2009.08.24 星期一

今日好似冇乜嘢特別事發生..未翻到公司就收到承林條sms.話佢遲大到,唔知嗰陣自己搞乜,復得勁冷淡..其實我真正唔係想咁講泇~呢個應該係原因之一..

跟住去到培訓室擺低個袋就去咗放飯盒,翻到嚟,見到梁建斌坐喺我隔離..嗰度係三個位同其他人隔開咗,就係我,曹穎,梁建斌坐..呢個應該係原因之二..

承林遲咗半個鐘有多,坐喺最前..唔知點解我次次同梁建斌講嘢都比佢見到,天ah~咁培訓無聊呀嘛,佢撩我咪同佢玩下咯..

唔知點解,喺培訓室嗰陣d.感覺好似初中同mr.kuo.嗰陣咁..我好唔鍾意呢種感覺,成日比人望住,留意住嘅感覺真係好令人窒息..

唔知係唔係因爲以上嘅兩個原因,成個上午承林都冇同我講過嘢..平時嘅話,佢見到我都會話我兩句泇,但而傢......好奇怪嘅感覺..

下午要項目考試,好開心,因爲我差唔多做完嗰陣承林做完,過嚟幫我做..嗰陣我真係真係好開心泇!!仲要左右隔離d.人都望住..對唔住,我虛榮心又發作..

之後出break.又見到佢..佢本來有嘢要同我講泇,不過,後來又話冇嘢..唔知乜嘢事..又唔知點解嗰陣嘅我冇追問..哎..唔知..乜嘢都唔知..好亂..

新項目好鬼難打..頂~我講嘢食曬螺絲..無論佢要定唔要我都唔識答佢,好搞笑..脚本我搵唔到要跳到邊度..真係唔係講笑..好綵冇犯乜嘢差錯..

--------------------------------------------------------------------------------------------------------------------------------------------------------------------------------------------------------------------

2009.08.25 星期二

唔開心唔開心唔開心咯!!今日好似好黑仔咁..哎~我真係唔想講..

本來上午都唔錯..翻到去,雖然冇位坐,但係就咁啱坐喺承林隔離..成個上午雖然我都好鬼懶,成日出break..後來簡直推埋系統喺度傾計,但都竟然可以開到14張..好出奇!!

跟住下午我就想死咯!!一翻到去我個位度,見到有個袋,見到我本薄打開咗..跟住我一問,原來係承林個F d.嘢,佢仲要講咗句,佢話想坐呢度,我真係火都嚟埋,即刻赱人!!

癡綫!!點解可以咁泇?!!!其實嗰一刻我唔係嬲呀,唔知點解我係覺得好委屈呀!!點解佢可以幫嗰個霞姐而唔幫我?!!我比乜嘢反應佢好呀?!我真係覺得我自己可有可無..

成個下午喺出面都冇心機打call..個腦好亂好亂..出break.出咗去又唔知做乜好..點解可以咁泇?!!見到憎廣超,水咗幾句..哎~叫做冇咁悶..

今日唯一好綵嘅應該係唔知點解隨便打都有42張,已經算唔錯..不過yuki.翻到嚟就發曬火,因爲成team.人偷懶,雖然成功但夠數,但成功訪問唔夠..搞到要人哋幫我哋ot..

落班嗰陣等545等咗差唔多半個鐘..唔知點解嗰陣好唔開心,好想喊..點解會咁嘅?!我真係覺得好委屈呀..救命..癡綫泇!!

哇~我好開心..真係想喊咯!!我知道唔可以怪邊個,但係~~~~~點解會咁泇?!!個天玩我呀?!聽日成team.人休息,我調咗班..本來承林要翻去踢毽泇,不過而傢又話唔使..

本來佢話翻嚟陪我泇,不過佢呢個時候唔舒服..其實唔知點解我係預咗..真係..就好似今朝我坐佢隔離,我都覺得我下午唔係坐呢個位咁..先知後覺..哎!!

佢而傢靜係識同我say sorry,但我要嘅唔係sorry..真係唔係..我最怕就係人哋同我講對唔住..點解要講遮?!點解要搞到我咁慘咁遮?!我唔想做受害者呢個角色呀!!

訓到十點就訓唔到啦..可能習慣咗早起身,好事嚟嘅,早睡早起..哈..

開住電腦,哎~<絕代商嬌>又比我褒曬啦,冇嘢睇,睇咗少少<綁架老爸>,睇到一半就出門口lu..

天河堂會,遠到蕉咁,又曬喎~不過好順車,我1點10就到啦..入到去,得yuki,冇辦法,佢要早d.去攞房..唱咗兩首kary.亞ling.同劉嘉瑜(唔知有冇記錯)就嚟咗..冇耐就去攞嘢食..

