今日休息..本來係諗住同媽咪去好又多買嘢,跟住同陳盛林出去,後來全部都取消..喺屋企訓大覺..真係好難得喺屋企休息呀..

本來諗住寫論文,結果又冇心機..喺度睇blog..好似都冇咩作爲..想睇下英文又冇動力..反正我都過不了..算了吧..哎!!

總之今日就好唔開心,因爲得我一個人..仲有收到個Bad news..原來我比人扣咗200,所以出糧得11蚊..頂~58分!!太可惡!!真係心機都冇埋,我白做了..

不停咁打電話落booking..紅點,四海一傢,dada,仲有問ume.關于<this is it>嘅嘢..好想睇10.28 00:00 嗰場呀!!不過都係算啦,邊個會陪我睇喎..最重要嘅係我要翻工嘛..

暫定咗生日嘅節目..夜晚又係同十八N亞韻過..食宵夜N打麻雀..不過太過分啦!!佢哋兩個都有男人,而我就...哎!!點算呀..勁煩咯!!

下午諗住講聲比陳盛林知道我嘅計劃啦,點知佢嗰個moment.又死咗..死到而傢都未搵我..都唔知佢搞乜..佢平時唔係咁泇嘛..死啦,佢變咗啦..我都未變..

哎~咁就十二點,聽日要開始搞份論文啦..如果唔係到時趕唔切就煩啦..

2009.10.23 星期五 天氣 晴

依舊冇翻上午嘅課..未夠八點就比磚磚條短信嘈醒,話我知近期可樂嘅封面係柏豪..雖然比佢嘈醒咗,但我睇到之後都覺得幾warm..因爲起碼有人會記得我鍾意乜嘢..

本來想做paper work.但都係冇做..唔知搞過乜就要出門口啦..頂~又遲到咯!!最衰部545開得慢,天夀路又塞車..哎~我真係日日都肯定,絕對.遲到..我想死!!

上完課就赱人..好慢好慢咁行去車站..頂..去到五月花先五點半未夠..跟住行咗轉萬寧,買咗mask..死啦..點解呢排會髮癲買咁多呢d.嘢?!冇錢啦!!

見到周圍嘅專賣店都打折真係好想瘋狂大購物呀..可惜而傢我仲差人錢!!哎!!如果有一個好耐冇見嘅親戚突然間比封大利是我就好啦..珠海嗰個..哈哈..髮夢..

跟住去咗以前喺北京路度做嗰陣,成日去買飯嗰間嘢度食飯..嗰度好多城市電信d.人咯..怕怕..所以行咗圈先去買飯..諗起好多好多以前嘅回憶..

見到牛雜檔諗起嗰陣我發脾氣唔食飯,後來又問阿叔攞錢買牛雜食..其實嗰陣真係幾開心..檔口我話曬事,阿叔又好人,又就得我..哎..我d.脾氣咁差都就得我,辛苦大家..

嗰陣又會好傻咁日日望住黃嘉偉..得閑就同姐姐吹下水,傾下對面d.人點點點..最開心就係有鬼佬嚟幫襯,可以講下英文..但次次都係講嗰幾句..哈..

成日偷懶唔做嘢又冇人話..鍾意點就點..哎~回憶總比現實好..點解會咁?!其實社會真係好現實..真正對伱好嘅人唔多..而傢我暫時同d.人冇利益衝突,所以都還好..

最後行多轉繽繽就翻工..aaaa..見到硃古力我好想買好想買好想買..可能唔開心啦,所以特別想食硃古力..但係~算啦..我呢期已經十分大洗啦..要節制要節制!!

今晚同clovis.仲有yoyo.坐..新嚟嗰個part-time.叫亞ray..23歲..好綵有人大過我..哈..今晚又冇得坐support team.條line.呀~不過有人陪我傾計最重要..哈..

圍繞結婚呢個話題..其實突然間覺得呢個話題好沉重..哎~我真係好想早d.結婚,但對于而傢嘅婚姻又覺得冇保障..yoyo.話如果而傢呢個唔係我真命天子就早d.放手..

其實我真係喺度尋覓緊我嘅真命天子,但無奈我真係好多都睇唔上眼..唔係話我眼角高,係真係難得符合要求又唔夾..真係要講好多方面嘅嘢..哎..慢慢搵,急唔嚟..

