琴日講到話公司今日有一件好事同一件壞事宣佈~
好在...並唔係我諗既咁可悲~~~
好事就係後面區域既同事可以脫離dirty既蚊子世界~~
壞事就係前面區域既同事將會受到污染~~~
對我黎講簡直係壞事啦~~要我坐o係垃圾崗~~而且同mandy隔得好遠~~一頭一尾~~
下星期返去我就要同dirty既同事A(anthony)調位~~
佢真係超dirty架~~可以就咁吐d口水落自己位個垃圾桶到~~
今日放工前我地就將d野搬晒過去~~
但我只係放左d野o係地下個紙箱到~~
下星期我要帶d消毒藥水返去抺過晒d位先放野~~
我連垃圾桶都換埋呀~~佢實在太dirty啦~~我接受唔到~~
睇黎要買個空氣清新劑返去放o係個位到~~因為個位有陣味~~
最衰個櫃筒唔可以成個對調~~因為左右擺位唔岩~~
聽聞佢會將d抺完鼻涕既紙巾放入個櫃筒入面~~又放過pizza入去~~(仲食得架??)
原本我係將個袋放入去櫃筒既~~搬左過去之後我絕對唔會放野入櫃筒~~
我對面既tommy知道anthony將會坐佢對面....佢就問~
<其實公司可唔可以種盆栽架?我覺得有需要買盆食人花返黎食d蚊子囉>
hahaha~~~笑死我~~跟住我叫佢要買10幾盆返黎, 一行過咁放o係前面隔開佢~~
調位既原因應該係anthony成日都同對面既阿姐anne鬧交~~成日聽到佢地o係後面開火~~
anne頂唔順佢, 所以要求調走佢~~
我要對住阿姐坐啦~~要打醒12分精神至得~~希望我唔會同佢開火啦~~
聽日講下公司各同事既性格先~~仲有相睇添呀~~
之前有同事生日~~有日成班夜晚出去食飯影既~~我會post埋上黎~~^^

今晚我帶左hoho去R66旋轉餐廳食buffet慶祝生日~~
個view好正架~~雖然d野食選擇唔多, 但對住維港食飯都抵返晒啦~~^^
未上去食之前...諗住去禁$$入八達通~~點知發生左件低能事~~
依家好眼訓~~聽日再講~~聽日post埋o係旋轉餐廳影既相上黎~~^^