琴晚發咗好多夢..夢到譚圓圓,家姐,高佬,陳盛林,老陳..天ah~咩回事呀?!竟然仲會夢到高佬..好似陰魂不散咁..癡綫..跟住譚圓圓,我以爲係真嘅..今日中午先搞清楚,原來係髮夢..

今朝搭545..頂~冇拉拉壞車..d.人想落車轉車,點知車門都開唔到..有人話..砸玻璃吧..好綵最後部車又開得翻..我唔想我上電視咯!!但最後都係遲到..日日都遲到..救命呀~

上財管,都ok.聽得明,比涉管同文管好得多..嗰兩科我唔係好明白有乜嘢意思咯~都冇實質嘅嘢比我學嘅..無聊透頂..仲有國際商務都係呀..哎~以後就上英文同財管算啦..

落咗課就去咗萬佳買嘢..去嗰陣就真係轉折咯..我蠢咗,應該搭236轉車,我就搭咗54,結果要行成10分鐘先有車轉..嗰陣仲要突然間好大雨,要避雨咯..有遮都唔掂..

首先去咗大洋諗住搵下本書嘅,點知都係冇..唔通真係要網購?!有時間先搵人搞掂..其實最好就係烤魚泇啦..不過呢排..哈~等我有錢先..

跟住睇咗下dc..算啦..唔諗住啦,都冇錢..而傢d.錢都唔知點用好..好煩..好似突然間冇曬d.錢咁..又有好多嘢想買..我覺得而傢d.生活好亂,救命..

匯合咗媽咪,突然間好肚餓,就去咗醫肚先..順便行下睇下有冇招行..點知行到差唔多中八都冇招行咯..頂~我想出糧遮,唔好咁啦..

跟住媽咪去咗農行,我就叫焦糖幫我查下邊度有招行..我行到去荔灣路呀,陰功..點知未有錢,嗰下真係定咗一下..今日16號啦,易寶一向都有早冇遲泇嘛..

曹穎話呢幾日應該有,佢喺學校查唔到..梁建斌又係軍訓緊查唔到..陳盛林唔使問,張卡喺佢阿媽度,都查唔到..好苦惱呀..雖然我份糧唔多,出咗都係要嚟還,但我而傢就好不安咯!!

發覺而傢100蚊喺超市真係唔算係乜嘢..買咗一條卷紙,一支洗頭水,幾條紙巾就用得七七八八..不過難得去到,就梗係買埋其他嘢..買下買下就160..超咗60..

到底幾時我先可以行超市唔使睇價錢,唔使就住就住,唔使捨A取B.咁買嘢呢?!老豆單位嗰度獻血又未有聲氣喎~早知我之前就獻次成分血先啦,咁就有150購物卡啦..

翻到屋企,對住電腦唔知做過乜..然後又訓覺..哎..依然好冇心機..唔知點解會咁..

夜晚就睇電視..我終于查曬d.單詞啦,不過聽日英文寫作,我未預習,又唔知Juliet.講乜泇啦..不過我而傢又冇心機咯,想訓覺..聽日認真聽好過..

星期六可能有得去座談會,希望去到啦,咁就有50蚊..一個星期去一次都唔錯..哈哈..聽日去和記面試..希望得啦,雖然我就比較懶,唔多想做嘢..

琴晚打風呀..成晚都好似有人敲窗咁,好驚咯!!跟住朝早好早就醒咗..又落雨,又鬼咁大風,好猶豫,翻唔翻學校好呢..不過經過我兩次交比時間决定,都係翻去嘅..

雖然我早咗起身,早咗出門口,但就好塞車下咯..咁都算..媽的死人30,次次搭親佢都遲到..癡綫泇!!等咗佢差唔多15分鐘..又開得慢..遲少少,坐開嗰個位比人坐咗咯!!!

一個人坐幾好呀,可以聽課..我仲要坐第一排,對住老師嚟坐..然後玩手機..同廖小姐商量今晚佢代我點名嘅嘢..死啦,我哋到而傢都唔知喺邊度上課,又唔知幾點上..過分到呀..

中午繼續圖書館..我發覺學校飯堂唔同咗..有一半嘅臺凳換咗..唔知點解換一半唔換一半..可能資金唔夠..哈哈..變咗有半個飯堂好似M.記咁..