今晚陳盛林終于搵我..我好開心..因爲佢打咗好多個電話比我..開頭我唔知,冇接到..雖然佢知道咁樣會扣佢錢,但佢都有不斷咁打,嗰下我真係好開心..

not ready.同佢傾咗二十幾分鐘,stephen.以爲我跌咗攞厠所..哈哈..哎..我唔開心..原來佢冇開電話三日真係出咗事..好出奇我冇好down,因爲我已經唔識比反應..

---------------------------------------------------------------------------------------------------------------------------------------------------------------------------------------

2009.10.24 星期六 天氣 晴

今日十點幾起身,搞咗一陣早餐都冇食就出咗去..其實我都已經遲咗少少出門口..跟住唔知點解勁塞車..由差唔多到黑山就開始塞,塞到中四..癡咗綫..

嘉欣仲死,十二點先起身..嗰陣可瑜已經到咗啦..哈哈哈..等死佢..結果我遲到35分鐘..嘉欣遲到53分鐘..我哋今日嘅根據地竟然係英雄..哎!!又kfc..救命!!

去到見到嵩竹同程志文..嵩竹見到就唔出奇,但程志文今日赱嚟做支援..哎..兩個我都冇嘢同佢哋講嘅..佢哋仲要都分別坐過過嚟同我哋傾計,真係好embarrass.咯!!

因爲有人打搞嘅關係,我哋冇咩點傾到計..最記得有一個打賭..廖小姐同林先生三個月內會唔會散..其實廖小姐真係冇咩出色,但鍾意一個人就係咁泇啦..哎!!希望佢哋冇事..

今日我一句都冇提過陳先生..係唔係代表佢唔再重要?!..佢哋最有興趣聽max..但要佢哋失望,因爲真係得好少..哈哈哈..但我已經實現咗之前嘅承諾..

有個小爆點..嘉欣遲到,要買嘢飲..當佢話佢買咗果粒橙之後我同可瑜都勁大反應..我話唔飲橙味嘅嘢,可瑜話佢唔食粥..好綵後來見到係西柚,而且唔係太杰我哋都接受咗..

四點去恆寶匯合clovis.一齊脩甲..我第一次脩甲咋..係ok.多步驟,但係點解咁快做完嘅?!覺得好似比人厄咗咁..而且我哋都衰但貪心,塗咗兩層,唔好睇!!

行街,但冇咩心機睇..睇啱咗一件泇,但係又係冇顔色..睇啱有顔色嘅,又貴到飛起..頂伱~而傢背心都仲要百幾蚊..哎..最後好灰溜溜咁去食嘢..

食嘢排隊又N耐,其實睇見佢d.材料同煮嘢嘅過程我都有d.唔想食..結果我真係覺得佢唔好食咯!!碗雲吞面我食曬d.雲吞食多幾條面就冇食啦..真係嘥嘢..哎!!

最後翻工..好綵冇遲到..一翻到公司就話part-time.要開會..原來係話我哋d not ready.時間太長..初時我以爲係因爲我琴晚嗰個電話,好綵wilson.冇話我..

今晚异常哋少call..開頭個半鐘我都極度得閑..同cherish.喺度傾計..我以爲今晚係中秋呀..衰在wilson.喺度,唔比玩手機..煩煩煩..

不過今晚都幾開心..坐翻mac.哥隔離..又有得傾計..可惜stephen.遠咗少少..但佢都會過嚟吹下水..alex.又係..真係好歡咯..晚晚都係咁就正啦!!

但其實都有少少無奈..我對面嗰個係亞lee..佢死問我覺得亞g.點,連tammy.都講埋一份..真係..哎!!冇嘢好講,點解突然間今晚會咁嘅?!!!之前都冇人講過..

跟住亞Sam.又有翻,stephen.又叫我哋去食宵夜..哇~我招架唔嚟泇喎..

雖然我唔知佢哋講真定講假,雖然我有少少無奈..但我嗰個moment.係開心嘅..不過可惜,都唔係我想要嘅!!

我生日絕對有人陪,絕對有蛋糕食,絕對有禮物收..但問題,係唔係我想要嘅呢?!其實我想要嘅嘢好簡單,真係好簡單,但嗰個人永遠都唔知..什麽都比我重要就是了..

