩個大配角泇遮.. |
| 2009 年 8 月 2 日 星期日 |
| 2009-08-02 |
分類: 未分類 |
一醒就已經兩點..God,我要調整一下,我要過d.正常人生活..
突然間睇多次<謊失失奇兵 2>,可惜唔係粵語配音啦..好掛住pak ho.配摩圖摩圖把聲呀..仲要衰到係得中文字幕..哈..不過就算有英文字幕,我都會睇中文都睇唔切..
跟住睇咗<the young victoria>..唔好意思,我將個重點放咗喺佢老公同佢嗰part..特別係佢老公為佢而受傷之後講嘅說話,同埋佢老公死咗之後佢所做嘅嘢..好感動lor!!!
夜晚又睇咗明珠台,睇<神奇四俠>..我記得我之前down.咗,之後冇睇就del.咗..而傢睇翻,唔錯..西片果然都係鍾意玩高科技..哈哈..我覺得嗰個johny.遮係尊尼好靚仔..
早d.訓,聽日約咗曹穎去面試..唔知點解又唔係太想做嘢啦喎~哈哈..懶!! 聽日細佬可能嚟小住幾日,意味住我又冇自由larrrrr.. |
| 2009 年 8 月 1 日 星期六 |
| 2009-08-01 |
分類: 未分類 |
琴晚5點先訓,所以今日即使老豆休息我都肆無忌憚咁訓到1點幾..實在太眼訓啦..訓極都唔夠咁..
首先睇咗琴晚嘅<烈火雄心 3>..然後睇咗<公主復仇記>..哎!!點解搵淘紅嚟拍泇,佢咁樣衰..正常人都唔會因爲佢而飛咗亞gill.啦,仲要講普通話嘅添,癡綫!!
不過拍裸炤嗰part.又眞係同亞gill.嘅現實一樣,不過pose.上網嗰個係佢自己,同現實唔同..daniel.嘅溝女對白眞係精警..哈哈..不過對住兩個女人都咁講,就覺得cheap.曬..
跟住睇咗一個鍾左右嘅<starlight>..好正呀!!perfect.肯定更加正!!好期待呀~好想快d.到10月,然後同亞吞一齊去睇!!希望買到最後一場嘅飛啦..希望買得前d..最前有得握手..哈~
最艱巨嘅任務就係將d.相放上相册..搞掂曬..電腦即刻順眼曬..哈,唔使咁多嘢..仲有就係換咗電腦墻紙..好唔捨得換赱max.泇,不過沙灘嗰張又好鍾意喎~哈..
夜晚睇<情顛大聖>,我記得我第一次睇係2006跨越2007嗰晚..喺celine.屋企睇..嗰陣係因爲鍾意霆鋒同kenny..而傢四個都咁鍾意..哈哈..亞sa.個樣眞係好想死..
未睇曬就轉臺睇<致命報酬>,結局好得!!成出戲都好正..哈哈..呢其眞係愛上睇西片,順便可以學英文..不過好鬱悶嘅係,我睇嘅所有西片都係得中文字幕..sh1t!!咁我點學?!!
|
« | 10 | 11 | 12 | 13 | 14 | 15 | 16 | 17 | 18 | 19 | ... | 114 | »
|
