無啦啦尋晚突然間宣佈停課~真係喜出望外~對上果次停課係沙士了~放到31號..提早左放假...唔知好定唔好喇~

會考溫習時間縮短哂~超唔著數...31號要考番未考完既考...之後對卷對到14號..先至有一個星期溫書...大佬..一個星期...同半個月係差天共地呢...仲之就激氣啦(雖然我溫唔溫都係咁...不過多d時間都好架嘛)

不過又唔怪得周一嶽先生既...流感搞到個個學生都好易中招(包括我自己在內)...唔停課只會比d家長係咁鬧..但係一停就會話太過突然~真係兩頭唔到岸~d家長仲話仲咩唔早d通知停課...大佬..人地一個決定要兼顧好多因素架嘛~又要開會..又要諗下你地班家長既反應..唔係話停就停架~10點幾先宣佈係遲左d~仲好過晨咁早宣佈...仲傻下傻下咁返學...

大家要知道..我病係因為人地傳染...我唔係賴人...係宿舍有條友病左..咳到肺勞咁...勁流鼻水..又多痰..都仲堅持唔睇醫生...話咩比賽唔可以唔返學..大佬...你理下人感受好冇呀...流感高峰期都仲唔戴口罩+睇醫生...想點呀你?所以我就係比呢條友傳染左喇...多得佢唔少....