其實我都諗到有呢日...琴晚老豆返完大陸返嚟...佢見到9點幾就訓...跟住不停叫我起身...話我一腳踏兩船...唉...
今朝起身...佢已經捉我入去講...又話到叫左你唔好識...你係要識...又話我會比人騙...又話人地見你蠢就唔要...
又話到時生埋仔女影響下一代...又話我搵兩個...
我同理大佢已經無聯絡啦...只係MSN未刪除佢...搞成咁我都唔想...我都想同佢做朋友...
而家我同科大...都只係一個禮拜見一次...太少啦...佢係唔係打發時間呀...雖然出街佢都拖住我隻手...但感覺不太似情侶...
但太親密關係我又唔想喎...見左佢屋企人啦...佢屋企人同老豆相差好遠呀...睇得出佢地心地好好...佢地係話我唔洗買咁多野...
其實都唔係好多錢...只係D野平JA MA...同佢地飲茶...我收到佢地三封利是...對我嚟講已經好多啦...90元...我真係唔好意思收呀!...
飲完茶之後...同科大一齊行九龍灣...我好快變九龍灣人啦...
今日圖館長佢...十分之不滿意...係咁話我錯...係我錯...得我一個人做野...你正係得過講...雖然而家工作大致上搞掂...
但我覺得應該還有問題架...對於呢個人...真係憎到火爆呀!...我仲星期六係咁無停手做...又話我唔聽佢講野...又話我唔記得...又話我聽唔明佢講野...好多野都係佢交代得唔清楚...樣樣講一半...無講話有講...係唔係佢都針對我架啦...仲有咩好講呀!...
不如意事...一定會發生係我身上...
而家我個心不停諗...如果比理大知道我呢D事...佢一定好擔心...同埋會好關心我...(我諗佢而家日日都唔開心...都係比我做成)
其實我都想有個人關心我...但我竟然揀左個不太關心我GE人...我覺得自己真係好蠢呀...科大樣子又唔係靚仔...
我揀佢...因為樣OK同聰明同考順...真係無嘜要求...
我又會諗...如果當初我生日前無搵佢...我兩個都放棄...這樣係唔係仲好呢...我好似唔適合拍拖GE人咁...我好似對每一樣野都太過擔心呀...同埋好多野都唔識呀!...
其實我真係好想去科大屋企...但佢話唔可以...個心有D唔舒服...既然係見佢屋企人...點解唔可以去佢屋企...佢爺爺問題...
其實我也是啦...我唔可以比佢去我屋企...我老豆而家知道左...但佢話唔想見住...
此時此刻心情真係好煩呀!...
最初我諗...佢地兩個...我都係覺得科大好...
但而家我同佢一齊...又好似無得再揀咁呀...我屋企人都認定左我地一齊...
同埋每次出街佢都負責出錢...令我更加唔洗再諗識過比佢更好的人...
表白佢真係未做過...情人節呢D日子...佢都好似平時咁...(不過就送左少少錢(幾靚呀!)跟住手鍊...帶落又幾靚呀!...睇戲...食飯...第一次食情侶二人套餐...一D都唔低食...咁様都已足夠...
亞媽叫我繼續揀...老豆叫我唔好一腳踏兩船...兩個人性格的對比呀...
今晚返去...好肯定老豆又唔知點啦...希望佢唔好諗埋一邊...好怕佢打我呀!...