*** i m ∼、just a little girl in a b1g world ‥’
s3cond : 個人主頁 - 相簿 - 訂閱  [ QOOZA - 論壇 - 登入 ]
s3cond
暱稱： sEcoNd.西芹
性別： 女
«‹ October 2026 ›»
SMTWTFS
123
45678910
11121314151617
18192021222324
25262728293031
訪客留言
最近三個月尚無任何留言
2009 年 9 月 6 日  星期日   晴天


2009-09-06 分類: 未分類

琴日喺屋企褒<絕代商嬌>同<古靈精探b>..我嘅weekend.就係咁過..冇辦法,心情唔好,對乜嘢都冇興趣,唯有褒劇..我而傢連qq.游戲都唔鍾意玩,唔知點算!!

下午就訓覺..無聊到要訓覺打發時間..我一向都唔鍾意訓中午覺,因爲我覺得好嘥時間..但而傢d.時間多到我想將佢哋浪費..點解會咁泇?!何小姐?!!!!

訓訓下比sms.嘈醒..幾條,睇咗都訓翻..唯獨見到老陳嗰條聚會sms,即刻醒曬..今晚小學聚會.出去宵夜..我頂~宵夜..8點叫宵夜..真係冇曬意見咯!!

 

本來諗住hea.下先出去,點知老陳話唔翻屋企,咁唯有早d.出去陪佢..本來想戴假髮,但諗諗下,嗰班禽獸嚟泇喎~唔可以唔可以..拿拿林洗頭出發..

陪老陳行咗一圈越富..真係行泇咋..雖然佢話好多嘢想買,但我竟然冇心機陪佢哋..跟住去咗milkkiss.試咗嗰個Set..熱狗+奶茶先係6蚊咋!!奶茶比較甜..熱狗個皮幾脆,但味道普通..

老陳話肚餓,唯有去食嘢..想去小猴子,唔知係唔係執咗呢,冇開喎~去咗味分高下..其實我就真係唔想再去..但冇理由大家樂或者味千咁貴泇..諗住食少少嘢填肚之嘛..

我就真係唔會再踏足第三次咯!!藷條淡到呀..我自問食嘢都唔算食得味濃泇啦..豆腐都仲可以,d.汁咋,粒豆腐就嘛嘛..早知去rbt.食豆腐算啦..

 

唔知係唔係食咗幾粒豆腐就出事,個胃一直覺得脹脹哋,成日都好飽好飽咁..行到去食為先都未消化到..好鬼辛苦..我就肯定唔係飽泇啦,食咗咁少嘢..個胃成日都扭計..

頂~點解間酒樓冇點心泇?!救命Aaaa!!哎..初時以爲宵夜有得食生蠔我先出去泇咋..點知佢哋話因爲大西門冇冷氣所以嚟食為先..哎..呢度乜嘢都貴..

 

琴晚一去到就得陳達斌,朱劍峰,陳東,週公子,我,老陳..哎~擺明就係班麻甩佬想食宵夜,見靜係得男人太齋先叫老陳出嚟,我就比老陳琨咗出嚟..fine..反正咁耐冇見陳達斌..

之後陳嘉瑋,梁穎妍,仲有黃東東,同埋黃東東個frd.都嚟咗..咁就差唔多..不過佢哋未嚟之前我哋戰况已經好激烈,飲咗好鬼多..

初時係我part.陳達斌vs老陳+朱劍峰玩大話骰嘅..不相伯仲吧..我靜係知道我好鬼飽..d.酒要攤下先可以飲..仲要狂去厠所,真係攞命..

跟住就嚟真啦..竟然玩俄羅斯..想死咩?!!好綵我都算好運,飲咗唔多..朱劍峰就試過清曬d.酒..真係英雄..哈哈..週公子唔飲酒,飲茶,唔比去厠所..我寧願飲酒啦..

梁穎妍係最遲嚟嘅..佢未嚟之前我哋喺度玩將軍枚..我好怕我係尾關..因爲我猜情尋好屎,試過一次同陳東兩個vs.佢哋咁多個..好綵嗰次老朱幫我頂咗d.酒咋..果然係兄弟!!

