突然之間覺得好奇怪呀!第一次一個男同我慶祝生日...第一次同男去渡數...第一次慶祝情人節呀!...個心真係好驚好驚...我真係點都估唔到...係網上識男朋友架...我又唔係特登去識...點知都比我識左兩個大學生...不過我自己都決定左...揀科大...
理大之前話約我情人節睇戲...我仲諗咁科大會唔會約我呢...結果今日有答案啦...佢叫我記住呢日添...而家個心好似怪怪地咁...
其實呢日約唔約我都無所謂...真係佢約我先出JA...希望出街D人唔好咁恐怖啦...
而家亞媽又見完佢啦...跟住23號寶兒生日...到時佢就會再見我亞嫂同兩個亞哥...唔知到時點呢...
原來拍拖GE感覺真係好奇怪架...真係每日都會諗起個個人...我還是會提醒自己...不能用情太深...懂得放手就放...
我諗我真係好緊張呀...帶佢見我亞媽...我真係成晚都訓唔到...跟住而家改為16號見佢屋企人...仲要飲茶添...嘩...快要嚇親飽啦...
我近排買衫真係多...其實仲未買完...柴灣商場個間都未買...終於買左對少少紫GE波鞋...同埋去街鞋...
我近期不停留意有咩野可以買比佢屋企人...我終於揀到就係燕窩啦...希望會鐘意啦...價錢OK...可以接受...
我仲會諗...洗唔洗再買D野呢...好像唔夠分咁...定係我實在太多心呢...好煩腦呀!...
唔知到時佢屋企人會有咩反應呢...第一次送野比人...真係好鬼驚...
再諗...還有第一次送禮物比男呀...太多第一次啦...
近來我老豆每次都問我...出街去邊...同邊個...
佢實在太聰明啦...真係遲早都比佢知...
不過而家呢個時間...廢事搞到屋企更加煩...好怕見到我老豆好惡的反應呀...