2009.10.05 星期一 天氣晴

冇咩好講,今日又係訓到兩點幾先起身..再係咁,我會死,日夜顛倒,翻學點算?!呢幾日上q.都見到alex,佢都會撩下我..呵呵..我係鍾意癡住leader.嘅分子..

照常翻工..今日allen.冇翻工..應該話仲係休息中..佢就好啦..同自己鍾意嘅人組織一個家庭嘅感覺係點泇呢?!嗰種想一生一世就同佢一齊嘅感覺又係如何泇呢?!

stephen.都係休息,冇機會還錢比佢,哈哈..今晚嘅leader.係亞roy,唔識佢,不過感覺佢都ok.好人..winson.又係照舊咁cool..哈~我諗起佢鍾意食鹽犀我就唔怕佢..

好忙好忙呀'今晚..癡綫,我已經成日偷懶泇啦,都接咗差唔多50個call..今晚個系統仲要成日都唔得,搞到個分係歷史新低,得七十左右..哎~alex.同亞roy.就慘咯~

今晚忙到我帶咗本六級翻去都唔得閑睇,都未掀開過..真係,好耐未試過咁咯..最後半個鐘終于可以抖下氣,周圍hea.下..哎..希望以後都唔會好似今晚咁..

厠所爆咗水管,搞到水壓好低..我臨走嗰陣去厠所,有水衝水,但洗手池冇水..喺厠所門口見到個男同事,佢問我,同事,女厠有冇水呀?!..好搞笑..

落班之後翻咗去同德鄉呢邊宵夜..家姐有個同事生日,so....哇..好多人,我一入去就驚驚哋..有打麻雀嘅,有飲酒嘅,有傾計嘅..成二十人有多..真係會怕咯~

坐咗一陣,悶咗一陣,食咗少少嘢..跟住有個靚仔,叫connie.掛..佢撩我玩大話骰..玩咗兩盤,太多人打搞了,跟住冇玩到..佢係幾靚仔嘅,不過90年嘅,好想死,佢叫我姐姐!!

玩到兩點多d.就赱人..翻到樓下陪家姐食多個宵夜,翻到屋企搞掂曬,三點落床..哎..訓唔著..夜晚就成日都訓唔著,朝早就唔捨得起身..唔可以咁泇!!!!!

--------------------------------------------------------------------------------------------------------------------------------------------------------------------------------------------

2009.10.06 星期二 天氣 晴

今日唔捨得起身..本來諗住朝早佢銀行攞翻個密碼,跟住再去唱k.嘅,結果就直接去唱k..訓多陣好過,反正密碼唔急住攞..

一去到,得我一個攞房咯..好綵我攞完嗰個牌之後就見到亞瑩同牛奶哥哥,即刻開心翻曬,有人陪我..本來慧ling.同淼淼話要遲到嗰陣我真係好想發脾氣..

跟住我哋三個入咗去party.房唱住先..哈哈..d.紙巾個盒好得意,我同亞瑩一人袋咗一盒,留翻一盒喺度大傢用..哈..

我哋趁佢哋未到就狂點歌,費事陣間人齊就唔好意思唱..死啦,而傢唱k.都唔知唱乜嘢歌好,新歌又未聽過,舊歌又成日唱,好煩好煩咯!!

唔知幾點,終于人齊..牛奶哥哥幾好玩,同佢幾好傾..亞瑩仲話我哋兩個好夾添..至于豬頭嗰個.番薯就....太怕醜啦..而且樣就真係一般咯!!唔好意思,我唔應該咁..總之就悶悶哋..

其實我會喺度諗,如果陳盛林都嚟咗會點呢?!我覺得陳盛林會嫌佢哋幼稚..哎..唔知點講,好怕佢哋玩唔埋..不過,佢都唔係我長遠計劃,其實可以忽略..

唱完k.之後就齊齊去明興食魚蛋粉..我覺得已經冇以前嗰d.咁好食啦..不過我都係跟大隊一齊懷念以前嘅日子..哈哈..我仲要留翻個肚翻屋企食飯..

牛奶哥哥好好,送買亞瑩去車站,睇住佢上車先赱..勁羡慕咯~佢哋呢pair.真係好sweet..發覺通常d.拖得比較耐,或者比較sweet.嘅戀情,都係個女嘅做主導,好明顯我已經輸咗..

