無奈無奈..今日係父親節,本來諗住請屋企人去點心王子飲茶..點知老豆今日唔得閑..明明好肚餓,但我都懶得起身,喺張床到上q..

十二點幾,起身..bb.上咗嚟..太熱啦,食咗少少嘢又赱翻入間房度..how can i live without u,aircondition?!

睇咗<暮光之城>好正呀!!十個正!!唔係,係一百個正!!個故事實在.....雖然好簡單,但已經可以好好咁表達男,女主角嘅愛之深..

好期待第二部,第三部,第四部!!我未試過睇完一出電影,然後咁鍾意,周圍同人講,叫人睇..眞係好正!!好多靚仔靚女..哈哈..

佢又激發咗我要嫁個外國人嘅念頭啦..不過算啦..我d poor english..點鬧交喎~除非佢肯為咗我,學中文..哈哈哈..

之後就玩咗陣qq.游戲..繼續訓覺..我琴晚四點落床..結果六點先訓到..哎..個胃好唔舒服..之後九點左右就半醒半睡狀態..辛苦!!

夜晚就睇電視同埋將OA嘅題目另外抄咗一張紙度..不過我覺得我係廢嘅,因爲我聽晚諗住問佢哋借嚟複印,齊全d..

本來聽日要上談判,突然間又話唔使,好開心泇嘛..點解家姐叫我攞嘢比佢..兩點前喎~哎..我夜晚又要翻學校..嗰段時間點喎~?!!而且又熱!!

頭先仲睇咗第一集嘅<id.精英>..聽日嘅任務係..早少少起身背嘢..跟住攞音箱比家姐,然後翻學校圖書館搵<暮光之城>嘅書..跟住上課..哇~太充實!!

特登教鬧鐘8點半,然後發短信比考四級嘅frds..之後繼續訓..其實我想九點起身復習..但係始終比眼訓蟲打敗..哎!!Ho.小姐,伱幾時先肯勤力少少呀?!哎..我就係,未努力過!!

然後十點幾起身..做多次聽力..又係做嗰陣自我感覺良好,但對答案嗰陣就......算啦..放弃啦..反正今次就係難..因爲個個考完四級嘅都話難到傻咗..

er er er..黃嘉偉..伱呢幾日好反常咯!!竟然會主動同我講,難到冇嘢講!!仲要係一考完就sd sms.比我..第一個係佢嘅sms..今次又收到伱嘅加油短信,唔知..會唔會因爲咁而過呢~

跟住同van.吹水先搞笑..哈哈哈..自大狂..仲話攞佢d feel.去考試..不過其實我都係靠feel..因爲四級根本係冇點比時間伱去考慮,一睇題目就要即刻做..所以我過到眞係好綵..

一點多d.就出發,諗住早d.翻去..點知就出門不利..其實我眞係唔想咁諗..但係我竟然冇位坐喎~!!跟住又好熱喎~個人躁都算啦..好似發燒咁熱熱哋嗰下先攞命!!

翻到去,唔記得買硃古力..又要行翻去7仔..入學校嗰陣已經2點半..然後借收音機..借咗一部咋,本來我訂咗兩部..算啦..朝早用過,應該冇問題嘅..跟住落雨,又唔比人入..煩!!

嗰陣心情眞係好差!!咁都算啦,諗住食下硃古力啦..佢竟然同我溶喎~!!更加想鬧人!!但我要calm down..琴晚我都仲拼錯個"calm"..哎..癡綫..點過四級泇'小姐伱!!

我仲要未睇自己寫低嘅單詞,短語,最緊要係作文句子呀!!!我第三次,先去啱咗自己考場..癡綫!!點解可以咁泇?!我眞係覺得今日勁黑咯!!臨開考之前好快咁睇咗一下,睇完都唔記得..

不過其實我覺得我今日都算好綵..因爲我哋室有個人又係問人借收音機..嗰個人今日上午先用完,點知佢考六級嗰陣收音機壞咗..好綵我借一部都冇事..眞係險過剃頭..

一開始寫作文,覺得自己寫得幾順..雖然寫得好弱智,但我但求唔錯咯..最後發覺自己錯咗兩個單詞..有d.句子好似錯錯哋,但都算表意清楚..好過上次..

快速閱讀開始死啦..呢篇嘢好唔順..我靜係做咗兩題選擇同後面要寫字嘅題目..其他係老師收卷前先亂填..諗住,犧牲少少遮..冇事冇事..今次部收音機聽得咁清楚,唔怕..