 

十二點幾.d.人就陸續散水啦..得翻我,陳嘉瑋,老朱,獅頭,週公子喺度..老朱死捉住我同陳嘉瑋喺度講男朋友,女朋友..因爲佢醉咗,所以搞到我哋兩個都幾無奈..

後來獅頭個女朋友都嚟咗..本來我哋諗住赱泇啦..因爲週公子都赱咗啦..點知老朱突然間話要多三支啤酒喎~死人獅頭又應承喎..哎!!死人泇喎~個個醉曬咁點算喎~

後來我同陳嘉瑋同老朱vs.獅頭同佢女朋友玩大話骰.搞掂d.酒,真係攞命..其實我就唔醉嘅,不過好飽+有d wing..而且我本來係諗住出嚟坐陣就翻屋企泇嘛..

 

最後去咗打麻雀..我覺得人哋d.女朋友打麻雀都好叻,唔知點解..今次都係一樣咯..sally.最高手,獅頭同老朱都識睇人哋要乜嘢牌,我就真係唔怕死嘅!!仲要又係冇錢..

不過我就覺得自己次次都死好命..一開頭係狂出衝,不過之後就成日自摸..又快喎~我又有少少唔好意思食糊嘅感覺..因爲獅頭坐我下家,狂輸..我仲要只只都誅到佢死..

本來我輸咗成20粒泇..後來最犀利嗰陣我應該係贏咗50粒..哎~d.識打麻雀嘅人就下下都造大糊嘅..打出都可以食8粒嘅..好綵我就自摸補翻遮~

我就衰收尾咯!!臨尾食咗盤炸糊!!我真係!!我冇嘢講!!大拿拿27粒Aaaa..我要自摸幾多盤先翻嚟呀?!最後計數嗰陣我係冇輸冇贏..真係嚴重浪費時間!!老朱贏咗20粒左右..

本來我諗住贏咗就請大家食早餐嘅..想做下好心都唔得..不過算啦,我旨在娛樂下..玩到八點幾,就同陳嘉瑋一齊搭車翻屋企..我而傢先知佢都係住同德..我哋差一個站!!

 

喺車度又傾男人,女人..點解呢期咁多呢d.話題?!哈~世界好細咯~佢竟然同亞壽!!不過又未正式一齊..哇..亞壽由以前一pie.爛泥而傢變咗一個筍盤..真係好正咯!!

講感情問題,我而傢真係冇曬意見..我自己嘅都未搞得掂..癡綫..天蝎座+A型血同水瓶座+O型血根本就冇可能..咁極端嘅人點可以赱埋一齊泇?!!

仲要佢份人成日都玩玩下..我份人就乜嘢都要認真..癡綫!!咁都可以一齊嘅..或者獅頭講得啱嘅,我而傢應該儘量比空間佢,唔好逼得佢太緊,仲要學識隻眼開隻眼閉..

 

----------------------------------------------------------------------------------------------------------------------------------------------------------------------------------------------------------------------

今日喺屋企睇曬<絕代商嬌>..結局.都ok.啦..硬係覺得爛爛哋..不過其實~點先唔算爛?!之後又睇<古靈精探b>..哎..我想預習英文泇,聽日嗰兩堂都好難..但冇心機..

今日就係褒劇仲有同獅頭傾計..哈~估唔到佢小學鍾意過我..哎~如果係而傢咪好咯..佢係一隻潛力股嚟泇..不過佢d.女朋友全部都拖咁耐,好似唔多啱我..仲要同人share..

 

玩咗一晚遮..竟然胃痛,喉嚨痛+發低燒..睇嚟我真係老啦..冇乜嘢事都唔好亂出去玩通宵..不過都幾開心嘅..起碼我成晚都冇時間諗陳盛林..同我老豆嘅嘢..

我需要忙,好忙好忙..下星期一 2傻話請我食飯,不過要去到佢屋企嗰邊..唔怕,照去..咁耐冇見..得閑要搵下亞妹同亞仔先得..唔可以咁Dry!!
發表時間：2009-09-06 11:25 PM  [ 訪客留言(0) ] [ 編輯日誌 ] [ 分享至FACEBOOK ]


2009 年 9 月 4 日  星期五   晴天


2009-09-04 分類: 未分類

琴晚本來諗住陳盛林可以安慰下我..點知最後,我唔記得因乜嘢事.我cut.咗佢電話,之後佢冇搵過我..不禁要問,我喺伱心目中算乜嘢?!伱大少爺脾氣,同樣我都好大小姐脾氣..

