今朝開始凍啦．．著左件外套返學！！第一堂英文係度作文．．只係
作１００字．．所以好快地作完了．．之後兩堂文學係度玩咁制．．
係度篤死穴．．當我玩得好開心既時候．．被我睇到個訊息．．即時
無心情玩落去．．點解次次都係咁架？？？勁唔開心！！！
之後果幾堂都無乜心機上．．諗左好多野．．終於係西史堂作左個決
定．．今次我唔會再後悔．．放學後中史取消補課．．好快地返到屋企！！

我打左咁多次電話比你．．估唔到你一次都唔聽．．到我打去你屋企先
至肯聽．．係你聽唔到電話響定係你唔想聽我電話？？？我依家唔會再
計較啦．．我發覺原來我地大家越黎越遠．．你諗緊ｄ野我根本一ｄ都
唔清楚．．因為你根本都唔會同我講有關於你既野．．我覺得咁樣好無
意思！！！你以前會成日打比我或許ｓｄ訊息．．但係依家呢？？一個
月傾電話既時間加埋都唔知有無一個鐘．．你依家係有事先會打電話比
我．．無事既話理都無理過我．．咁樣仲算拍拖咩？？我無怪過你你一
個星期只陪得我果幾個鐘．．但係我唔想次次你放假都要去你屋企．．
同你屋企人一齊過．．幾次就無乜所謂．．但使唔使個個禮拜都係咁啊．．
變左兩個人相處時間無左．．我唔想咁啊！！依家既我就好似無拍拖咁．．
有咩節日或假期都好．．就連生日都係自己一個人過．．所以我決定哩
一段時間比我自己諗清楚．．唔會再見面．．到我考完ｍｏｃｋ或會考
先至再決定．．我都好想你自己諗清楚我究竟係你心目中重唔重要！！