喺圖書館見到好多烹飪嘅書..不過其實我都唔需要睇書呀,我媽咪都識煮啦..但係對嗰個懶人西餐有少少興趣..搵人帶飯卡翻去借書先..

下午上涉企管理..我對呢堂課就完全冇概念..仲要一上課,文靜就講咗句"伱終于肯浦頭啦咩?!"我頂~我成日都有翻學校泇..不過呢堂課咁啱冇上之嘛..

竟然見到表哥喺對面上課咯..跟住仲要見到亞穗..哈哈..今日見到好多人呀..晨早翻學校嗰陣見到鐘施莉,仲有33號..中午又見到陳靖宇,佢問我去唔去釣魚喎..搞笑..

跟住磚磚有條短信問佢做唔做兼職..資料錄入,8蚊一個鐘呀..正爆啦!!留咗個電話比佢..搞到我哋冇曬心機上課..個心早就飛咗去兼職嗰度..

如果唔係老師突然間發爛詐,我哋早就鼠咗出去打電話..冇拉拉話我哋出去都唔同佢講聲喎~佢傻泇?!第一日嚟大學上課呀?!個個都係咁泇啦..癡綫嘅~

跟住..冇咩特別咯..翻到屋企收到Bad news..資料錄入嗰度靜係請一個人..fine~我後日去見和記..不過梗係資料錄入好做啦..sh1tttt!!!

死啦,今晚我連幾個單詞都查唔曬..癡綫泇..一於查埋先訓啦..最衰小賴泇啦,冇拉拉q.我..問我係唔係拍拖喎~仲話一直有留意我..好驚咯!!佢男人又係好似陳盛林咁..真係慘..

2009.09.13 星期日 天氣 晴

今日喺屋企喺屋企..好悶呀好悶呀..我就嚟顛了!!唔知幾時開始我又變翻兩日唔出街就好想死..哎..想搵人去街,但係我冇錢,去邊喎~而且冇理由我買完潤唇膏就叫人翻屋企泇!!

aaaaa~如果琴晚同陳盛林出去,我就唔使咁煩..隻死嘢今日又唔肯出嚟喎~有冇人咁懶泇?!點解仲有人可以懶過我..好鬼meng..一講起佢就想爆粗..唔講,好煩..

喺屋企訓覺,褒劇,打麻雀..咁就一日..哎..太嘥時間了..夜晚睇咗<美女厨房>..好嘢,小儀贏咗..其實Lynn.都幾正嘅..呢排突然間好鍾意d.高高瘦瘦又白淨嘅女人添..

跟住一邊上q,一邊等家姐翻嚟..同黃嘉偉傾咗好多嘢..ummm~可能係我放開咗,竟然同佢傾佢女朋友..開頭佢厄我,話嗰個唔係佢女朋友喎~太衰了..

佢竟然破天荒咁主動同我講佢近况..話搞緊網店..不過佢次次都係玩下就冇下文..好似之前嘅band.隊咁..

-----------------------------------------------------------------------------------------------------------------------------------------------------------------------------------------------------------------

2009.09.14 星期一 天氣 雨

本來今日約咗2傻出去買染髮劑..點知mini.叫我陪佢睇波喎~咁難得嘅機會,我點會放過..超級耐未睇過波啦..所以就做咗次飛機師..sorry.呀~2傻..咁就2 set.下午茶..

翻咗學校上5.6節..福伯真係太好人啦..佢費事問大家意見,d.人會唔同意,就自行决定四六級嘅補習班星期一上..愛死伱啦!!抵我特登翻嚟上伱嘅課..

不過我冇預習就真係跟唔上咯..哎~伱到底講乜呀?!聽日開始,我會乖乖學英文..六級呀六級..伱係我泇啦..再唔過!!我就唔再考!!哈哈哈哈..

跟住諗住睇財經系嘅籃球賽..四點半開始..臨開始佢落雨..煩..咩意思先?!本小姐難得喺學校睇打波,伱竟然.....!!太過分啦!!

同mini.去圖書館坐咗陣,諗住佢落一陣就冇嘢..點知佢就繼續落..哎..操場d.人就咁赱曬..我諗翻起,大一有次足球賽,落好大雨都繼續踢..精神可嘉!!我都有睇..太有激情啦~

去咗迎賓園食咗個飯,再去參觀咗下mini.嘅宿舍..同東區嗰個好似,佢哋就好啦..哎..如果好似東區咁嘅住宿條件,我就真係繼續住宿咯..走讀辛苦呀~攰攰攰..

