06年...友情兩字....已經漸漸消失了~唔知道原因係咩~可能大家都成長了~話題已經不同~Dickson同阿榮算係最好傾既人~但係佢地兩個都要顧住另一半~想抽時間去同佢地傾計都冇...(好似好誇張咁..不過我係咁諗的~-.-)..同其他人傾..又格格不入~

5月3號...一早起身~依舊地換衫返學...點知...突然之間~聽到有人話阿飛出左事~佢暈左..叫極佢都冇反應...睇住醫護人員救佢果個過程~真係好驚....結果夜晚7點幾...佢係ICU度離去了~宿舍既人知道左之後當然係唔開心...每個人都好傷心~諗番起以前同佢一齊玩既時候...真的很hapi~佢既聲音...言行舉止都在我腦裡..永不磨滅~

延遲左差不多半年既搬宿舍計劃...終於係7月20日順順利利咁搬好了~第一日住既感覺係亂+窄~不過好處就係集中~一眼就可以見到哂d人~又有一d獨立房~有時想一個人靜下or做功課都方便好多~環境方面...住7樓~一眼望出去~風景都算唔錯~夏天唔會覺得熱~因為有風吹下...以前個宿舍夏天既時候熱到死...依家唔洗怕了^^"

在宿舍還是繼續擔當了所謂的''房長''一職~依家個個人都睇我做野~我話咩...佢地就做咩~在佢地既眼中~我係一個好榜樣~我一舉手一投足都影響到佢地~所以要好小心...唔可以比壞印象佢地~想知房長點解係我..唔係Dickson?主要係因為果時投票既時候~我多票過佢..同埋我比人感覺比Dickson好~仲有佢地話我教d宿生教得幾好..好少好惡咁對佢地~~而我處事既方針就係以和為貴~唔好搞大件事~雙方都冇事咁就ok了~(唔係我自誇的~宿舍d人係咁講架~>.<)而Dickson就係果種..你唔聽我話就要搞到你聽果種~好多時用暴力解決添..(我唔係吹衰佢..佢事實係咁)~見到d衰仔因為自己而變乖仔...確實很開心喔>.<~講到自己好似好偉大咁...不過呢d野確實唔可以否認喔^^"