星期日晚去左APM, AARON攪DVD簽唱會~~^^
自從2月既concert之後都無見過佢啦~~fans club又無攪活動...
知佢忙緊拍戲同攪世界巡迴演唱會.....仲有~同熊小姐一齊...但都應該抽少少時間畀我地班fans丫~~
佢同熊小姐一齊, 有好多fans都唔鍾意~因為熊小姐太高調~~
我初初都唔鍾意佢架~覺得佢都唔靚, 唔襯aaron~~
但後黎覺得佢都無乜野丫...好似越來越靚~~
諗諗下, aaron鍾意同邊個一齊關我地d fans咩事呢~~
又唔係我地對佢成世~~換轉我地同邊個一齊, 身邊既人點反對我地都唔會理架啦~

諗諗下, 其實皇兄同邊個一齊關我咩事呢~我為何要加以評論呢~~haha~~^^"


講返個簽名會先...勁型呀~~aaron揸住架林寶堅尼入場~~架車好型呀!!!
有個問題...架車由邊到入黎商場架呢...好似到到既入口都好細架喎~~
唯一闊既係得mtr果邊條路...但有樓梯架喎~~難道架車係吊上黎既??
今次無grace同靜兒陪我黎...grace唔得閒...靜兒仲o係新加坡~~
好在aktak叫我同佢一齊~~^^佢好早就到左排定隊~~好前呀~~^^
亦因為咁, 入到場我企左o係個最有利既位置~~^^好近咁睇到aaron~^^

t-shirt 牛仔褲+白色西裝褸, 超型!!!
我都有著佢件T呀~不過我個公仔係彩色~~(難得既機會, 更係要著下啦, 唔係真係買黎擺咩)


呢2個小aaron好得意~~尤其係細粒果個...
佢2個學aaron跳<舞林正傳>好攪笑~~


同aaron合照係我既願望之一....今日我終於都達成啦~~
但...佢唔知望左去邊囉~死野!!!死蠢~~haha~
唔制呀~~>"< 下次有機會一定要再影多張好d既!!!
平時既簽名會都無得同aaron合照既~~
今次, 可能我地排得前啦~~d人竟然無趕我地走~畀我地影~~^^
聽返d fans講...之後都唔畀人再合照啦, 一上到台就叫d人收埋相機~~
好彩aktak排隊排得咁前咋~~~好彩~好彩~~^^


叫左aaron寫merry x'mas to sakura~~^^
haha~~今次寫得我個名ok靚喎~~~開心~


左邊2個係今日新識既朋友仔~~阿荺同June...我隔離既就係aktak~~^^

upload晒d相上facebook啦~~大家入去睇啦~~