今日好緊張喔~事關第一次同同學去街~呵~估唔到今個暑假會咁幸運地比eason約到呢@@~!

今日特別早醒~因為想快d等到夠鐘..出街呢~上一陣網~無幾耐就到12點了~飛快咁換左衫...預備好出街要帶既野~阿媽仲比左100蚊我擲袋~以便不時之需-0-"

12點30分出發~媽咪咁岩又要出街...所以一齊行~佢話我咁大個仔都未試過自己出去九龍~有d唔放心~所以佢決定回程既時候接我返屋企~去就自己去~原來去apm只係搭一程車就ok~唔講真係唔知呢@@"..

等左10分鐘..班車就到喇~媽媽都係唔放心..叫個司機提我落車~哈..真係幾搞笑~以為我3歲細路-0-"

係車到悶悶地...打鋪機..打左一鋪就冇打~因為輸左比電腦-3-"...差不多到左觀塘既時候~本應係創紀之城果度落既...但係好似唔係果頭~之後搭搭下好似越行越遠咁..最後係翠屏道落~發覺自己係落錯車~..大件事-0-...諗諗下~翠屏道好似同apm差好遠喎~之後周圍行下睇下見唔見到apm的物體...點知都係冇...淨係知道果頭好近雅麗珊學校囉^^"~eason又勁打比我...我話係翠屏道..佢話邊到黎-3-"...搞笑..我周圍行..都幾亂下...一路聽住電話..一路搵路~天氣又熱~最後決定...搭taxi~都搵左一陣架...好快就到了~15蚊..豪比佢啦~心諗唔洗找5蚊比我喇~-0-""

之後就打比easo話到左的士站~G樓...即刻上電梯去商場...之後佢又打黎話唔見我...我話係G樓..我話係的士站搭電梯一直上果邊~之後又話比佢知係元氣壽司果度~跟住佢話知係邊喇....

冇幾耐就見到佢lu~佢第一句就話:你錯喇...呢度係C..唔係G~哈..係喎...睇錯野-0-"....原來我係第二個到...佢地班女仔竟然仲未到.遲過我-3-"so late~同eason一路傾計一路等佢地~冇辦法啦~男仔等女仔係天經地意既事~呵~

佢地到左之後即刻去11樓~個lift真係焗到死~無耐地講一句:呢到真係涼-3-"...~笑死佢地~不過之後又係要等...仲諗住一上到去就有房~呆等著....上到房~冇人郁手~個個都話要我唱先..不過我唔識用個remote control~開頭eason揀-3-"~第一首童夢~幾好feel~haha~勁多方力申既歌~無奈~富士山下唱唱下轉channel~國語~幾好笑~今日狀態不好~好多歌都唱得好難聽=3=~"

唱完都5點幾lu~去睇戲~唔知仲咩Amy Cry~"..無奈~不能說的秘密~套戲其實都大概知講咩~不過親身去睇當然唔同啦~成套戲都幾好~集音樂+愛情+科幻於一身既戲~故事鋪排精彩~故事緊張~估唔到結局係咁~尤其鍾意桂綸鎂既角色 - 路小雨~桂綸鎂好有氣質呢~完全入哂戲~睇完套戲之後~真的蠻喜歡她呢><~

睇完戲都7點幾lu~去food court食飯~不過唔知食咩好~佢地班女仔就去左書局附近傾計~我地搵到位就坐定定打機~不過有輸冇贏~慘-3-"..今日打機的狀態..一樣咁差~唔緊要~志在參與~!~求其要左個飯~不過勁多青豆...搞錯><~~頂唔順~唯有盡量揀哂佢出黎~佢地叫我唔好揀飲擇食~無奈-3-"~之後佢地送禮物比我~Creamy果份好大份咁~唔知係咩呢@@"...佢話返屋企先睇得~古古怪怪咁~9點媽咪打黎話就黎要走~我叫佢過黎呢邊~介紹d同學佢識~呵...佢仲請佢地食donut~呵~不過一睇就知勁甜~怕怕~!9點幾返屋企lu~sister and mother接~今日玩得幾開心><~!難忘

返到屋企..差不多11點~拆禮物~eason送薯片~雖然怪怪地...不過我至愛><v..何況佢都請左我唱k+睇戲~真係多謝哂佢呢~!

Creamy送左個school bag~嘩~好細心喔..個書包又型~超鍾意>3<~女仔果然細心d^^"~佢開頭話諗住買波衫~嘩...好彩冇買到~因為我大把喇~唔想要了~另外...Clara就送左一枝筆~呵~都幾靚~很累~不過2點幾訓~等埋阿哥~!

P.S 睇完Creamy張咭~又有d唔開心....唉~算啦~過左去喇~要努力地忘記佢先得~+.+