很久沒有放假了~感覺和以前一樣..都是不捨得返學的日子~心情確實有d矛盾~因為又想返學,又想放假~不過假始終都要放..享受放假的日子吧^^

今日依舊一早返學...好期待四社的比賽~我只係負責初小組....幫手整野~剪剪剪貼貼貼~重覆地做同一樣野~天氣又涼~又累又凍喔~~最後用左一個鐘頭就做完了~效果唔係咁好~因為原先我地個概念唔係咁樣既~因為犯左規...做多左d野~所以比人foul左個木架..扣左分>.<~好彩最尾都完成哂~做完之後..睇下其他社做成點樣~一睇郡社就知道win硬~因為佢地做得勁似~尤其係扮香蕉果個...十分可愛呢~我十分佩服~話哂都係阿sir design喎~確實有點保證既~

所有社都完成哂...等出場表演了~個個社都好希望自己個社有獎攞~我就唔係咁討好了~因為我地果個做得都唔係太似~同有d求奇~design呢d野~真係唔岩雅社做~因為個社冇咩teacher係有好creative的~馬馬虎虎便了事~不過都唔可以全部責任都推係老師身上~鬼叫自己唔比d意見~淨係聽人地講~下次醒目d吧~雅社!!!

到左宣佈比賽成績了~好緊張喔>.<~唔知自己個社點呢@@?結果3項都有獎~分別係一個冠軍,一個亞軍,一個季軍~最估唔到係初小果組都有第3名-0-"...莫名其妙~其實我認為..英社更加有資格攞第3~因為佢地果個比我地果個有創意...d同學又做得幾搞笑~都唔知人地點評分的~不過..唔緊要啦~咁都執到個第三!lucky>.<v...始於其他項目~其實我都冇咩點留意了...高小組係我最蒙查查既一part~因為之前我開會都係開初小組~高小果個完完全全忽略了~由頭到尾都唔知佢地搞左d咩~最後果個作品連睇都未睇過...唔知好成點...係咪真係咁值得拎冠軍~?十分好奇呢~中學組cooking~都幾有信心架~話哂佢地煮野都唔會差得去邊掛~最後都有亞軍~very good~

見到自己個社3項都有攞獎..真係hapi>.<~雖然我冇理其他組既野~但係都有3個獎~郡社就慘了~只有一個冠軍~佢地仲係好落力果種~我真係一世夠運~希望個運氣會繼續keep住啦>.<

食野果part~冇買其他野食~我地實在太精明~如果買左其他野就會很浪費了~見到其他班買左好多野又食唔哂果種感覺~真係好無奈~所謂眼闊肚窄~話就話食得哂~最後都係食唔哂~唉~~!食完都差唔多放學了~

唔知點解今年既聯歡會過得特別快~係咪因為要搞果d咩比賽所以令到時間短左?玩完之後都差唔多走了~連食既時間都唔夠~連見多女朋友幾面都唔得喔~激死了>.<~1點幾返到宿舍...睇下聖誕咭~收到3張~睇完都忍唔住笑出黎^^"~

夜晚10點返屋企~原本去食排骨菜飯的~不過因為冬至關係所以唔開鋪~之後就去食日本野~不過咸到死~=0=

屋企隻狗多左個新朋友~不過隻狗好似唔係咁鍾意佢~parent話原本想搵個''朋友''幫佢解悶~最後揀左龜~根據幼稚園的常識~烏龜點可以同狗做朋友~?你估童話故事咩~屋企人真係多錢到咁~我隻狗不停係咁攻擊隻龜~以為佢係咩玩具...係咁捉住佢,用手抓佢~嚇到隻龜走都走唔切~^^"