 

髮癲了..今日搭車個腦不斷咁諗起嗰幾條sms..眼泪不受控咁流咗落嚟..其實我都唔係太清楚我係為乜嘢而喊..而咗嗰幾條sms.?!為咗盛林?!定係因爲感動?!

琴晚收到亞灰條短信我真係好感動..次次都要佢擔心我..我唔開心,佢知..但因乜嘢事唔開心,佢永遠都唔知..有伱呢個朋友真係好難得..我果然冇識錯伱..

 

好塞車,勁塞車..翻到學校已經遲咗25分鐘..索性唔上第一節..喺石凳度坐..冷靜一下..但我嘅眼泪都係止唔住..去厠所一睇,眼都紅曬,一睇就知我喊過啦..點見人呀..

呢個時候好綵有伱--k.先生..呼~好耐未用過呢個稱呼..伱係一個好人..每次當我需要伱嘅時候伱都會喺我身邊,呢點比其他人强多了..多謝伱救我於水深火熱之中..

 

上課都唔知老師講乜..係,係我冇心機聽..如果我有心機聽我早就訓著咗..癡綫~好似催眠咁,個個都話唔訓對唔住自己..但咁熱,點訓呀?!日日翻去焗桑拿..哎..

多謝關心我嘅人..其實都覺得自己幾唔負責任..次次都要比全世界知道我唔開心,但次次都得好少人知道因爲乜嘢事..佢哋可以做嘅嘢--none..我知道伱哋關心我,就ok..收到曬..

 

中午喺圖書館過..其實心情都平伏咗好多..起碼睇<幽默大師>我笑得出..我係一個唔開心可以好快冇事嘅人..但我會唔開心好耐..

點知我一摁手機,即刻又down.曬..唔知點解我一摁手機就會諗起..跟住又好想喊..磚磚見到,但佢當冇嘢..我知道,佢一直都好瞭解我,而且對我好好..點解伱唔係男人?!!

對唔住,我太冇性格..今日係我主動打電話比陳盛林..諗起某人講過一句話..兩個人喺埋一齊唔係鬥有性格..fine..其實我付出多d.冇所謂,只要佢識珍惜..

 

上完課即刻翻咗屋企..本來諗住同十八出去..都係算啦..出去又要用錢..而且今日自己個樣都太嚇人啦..費事又要多個人擔心..我會承受唔起..

還好,面對屋企,我乜嘢事都冇..冇過敏嘅反應..不過我都會儘可能喺房..有d.嘢,避得就避..七點多d.出咗去..陳家大少終于忙完佢學校嘅嘢,得閑陪下我..

 

其實我真係唔係太清楚佢日日忙乜..不過算啦,我明白水瓶座好怕比人管,所以佢講我就聽,唔講我都好少問..但佢琴晚好乖咁主動同我匯報咗呢兩日嘅行程..

等咗我一個鐘有多,都冇怨言,應該算係近期最好嘅表現..對唔住,我疑心真係好重..原來係除咗天蠍性格,仲有A型特點喺度影響緊我..而水瓶座+O型血就極度嚮往自由..

難得我出嚟,竟然就係喺度同我傾計..伱今晚所講嘅說話係唔係幫伱自己鋪緊後路呢~?!其實有好多嘢我都明,但唔係當事人係唔會覺得痛,而且講同做係兩回事..

天ah~佢亞哥竟然係研究生,佢係本科生,我要顛了..仲有佢daddy,mami,嗰邊d.親戚..好綵我靜係同佢拍拖遮,如果同呢d.人結婚,我會死掉..