最後去咗購書中心諗住幫max.買書..點知搵唔到咯..我已經搵埋負一,都冇..哎..唔通真係要網購先有?!到底嗰本書乜嘢地方先有得賣呀?!

搭車翻屋企,悶悶哋,打個電話比陳盛林..哎..以前我係,搭車悶叫人打比我泇嘛..而傢我要自己打比佢..唔知點解次次同佢講嘢都好似鬧交,咁q meng.泇遮?!!乜嘢人嚟泇?!!

聽日出糧啦,好嘢..不過我要還錢..而且做咗12日,有幾多錢喎~陳盛林張卡又喺佢阿媽度喎~我好想食夀司嚟獎勵自己aaaaa!!!下個月份糧又繼續還錢..癡綫了!!

竟然,我同佢手機都係聽日扣月租喎~抄我都有嘅..本來我諗住推到18號泇啦..而傢咁,就繼續15號啦..哈哈哈..而且冇手機用我會好想死..

頂頂頂..今日又遲到..冇理由泇..最衰部89泇啦..等十世都唔嚟..不過唔緊要啦..遲到慣,反而我翻去,個個都好出奇..我終于出現啦..哈哈哈..

上財管,我想聽課泇..其實都聽咗少少嘅..不過而傢唔記得曬..其實咪就係套公式..到時抄翻出嚟,慢慢背..

哎~個老師break.嗰陣播歌..d.歌又舊,聽到人又眼訓..頂~佢話自己84年,點解同我哋d taste.差咁遠泇?!!後來佢比咗佢聯絡方式我哋,磚磚話下次發短信比佢,叫佢轉歌..

今日鼠咗入去Dave.課室度涼冷氣,順便同佢吹吹水..Dave.竟然唔剔須,佢話太懶喎..成個look.唔同曬..飯團話佢handsome.咗,Dave.話..always handsome..哈~依然咁幽默..

上英文寫作真係頂唔順,訓咗一陣..聽到佢講課泇,不過就唔想醒..懶咗咁多日..好耐都未試過咁早起身..

講嚟講去,講咗咁耐,都未講曬嗰13 parts..其實呢d.自己睇下書都ok..不過有邊科唔係自己睇書就ok.呀~但Juliet.係我難得鍾意嘅老師,以後我要認真聽課..

一落課即刻去咗聽座談會..頂..去到廣東港澳中心門口,見到點解裝修緊?!仲要度門好大塵..我就行咗去旁邊,原來係側門度入,仲要比人check.身份證..

去到先做份調查先啦..頂~N多嘢寫..成個月,寫得最多字係今日咯..跟住我一睇..真係個個都大過我,除咗一個女,都係學生..不過睇得出,其實好多都未結婚咯..

跟住入咗開座談會啦..嗰個Deret.問咗好多問題..我懷疑佢係M記嘅間諜,因爲佢問咗好多問題都係圍繞M記嘅..

哈哈..我諗我比班人最深嘅印象就係我鍾意打麻雀..其實有一個感覺好似家浩仔泇..哈..佢哋好似好多都係成功人士..好羡慕呀..坐我隔離嗰個學生,原來都係農工商嘅.. =.="

赱之前嗰個翻版家浩喺度派卡片..哈哈..佢比我嗰陣仲要話,打麻雀嗰個..跟住合影,然後攞錢,赱人..六十大元買我兩個半鐘..

之後急急脚去join.亞b.同亞mi..今日傻瓜b.軍團終于聚會larrrrrr!!!地點係小北kfc..其實我就一直都唔知佢哋指pizza hut.隔離嗰間..搞到我搵咗好耐..

最後四點到達,等死佢哋..為咗贖罪,我買咗隻大炮去..因爲佢哋話嘢飲貴..哈哈..好鬼樣衰..好綵嗰陣少人,冇人睇到..

今日好多爆點..我哋最鍾意討論泇啦..雖然亞mi.而傢唔係地王嘅人,但一樣八到咁多地王嘅嘢..哎..佢拿拿林賺埋個四薪就去做珠寶店英文文員啦..

