2009-01-30

今日11點幾就出左去拜年,拜到3點幾就走

之後去左愉景>綠楊>三聯>南豐>中聯>路德圍>千色店>吉之島睇下有冇紀念冊賣

其實我都睇過好多種紀念冊,

但唔知係咪因為我眼光太獨特,

一直都搵唔到岩心水既紀念冊

因為我又唔想同人撞,又想特別d

次次見到唔錯既都唔買住,睇下有冇其他更好既

之前去過旺角搵,點知都係搵唔到岩

反而係妙妙搵到岩=v=

行晒成個綠楊,一本好既都冇,即使有好既都係日文既=0=

之後去三聯同中聯,又係個幾種款

南豐直程一本紀念冊都冇

所以去左路德圍唯一一間精品店睇

一開始都覺得幾好,因為有d款比較特別,e.g芝麻街

不過我仍然好堅決唔買住=-=

其實某程度上,我都覺得我幾煩下..-0-

揀黎揀去都揀唔到,我仲擔心冇紀念冊呢個問題擔心左成半個假期

之後去左千色店睇,一樓全部都係賣衫咁濟

所以就去左二樓睇,

行行下,竟然見到亮怡係我前面

估唔到咁都撞到熟人

實在太好,因為我地既目標一致--都係搵紀念冊*V*

所以就一齊行

不過行完千色店都覺得冇乜心水

跟住就去左吉之島

其實我都諗住如果再搵唔到就是但要本

因為之前我都行過吉之島,都搵唔到岩

不過今次竟然搵到岩我心水T^T

仲要平到嚇死人,原價$29.9,而家竟然$8.9!!底到爛$v$

哈哈,原來$20兩本既campus notebook都只係$18

即係$9本,仲平過大眾牌$11一本既notebook

唔知係咪因為新年關係,所以大特價

好多野都9折,但唔知點解個本紀念冊特別平

今日真開心,不但買到岩心水既紀念冊,仲要咁平

而且亮怡都買到岩心水既紀念冊,

真好,以後唔洗再煩紀念冊既問題啦

唔洗日日夜夜都擔心呢個問題