喉嚨又開始唔舒服啦...我好似最近食辣同熱氣野多左呀...唉...不想病...呢幾日我都刻意著番多d衫...不過成日比同事話我著紫色...
係呢方面我真係好固執...唔會人地一句就改變自己...都係鐘意自己決定...
而家我好似每個禮拜都約科大一齊行街...其實我地關係非常正常...無咩事...就算將來只係做朋友都無問題...因為佢係我唯一個認識的碩士生...我同佢年紀又接近...只係我天生蠢材...同埋唔係讀書ge材料...
我最緊要學識對感情不能執著...必要時放鬆...不能期望咁大...係我身邊有好多人都比唔同意見我...而亞媽都覺得同佢都無咩問題...亞媽仲覺得佢幾好添...不過就話佢乖過頭...亞媽好好笑咁講...話...過年帶佢番嚟...然後同老豆講係同事...唉...呢句簡直係哂氣...帶個男仔...老豆會諗嘜呀...亞媽呢方面好開通...佢話...帶番嚟唔代表什麼...只係想了解份人係點...但問題係我老豆呢...最近佢為屋企錢事而煩...仲搞呢d野...實衰緊...
其實我有時都諗...唔知老豆見到佢會有咩反應呢...我仲會諗...可能佢地會好岩傾...
fd呀...同事呀...亞媽都話想睇吓佢個樣係點...講真佢又唔係靚仔...又唔係太差...中等到啦...我個樣識得可以有幾好呢...
理大還沒放棄呀...佢差唔多keep住問我幾時得閒...其實佢又唔係衰人個種喎...只係唔想佢係男友...最大問題係個樣...其他方面真係好細心同ok...只係我衰格...所以唔敢亂咁搵佢呀...唔想比希望佢呀...就算當係朋友...但始終我還是要特別小心...
d fd都好擔心我...佢話你同你男友一齊...真係拍得好辛苦...壓力又大...連佢地都可以感受到呀...我亞媽亦知...唉...
二哥無時無刻提我要小心...初時對你係好好...但之後...可能變另一種人...不過我二哥對於將來...佢已經係絕望...佢直情唔敢諗識女仔...一嚟自己未照顧得掂...同埋無能力養人...加上自己身體又唔好...佢話一個人仲好...
以我目前嚟講...我都幾享受拍拖滋味...但又唔係玩人個隻囉...所以先唔敢搵理大...
亦唔係個隻想結婚...諗番起...細細過希望...25-27歲結婚...而家諗諗吓...又唔想住喎...
我同佢都有自己想創的事業...大家都自自由由...不會管束大家的生活...
人真係無十全十美...雖然同佢好少傾計...但我覺得咁樣幾好...自由都幾大...我一樣可以搵我d fd...
同埋去邊都得...只係比d fd話我地唔似拍拖...可能呢d...就係我响往的生活...