其實今日都玩得幾開心..唔知點解呢,我都幾鍾意大家一齊擕眷出席嘅場合..希望我都可以快d.擕翻個啦..咁樣就可以N couples.一齊去旅行啦..哈哈哈..

翻到屋企,食完個美味嘅晚餐,我發覺我今晚其實係約咗cici!!!我竟然唔記得..搞到我要即刻換衫翻北京路幫佢買潤脣膏..搭車嗰陣太眼訓啦,訓鬼著咗..

喺北京路見到亞撈..但我嗰陣未訓醒,所以寒暄咗幾句就赱咗,其實我聽唔清佢講乜..哈哈..成個人好似迷迷糊糊咁,好唔清醒..

買咗潤唇膏就搭車去cici.屋企搵佢,比支潤唇膏佢同埋攞d.六級嘅書..佢特登喺湛江帶翻嚟,如果我咁都唔睇,就真係對佢唔住,希望今次過啦!!翻學之後我要認真讀書!!

突然間好想飲奶茶..咁就搭一個站車,去西村嘅58度C度買,癡綫泇,點解我會咁?!跟住又搭車翻屋企..我發覺我今晚真係好失常,可能係心情唔好掛..哎~

夜晚突然間覺得好lonely..好唔開心,訓唔著..同師傅,alex.傾咗好耐..跟住同亞灰傾多個電話,差唔多四點,訓覺..我好掛住伱,陳盛林..

琴晚雖然飲咗酒,但翻屋企之前嘅事我都記得好清楚,反而係沖完涼之後發生過乜嘢我就唔係好記得..嗯~我記得我send.咗條sms.出咗..只是沒有回應而已..

訓到成兩點先起身,跟住洗頭..然後唔記得做過乜..想寫日記,但係媽咪喺度,寫唔到,唯有比佢玩啦..哎~我本來諗住呢個假期做文管份paper work.泇,但而傢..算啦~

五點就出去匯合cici,好眼訓呀,勁眼訓..咁就搭車嗰陣訓咗陣..點知搭過龍..哈哈..超級無敵勁爆樣衰..一醒就已經差唔多東華東啦..跟住落車搭翻一個站過中華..

我今日本來就諗,會唔會撞到乜嘢熟人呢..果然,見到梁桂華..不過我唔sure.係唔係佢,但我哋有眼神交流咯~跟住我發短信比佢,原來真係佢,佢話怕我唔認得佢,所以冇叫我..

然後又見到林韡轁,使唔使呀?!真係撞到咁多人?!!不過林韡轁見我唔到,即使見到我,我哋都唔會打招呼泇啦..

陪cici.去幫佢boss.買零食,跟住再行多轉春之花..我想買不二家嘅散裝,不過冇我想要嘅味..算啦,d.小朋友零食都唔啱我..哈哈..咁就買咗薄荷糖就算啦..

想去澳門街,點知唔識路去咯~頂!!網上嗰個地圖厄人嘅,又話中山三同中山四路之間,點知人哋話個地址喺東山口..癡綫..諗住去中森名菜啦,點知54係單行綫..

結果我哋都係去咗小北嘅澳門街..點知澳門街唔係茶餐廳嚟嘅?!竟然係酒樓..不過都上咗嚟啦,冇理由赱人咁樣衰泇..而且我哋係行咗N耐先到,攰到懶得行啦..

葡韃我哋一定要點泇啦,跟住點咗個芝士焗海鮮,仲有雜菌鵝肝焗飯,仲有一個咖喱牛腩飯..其實點完之後覺得好似多咗少少,因爲佢嘅分量都可以..

葡韃真係好正!!超級鬆化呀,正過kfc,而且仲平過kfc.添!!雜菌鵝肝焗飯都唔錯..其實唔係好特別,但味道可以咯..至于咖喱牛腩飯就點錯咗啦..好普通,真係好普通..

芝士焗海鮮,冇蝦嘅,失望咗一下,不過味道都可以..而且搭通心粉,都算係咁啦..食到我哋好飽好飽,攬住個肚赱人..仲要係食剩差唔多成個咖喱牛腩飯,好嘥呀!!

4樣嘢先87蚊,諗住加埋茶位之類100乜都得啦..點知要106咯!!哇~茶位之類超級無敵貴呀!!夠我哋食多個餸啦..癡綫!!不過叫做豪過一次,見識下咁啦..

