琴晚...我地2個最後都係無下廚~haha~
落左apm行左陣...跟住就食飯~再等埋浩文過黎一齊行....
佢成身adidas look走入間adidas鋪頭~同入面d staff既制服簡直係一樣~
唔知以為佢係入面做架囉~hahaha~~
之後又上左機鋪陪浩文打機....
我同karrie又玩氣墊球....我又輸畀佢....=___="
出埋矛招用手遮住都係輸畀佢...6比1....=___="
下次要搵個weak d既對手先得~
玩到11點幾...就返去karrie屋企...我地先去掃左一大堆零食加2支diamond black~
haha...我地曳曳呀...2個女仔學人飲酒...我地要借酒澆愁...
可惜我唔飲酒...如果唔係都幾想隊支勁野跟住大覺瞓....


haha~我地d戰利品~~仲有我至愛既士多啤梨~~>w<
當然...我地無食晒啦~只係食左一盒士多啤梨同2包薯片~~
我地有諗過買一大盒drys雪糕返黎食架~(唔知有冇串錯添)
後黎因為要去打機...打完機d supermarket都close晒lu~


我洗完d士多啤梨唔知可以放o係邊...見到karrie d杯咁大就囉左黎裝啦~
karrie話好靚...叫我影底佢~~更係~我裝架喎~~haha~~


食完野...敷埋面...瞓左o係張牀到...
跟住佢個仔同我個女黎左場貓狗大戰~~haha~~
2個女仔走埋一齊就係咁傾計...傾到3點幾先肯瞓覺...


今日點幾先起身...沖埋涼...整埋容...3點再出街~~
搭巴士無聊又玩自拍~~幾靚喎影得~haha~~>w<
我地係07年既樂壇新組合"豬鼠"..(音:芝士)
因為我係豬佢係鼠...再用埋鄭中基既口音黎讀就係"芝士"啦~~
karrie媽話..."唔怪得你咁鍾意係芝士腸啦~"


呢支野...道地既花旗蔘烏龍茶~~
我飲完行埋karrie到...佢同浩文既第一個反應都係..."做咩突然咁大陣青椒味既?"
當我飲完之後...發覺自己真係幾青椒味...
我諗住佢係屋企果d人蔘烏龍茶咁既味...所以先會買黎試....以後唔再飲啦~~