翻到嚟,都差唔多人齊,太多人啦,數唔曬..我哋團隊大部分人,仲有cash.團隊部分人(都係同我同一期培訓嘅人)..之後就冇咩機會唱歌啦,而且支mic.好細聲,搞到我喉嚨痛!!

骰盅係少不了的,點知今日開頭手神唔係咁好,平時我係贏開頭泇嘛!!輸咗比willson.,一口氣飲咗兩杯檸茶,出事啦!!個尾扭計!!一直唔舒服到而傢,哎..冇曬胃藥添泇!!

跟住就不斷周旋喺梁建斌,willson,陳盛林身邊..我都唔想泇,冇辦法啦,冇人同我孖住,就係咁泇啦..d.女嘅又唔係太熟悉..

不過好難得喎~今日竟然有人唱英文歌!!lady gaga.呀~太好啦!!我都係第一次唱..哈哈哈..但係~今日都太多mic.霸啦吧~?!仲要個個唱歌都好咁聽..心機都冇埋..

夜晚赱嗰陣,翻咗去地王,還錢比mini..天ah~呢幾日我d.錢真係......都未出糧就用曬啦,點買手機比老豆呀?!!希望快d.可以賣血啦..

記得上年8.18,水星家族活動,又係天河堂會,又係玩差唔多嘅游戲,赱嗰陣又係搭183,又係喺地王落,跟住又係搭215..太多相似點了吧?!!

又攰又眼訓,聽日仲要翻工..吹埋個頭早d.訓好過..

ummm~其實今日陳盛林同我講咗d.嘢,我唔知佢係唔係認真..er..唔知呀,太冇安全感啦佢..仲要頭先唔知去咗邊,而傢都未翻到屋企..唔諗唔諗唔諗..吹頭,訓覺!!

2009.08.21 星期五

琴日因爲家姐喺度嘅原因,所以冇寫日記..發生過乜嘢事呢~其實都唔係好記得..

難得我翻11點半,所以今日就好發姣咁帶咗個假髮..結果我去放飯盒嗰陣見到陳盛林,佢第一句就問"伱受咗乜嘢刺激呀?!"..ummm..的確好多刺激..咁多Bad news..

之後翻到去嗰個都O曬咀..當然都有人睇得出係假髮,咁鬼直..cash.第一反應就係,可唔可以掹下,如果我話可以,我諗我係傻咗..

結果今日就比好多人問過我,係剪咗頭髮定係戴咗假髮,連一個唔識嘅人行過都問下我,我個係唔係假髮..陳盛林仲問我係唔係諗住拍沙宣嘅廣告,梁建斌問我係唔係剃光咗個頭..癡綫!!

我個假髮比人摸過好多次呀..好煩呀~摸邋遢曬!!佢哋實在太過分啦!!不過其實冇比人掹甩就已經算好綵..willson.幾度想嘗試,好綵我醒目..

ummm~今日香港嗰邊有人嚟巡場,結果就全世界高度戒備..下午嗰個leader.唔喺度,我哋個個都pie.曬..不過就唔可以出break,唯有喺個位度吹水..哈哈..

結果今日條數就非常唔掂..但係唔緊要,5點9我哋就赱得,不過~嗰個人之後講咗句"聽日補翻咯".雖然好細聲,但都比我哋聽到..真係好想死咯!!呢幾日d.爛數據!!

------------------------------------------------------------------------------------------------------------------------------------------------------------------------------------------------------------

2009.08.22 星期六

今日諗住塞車就早d.出門口..點知頂伱個肺,鬼咁順車,仲要司機開得好快.8點3就翻到去..唯有去canteen.睇下報紙..點知冇咩興趣..咁就上下網,等開工..

今朝個系統就真係搞事咯!!三秒就彈個窗口出嚟要我哋摁確定..癡綫!!保存一條call.都起碼二十秒,我真係冇曬意見!!仲要搞到我唔小心保存錯,簽咗張單..sh1ttttt!!

hea.下hea.下又一日,今日呢個項目dead line.啦~真係萬歲!!不過我仲要做多六日,真係好想快d.唔做,休息下..但係諗到做多幾日就多d.錢,又動搖啦..隨便啦,幾時放,我幾時赱..

今日好多人赱過嚟掹我d.頭髮咯!!睇下係唔係真嘅..真係救命,我琴日戴假髮比陳盛林話咗我一日,今日冇戴,佢又話咗我一日,佢想點?!!仲有梁建斌都係..冇大冇細!!