今晚都算幾開心..真的..我鍾意人哋同我講佢屋企d.嘢..感覺會close.好多..仲有我鍾意伱攬住我嘅力度,只有嗰個moment.我先覺得伱緊我..我哋似乎都好dry..哈~

 

今日流咗咁多眼泪,對眼好攰..琴晚又冇點訓,所以好眼訓..好吧,何小姐..一切會過去的..聽日開始重新做人..唔好再要身邊嘅人擔心..邊d.先係真正嘅frd,而傢好清楚..
發表時間：2009-09-05 01:41 AM  [ 訪客留言(0) ] [ 編輯日誌 ] [ 分享至FACEBOOK ]


2009 年 9 月 3 日  星期四   晴天


2009-09-03 分類: 未分類

今日得一堂課,特登翻去..好綵係juliet.教..都唔知好綵定唔好綵,因爲佢上課我唔會逃,但係就個個星期四都要為咗個半鐘而赱翻去..哎!!

第一堂佢自我介紹.同埋介紹呢個course..自我介紹嗰陣我同唔知邊個坐,好無聊,所以我聽得入..但介紹course.嗰陣磚磚坐喺我隔離,我就乜嘢都聽唔到啦..我要認真聽課!!

 

本來今日小新約我出去,點知講嚟講去都未講到point.咁我就翻咗屋企..翻到屋企佢就問我想去邊..癡綫..佢唔好聽日先問我今日先去邊?!

好無聊,訓咗陣覺..唔得呀..仲未適應到翻學要早起身..唔掂.!!!跟住就睇咗<絕代商嬌>..玩qq.桌毬..嗰晚同大叔玩過,發覺幾好玩..哈..媽咪見到,佢又學玩,又話好玩..

 

今晚我又發現咗d.嘢!!更加確定我嗰晚冇睇錯!!我乜嘢都唔知,乜嘢都唔想知..我突然間好唔想翻呢個屋企..點解會咁泇?!係唔係天下烏鴉一樣黑?!

哎..唔講住,同成林傾訴下先..頂佢琴晚一邊開大一邊同我傾電話..想死!!
發表時間：2009-09-03 11:07 PM  [ 訪客留言(0) ] [ 編輯日誌 ] [ 分享至FACEBOOK ]


2009 年 9 月 2 日  星期三   晴天


2009-09-02 分類: 未分類

今日又遲到..對唔住呀,我冇心泇..不過部30真係好唔係路!!明明我今日搭快綫就真係好快嘅,等30等咗十世,佢又開得勁勁勁慢..結果遲咗20分鐘..癡綫!!

財管呢個老師又係好後生,陰功咯~佢閱讀障礙仲犀利過我..點我哋班d.人嘅名,讀錯,讀唔正嘅起碼五個以上,十個以下..老師呀老師,伱點做老師泇?!做老師唔係要考普通話泇咩?!

佢仲要寫板書..咁都算啦,我諗住抄,點知一睇,頂~咪本書d.嘢..咁無聊泇..哎..又係熱到冇心機聽課..呢d.咁嘅天氣真係唔適宜上課..其實我真係諗住認真聽泇!!

又飛信飛咗一個上午..同豬頭又係男人,又係旅行..好興奮呀!!去得成就好啦..不過都係唔好期望太高,次次plan.好都實現唔到..12月又去旅行..錢呀錢..伱哋何來呀?!

 

跟住去咗圖書館hea..因爲李昊暉話剪埋髮先過嚟..我就真係唔明點解佢要剪髮先咯..咁麻煩..整到個頭咁靚做咩呢?!去大學城,行兩行,吹兩吹,出下汗,乜都冇啦..

搵唔到生日嘅書呀~咁就睇血型書..哇哇~講得好鬼啱..A型血呀A型血,原來除咗執著仲有貪汚虛榮..其實係我嘅血液嘅問題,唔關我事..哈哈..仲有生肖泇,冇咩興趣睇..

睇完仲要去咗閱覽室睇漫畫party,好耐冇睇過啦!!奶油奶糖,好掛住伱哋..呢排佢哋要打防疫針,哈..好搞笑..仲有亞衰都真係幾衰..超級無敵勁爆多黑仔嘢..

 

我都話dum.低我一個人喺街好危險泇啦..今日又有人問路,又有人問我可唔可以同佢做個訪問..佢個訪問係針對上班族,但佢又話覺得我個樣好細..咁矛盾泇佢!!傻泇?!!

