已病了三天~星期日晚上到急症室看醫生..他說我只是流感...很平常的事~我說我發高燒38.4度呢..他還是堅持說沒有問題的...總之很平常喇~為何這個醫生會這麼肯定沒問題?奇怪~

今天是第三天沒上學了~很害怕考中史~三本書都不知可以怎溫得熟...幸好生病..遲一點考都沒所謂...原本今日補考..可惜今早又發燒了...無法上學...希望可以下星期一才補考吧..現在已經康復了點...最少沒像昨天咳得那麼厲害~鼻水也收了一點

明天可以上學吧~"..希望如此....

P.S 歌詞還在構思中...用隔世追兇做歌名~好像難了點..希望可以趕及出歌吧~!

已經完成頭一個星期的mock exam~可以用見步行步來形容~溫書..我是有的...用多少小時溫同考果陣識答幾多..係兩回事...

係咪真係溫得唔夠熟?定係自己根本連個基礎都未掌握到?好煩~每日只係想盡最大努力去完成每一份卷...其他既..我冇去諗

日日都溫到好夜~搞到自己冇精神考試...今日先有時間好好抖下..明天繼續搏殺~

會考...越黎越感到恐懼~怕自己不能取得好成績~唉...只怪自己冇好好打好基礎了~咬緊牙關衝過去吧~!

已經很久沒有寫日記了~記得對上一次寫係07年10月的~那時還未開始接觸改歌詞..只見別人改得那麼好...自己便不自量力地去試試寫..怎料效果是這麼差勁...不過我還是很喜歡每一個作品~尤其得到別人支持及讚賞的詞~回想之前放了很多時間在歌詞身上..令自己專注這方面多於學業~現在是時候清醒吧~!

快要考mock了...壓力不其然地增加了~成績我是在乎的..但能力範圍只有這樣...我深信盡了力便可勝於一切~但...我付出了多少?每天都做著同樣事情(當然是玩)...溫習的時間可說是少之有少....現在溫習還來得切嗎?會考5科合格說來很容易...但我會否連這個最低要求都沒有~?5科合格都沒有的話..那我可以怎樣?可笑是我沒有什麼特別興趣...就算有..都不可作為工作吧

想報讀ive眼鏡配鏡的課程~做視光師~很來很有出路~但不被取錄又會怎樣?很多問題在腦中...重覆地問...

P.S 朋友 請給我一些建議~應往那方面發展?讀什麼課程

年初一都是一般人會做的事~就是不斷地對著對方說恭喜發財~在家hea..直至12點...之後便開始賭檔round 1..打麻雀~其實我都唔係好識打~可以話基本功都冇~不過同阿哥一齊玩都幾搞笑...我同阿哥一pair...之後爸爸,公公,婆婆各自打...2個腦對3個人...5個人玩~好笑既係..都食左兩次糊呀~haha~冇辦法..我們太厲害了...之後逐個親戚都黎左我屋企等食晚飯~未食之前...成班年青人圍埋一齊~都係一樣野 - 打機...打個你死我活...當然我也有參與呢~!

夜晚食盤菜...個盤真係大到阿媽都唔認得...好似都要成900幾蚊~你唔好以為就咁一個盤菜就夠食~事關親戚+我屋企人...總共20幾個人~要叫多兩個pizza先勉強夠..一大班人堆埋係客廳度食~你都咪話唔迫...想行步路都勉強~誇張...食完之後又黎開賭檔..魚蝦蟹..一賠一那種~唔知大家有冇聽過呢?因為太難中的關係..所以放棄玩~...之後便3公了~有斬獲~賺左10幾蚊~haha(阿媽成日都攞100蚊去賠~睇見都驚..好彩佢冇賺冇蝕...咁都好d..如果唔係喊都冇謂)

再夜d玩Uno attack~即使一個機..按個掣就會彈d牌出黎果隻~都幾好玩架~不過就好易輸~玩完都12點幾lu~個個親戚都要走...初一就係咁過喇~唔知大家又有咩特別呢?

P.S 年初一祝大家身體健康吧<---我個人認為健康比什麼都來得重要~無論你有多少身家..沒有健康..有幾多錢都係無用~最寶貴的財富~

今日同媽媽出街...可以話係第一...因為平時都唔會同佢一齊出...今次都幾特別

一早出大埔...唔知阿媽去銀行做d咩~可能係基金果類野掛...係銀行裡面等佢等左成15分鐘...周圍睇下野...

之後就去食野...媽媽食魚蛋粉..我食我的至愛墨丸河~簡鋪超多人...食完都急急腳走人...因為大把人等住要食~

之後就飛去沙田新城市...原本去又一城既...不過佢話去沙田好d喎..因為果邊有佢想買既野...都好呀~沙田又可以見下阿哥~

西田買左兩件衫....好少買黃色既衫...特別~^^"...之後行去阿哥間鋪度望下佢係唔係度...見佢跑得咁快..本身想追佢既...不過費事喇...佢原來係去左第二間鋪攞鞋...嘩...真係好落力咁喎...我諗佢一日都唔知跑左幾多次...所以先咁瘦吧@@"

之後無啦啦阿媽話想飲coffee...於是就去左仙跡岩度飲...第一次飲cappuccino...都ok好飲喎...不過就好大杯囉...超飽的

行街不斷地有電話...真係有d煩...冇辦法喇...呢排作詞真係作度上左癮..搞到幾多電話傾有關作詞既野...差不多完成苦行憎的上下集了...希望下個星期完之前會完成到吧~

之後行ikea~ikea真係多野買...簡鋪大到死...行極都好似行唔完咁...行到6點...就去食飯and返屋企了...

今天真累呢~行左成日街喇...要早點訓~!