今次係cici.請,我諗住食60~70蚊泇咋,點知超曬預算咯,其實有d.唔好意思..不過唔緊要,下次佢翻嚟,我請佢食餐好嘅!!就中森名菜啦!!

2009.09.30 星期三 天氣 晴

今日好辛苦好辛苦咁起身..琴日雖然係休息,但訓覺嘅時間同翻工冇分別咯..又遲到啦..全世界以爲我唔翻..佢哋好過分咯!!我翻咗嚟,佢哋唔知,周圍問人我翻咗未..

我有聽課呀.財管..不過我仲係唔明貼綫呀!!我miss.咗嗰堂,又一直都冇睇書..唔得,等我搞掂曬d paper work.要睇下財管先得!!越嚟越鍾意呢一科..

之後就去唱k..我同磚磚搭27去,亞潤死話要搭地鐵,咁就諗住佢同亞鴨去攞房先..點知我哋差唔多到嗰陣問佢哋喺邊,佢哋竟然話搭緊車!!真係想爆粗!!

因爲呢次唱k,我心情真係勁唔好!!未去之前六個鐘同三個鐘已經搞到我好火..而傢諗住佢哋去攞房啦,點知佢哋改搭車又唔早出聲,佢哋仲要翻宿舍搞咗一輪先!!

fine~去到我同磚磚唱咗半個鐘佢哋先到,仲要多咗個楊曉瑩..其實我覺得佢冇嘢,但就怕同佢唱k..同佢合唱仲死,聽唔到自己把聲都算,仲要搞到我自己搵唔到key.同beat..

今日真係唱得好冇癮..唱咗三個鐘就赱咗..平時肯定覺得唔夠,但今次覺得點解咁耐都未cut.鐘..我諗磚磚同亞鴨都同我一樣感受..

之後去咗荔廣間廣發度搞翻個密碼,到時要本人自己去攞,好煩,早知我就叫媽咪幫我去搞,到時佢去攞,唔使咁麻煩,我自己又冇時間..哎!!

跟住去咗亞婆度..哎..買咗三個雪梨都3蚊..睇一睇d.錢,點解去得咁快泇!!我都冇時間記低用咗去邊就冇曬啦..我要慳錢呀!!已經超咗預算,透支咗啦.. 好煩!!無底洞!!

其實去亞婆度主要原因都係想訓個覺..因爲翻屋企太遠啦~而且出嚟會塞車,費事咁辛苦又遲到啦..又可以儘下孝道..一舉三得..幾好..

ah~仲有第四得係可以見下表哥..好耐好耐冇見過佢啦..佢喺我翻工之前翻咗嚟..哈哈..好似冇以前咁靚仔喎~仲要大隻咗,以前係好瘦好瘦泇嘛..而傢就瘦咯..man.咗!!

翻工發生過乜嘢事我就唔多記得啦..連邊個做leader.邊有翻冇翻,邊個坐邊度我都唔記得啦..記得係都幾開心..每次翻工就會覺得開心,其實我係怕寂寞..

我記得啦..呢日mac.冇翻..我坐阻住隔離嘅..家姐比咗佢locker.鎖匙我..本來話去打麻雀泇,點知最後佢冇比短信我..fine~下次先咯..加上我都冇錢..

--------------------------------------------------------------------------------------------------------------------------------------------------------------------------------------

2009.10.01 星期四 天氣 晴

今日電話猛咁振咯!!都係d.國慶短信,救命呀~雖然收到大家嘅祝福我好開心,但振醒曬我呢..哎!!我d.時間同大家唔多夾..我只可以咁講..哈..

下午同亞吞出去pizza hut.下午茶..時間一推再推..最後見到亞吞嗰陣已經係4點半..我哋要喺30分鐘內飲曬一杯冰咖啡,跟住續盃..哈哈..次次都係咁..

跟住傾咗好多嘢呀..朋友,學業,工作,將來..哎..好迷..而傢嘅我真係好迷..i feel so lose..我唔知以後應該點算呀..

臨走就影咗幾張相..頂~勁唔滿意咯~點解咁奇怪嘅?!我發覺個假髮已經冇咁好睇啦..等我搵日要搞搞佢先得..正翻翹d.頭髮,而傢直曬咁都唔知似乜..