死人李昊暉仲要夠膽同我遲到..sh1tttt..比我講咗一日..佢話我成日遲到又唔見我講喎..頂..過咗去啦嘛..而且我遲到係正常泇嘛..仲要之前我同佢出去都唔係遲大到..

 

去大學城..3號綫使唔使咁多人搭呀?!跟住4號綫使唔使咁短呀?!高峰期點算呀?!等幾耐先搭到呀?!仲要係循環綫..

我哋落錯地鐵咯..一落地鐵就要行啦..行呀行..曬到傻,我自己又懶得帶遮..難得搵到車站,等咗一陣,諗住邊行邊等車,點知一轉身就有車嚟..記得佢係382..

去到嗰個乜嘢綜合乜嘢度落咗車..哇~頂~荒蕪到呀..都唔夠廣大生活區多人,嗰陣其實好後悔落咗車咯,但冇辦法,又未有車..跟住行咗一圈,搵車站..繼續382..

去到熟悉嘅廣大生活區,其實我都係第二次去..食咗個飯..乜嘢雪花牛柳.唔知有冇記錯..冇乜味嘅..我最唔鍾意人哋整我最鍾意嘅牛肉整得唔好食泇!!所以食李昊暉d.雞扒補數..

跟住吹下水,抖咗陣,行咗圈廣大生活區..見到手機店諗住睇下..原來9010已經停咗産,唔怪得個價唔跌啦..不過如果係我,我會買9020或者9130咯~9010 d.功能太弱智啦..

下個目的地係北亭廣場..認命啦'李昊暉,我哋又係搭382..癡綫!!哈哈..搭咗佢3次..但冇辦法,嗰度得一部車去到北亭廣場..今年monkey.倒數嘅地方,其實幾期待..

點知去到..O曬咀咯!!係~乜嘢都有..M.記,rbt,卡彿蓮,e-base,master mind,全部都有折..好抵呀!!不過我今日冇錢..但係都冇人咯..好慘呀..佢哋點維持呀?!

仲要見到有酒樓招工..頂~傳菜都成2000,我去做算啦..如果北亭廣場真係搞得起,幾好泇,我覺得..等我得閑去買下衫先..仲有嗰個電影院先正呀~又少人喎~

 

最後最後,我哋向小洲出發..頂~部252好衰,就係唔停小洲,小洲村,同榕樹頭..咩意思先?!本來我哋諗住喺小洲村口落,點知見到唔係路,就繼續坐..

想落車嗰陣司機飛站,佢仲要同人傾緊電話,唔好意思打稿佢..結果,我哋就錯咗啦!!大錯特錯!!癡曬綫!!最後喺我都唔知邊度落車..典型城中村..

我本來想去小洲泇!!我想像中嘅小洲都唔係咁嘅..我覺得應該好寫意泇嘛,又話有coffee shop..點知係農村過農村地方..得樹泇咋,癡綫..

 

跟住繼續行咯..見到條路又行下,點知直達水塘..哈..仲要入去嗰陣成條路得男人,望鬼住我哋兩個..我哋話,佢哋係唔係做緊非法嘢,怕我哋係臥底?!

繼續行行行..今日就靜係行..行曬成條村咯!!我真係好好脚骨力..但最犀利都係跟住喺公路邊行!!我哋好似電波少年咁..哈..其實諗翻起都驚驚哋,伱都唔好話唔危險..

仲要成條路得我哋兩個係咁..其他經過嘅都係車..天ah~今日我哋出嚟到底係做乜泇?!點解會咁泇?!好難得竟然見到有一個男同我哋一樣喺度行,行行下唔見咗..

行到癡咗綫..去咗加油站度買嘢飲,抖一抖,又繼續..哈..李昊暉肯定憎死我..佢話次次同我出嚟都行餐死..咁我都唔想泇..又唔識路喎~今日行咗好多路,做咗好多運動咯..

最後終于見到車站啦..不過d.車就好多人咯!!傻泇咩!?點解大學城裏面咁多人赱出嚟泇?!仲要唔係學生喎..佢哋到底去大學城做乜嘢呀?!搞到我冇位坐..