2009.10.14 星期三 天氣 晴

今日翻到去上財管呀!!好奇迹呀!!不過好不幸,我第二節嗰陣諗住恰下,點知訓到落課..我唔製呀!!唔知有冇miss.乜嘢呢!!

之後翻咗屋企立即訓覺..太太太眼訓啦..之後起身,唔記得搞咗乜..可能補翻下d.日記掛..而傢連寫日記都冇時間呀,陰功..下個月,我一定唔會比自己咁忙..死wilson!!

夜晚翻工..好掛住clovis.呀..成日都唔見佢..雖然今晚cherish.有翻,但我哋就比人隔開咗咯!!而傢多咗好多全職呀,搞到我哋條line.都比人踩場..哎..煩煩煩..

最重要嘅係,多咗全職,我哋d call.都冇少到..我今晚接咗差唔多50個call.呀..癡綫泇!!點解死人和記d.嘢咁差泇?!!!成日都唔得..煩煩煩..

落班過咗12點,打比陳盛林..頂~佢真係冇錢扣月租..我搵佢唔到 我搵佢唔到 我搵佢唔到..點算呀..佢都唔會搵我嘅,我想攞翻部9010去香港呀!!!

-----------------------------------------------------------------------------------------------------------------------------------------------------------------------------------------------------

2009.10.15 星期四 天氣 晴

對唔住,我今日冇翻學..喺屋企上q,同老陳商量好去香港嘅嘢..終于傾好,起碼知道要做乜嘢..唔使咁迷惘..

跟住下午本來想去剪髮,都係冇去到..然後就翻公司請假,跟住匯合老陳同旅行社訂票..夜場喺海洋公園個網度睇係280,我哋訂係218..平咗..yeah~

想去出糧,點知未有糧出..跟住就同阿韻行街..買咗兩件衫,一條褲,一條裙..不過全部未著得!!頂~咁我生日著乜呀?!救命呀..點解我買嗰陣唔睇清楚?!!

最後就梗係翻工啦..坐咗part-time.條line..joe.坐喺supervisor.條line..好綵避開咗佢..點知clovis.赱咗之後佢坐咗過嚟..癡綫,好煩呀!!

我成晚都用個背脊對住佢,佢都冇同我講嘢..好綵..而且都比較忙..哎..成日都爆call..癡綫..琴晚連powercom.都要我哋接埋,真係攞命..

2009.10.12 星期一 天氣晴

今日冇翻學校..喺屋企訓覺..起身之後睇咗<竊聽風雲>,爾冬升嘅電影果然正..可能因爲我終于daniel.同古天樂啦..哈..不過古天樂嗰part.好慘呀..點解會咁泇..哎!!

琴晚冇咩心情.睇咗<大內密探零零狗>..一般好笑啦..笑片嚟講就唔好笑泇啦..不過我都係終于古天樂..哈..大S呢出戲個樣唔得啦..其他演員除咗吳君如都唔好提啦..哎..

跟住翻工..差d.遲到..clovis.好衰,唔坐我隔離陪我坐..不過我哋就對住坐,成日企起身傾計..哈哈..今晚係亞ron.就唔使驚,而且八點半之前都好靜..

但係八點半之後就不斷有暗湧..爆又唔算好爆,但久唔久就有電話咁咯~傾計都傾得唔安樂..

我哋喺度討論去香港買乜嘢..哈哈..佢仲緊張過我咁..跟住仲傾咗好多嘢..呢排同佢幾啱傾..哈..雖然我大佢一年,但完全唔覺咯~人哋意味我哋一樣大,甚至佢大d..哈哈..

佢話成日見到蘇州屎望我,所以成日提示我,叫我坐翻低..哎..好翻呀..點解會咁泇?!我想要桃花,但唔係要呢d.呀..clovis.話我而傢咁多呢d.嘢,就唔應該買粉晶,但我想要呀!!

11點之後就接call.接到氣都抖唔到咯..癡綫,點解會咁泇..和記真係差呀,成日都上唔到網嘅,好心d.人就打上嚟話要cut.合約啦,等我轉去cs.啦..

 ------------------------------------------------------------------------------------------------------------------------------------------------------------------------------------------------------

2009.10.13 星期二 天氣 晴

今日有翻學..跟住..唔記得曬d.嘢啦..

