6月30日...係hoho牛一既大日子~~
我呢個未婚妻因為琴日玩大左~~無整蛋糕過佢~~
昨晚唱完k, 零晨點幾臨急臨忘走去7仔買左個孖寶蛋糕當係生日蛋糕~~haha

插返個生日牌, 點起支蠟燭都幾有氣氛丫~~

呢日我地又去玩啦~~約左皇兄同皇嫂去歡樂谷~~^^
皇兄唔知點解又同返皇嫂一齊啦~~不過都鄧佢地開心~~
咁咪好囉~~唔好再揀啦皇兄~~我認定佢做皇嫂架啦!!!

未出發, 先興奮~~
興奮既係....喺M記食早午餐既時候, 見到一箱箱既KITTY運到黎~~
幾想成箱搬走佢呀~~~
 

一出發, 勁眼訓~~
因為前一晚3點幾先訓...第2朝9點幾就起身~~個樣勁恐怖~~
搭車途中, 我以hoho強勁既臂彎作枕頭~訓左半個幾鐘~~總算叉到少少電~~^^


一到步~天色勁好~~久違了的藍天與白雲~~^^
原來生日有優惠架~~6折!!!



皇兄皇嫂將會成為我地婚禮既伴娘同伴郎~~^^

歡樂谷我細個時都去過一次~~好似係佢岩岩開果年去~~
唔知點解今次再去~好似無乜野玩咁既~~唔見左果個滑浪飛船~
卻多左好多動感影院之類既機動遊戲~~
連disneyland果個巴斯光年"招招招"都有~~
佢地3個玩到由9分至90幾分不等~~我有290分~~畀佢地話我痴線...=.="
玩左幾個剌激既機動遊戲之後, 6點幾就離開啦~~

出左樂園門口之後發生左個小插曲~~
話說我地出左門口無幾遠, 有個小朋友拎住d花走埋黎叫我地幫佢買~
我地更係唔要, 走人啦~~容乜易一陣成班走埋黎呀~~
點知...個小朋友攬住皇嫂隻腳唔放~
皇嫂叫佢放手佢唔放, 皇兄又喝止過, hoho亦喝止過, 佢都係唔放~~
正當皇兄想一腳踢開佢既時候~~
我走埋佢身邊, 用凶狠既眼神望住佢~先"喂"佢一聲~~再叫佢放手~佢望住我但照抱住唔放~~
跟住我"look"大隻眼~~好大聲咁叫佢放手~~
佢先肯放手走人~~~
皇兄同皇嫂都畀我既表現嚇親~~佢地都未見過我發惡既一面~~haha
我喺佢地面前係一個斯斯文文既乖乖女黎架嘛~~

之後我地又去左東門行街~~皇兄要買衫換, 因為佢玩到變左臭男人~~
跟住去左pizza hut食晚餐~~深圳既pizza hut好呃錢呀~~
幾百蚊既3人套餐~無湯飲既~~(唔知點解無4人餐喎)
跟住d野食應該係3人份量嘛~~佢夠膽死畀得2件羊仔脾我地~~
個甜品仲經典~~mango cheese~~諗住佢一人一件啦~
點知畀得一細件...夠得邊個食???要打場交先有得食咩??
so crazy!!!!

食飽飽之後, 我地打的去福田揼骨~~
揼完又零晨2,3點搭皇巴返黎香港.......
都話過去前畀我去買con水架啦~~咁咪可以喺果到過夜~唔洗咁辛苦啦~><