然後拿拿林去市一宮搵烤魚..因爲要同佢面交..我遲到咗咯..佢趕住入場睇電影..唔好意思呀..特別對唔住何老爺..哈哈..sorry..冇下次!!

之後就翻工..我哋兼職嘅冇四薪!!不過今晚都幾得閑..我哋個個都喺度傾計..因爲香港嗰邊放烟花,所以冇咩人上網..如果成日都係咁就好啦..哈哈..

今晚識咗亞yan..哈..佢話我戴假髮唔認得我..跟住同佢交換咗qq.呀之類..佢就識曬part-time.班男嘅,不過我就對佢哋冇咩興趣..除咗外貌,仲有年齡..

亞yan.成日叫我坐過隔離條line..因爲成條line.都係part-time..其實我就鍾意癡住班supervisor.咯.雖然我知道我坐喺嗰度冇機會識到其他同事..

好煩呀!!我覺得阻住好煩呀!!allen.都覺得有嘢..最煩嘅係,我發覺我竟然同佢同一條路咯!!頂~我唔想晚晚同佢一齊行呀,我會顛泇!!我要識同德嘅人陪我!!

-----------------------------------------------------------------------------------------------------------------------------------------------------------------------------------------------------------

2009.10.02  星期五 天氣 晴

今日到群英聚會..去咗東急哥哥唱k..我話咗我會遲到,但我都唔係最遲嗰個..哈哈..竟然係彤彤最遲..我哋係遲到二人組..

然後冇咩特別..講嘢嘅講嘢,唱歌嘅唱歌..唱得最少依舊係彤彤..lolo.其實就真係唔使用mic.都ok..亞cat.永遠都唱得咁好聽..亞董死話自己d.音準咗..哈哈..

挑戰<狂串樂基兒>唔多成功..下次要聽下先得..古巨基d.歌唔係好識唱..不過我哋都好high.下..次次差唔多到古巨基d.歌嗰陣都好緊張,因爲唔知係乜嘢歌,又唔知識唔識唱..

晚飯喺薩莉亞解决..貪佢經濟實惠又就脚..不過我哋今次都試咗新嘢..所以就......ummm~味道一般般..不過都係諗住聚下,傾下計咁..哈哈..大家都好耐冇聚過啦..

之後就翻工..我見咁早,就諗住行去和平中搭車,早一個站,有位坐,而且費事咁早翻到去唔知做乜..點知嗰個站遠到阿媽都唔認得..下次都唔亂咁試..

好搞笑,我上到去,去完厠所翻嚟,聽到話保安要人落去領david.點可以比佢上嚟..跟住佢哋見到我翻到嚟,個個都好愕然,點解唔攔我..哈哈..我都唔知點解,佢連登記都唔使我登..

一翻到去,亞yan.就叫我做去part-time.條line.度..坐低咗發覺都係supervisor.嗰度比較有安全感..cherish.翻到嚟,叫我翻去陪佢,咁我就大條道理翻過去啦..

我本來諗住坐kim.個位,跟住allen.同mac.都叫我坐allen.隔離,仲話,伱終于翻嚟啦..嗰下真係好開心..其實我喺part-time.條line.嗰度嗰陣allen.都問我點解坐嗰度泇啦..

一般忙,接咗三十個call.唔多夠..得閑就同allen.仲有mac.吹吹水..又上q.咁..幾開心..我可以講,我十一月都會繼續做!!一定會!!希望可以請一個月假就好啦..

我話我聽日同學聚會,allen.叫我著靚d,等我嘅xbf.後悔..哈~我小學都冇xbf.同我同班..而且而傢後悔嗰個係我咯..哈哈哈..過咗去就算啦,費事諗..

翻到屋企,搞咗下份清單,跟住上q,好夜先訓..其實我要做嘅嘢好快搞掂,但係次次都係上q,上blog.搞夜咗..如果我廢咗呢兩樣嘢,我會慳翻好多時間..哈..

----------------------------------------------------------------------------------------------------------------------------------------------------------------------------------------------------------------

2009.10.03 星期六 天氣 晴

今日我準時起身泇..不過就唔知點解又遲咗出門口..搭196,轉527..其實應該遲5分鐘..點知部527就N慢,比後面嗰部追上咗,仲要拋離N遠..搞到我遲咗15分鐘!!

我去到佢哋都買咗好多嘢下泇啦..所以我就負責執用具咯~我覺得就係呢度錯咗咯!!可能我太信唔過人哋..搞到..哎..搞掂曬就齊齊打的過曉港..