夜晚上選修..竟然話要考試!!sh1ttttt..我,六歲,林莉都冇書..我簡直靜係得手機,乜都要問人借..癡綫泇!!

我哋坐咗半個鐘,都唔知點算..好綵後來前邊嗰幾個人好,借答案比我哋抄..跟住林莉又抄佢隔離嗰個本書,我哋互相交換答案..全部都一樣..哈哈哈..激死個老師..

搞到成九點先翻屋企..本來我諗住八點就赱泇啦嘛..哎..跟住又唔記得啦..失憶啦..

夜晚打電話比陳盛林..媽的,終于搵到佢..靠!!佢都未sure.幾時翻嚟..不過最遲都係星期日泇啦..仲要話翻嚟第二時間先搵我..天ah~點解我會同個咁嘅人一齊?!我想死!!

2009.10.07 星期三 天氣晴

今日喺屋企訓覺,然後翻工..冇咩特別嘢發生..end

------------------------------------------------------------------------------------------------------------------------------------------------------------------------------------

2009.10.08 星期四 天氣 晴

今日兩點幾出門口,諗住去銀行攞翻個密碼,點知搭咗部開得好慢好慢嘅17,去到銀行都已經3點半,銀行關咗啦!!係~其實係我遲咗出門口..

跟住同媽咪搭車去萬佳買嘢,真係搵嚟混泇,早知頭先直接搭196去萬佳,慳時間,慳車錢..

因爲有目標,所以好快就買好曬嘢..死啦~而傢d.沖涼液同洗頭水幾時變得咁貴泇?!我計嚟計去,已經慳住買,都15x.埋單..哎~超曬支咯!!

跟住就去五月花匯合凌先生..又係pizza.咯..頂~原來下午茶餐係到5點,跟住就8點打後先再有..咁就唯有食嘢咯..想食pizza.泇,不過又好似太飽..

結果我哋要咗三個小食同兩杯嘢飲,先係75蚊,唔貴咯!!不過嘢食都係我食多..哈哈..因爲凌先生仲有下場咯..佢就好啦,去食夀司..我都好想食aaaa..

最後翻工,唔記得有乜嘢特別嘢發生啦..好似都係咁..

-------------------------------------------------------------------------------------------------------------------------------------------------------------------------------

2009.10.09 星期五 天氣晴

今日要上課啦..我梗係有翻去啦,不過就遲到咯~又係全世界估我唔翻..我翻到去,見到課室得好少人真係覺得自己翻去有d.傻,我眼訓到爆呀!!

文管今日個老師講産品同服務,講P&G..算係唔悶嘅一堂課..其實我覺得呢個學期d.課還好吧,我鍾意財管同國際商務,但而傢覺得文管都唔錯..

中午去咗亞鴨宿舍吹水..我本來諗住即刻補眠泇嘛..不過冇理由去一去就赱..而且亞鴨叫我哋陪佢食飯..哇~我呢個學期第一次喺學校飯堂食飯!!

然後例牌圖書館訓覺..我本來想做國際商務份卷,不過搵唔到咯!!救命..到底而傢講到邊?!仲有財務份卷,我冇書我都唔識做,不過有書都未必識..哈哈..

下午國際商務喺度演講咯!!早知我唔帶書啦,重到死!!我哋嗰組又係大馬搞掂,其實真係有d.唔好意思..我都未幫過手,次次都要叨佢哋嘅光,希望唔好再有小組作業啦..

例牌又係翻工啦..我去咗旅行社問咗下去香港兩日嘅價錢,來回車費130,酒店大概400..哎~冇拉拉又要比多200出嚟..頂~有d.後悔應承同老陳去添..

翻到公司就叫allen.幫手搵張A4紙比我,寫咗少少嘢比cherish,跟住叫其他同事都寫d..winson.八八掛掛咁赱過嚟睇..其實我唔比佢寫好似有d.唔好意思,但.......

太可惜啦~今日stephen,alex,mac.都冇翻..kim.去食飯又食鬼咁耐,搞到我比咗張嘢cherish.佢先翻,要cherish.自己問佢攞"生日快樂"..