佢哋竟然問我同陳盛林嘅嘢,話我dum.低佢哋兩個孤寡老人..哎..我唔係唔想同佢哋講,不過我就唔覺得佢係我男朋友,我諗住等穩定d.先同佢哋講呀嘛..費事到時散咗乜嘢啦..

我哋傾呀傾呀傾..差唔多七點先赱人..其實未夠泇,不過亞mi.咯.要翻屋企飲湯..真係.!!!!而且佢話要準備聽日面試嘅嘢..咁就放佢一馬啦..

翻到屋企,乜嘢都冇做,就係上q..聽日去吳系茶餐廳..本來係約小新嘅..不過諗諗下都係算啦,我怕悶親我..到時星期一再去幫max.睇下d.書..

2009.09.07 星期一 天氣 晴

今日係大卡車生日..ummm..畢業之後都未見過..校慶都見佢唔到..諗翻起高一嘅嘢..真係好懷念咯..最最開心嘅時候,莫過于高一..嗰陣八姊妹..有大卡車帶領,成班都係傻泇..

其實最最記得就係佢寫嘅小說..我同佢係女主角,連長人都係配角,仲有佢寫我同肥輝嗰part.真係好touch..但竟然寫佢係gay..太難接受了吧?!咁寫肥輝..

雖然真係幾鍾意Juliet.嘅,但唔知點解今日冇心機聽課..成日就係玩手機..突然間好想用翻9010,咁我就可以認真聽課,但係中午就會悶死..

哎~其他人都好認真聽,但係我就...連7個c.我都背唔到..乜嚟泇?!個個都咁長,又似樣..邊個發明佢哋出嚟泇?!我真係想學英文泇..但係.....哎!!冇心情乜都假..

中午嘅時候好難過咯..喺圖書館睇本血型書,睇睇下又訓覺..訓咗一陣就醒,根本就訓唔到咯..跟住又繼續睇..又繼續訓..想睇英文書,又冇心機..

同凌宇杰傾咗好多嘢,好多好多..佢竟然話佢同我一齊嗰陣好鍾意我..我真係估唔到咯..我從來都唔覺得佢鍾意我泇..仲話嗰個情人節好開心..哎..我覺得自己好衰..

其實嗰陣我一直都覺得佢鍾意佢個妹多過我,但佢竟然同我講,嗰陣靜係鍾意我一個,身邊冇其他女人,都冇諗過同其他女人一齊..咁又係,當時佢都有同我坦白,之後又搵翻我..

仲要話對我好好..會日日送我翻屋企,對其他,未試過..嗰陣我都覺得我哋幾無聊,但冇辦法呀,冇咩時間見..就係覺得送我翻屋企好,辛苦佢..佢話同我一齊嗰陣係最純..

同佢傾完之後,我覺得其實我覺得陳盛林對我唔好,可能係我個人主觀問題..不過首先可以肯定嘅係,佢對我就真係唔算好..不過,佢份人係咁,都冇辦法..

好似凌生,佢已經係對我最好,但我都係覺得咁多個之中佢最差..可能大家對男,女朋友好嘅方式同定義都唔同啦..可能係我要求太高啦..

所以之後我都有好好反省..我唔應該覺得盛林對我唔好,唔應該主觀認爲佢有第二個,唔應該成日懷疑佢到底鍾唔鍾意我..學某人話齋"唔鍾意做咩要同伱一齊"..我投降了..

我真係希望佢會改..人哋話,最不被看好嘅,往往最耐,我都希望係咯..我對呢段感情就真係冇咩信心,但又冇勇氣離開..可以做嘅,就係信佢,信我..

終于挨到四點上閱讀..我就覺得我哋蠢咗..我决定以後都跟一班上閱讀,因爲可以早d.上課,早d.赱人..5點幾搭車真係多人到爆,塞車到傻!!

哎~福伯講課講得好快..我自己又冇預習..佢叫我哋睇文章,睇完問佢問題..我睇完都唔知篇嘢講乜..我明曬d.單詞,都翻譯唔嚟..癡綫!!好難呀!!學佢話齋,好沉重呀!!

------------------------------------------------------------------------------------------------------------------------------------------------------------------------------------------------------------

2009.09.08 星期二 天氣 晴

今日下午先有課,所以我就决定唔翻..哈哈哈..其實係唔知點解心情唔好..而且真係覺得自己咁翻一翻去就翻嚟,好on.居咯..