今日有幾個人last day,加上都係呢個項目嘅dead line,所以yuki.請大家飲奶茶,萬歲!!雖然只不過係58度C,但係人手一杯都唔少嘢泇..我哋差唔多20人..不過大家開心下啦..

跟住又討論聽日唱k.嘅事..又東山大少改咗天河堂會,實在太有見地啦!!不過我都係比較想去紅點..唔知聽日最後出現嘅會有邊幾個呢~曹穎又唔陪我去,希望唔好悶死我啦..

at last,我哋今日質檢方面超級勁爆多問題,搞到willson.發曬火,嚇鬼死,真係好驚咯..我出完break.見到佢企喺我個位度,好綵唔係搵我..

今晚唔記得洗假髮,聽日冇得戴添..算啦~繼續以真面目示人啦..費事比人掹..希望聽日玩得開心啦..have a good time to myself..

最後想講,呢排嚴重超支!!前幾日行完超市比咗100媽咪,琴日幫家姐充咗手機,今日又比咗100阿婆(今日婆婆生日,人唔到,錢到),聽日又要唱k,又要還錢..

bad newssssss!!

今日翻到去收到第一個bad news.就係我要表演..因爲我遲到..其實本來我冇泇,等埋曹穎就出事,下次都唔等佢..好綵今日會議室有人,唔使表演住..

第二個bad news.就係提成得0.42,0.47,0.52..我應該係攞0.42..哎~竟然5毫都冇..我日日先得60張成功單左右,好綵有底薪搭夠..唔做真係一個明智嘅選擇..

第三個bad news..我今日打咗成日竟然50張單都唔夠!!我承認我係有偷懶,但係d.數據又真係好垃圾咯..哎~其實係我問題..平時又唔聽call,又點會有進步..

第四個bad news..我六級真係唔過..雖然話真係我預咗,但我真係唔開心咯!!我真係有背單詞,我真係有做聽力,我真係有做練習..點解奇迹就係唔肯出現..

其實~過唔過呢個六級真係有咁重要?! i dont know..我唔覺得過咗就代表英文好叻,但係,為咗面子掛..aj.肯定過啦..哎!!好綵星期六我唔出現,如果唔係,絕對有人問咯!!

今日真係好badddddd.咯!!

算啦~講翻,今日亞穗過嚟面試..其實我真係有同佢講,叫佢諗清楚,但算啦,到時佢唔啱,都會自己赱,不過佢就好多謝我咁咯,我就真係唔好意思..哎!!

然後同久違嘅黃嘉偉send.咗一條sms.咁大把,就係幫梁建斌小朋友問佢關于工商嘅嘢..佢哋學校嘅環境也太好了吧?!air conditionnnnnnn!!! i need uuuuuuuuuu!!

aaa..陳盛林果然都係小朋友..佢細我一年,但竟然比另外一個女仔話佢咁老,我真係唔應該喺呢間公司生存..還讓人活下去嗎?!!但佢竟然覺得我係小朋友..哈哈,真係無奈..  =.="

真係唔開心咯~六級唔過..哎!!下次,我真係冇心機考泇啦..不過算啦~人生還是要繼續的,世界不可能為我而停下吧..睇完<絕代商嬌>搞笑完,訓覺..聽日翻11點半,yeahhhh!!

今日難得休息,點知比一個bad news.嘈醒咗..老豆send sms.話我知捐血時間改咗,仲要未定..sh1t..!!咁我琴日做咩咁辛苦翻A班?!!哎~就到手嘅600又離我遠咗..

訓醒就同媽咪去超市,行曬成間,唔覺唔覺就買咗一車嘢..本來係諗住行下泇咋..結果找數嗰陣就兩百幾..仲要攞到我死死下咁,真係貼錢買難受..

跟住終于睇曬<gossip girl> season 1.啦!!估唔到結局係咁..不過就係估佢唔到先好睇!!

打開雪櫃,發掘我d.香蕉先生已經冇曬!!唔知幾時比我細佬食曬!!哎~得翻全部都係綠舌頭,好綵仲有一條可憐嘅飛魚喺度..佢今日嚟一嚟真係食曬我d.存貨,好綵今日補咗..

休息也不過如此..就係喺屋企對住部電腦,咁就一日..本來今日亞瑩叫我出去嘅,但我就真係懶得出,又曬又熱咁..而且真係覺得攰咯..

今晚睇咗兩集<絕代商嬌>,幾搞笑..哈~初時我係因爲曹穎話戲入面嘅黃子華得兩套衫,同埋有亞佘所以我先睇..而傢覺得都幾搞笑..