------------------------------------------------------------------------------------------------------------------------------------------------------------------------------------------------

2009.10.10 星期六 天氣晴

今日又要翻學,我繼續遲到..財管我聽完,都好似唔係好明,點解老師講嘅嘢同書嘅唔同嘅?!哎..我而傢靜係知道佢要我點做,唔知點解要咁做,都唔知嗰個結果係乜嘢..

上英文寫作好冇心機聽,上飛信見到黃嘉偉,咁咪撩下佢咯~點知佢係黃嘉偉嘅同學..哈~佢出爛gag.考我,我全部聽過..跟住傾傾下訓著咗..zzzZZ

呢堂課juliet.發曬脾氣,唔係話真係發出嚟,但我知道佢嬲我哋掛住傾計唔聽課..特別係我哋2班嘅人..哎~隨便啦..到時我再一次過補翻,不過唔知到幾時遮..

中午翻屋企洗頭,跟住搞咗下blog. d.相掛,跟住<娛樂百分百>..好搞笑呀,點解aaron.會咁嘅?!真係一d.都唔似佢!!好可愛又冇架子..good..小猪好靚仔!!小鬼好搞笑!!

然後就陪clovis.行越富..係我錯,遲咗出門口..出去嗰陣都4點4..我約佢4點9..其實順車嘅話我係趕到泇,點知勁塞車..去到已經5點2啦..等死佢咯!!

今日嘅目標係袋袋袋..佢睇啱嗰個幾好呀,又唔貴..78,仲話可以平..我睇啱兩個,60嗰個就真係唔值啦..139嗰個我幾鍾意,但係貴咯,我窮呀~努力搵替代品!!

去咗綠陸度食嘢..頂~我以爲係乜嘢新嘢,點知原來都仲係生活意味,早知我哋去食牛筋丸面啦!!咁就比人欺騙咗30大元..我d.錢呀..555~

搭地鐵啱啱好趕到翻去,而且今晚係stephen,冇事..好煩..本來我食飯嗰陣就同clovis.講過亞joe,點知一翻到去,佢就坐過嚟我哋supervisor.條line..救命aaaa!!

clovis.話佢係我惹翻嚟嘅蘇州屎,我都唔想惹佢翻嚟泇..癡綫泇..好煩呀~所以成晚我哋都比說話佢聽,我死講我同陳盛林點點點..話比佢知,其實我有男朋友!!

跟住又同stephen.吹水..佢個frd.今日嚟咗面試啦..等兼職度有位佢就可以入嚟啦..興奮..哈哈哈..死啦,如果佢令我好失望咁點算?!希望唔好啦..

最搞笑係佢話亞sam.哥仔對我念念不忘..明明就幾晚見到佢,佢都冇同我打招呼..好想得閑再同大家一齊宵夜呀..或者出去玩都好..因爲我時日無多啦..

-------------------------------------------------------------------------------------------------------------------------------------------------------------------

2009.10.11 星期日 天氣晴

今日休息,訓到10點左右就起身,幫clovis.同凌先生搵咗佢哋想要嘅網站,跟住上多陣q.就出門口啦..去美景食飯..點知去到車站先發覺冇帶身份證..sh1tttt..

好綵之後出翻去好快就有車,仲開得好快,但我去到都已經十二點半..等車嗰陣見到27呀,佢喺部527嗰度yup.咗下我..點解我咁犀利會冇拉拉望下部車嘅?!!

唔開心咯!!去到見到我面前靜係一碟芥菜,明知我都唔食嘅..跟住d.餸我都一般鍾意..哎..可能嗰陣心情煩躁啦,所以成餐飯都黑面..

食完飯就急急脚赱人,去銀行攞密碼..1點半上車,個司機開得好慢好慢好慢呀,我好想死..極度想落車轉車咯,不過最後我都冇..好綵趕到~

終于攞翻個密碼啦..本來仲約咗老陳行街,點知佢話佢今日唔出嚟..仲話之前同我講咗,但我冇復佢..靠..咁咪證明我收唔到咯!!佢唔可以再搵多我一次嘅!!

本來想去剪髮,因爲我猶豫緊,所以都係冇去剪髮就翻咗屋企..啱翻到去,亞韻竟然打電話問我出唔出去行街..頂~早d.搵我咪好咯..

不過今日都好嘅,兩餐飯都係成家人一齊食,好難得呀..終于有時間陪下屋企人啦..