喺屋企都冇心情,本來諗住查單詞..查咗幾個就冇心機,喺度玩qq.游戲同褒<古靈精探b>..我發覺盛林同羅仲謙喺戲入面個樣有d.似..特別係對眼!!救命!!我一睇就諗起佢!!

成日都係虛度咗d.時間咯..唯一做過有意義嘅事,陪媽咪去睇病..哎~好煩..老豆病完到阿媽..點解咁煩泇?!!睇病又係錢錢錢..其實我寧願病嗰個係我,辛苦嗰個係我..

樓下開咗間華輝..所以今日中午同晚飯都喺華輝度食..其實就唔係話真係咁鍾意食,不過見佢五折,就去食咯..而且媽咪病咗,都懶得煮..

今晚同盛林傾咗一陣電話..佢趕住同d.室友打機..sh1tttt..鍾意打機嘅男仔..還好啦,佢會叫我記得食藥,早d.休息,真係唔得就去睇病..算係有進步掛..

------------------------------------------------------------------------------------------------------------------------------------------------------------------------------------------------------

2009.09.09 星期三 天氣 雨.晴

何小姐?!!伱有冇搞錯呀?!!又記錯上課時間..上次已經記錯考試時間泇啦!!今日又記錯上課時間!!我食緊早餐嗰陣,磚磚飛短比我,問我係唔係又唔翻,我先記得..哎!!

今日早餐又華輝咯~食到我N飽..最搞笑係,有個女嘅同我哋同一張台,初時以爲係識嘅,點知問婆婆,佢話唔識,問嗰個馬姨,佢又話唔識,原來嗰個都唔識佢泇!!癡綫~!!做戲咩?!!

翻咗屋企繼續訓覺..09/09/09 09:09 呢個咁特別嘅moment.我竟然喺床度過..算啦..以陳盛林嘅性格,佢肯定唔會留意,即使知道都不以爲然..哎~粗心的男人..

真係唔多舒服咯..訓又訓唔著,但又眼訓..喺床到碌到十一點幾,落街食嘢..當然又係華輝..冇辦法..媽咪去咗吊針,就費事佢咁辛苦煮飯啦,我又唔識煮..

翻到屋企,又係褒劇,又係麻雀..頂..我唔知幾時逃跑咗,比人扣咗分!!好煩呀!!明明接近正分泇啦,又遠咗啦..天ah~呢排仲要手氣嘛嘛..超級無敵煩!!

下午媽咪竟然發燒,又要陪佢去睇醫生..順便我自己都睇下..醫生話我心火盛喎~哈..我一向都盛泇喎~跟住又話我個胃唔好呀..一向泇啦..睇病都係睇胃多嘅..

媽咪病嚟病去都病唔好..好煩呀..我可以做乜嘢呢?!乜嘢都做唔到!!哎..我就靜係識對住部電腦..但我都唔想,我實在..太冇心情啦..救命!!

今晚最後一餐一傢三口喺華輝度食啦..哈哈..因爲聽日開始就冇五折..基本上我都試過曬華輝嘅嘢啦..無憾啦..以前覺得華輝都算貴..但我呢幾日喺華輝係鍾意點乜就點乜,正!!

之後就同福伯講數..哈..其實唔係,我係提議一下星期一上四級六級嘅補習課..咁我就可以早d.翻屋企啦..希望大家冇問題啦..我唔想迫車呀!!!!!

aaaa..今晚陳盛林竟然主動搵我..問我做咩心情唔好..不過後來我又覺得心情唔好嗰個係佢..算啦,佢唔想講,我都費事問..水瓶座水瓶座..O型血O型血..水瓶座+O型血..

佢叫我記得食藥同好好休息呀!!我會覺得好開心..但諗深一層,其實好普通遮..普通朋友都會咁做啦..佢係我"男朋友";嚟泇..哎!!我到底開心乜嘢呀?!替自己悲哀..

好開心!!聽日有個座談會..但我要扮我結咗婚..邊個信呀?! 仲有..聽日傻瓜b.軍團終于可以聚啦!!好開心呀!!enjoy it~唔記得講,我要幫max.買本書,送比佢做生日禮物..哈~