點知..聽力,我靜係做咗第一題..第二題開始就聽得清佢講咩,但我唔知佢講咩..根本唔識單詞..難得我終于聽得明,點知我覺得有兩個答案都可以選擇..哎!!仲衰過上次..

上次都話可以怪部收音機..今次,怪自己!!後來d.長對話或者短文我索性唔聽佢讀,靜係聽題目,睇住答案嚟揀..諗住,或者我認真做都差唔多,仲有後面嘅閱讀嘛..

後面嘅卷首先做翻譯..中文好簡單,但我完全唔識譯..好meng.點解可以咁?!明明好好攞分!!"他不得不坦白他的罪行".."had he have to "跟住寫唔到!!"have to"係小學嘅嘢..

然後做閱讀嗰陣就已經得翻半個鐘..好似做快速閱讀咁,靜係睇題目,跟住搵答案..但係六級就係冇咁弱智!!搵到嗰個單詞,但係喺句子度搵唔到嘢填,要自己篩選!!明知錯都要寫..

第二篇,好認真咁睇..完全睇唔明..單詞好長好難,又學術喎~睇到我好嬲咯!!睇完又係唔識做!!做咗兩題,時間冇多..做後面嗰篇..睇問題,搵答案,都係做得兩題..

之後一共有六題閱讀係填六閤綵!!原型填空頭六七題都係望下前邊嗰個單詞就揀答案..跟住就夠鐘..但我隔硬要填埋佢哋..繼續係填六閤綵..其實我好唔忍心填..眞係唔想咁!!

好down.咯~點解可以咁!!唔記得講!!我入考場嗰陣,監考老師係圖書館嘅老師,佢係咁二睇咗我d.嘢一下,就話.得啦,又唔係唔識..哇~原來佢仲記得我..我以爲已經唔記得..

仲有!!我個課室..三把風扇,壞咗一把,就係壞我頭頂嗰把!!我一路考一路抹汗..我隔離嗰個仲要問我借紙巾..好綵我今日攞多咗包!!哎!!好煩!!自己又冇復習,環境又差!!

之後就還嘢,同廖倩敏去happy..本來我好驚泇..因爲今晚嘉欣夜班,得我同倩敏,我怕我哋冇話題之類..會好悶..

點知我哋就超級無敵夾咯!!由一見面講講講..講到上車..上車講到落車..講到翻餐廳..講到去豬頭&魚..講到赱人..講到我哋喉嚨痛..

其實我唔想翻..不過倩敏唔知我有幾抗拒,佢想翻去食,就陪佢啦..一翻到去,見到嘉欣..佢掛住抹台,我行埋去話,唔該厠所喺邊呀?!佢望都唔望我就話,前邊..我哋話鬼佢冇禮貌..哈..

佢話我哋一考完試就翻去曬命..哈哈哈..跟住叫我哋幫手望下附近張台嗰兩個鬼鼠佬,覺得佢哋想偷嘢..最後張蕊過嚟叫倩敏翻一翻入去讀防盜廣播..哎!!休息都要幫手..

餐廳眞係好多人都唔識..太多新人啦..仲有,見到張蕊同娟娟,第一句係.而傢喺邊度做..我眞係唔係搵到份更加好嘅而跳槽..係眞係做得唔開心所以唔做..

我哋兩個人食咗五十蚊都唔夠,就飽到傻咗..話說我到而傢多未消化到..呢排個胃眞係唔多掂當..本來諗住嘉欣落九點,我就同佢食嘢,點知後來先話落十點..算..下次先Date佢..

之後我哋去咗豬頭&魚度整蛋糕..哈..我未試過..我冇整,就睇住倩敏整,幫佢拍短片同影相..我哋喺等蛋糕嗰陣都係咁影相..好似大鄉里咁..我諗人哋肯定好無奈..哈哈

我覺得我哋好似比人厄咗咁,雖然過程好快樂..因爲100蚊,就係得少少牛油,少少硃古力,少少芝士,少少cream,少少水果,少少消化餅碎..材料得好少咯!!

而且倩敏靜係攪下攪下..跟住鋪咗下d.嘢..擠咗幾個字同放水果..做咗好少嘢..冇擠cream.,發蛋糕嘅步驟..覺得有少少失望..不過嗰陣我哋掛住拍嘢同影相都唔覺..

anyway..今晚我好開心..

