2-2-2009

一d好日都唔搵我既人,成日都係d我好唔得閒既日子黎搵我

今日,正當我做緊煩人既i-learner既時候,

某f.4無啦啦打比我問我得唔得閒

之後就強迫我幫佢做i-learner

其實我都好懷疑竟然佢問我得唔得閒既重要性

佢根本唔洗問我得唔得閒,因為佢一定要我幫佢做

我發覺我係一個唔擅於拒絕人既人

通常一叫到我幫,我話唔幫,而佢又死叫我幫既時候,

我就會好容易被屈服

唉..點解d人總係我好唔得閒既時候,搵我做一d好晒時間既事?

點解佢地唔好好體諒下我?

我都有好多野要做架!我中五架啦,唔似中一至中三d細路咁得閒

我日日都有好多野想做,但做唔晒

點解你唔好好諗下人地想唔想幫你做?

我唔幫你做,你又話我衰,唔係朋友,絕

但你有冇諗過係你忙或所謂會好遲返屋企既同時,我係度做緊乜?

我知我唔算係一個好勤力既人,成日都偷懶,上網,

但我知我要努力,所以玩一陣就諗住溫書

當我諗住快d做完我自己既i-learner既時候,

就比你突如其來既電話打亂晒我既行程

我發覺做人真係幾辛苦

唉..我而家懶到咁,我驚我冇能力升原校中六...