嗰陣已經11點半啦,人都未齊..早知我哋就唔使咁趕,早知我哋就慢慢行下,早知我哋就檢查下d.食物同用具..早知..................

12點終于人齊,開爐..但發覺..食物好似唔夠..所以我同老陳,仲有陳達斌N佢女朋友一齊再去買..又做錯咗..哎..一錯再錯..點解可以咁多錯?!!!!

翻到嚟d.人已經燒到一半..好綵都有嘢比我哋食..次次都係人哋燒比我食,我就快唔識燒烤啦..咁唔得泇喎..

成個過程其實都幾好玩..原來梁智航燒嘢食幾叻,邱志安都係..我就..我都唔使燒..哈哈哈..跟住我哋仲用錫紙整咗個褒嚟褒嘢食..

隔離爐d.人攞赱曬d.鶏比菇嚟褒,跟住成褒攞翻過嚟,叫我哋試下..點知我哋一睇..頂~剩翻幾粒!!梁智航話好似榨菜咁..食完仲要話,烏江泇喎.咁喎..哈哈..笑死..

隔離爐d.禽獸燒完就聚賭,等翻陳東一個係度褒鷄翼..我哋話佢好似孤獨老人..哈~不過佢褒d.鷄翼幾好食嘅..夠嫩滑..但我燒嘅都唔錯,真泇!!我燒鷄翼最叻!!

最後我收錢嗰陣好搞笑..佢哋行到埋嚟,我記低佢哋個名,佢哋話好似班長點名..哈哈哈..今次一人60,其實都唔算貴啦,不過其實可以再平d..哎~係我統籌得唔夠好..

如果第一次買嘢食買得夠,今次應該玩得幾開心..第二次買嘢食買多咗..最後係冼冼同老梁一人一袋咁攞翻屋企..佢哋可以維翻條數啦..如果我翻屋企,我都攞..哈..

搞掂曬就去咗第十鋪嘅薩莉亞匯合cici..我喺恆寶行過去..諗起好多嘢..嗰晚同陳盛林嘅嘢..突然間好掛住佢..哎~感覺實在太唔真實啦..特別係佢呢次去咗玩之後..

終于有機會試6蚊嘢飲無限續盃..但其實唔係好抵,因爲d.嘢飲一般..不過伱話如果伱有排坐,咁其實續兩杯都已經圍翻條數..我哋咁啱坐翻上次個位,搞笑..

最後就翻工..今晚超級無敵勁爆得閑..真係得閑到想死!!佢哋話,如果今晚仲打電話上嚟嘅人就係衆叛親離嘅人..得閑到我,cherish,同stephen.喺度狂吹水..

今晚109嗰度嗰個leader.仲赱過嚟同我哋搭訕.話組織放工之後宵夜..其實我想褒臘同玩燈籠泇,因爲中秋呀嘛~但得唱k,同宵夜揀,梗係揀宵夜..

頂~嗰個阻住,成晚喺度搭訕,喺度自言自語咁都算啦..仲死問stephen.係唔係今晚宵夜,我哋即刻冇人出聲,因爲真係唔想同佢去咯..如果佢去,我諗我唔去咯..

好綵最後落班嗰陣佢都好醒目咁話,我翻去打機算啦..哈哈..結果,我,stephen,winson,sam,tammy,亞豬就一齊飛的過芳村食宵夜..原來佢哋係芳村團..

得我一個女仔,有少少後悔咗咯~不過應承咗去,話唔去又好似好衰咁..109嗰個sam.哥仔比我d.感覺好似李昊暉呀..哈~好想死..

去咗食川菜,不過好鬼正咯!!因爲我同亞豬都唔係好食得辣,所以全部要曬微辣..哇~d.水煮牛肉嘅牛肉嫩到呀!!水煮魚都係,毛血旺都係!!就係田鶏差咗少少..

佢哋成班leader.都好好..stephen.肯定會睇住我添啦,成日幫我夾嘢..佢哋成班人講嘢都幾搞笑..原來佢哋都覺得阻住好煩,但winson.竟然唔知邊個係阻住!!失敗!!

其實winson.份人都冇乜嘢..好搞笑,佢好鍾意食鹽犀,我覺得佢好似細路仔咯!!感覺今晚同佢哋幾個close.咗..唔錯唔錯..