唯有放弃搭86,上咗部好空嘅35..成程車都冇人企過咯..犀利到呀..嗰陣係落班高峰期嚟泇..點解會咁泇?!如果翻同德d.車係咁就好咯~

 

翻到屋企,完全散架狀態..乜都唔想做..本來諗住今晚執下嘢,搵本書比潔晶嘅,唔理啦,聽日先啦..反正聽日中午就翻嚟..

 

last night,i found something that  shocked me deeply..there are something that u dont know better than u know..the less u had known,the better to u..
發表時間：2009-09-02 10:44 PM  [ 訪客留言(0) ] [ 編輯日誌 ] [ 分享至FACEBOOK ]


2009 年 9 月 1 日  星期二   晴天


2009-09-01 分類: 未分類

今日翻學..嘗試新方法,點知係唔work.泇咯~搞到我遲到..部30開得好鬼慢..哎~又冇機會同人迫lift.啦..點解成日都係咁泇?!好綵我都唔係最遲嗰個..

哎~上國貿喎~都唔知個老師講乜..雖然我都比較有興趣嘅,但佢都係講書嘅,仲要唔按順序喎..聽到我頭都暈..索性飛信一下,咁就一堂課..同豬頭傾咗N多,仲有十一計劃..哈..

 

中午去咗久違嘅圖書館..哇~人烟稀少..我記得以前係滿座泇..不過都好,我都唔鍾意同人爭嘅..去咗書架嗰度坐咗陣,同磚磚吹水..跟住點幾,好眼訓..就訓覺..哈..

下午上涉企管理,個老師好認真咁講,但真係熱到我冇心機聽..上上下課都要赱出去抖下氣..癡綫..焗鬼死人!!咁落去唔係辦法泇喎..呢個老師又要人分組,好煩..

難得亞潤坐我哋隔離..哈..狂吹水..頂..佢就好啦,去咗咁多旅行..去親都咁貴..難爲我呀..去d.懶鬼沙灘咋!!亞鴨個頭好搞笑,勁唔慣咯!!個個都話佢染咗黑色..我覺得好似黑色頭盔..

哈哈..好開心..大佬竟然問磚磚點解我個髮型變得咁快..佢竟然睇唔出係假髮,證明真係work.啦!!有人贊幾好睇添呀..哈哈..不過咁熱,都係下個月先戴伱啦..

 

學校d.下午茶雖然唔係好好食,但真係好及時咯..愛死..咬住個蛋撻喺學校行,真係威..哈哈..星期五我要食鴨脚!!不過又怕食到上車都未食完,好似今日嗰個女咁,搞到成朕味..

好煩..見到車站咁多人我會好驚..大熱天時喺度等車,等十世都冇,好煩..天ah~呢個夏天可唔可以快d,過呀?! so hateeeeeeeee!!!!肥人真係特別怕熱!!

 

聽日决定去大學城..哎..但係路綫..唔知呀..交比浪漫主義嘅雙魚座决定,希望唔好令我太失望..雖然我好想玩二人單車,但我唔想同李昊暉踩呀!!d.浪漫嘢可唔可以唔好佢做曬遮?!!

星期四點算呢?!又係咁無聊..趕翻屋企食飯?!不過要上網睇訂飛d.嘢..joey.嘅perfect 10呀!!!我一定要去到..但點訂飛呀?!我怕一開始就比人訂曬!!好驚呀!!有冇人可以幫到我?!!

 

今晚同陳盛林差d.鬧交..我承認我對呢段感情好冇信心,我承認我對呢段感情缺少信任..但我唔覺得係我一個人嘅問題..有問題係應該兩個人去解决,但點解.......

算啦..好綵最後都冇事..佢都係第一次講d.咁嘅嘢,我受曬..哎..我好冇用呀..希望十一嘅3 couples.旅行去得成啦..往好嘅方向諗,係唔係就會冇事?!
發表時間：2009-09-01 11:54 PM  [ 訪客留言(0) ] [ 編輯日誌 ] [ 分享至FACEBOOK ]


« | 5 | 6 | 7 | 8 | 9 | 10 | 11 | 12 | 13 | 14 | ... | 114 | »