夜晚翻到屋企上q,上blog..搞到而傢..聽日去飲茶,同埋睇兩出電影!!後日開始復習!!好!!訓覺!!果然係四點前!!

本來諗住十點起身復習..點知鬧鐘響咗兩次,都係唔捨得起身..再醒嗰陣已經十二點啦..哎..時間呀,就係咁過泇啦..

今日好熱呀..搞到冇咩心機..不過我都係堅持做咗兩份聽力..至于效果嘛..soso..我嘅得分點aaa..不過算啦,順其自然..

然後做咗兩份快速閱讀..ummm~呢個就唔錯..不過都係睇題目難度,有d.好難,完全catch.唔到..有d.就都叫做好得心應手..

搞下搞下就五點幾,早d.沖涼..之後諗住睇翻以前四級嗰陣d.作文句子,但係開住電腦就冇心機..玩咗陣游戲,食飯..

之後做咗份預測題..寫完作文同做完快速閱讀都仲有成十分鍾先夠鐘做聽力,好快咁做咗翻譯..唔算難,好開心..跟住幫聽力劃綫..發覺畫咗之後會有重點咁聽,效果好好多..

做嗰陣就自我感覺良好,點知一對答案..心機都冇埋!!聽力有一個對話全錯!!癡綫泇!!救命呀!!我决定我聽日寫咗咁就咁,唔改d.答案,越改越錯!!

份預測題嘅效果未如理想..我覺得唔難泇,係唔知點解我錯咁多..哈..其實次次考完試我都有咁嘅感覺..係我自己唔努力,係我問題..

睇完電視,跟住頭先上q.傾咗陣,而傢都係時候訓啦..聽日起身做埋另外一份預測題同一份聽力,至于結果係點,隨便啦..唔理啦..try my best.就算啦..期待聽晚..XDDD

因爲撲街李瞧嘅一句話要上課,所以今日本小姐就翻咗學校啦..短信話喺科學樓上喎~有q.呢棟嘢呀..跟住飛短求救啦..首先短信話教科樓,跟住電話話教學樓,最後短信話教科樓..

我哋都冇心聽佢講嘢..佢一邊講,潔文一邊鬧..哈哈..跟住又討論下陣間選修嘅嘢..其實眞係好多都想學,但我都唔上課..跟住訓咗陣..佢中間唔落課,話陣間提早落課,最後都係34先放人..

個個都好趕好趕咁..我就叫mini.幫我報,所以唔使太急..去到文靜佢哋宿舍,個個開曬電腦,氣氛緊張,好似唔知要做乜咁..47分就開始登錄,諗住試下,點知亞細得咗喎!!報咗電影..

亞細登錄嗰陣得一科電影,啱曬..之後文靜登錄佢個號,得服飾鑒賞,退翻出嚟,再入就乜都冇..跟住49分個個都好緊張..一到50即刻登入..哇~d.網速慢到呀..個個都叫曬,發曬顛..

當佢哋終于登入到嗰陣羽毛球就差唔多報滿,電影一共180人都係得翻50個位左右咋,d.人手快到呀!!君姐搞掂曬,我見mini.仲未比短信我,就自己報..星期二嘅勞動法得翻最後幾個位..

搞掂曬,大家放下心頭大石就去食飯..哈哈..呢個中午眞係不得了,全校都勁緊張!!嗰種氣氛我眞係唔識點形容..之前都唔係我自己報,感受唔到..好綵之前都報到自己ok.想學嘅..

跟住我哋繼續用濤濤部電腦睇"小儀姐"個blog..琴日出咗新嘢呀..我哋好似追連續劇咁追呀..眞係不得了!!可惜身邊冇邊幾個會好似我哋咁..哎~我諗人哋肯定覺得我哋係傻泇.

差唔多一點先食嘢,注定冇嘢食..呢個校區嘅飯堂就係咁bad..不過我張飯卡都冇乜錢,最後食咗個糖水..哈..凍冰冰,正!!見到lucy.同小羅..如果唔係佢哋主動同我打招呼我就忽略泇啦..

之後去到圖書館繼續上網追"小儀姐"個blog..磚磚追咋,我上咗一陣q.就訓咗一陣..其實我係唔係應該爭取時間復習呢?!哎..逃避逃避..不過算啦..反正今次就眞係唔會過泇啦..

下午上口語課..dave.叫我哋自己諗個topic.出嚟..佢肯定係未諗啦..哈~好難諗呀..又要容易答,又要同本書有關..關于business.嘅英文有邊句係簡單泇?!救命呀!!helppppp!!!