跟住玩叫枚,累下家嗰隻..我狂飲咯!!不過好綵未試過兩杯..winson,tammy,同亞豬都試過..哈哈..精彩..發覺winson.同tammy.酒量不怎麽樣..我就梗係冇醉啦!!

佢哋肯定好失望..因爲我一邊飲一邊去厠所,winson.話我呢d.係唔受酒精,所以一般都唔會醉..我諗佢哋肯定好失望..哈..其實我當晚都wing wing.哋..

最後係stephen.比錢我,同睇住我上的士先赱..跟住我就叫凌生打電話比我.陪我翻屋企..其實嗰陣我都ok.清醒..起碼知道自己做緊乜,講緊乜..

沖完涼發現手機有條短..係凌生發比我嘅..話等緊我上q..嗰陣我喺度諗..哎~一個xbf.都對我咁好,而陳盛林呢~?!嗰下真係好心淡..嗰個moment.好有分手嘅衝動..

跟住上咗陣q,唔記得講過乜啦..然後訓唔著,發咗條短信比陳盛林.預咗佢唔會復..唔記得講,我喺公司嗰陣打過比佢,同佢傾咗陣電話..哎..傾完反而唔開心..

2009.09.28 星期一 天氣 雨

今日傻瓜b.軍團又聚會啦..我啱啱落到樓下,可瑜仔竟然話佢會遲到!!sh1tttt..結果一向遲到嘅我係最早到嗰個..約兩點,我去到已經兩點三..等咗一陣,終于人齊..

一開波唔知點解講鬼鬼神神..我講我嘅撞鬼經歷嗰陣仲要整跌咗把刀,我真係驚驚哋,仲要我哋係單數喎~不過開咗個頭,我哋都係照講無誤..

今日好多爆點呀!!唔係好多嘅,不過幾爆咯!!我哋都係比較鍾意八卦下人哋d.感情生活..估唔到馮俊竟然揀方東妮..方東妮也太曬了吧?!使唔使咁先?!我覺得佢好唔要面咯..

不過最估唔到嘅係佩婷竟然同梁錦輝..外形我已經不予置評..但佢份人真係勁猥瑣咯!!我超睇唔起呢d.咁嘅男人..係~雖然佢人係ok,但真係..........我接收唔到..嘥曬啦!!

廖小姐係不變嘅話題..其實佢而傢嘅改變,真係唔知係好定唔好..雖然佢係變成社會所需要,所接收嘅..但係係33號想要嘅咩?!唔見得咯..不過或者佢可以趁呢個機會徹底忘記33號..

講到Max..好難得我哋三個都鍾意Max..唔好意思呀,最近好少開msn,冇同Max chat..其實都怕咗佢咯~因爲我唔想寄本書比佢,我想親自攞比佢,但唔知等到幾時..

喺大家樂傾傾下,飲曬d.嘢覺得口渴,又凍凍哋,咁就轉場M記..竟然見到宏業!!我以爲佢結咗婚有老公養所以唔做,原來係藉口,過檔M記..佢話而傢人工高咗,都開心咗..

哎~麥炫酷好難飲..可能我真係好唔鍾意雪碧..仲有呀~雪糕化曬之類仲覈突,好似潲水咁..頂~點解要轉場喎!!M記又嘈,又焗..早知唔好咁衝動larrrrr!!!

好可惜嘅,最後我哋冇影相..難得我帶咗個假髮出嚟..不過見佢哋冇話影相就唔影啦..點知最後我哋互相怪責大家唔提影相..哈哈..去到M記太多人又唔好意思影啦..

今日傾得好開心..大家都開始要行自己嘅路啦..可瑜仔都做嘢啦..雖然我睇死佢做唔耐..哈哈哈..嘉欣都準備投入工作啦,希望佢可以搵到佢理想嘅職業啦..而我就,繼續庸碌..

嘉欣話我今次出嚟比上次提陳盛林提得多咗..呵呵..唔知呢~其實我都覺得係..maybe.佢真係重要咗..maybe.係,我終于發覺其實佢對我都唔差..

ummm~今日佢臨赱都打咗個電話比我,話唔帶手機去..頂..我話唔得,佢話,咁帶咯~但我怕整唔見..真係煩..最後我都唔知佢有冇帶..哈哈..但佢應該識搵我掛..唔知啦..唔理啦..

