今日朗誦試誦~個個表現都唔錯~諗緊自己點算好~背都未背過~下個星期二上台就口啞啞了~中文堂討論下人生既不同事物~每個人都要排次序~12種事物要揀5個去排次序~包括有A.健康 B.金錢 C.愛 D.名利 E.權力 F.親情 G.朋友 H.快樂 I.事業 J.知足 K.知識 L.美貌...我就揀左健康>朋友>快樂>知識>親情...次序唔係記得太清楚~不過我係揀左呢幾樣~我個人認為~冇健康就乜都冇得講~想做咩事都力不從心~所以我諗都冇諗就揀左健康為第一~跟住其他d次序我唔記得了~有d人揀左''愛''係好前既位置...我唔知點解佢地會揀呢樣~可能係我唔揀既關係~所以覺得佢地好怪^^"...唔知你地又會點揀呢?

夜晚在宿舍討論一下一個人既去留~意思即係留唔留個宿生係大仔房度住~我不嬲都對呢位小朋友無咩好感~一早想佢走~我係咁衰仔架喇~唔會比機會人~比都要睇下有冇價值~方你唔會一個月之或者一個星期打回原形~未投之前個個都覺得佢係衰仔一名~好多人都唔支持佢~未投之前本身個個都有自己的一套~不過佢地個個都比d大人說服了~話比次機會佢~又話我地做錯野都會比機會咁~令到好多人都投返佢留既一票~我一個人有3票~但係都影響唔到個結果~佢地話一個月之後再投過喎..我話佢地一個月之後一定唔記得~因為呢d野..好快可以忘記~話唔定佢之後真係好乖仔~唔洗再咩決定去定留~唉~就係咁~佢繼續住係度~唔知係咪好事~明天的事無人能預計~聽天由命吧~^^"