跟住仲要攞住自己個topic.搵partner.然後交換互相講,跟住互相比分..眞係完全唔知點表達!!最難係亞蘭嗰個company culture.我連佢都唔知係乜!!點講呀?!

最後我哋pie.曬..幾個一齊講一個人嘅topic,一人一句甚至幾個單詞,然後個個都有分..哈哈..眞係講到唔想講,講咗成個鐘呀..成堂課就係咁..下下星期考試,下星期繼續上課..多謝曬!!

黃嘉偉又q.我..竟然問,伱唔使翻工咩?!..佢嘅記憶仲停留喺我實習時期..可能係我心態唔同咗,今日搵話題嗰個竟然係佢唔係我!!但係佢簽名依然係"god will bless us"..N唔舒服咯!!

我下下星期打麻雀..佢話,有咩好玩遮..又話我爛癮喎~sh1t!!我承認我鍾意打麻雀,但絕對唔爛癮..而且我哋都係旨在大家聚下..佢咁睇我!!隨便啦..反正我就唔係純情就係啦!!

發咗椰露嘅blog.比van,佢話想識佢..哈哈..雖然而傢睇佢覺得唔似亞fi,但係都幾靚女..跟住van.話我d.眼光好刁鑽..所以佢個frd.發咗個女張相比佢,問佢覺得點,佢都會問我意見..

夜晚繼續睇電視..我覺得<id精英>好多伏筆呀!!人物關係肯定唔係眼見咁簡單..絕對絕對好複雜..但佢就比伱知道,唔話伱知點解,喺度吊曬癮咁..眞係過分!!

後日就解放啦!!其實唔係,不過壓力冇咁大..每次考證都覺得好壓抑,救命!!但係之後考試嗰d.都背死人咯!!癡綫..原來攝影靜係比題目唔比答案,而且d.答案喺書度靜係搵到一半咯!!

唔使翻學就係free..不過十點就比sms.嘈醒!!選修課程出咗,好綵有勞動法同電影欣賞..XD 聽日中午報呀..好驚呀~唔知報唔報到呢..

一起身首先問人除咗勞動法同電影仲有邊科係寫論文或者考試好容易又好少點名嘅..貌似冇..其實我想學禮儀或者服飾鑒賞泇..妖~不過我都唔上課嘅..嘥氣!!

差唔多十二點,同亞媽出咗去食飯..放假冇理由要喺屋企泇..哈哈哈..哎..我都唔知宅咗幾耐啦..i will be crazy!!!

翻到屋企就訓咗陣覺..起身終于捨得睇下英文..ummm~很好..我全部唔識..冇資料,唯有咗之前四級嗰陣買落嘅閱讀..個個單詞都唔識,錯N多..太有挫敗感,放弃!!

我就眞係完全冇信心..唔係話好想過嘅,冇上次四級咁非過不可嘅感覺..但我又唔想衰比人睇..對手實在太强大啦..哈哈哈..仲有某人嘅新女朋友咯!!我就眞係好鬼要面..

夜晚都係睇電視嘅..哎..反正都完全冇效率..比廖倩敏話我呀..555~哈..同佢約好咗考完六級就去打機同食飯!!叫埋梁細mi..想叫埋可瑜泇,but.....下次啦..

頂佢個肺,死人李瞧!!明明聽日得堂口語我就諗住唔翻泇啦嘛..佢冇拉拉話3,4節要上佢嘅唔知乜嘢課喎~11點10就開始選選修啦..佢又肯定拖堂嘅..sh1t!!!

仲有更加撲街嘅係佢話星期二夜晚都要上喎~伱放過我啦..星期一上午一堂商務談判,星期二夜晚上乜嘢規劃,星期三又有考試..煩唔煩呀?!唔翻又話我曠課太多要記過..

妖~伱做乜len.搵我遮?!我已經係離開狀態泇啦..仲要問我點解咁得閑上q..唔好諗唔好諗..伱肯定係太無聊先搵我..sh1t!!!無聊先搵我!!自從伱del.我嘅嘢開始,u're nothing to me!!!

唔想講呀..今日下午自己一個人食曬一條時時食呀..而傢有d.喉嚨痛..希望唔好爆瘡啦!!亞瑩下星期三翻嚟呀,佢date.我星期六開台呀..哈哈..太好啦!! i luv u!!!