夜晚一翻到公司,wilson.就叫我繙工搵佢..我心諗,死啦~乜嘢事呀?!唔通我上次幫個客reset pass-word.比人知道咗?!!後來先知道,原來係叫我攞月餅..連香樓雙白一只..

開頭都幾少call..成個鐘可能都唔夠五個..但9點之後就開始多,仲要係又惡又難搞,下下都要機頭,有一個要主管復添..我覺得winson.勁唔爽咯~咁我都唔想泇!!

最搞笑係有個mr wong.要轉比cs..嗰個cs.話佢手頭上已經有兩個mr wong.未起case,而傢又多一個..死話,好亂好亂,救命..笑瓜我..哈哈哈..

其實呢份工還不錯..雖然我成日翻工之前都會有唔想翻工嘅情緒,但翻到去之後會覺得好開心,唔知點解會咁咯..而且六級就真係應該都唔過..哎..唔知呀..到時先算..

--------------------------------------------------------------------------------------------------------------------------------------------------------------------------------------------------------

2009.09.09 星期二 天氣 雨

今日好早好早就翻到學校..我要認真學習,兼顧好學業同事業..加油!!

上國際商務,我聽咗一半啦..磚磚死同我講嘢,我都係應付下佢,因爲我唔想我翻嚟係白翻嚟..不過個老師太鬱悶,成日顛倒曬d.順序嚟講,搵書又難搵,我要ppt.呀!!!!

中午去咗圖書館訓覺,太眼訓啦..臨訓之前做咗下國際商務嘅練習,做做下,太煩啦,都搵唔到嘅,就投降,訓覺..

點知我啱啱訓著,就比人嘈醒..佢哋話抹風扇,叫我哋去二樓..我哋落到二樓一睇,d.風扇都未抹嘅,就赱咗去走廊嗰度啦..果然,五分鍾後,二樓d.人又比人驅逐..哈哈哈..

下午上涉企管理,聽聽下課實在太眼訓啦!!所以都係訓咗..不過我都聽到好多泇啦..可口可樂公司d.戰略好犀利!!其實而傢咁講,係唔係遮係可口可樂贏緊百事?!

之後就拿拿林翻屋企..我頂..點解成個廣州都喺度塞車?!!癡綫!!超級煩..爛鬼天河路口都等咗NNNN耐..跟住羅沖圍整路,搞到d.車嚟曬同德,塞曬車咁..救命!!

做咗一件好傻嘅事,就係學整椒鹽蝦..好似唔係好難,但如果真係比我整,就應該失敗啦..哈哈哈..不過都冇機會整比陳先生食啦~鬱悶..

夜晚真係好煩咯!!聽日嗰幾個鐘都唔知點算好!!癡綫泇..阿潤死話唱三個鐘..咁之後我點算呀?!本來約咗嘉欣剪頭髮,咁話唱六個鐘,之後就推咗佢啦,而傢又咁..煩!!

跟住cici.話佢去唔到同學聚會..好真係!!!冇嘢好講!!我知道唔可以全世界都就曬我..但我只不過想呢個十一可以盡興遮!!高中唱k.嗰度又未講邊度喎..好煩呀!!

我只不過想呢個十一去睇演唱會,去旅行,搞小學聚會遮..點解一樣都做唔到?!!我好憎咁咯..計劃嗰陣乜都話好好好,到差唔多要實行嗰陣就乜都話唔得..嬲到我爆粗!!

我真係控制唔到,壓抑唔到..喺q-zone.度寫咗篇嘢..嚇到亞鴨話聽日我話曬事..不過都唔重要啦,聽日我已經有計劃..其實咁仲好,可以搞我平時冇時間搞嘅嘢..

2009.09.26 星期六 天氣晴

今日唔使翻學呀..咁又點喎~都要翻工..訓到咁上下,起身洗頭..諗住做國際商務嘅作業,點知冇人有ppt,我點知點做,雖然上網應該有得抄..

跟住討論下3號嘅事..bbq.定咗喺曉港泇啦..至于有冇下場都仲未討論到..我嗰日要翻工,肯定想有下場啦,如果唔係幾個鐘我去邊好呀?!不過其實有cici.我就唔怕嘅..

