呢日...4朵金花又可以聚首一堂~~^^
佢地陪我呢個傻婆去試婚紗~~
我試2點...約左佢地1點O係九龍塘MTR等~點知自己遲到~~等karen一個準時仲要早到半個鐘!!真係唔好意思啦~><
仲諗住可以一齊去食少少野先去試~(因為知道我地唔會有人食左野既~)
就係咁~~我只係o係屋企飲左杯奶就去試啦~~haha~~可以瘦d~
我地4個一齊好興奮咁揀揀揀~~~但花多眼亂, 同埋好似睇黎睇去都差唔多樣咁~~
我有4套衫可以揀~~其中一套係hello kitty婚紗~~^^
揀左好耐先揀到6套婚紗, 6套晚裝~~而hello kitty就好快咁揀左2套~~ha~大家對住kitty婚紗都好興奮~>w<
著第一套出黎, 佢地果個睇到嘩嘩聲~~感覺自己好似公主咁~~haha~>w<
著住婚紗感覺好幸福呀~~ 好想即刻畀hoho睇下我著婚紗個樣~~佢一定會望到眼定定~~haha
但可惜唔畀我地影相~~>"< 但點解我唔用3G即時畀個樣佢睇呢~~唉~死蠢!!

一路試...佢地就一路話我ok瘦~~d婚紗背後都要拮大頭針先fit到我~~所以影相唔可以影背面~~唔係會穿煲~haha
但我依然覺得我隻手臀好肥呀~~~><點可以瘦d呢~~~
經過大家既一番評語~~最後揀左1套婚紗, 2套晚裝~~
而hello kitty呢....未試前揀相已經揀中我既dream wedding dress~~^^
karrie仲同婚紗姐姐講話唔洗畀我試啦~因為我已經決定左要呢件~haha~~
後黎婚紗姐姐同我講...kitty既相最少要晒12張造相簿~如果成本野得一套衫好似單調左d~
同埋我果時又試緊另一套~都覺得好襯我~~
跟住姊妹們亦同我講, 一世人一次, 又係你至愛既kitty咁特別~揀多套啦~~唔係日後一定會後悔~~
最後...我更係畀kitty蒙蔽左啦~~haha~~~我唔想將來後悔姐~~^^
就係咁...要加多$1280, 加多套kitty婚紗~~即係我total有5套衫影~~^^

今日先知原來影相佢無花球借畀我影架~~
跟住我地試完就去左花墟睇花球~~
但睇唔岩呀~~我想搵絲花花球, 可以留返下年行禮用嘛~~haha~
但成條街得2間賣絲花~~價錢又貴~~本想買d一支支既花返去自己整~~橫豎我以前都成日整花球送畀人~~
呢d手作仔應該難唔到我既~~但好可惜.....我睇岩果d花咁岩又畀2個酒樓職員掃晒~~><
結果....就無買啦~~打算返去上yahoo搵下有冇~~
之後我地去左唱k~~好即興呀~~話說原來佢地3個o係我換婚紗既時候已經講左想去唱k~我地原本個行程係打邊爐架嘛~
後黎...因為佢地唔畀我食野...要我keep住最佳狀態~~
所以就決定去唱k啦~~橫豎我都唔食得野...就唱飽佢啦~~haha
我地由6點幾唱到12點幾~~good呀~~盡興己歸~^^
但無去到海港城影相添~~>< 只係o係又一城影左少少~~


呢個就係我既dream wedding dress啦~~胸口有個叉~好靚好特別~~^^


好開心新天地都有呢個style~仲要係我至愛既kitty~~~^^


黎緊既星期日就影啦~~我要作最後衝刺~~keep到最fit !!!