搞下搞下又話翻工啦..癡綫..我五點三出門口,去到車站等咗可能兩分鐘掛,跟住有車..佢開得好快,我想訓翻陣都唔得..54分就落車啦..救命呀~咁多時間我點遮?!!!

行下動漫星城..好多衫都好平呀,好想買呀,cici~快d.翻嚟救我!!哎..我好想買衫呀!!不過冇錢..之前以爲自己好有錢,用下用下發覺所剩無幾..我要慳錢!!

喺僑中附近見到有衫賣呀~好開心呀..我終于買到扇啦!!真係伱有心搵嗰陣就搵唔到,而傢行過下就買到啦..不過後來發覺佢好似有d.邋遢咗..哎..算啦..好似又就快唔使用啦..

今日翻工爽死..因爲冇call..mac.又翻咗,allen.又喺度..我隔離嗰個男,georgie,今晚先識嘅..好搞笑..stephen.成日話佢撩我,其實我哋就冇點交流..笑掛我..

成晚就喺度傾計咯..同cherish.傳紙仔,仲有做咗份出師表..點解內部定咗成績,我得91,cherish.有98.?!我唔覺得佢會好過我咯!!不過算啦,都唔係乜嘢緊要嘢..

難得wilson.仲喺度,同佢反映下班錶問題..我以後都休星期二,日..不過以後,我都唔知有幾多個以後..想做又唔想做..哎..點算呀?!!!我唔捨得d.錢泇.其實..

10點有d.餓,家姐咁啱落班,叫佢買咗個牛腩面比我食..哇~正呀..即刻充滿力量..好搞笑..佢話佢哋嗰個同事,成日話想見下我..頂~唔係得我一個住同德泇,見第二個啦..

總之今晚就happy happy happy.啦..最搞笑佢哋討論allen.嘅婚宴嗰陣,又講到mac..佢哋話,到時mac lam.會唔會剪髮呢?!又話交換男女角色..哈哈..

12點準時落班,我先接咗10個call.可能都冇..好開心..去到車站等車等咗好耐..翻到屋企都差唔多1點啦..搞到2點幾先訓覺..我傻咗..

-------------------------------------------------------------------------------------------------------------------------------------------------------------------------------------------------

2009.09.27 星期日 天氣晴

我好犀利,我要頒獎比自己..因爲我訓咗三個幾鐘,今日可以起到身翻學校上課,仲要冇遲到!!真係百年難得一見!!

上咗呢堂財管,我覺得我已經補翻好多之前嘅課程..到時攞埋個ppt.好好研究研究..突然間好鍾意上財管..之後翻屋企,唔上7,8節啦..癡綫嘅..

翻到屋企,上咗陣網就訓覺..中午又係牛腩面..華輝嘅..12蚊!!哎!!我都話唔食華輝泇咯~貴到死!!而且我呢個月食咗好多次啦..我就嚟顛啦!!!!

下午起身諗住咗國際商務,攞到ppt.啦,開咗網頁啦,無從入手咯!!都唔知抄邊d.好..咁又一個下午..我記得同曹穎傾過計..

講起陳盛林..佢竟然話唔覺得陳盛林會有第二個,但就覺得佢唔正經..不過佢聽咗我同佢嘅嘢之後就話開始對佢改觀..點解人哋都咁信佢,反而我就...哎!!!信一個人,真係好難..

夜晚搞咗成晚,終于搞掂個國際商務嘅作業..但係我唔多滿意咯..因爲我寫咗好多嘢,而且仲要係copy.老師嘅嘢落去..算啦..有得交就算..

跟住同陳盛林chat.咗陣..哈哈哈..佢竟然識得叫我好好照顧自己..真係難得呀..不過佢太撲街啦,話我燒壞腦..仲要話好多人都想燒壞腦..哎..佢咁講,我又會好驚佢有第二個..

不過佢今晚d.態度有得加分..唔知係我容易滿足咗,定係佢對我真係好咗..我唔知點講..死~我唔可以比佢呢幾下動作衝昏頭腦..佢始終都唔係一個可靠嘅人..哎!!

仲有同clovis.傾咗好多嘢..哎..我11月底就肯定唔做泇啦..10月底做唔做呢?!一個月復習六級夠唔夠呢?!如果强度高其實都夠嘅,只不過我就冇心機遮..

聽日我又唔翻學校啦..因爲星期三嘅下午茶改咗聽日..我真係最後一日逃課,講真泇!!